![](https://www.openrice.com/userphoto/CMSContent/0/8A/001MZX75CA57347C35CCA6j.jpg)
想大大啖食肉、細細啖飲酒一嚐地道風味串燒,「小野人KOKA」絕對係首選!! 呢度人氣No.1有大漠烤羊肉串,仲可以燒一系列新鮮海鮮,兼飲埋巨杯元氣森林水果茶,一齊致青春~
![](https://www.openrice.com/userphoto/CMSContent/0/8A/001MZYCA11A0FA2E96787Bj.jpg)
經典燒烤串燒一向受人喜愛,將高質食材同獨特烹調技巧完美結合。平時返工返學忙完一輪,放假同朋友去燒烤店食串燒放鬆吓啦。
![](https://www.openrice.com/userphoto/CMSContent/0/8A/001MZZ0A4696B2D89B323Bj.jpg)
「小野人KOKA」位於將軍澳澳南海岸地段,店內空間感十足。
![](https://www.openrice.com/userphoto/CMSContent/0/8A/001N0019CD28896B3CA67Bj.jpg)
裝潢簡約,以木質及清新裝潢打造舒適用餐環境,營造溫馨自然氛圍,好啱一班人歡聚㗎。
「小野人KOKA」以新鮮、高質食材吸引唔少熟客,有多種口味獨特嘅燒烤單品。無論係牛肉、豬肉、雞肉定海鮮,每一款食材都經過精心挑選同處理,確保口感鮮美。店家擅長運用特製調料同煮法,做出各種獨特風味。此外,「小野人KOKA」仲提供多種特色飲品、啤酒,圓滿用餐體驗。
【就是要吃串燒】銷量No.1大漠烤羊肉串!
呢度選用國宴御用羊肉—寧夏鹽池灘羊,12個月羊仔肉質鮮嫩,並有特殊奶香味,係本店銷量No.1大漠烤羊肉串嚟㗎!
![](https://www.openrice.com/userphoto/CMSContent/0/8A/001N01C3B758D49DB4CC66j.jpg)
大漠烤羊肉串
選用西班牙黑毛豬,五花肥瘦均勻、肥而不膩。大廚以大火烤製鎖住肉汁,同時逼出油脂香氣。
![](https://www.openrice.com/userphoto/CMSContent/0/8A/001N029CC94689DC68F3B9j.jpg)
黑豚豬五花肉
如果你係香脆口感控,一定會鍾意呢道脆卜卜嘅雞軟骨。可辣可不辣,飲埋啤酒就最啱啦。
![](https://www.openrice.com/userphoto/CMSContent/0/8A/001N0390505277858840D2j.jpg)
雞軟骨
游水海鮮 即叫即燒
新鮮游水蝦特別鮮甜,全部即叫即燒,微焦蝦殼配埋椒鹽、調味粉勁惹味。先食爆膏蝦頭;再食彈牙蝦肉,嗜蝦者必愛呀。
![](https://www.openrice.com/userphoto/CMSContent/0/8A/001N0562E4A9F47B292FBFj.jpg)
燒蝦
美國刺身級生蠔肉質軟嫩、蠔味濃郁,配埋自家製蒜蓉醬新鮮烤製。食嗰陣先飲啖鮮味蠔湯再食蠔肉,肥美生蠔爆出蠔汁,回味無窮。
![](https://www.openrice.com/userphoto/CMSContent/0/8A/001N060CA754E72E08A831j.jpg)
生蠔
日本空運大扇貝+秘製蒜蓉粉絲一齊燒製,扇貝海鮮汁滲晒入粉絲,絕對係精華所在呀。
![](https://www.openrice.com/userphoto/CMSContent/0/8A/001N07B6B9C89E80D271ADj.jpg)
扇貝
小黃魚以獨特風味醃製,魚皮燒到好焦香,同時keep到魚肉水分做到外酥內嫩,加埋調味粉香口鮮味。
![](https://www.openrice.com/userphoto/CMSContent/0/8A/001N083DC86C1413164E3Aj.jpg)
小黃魚
還有更多必點串燒 特別推介: 元氣森林水果茶
每日嚴選新鮮茄子,慢火烤製15分鐘做到juicy香甜。配埋秘制蒜蓉醬一齊食,原汁原味絕對美顏首選。
![](https://www.openrice.com/userphoto/CMSContent/0/8A/001N09138691ACAFFA89B1j.jpg)
蒜蓉烤茄子
韭菜經冷水浸泡後大火速烤,最大限度保留韭菜水份。燒製時掃上醬汁即可,係韭菜香嫩秘密嚟㗎。
![](https://www.openrice.com/userphoto/CMSContent/0/8A/001N0A12CA77A5741A1C48j.jpg)
烤韭菜
自家製芝士醬係將3種產地芝士,混合高湯、牛奶低溫慢煮,最後加入牛油調味。將綿密芝士醬滿滿淋上出前一丁,再灑上帕馬森芝士碎燒至輕焦,做出極級拉絲!一定要趁熱食呀。
![](https://www.openrice.com/userphoto/CMSContent/0/8A/001N0BAD2EFF39B2A6AABAj.jpg)
厚重芝士撈丁
清湯以慢火熬煮4小時以上,加埋清酒、薑絲滾煮鮮活大蜆。用中火煮至大蜆開口後,微煮15秒即刻上枱,係最最最保留到大蜆鮮甜精華嘅黃金時間,食落仲好爽口嫩滑。
![](https://www.openrice.com/userphoto/CMSContent/0/8A/001N0CF450384BAC2D2E4Aj.jpg)
清酒煮蛤蜊
甜粟米切到細細件,食嗰陣好方便呀。大廚將秘方醬汁、調味粉均勻抹上每件粟米,甜甜辣辣,大家食完都忍唔住又想再食!!
![](https://www.openrice.com/userphoto/CMSContent/0/8A/001N0DCE917DE5FD264F85j.jpg)
墨西哥玉米
水果茶可以食到好多新鮮水果,勁足料!配搭斯里蘭卡紅茶,茶香清甜,好啱邊食邊飲解解膩,順便補充一日所需維他命,美顏健康㗎。
![](https://www.openrice.com/userphoto/CMSContent/0/8A/001N0E9E6A2980EDACF936j.jpg)
元氣森林水果茶
小野人
地址: 將軍澳澳南海岸唐俊街23號MONTEREY Place地下G25A號舖
電話: 28612862