驚安燒肉商店

營業中

休息中

最近工作都好忙，上星期放工同同事一齊去食好野。今次嚟左位於尖沙咀既驚安燒肉商店，係厚福街附近，非常方便。店面闊大，有分卡座同Bar檯。 食物方面，店舖會採用日本岩手黑毛牛同美國牛，質素唔差👍🏻。建議大家叫返一個牛肉九宮格，唔洗逐樣點就可以食到9款牛肉。賣相最靚一定係左上角既三角腩，油脂分佈好均衡，入口軟嫩。左下牛舌芯爽口彈牙。中間既和牛五花，牛味濃郁。右中既一口和牛食落好嫩滑。除左九宮格，我地仲叫左份「蝴蝶切和牛牛頸脊」，係指牛頸上一塊經常活動既肉。柔嫩既牛肉上面佈滿油花，口感肥嫩而且有牛味，燒完仲富有肉汁！除左燒肉，我地叫左兩款主食。炒飯新鮮炒起，米飯粒粒分明又唔油膩，仲有D和牛粒添。和牛拌冷麵係用左青桔仔汁調味，配埋灸燒牛肉一齊食幾清新。咁難得放工一定要傾吓偈啦，我就一定會叫返份炸雞軟骨。外層炸到香脆，落埋調味就幾香口。唔少得叫返杯啤酒。依家佢地Sapporo生啤仲做緊買一送一*。啱晒同朋友一齊嚟chill返杯～～

放工去到尖沙咀呢間日式燒肉店，食靚牛埋個靚年尾呢度嘅選擇好多，樣樣都想食啲，嗌九宮格比較抵玩，有和牛三角腩、和牛五花、和牛赤身、極黑和牛、和牛三筋、一口和牛、厚切牛舌芯、韓式護心肉同壺漬牛肋肉其中三角腩真係肥美非常，一燒就好惹火，入口即化。其他牛肉都好厚切靚肉，唔使燒太熟，已經好有肉香油香除咗自己燒，有啲菜式會由專人操刀代燒，好似和牛壽喜燒，店員會先問燒幾成熟，大胃揀五成佢就燒至半生熟，點醬再將牛肉放喺一口飯上，呢種享受太正喇牛大腸都需要有勞店員，第一次食燒牛腸，真係大開胃界。首先佢會將牛大腸剪開成一片，一路燒一路搶火，垂油肉滴燒好就剪一嚿嚿易入口，經韭菜同蒜片醃味，牛大腸既有彈性又惹味芳香除咗燒肉，仲可以以串燒方式享用，和牛棒撈蛋同醬汁，甜甜鹹鹹配合嚼勁口感確實不錯芝士年糕點煉奶食非常香甜，中和芝士餡嘅鹹膩綿滑食咗咁多肉，都要食啲菜嘅，野菜盛都幾平，有南瓜、翠肉瓜、雞髀菇、秋葵同菠蘿，由於翠肉瓜售罄，就以多份南瓜代替，但都好爽甜薯仔沙律用咗卡樂B薯片碎做點綴，增加口感，突顯沙律嘅綿現場好多人都嗌手打檸檬茶，見水吧不停地擊打檸檬，就知有幾正啤酒買一送一都好吸引，吸引到大胃一個飲兩大杯先

#MC帶你去尖沙咀.天氣凍凍地，就想打邊爐或者食燒肉！今次就試咗尖沙咀CP值高嘅日式燒肉！➖✨ 驚安燒肉商店.餐廳主打日式燒肉，有多款高質牛肉，以及特色配菜和飲品；餐廳環境寬敞闊落，而且抽氣通風設計完善。➖🥢 手切和牛三角腩｜$188 ✨推薦✨.和牛呈清晰網狀油花，油脂分佈平均，入口充滿油脂甘香，口感軟綿嫩滑！➖🥢 韓風護心肉｜$98.肉質厚實帶點嚼勁，油脂感唔重，充滿香濃肉味，烤肉必點。➖🥢 厚切牛舌芯｜$88 ✨推薦✨.粉嫰色牛舌芯，質感綿彈，超軟腍爽口；無多餘調味，肉汁鮮嫰香甜。➖🥢 壺瀆牛肋肉｜$88.小壺內以蘋果、雪梨、薑及醬油醃製牛肋肉，更加突出濃厚牛味！牛肋肉油花分佈豐富，入口牛香嫩滑。➖🥢 蝴蝶切和牛牛頸脊｜$188.4大片厚身和牛牛頸脊，脂肪比較少，入口肉味濃郁有嚼勁，加上蝴蝶切令口感更有層次，超美味！➖🥢 Sapporo生啤｜$48 ✨買1送1✨.燒肉配啤酒，依個黃金定律！！大大杯冰凍札幌生啤酒，口感醇厚紮實，入口有濃郁麥芽香。➖⚠️ 限時優惠.🈹 午市時段（12點至4點）及宵夜時段（晚上9:30後）享有全單 59 折優惠！🈹 生啤（Sapporo）買一送一➖➖➖➖➖

冬天最啱圍爐取暖，呢晚圍嘅係燒烤爐🔥 嚟咗尖沙咀食日式燒肉，呢間餐廳叫得驚安，食物果然係高性價比🥰 所以我哋都叫咗好多款食物啊 。上•九宮格呢個真係超值之選，有9款牛肉原價都只係$388，優惠時段有埋59折就只需二百幾蚊，真係超級平 。九款肉包括和牛三角腩、和牛五花、和牛赤身、極黑和牛、和牛三筋、一口和牛、厚切牛舌芯、韓式護心肉同壺漬牛肋肉😙 特別鍾意油脂豐富嘅和牛三角腩同惹味嘅壺漬牛肋肉😆和牛壽喜燒呢款比較特別，係唔需要自己燒嘅，而係店員喺你面前，用火槍將牛燒熟，再浸入黑松露生蛋黃醬 。牛肉半生熟，加上醬汁好滑溜啊😎 特大薄切牛舌雖然頭先嘅九宮格已經有牛舌，不過呢款係薄切嘅，食落就更加爽口啦 😋柚子漬雞肉山每件雞肉都好大塊，堆起上嚟真係有座小山丘㗎，柚子漬令口味更加清新，唔會油膩😌日式薯仔沙律除咗有薯仔，仲有蛋白、洋蔥同蟹籽，最特別嘅係上面有卡樂B薯片，第一次試咁樣嘅配搭，又幾夾喎🤨蒜香炒雜菇呢碟嘅味道好香，菇味滿溢，都幾有鑊氣㗎😉葱香月見飯有咁多肉，梗係要叫返個飯嚟送啦 。揀咗呢個飯面鋪咗香蔥同洋蔥嘅飯，加埋蛋黃都係好正，一啖燒肉一啖飯就perfect啦🍚Sapporo生啤食燒肉仲

期待已久的一間燒肉店🤩之前見網上介紹的文章已經很想去♥️約了很久終於約到今晚去吃啦～而且原來午市和晚上9點半後的宵夜時段還有59折，折後真的划算很多🔥肉肉的品質也都很好，是可以一去再去的店👍🏻牛肉的部分分別點了三款，原條牛舌是店員推薦的～半份是二人份的量由店員幫忙烤熟，不怕自己烤得太過會不好吃🤣烤好後的肉質爽彈，加上檸檬汁一齊吃更清爽不油膩🔥和牛三角腩的油花比較多，烤至半生熟就能吃，肉味濃，油脂味道更很豐富，有入口即化的口感🔥和牛牛小排的油花相對平均些，肉質也十分軟嫩，肉味更濃一點♥️雞爽肉是阿婆最近比較喜歡的一個雞肉部位，爽脆的筋肉位置用來燒烤真的十分合適♥️量也給得蠻多的，一個小山滿滿的肉肉🌟熟食類的小吃品質同樣不錯，和牛棒肉味香濃，蘸蛋黃醬汁一齊吃更好吃🌟香印青提牛肉卷味道很豐富，青提清爽、牛肉味香，配一起吃清新不膩口♥️紫菜月見飯的味道很好🔥紫菜給很多～把拌飯醬和蛋黃攪拌均勻後一口吃下去，很香🤩米飯也是有咬口的那種，表現喜歡🥰

一次過滿足9個願望，嚟《驚安燒肉商店》試吓佢哋嘅〖驚安九宮格盛合〗，試勻咁多個部位！🐮驚安九宮格盛合 $588✰ 沙巴當磚｜特上牛舌芯｜牛頸脊｜和牛五花｜和牛三角腩｜和牛友三角｜極黑和牛｜一口和牛｜壺漬牛肋條✰全部油花都勁靚仔✰食晒圍邊8款先食中間大佬「沙巴當磚」✰沙巴當磚真係不得之了，豐富嘅牛脂油花，色澤已經睇倒勁靚，仲要厚切！燒完入口即溶勁勁勁勁好味！配埋啖飯一齊食更美味😋💁🏻‍♀️如果唔係款款牛都咁啱心水，可以揀〖自選九宮格燒肉盛合〗，多款肉類可以自由配搭揀9款！🤩🍛葱香月見飯（微辛口） $28✰月見飯多數都係配紫菜/味素，見倒呢個蔥油味嘅月見飯覺得幾特別。加咗小蔥同洋蔥帶少少辛辣味，香濃日本蛋黃香撈埋個飯食好滋味🫶🏻🍻Sapporo生啤 $48 買一送一‼️✰最近都發現好多間燒肉店/日料店有呢個優惠！認真抵飲🥳店內仲有其他特色嘅和牛盛合選擇，價錢唔太貴下次可以試吓。兩個人嚟食其實如果唔太大食，叫一個盛合加個飯，我覺得已經夠😂😆💵2人份，人均$368