藝廊咖啡室

今日去咗機場藝廊咖啡室食lunch buffet,價錢連加一，大約$150 (用預購coupon),首先，坐位，檯與檯，空間ok的，唔會太窄，食物質數很好，如果只係 $150,已經很好，我食咗 3 轉海南雞飯，雞唔肥，油飯，飯香，調味 , 醬，好味，跟埋個湯，湯唔會太鹹，另外，食咗沙律，沙律菜，夠凍，凍蝦，好味，很新鮮，飲咗2杯意大利咖啡，twinning的english breakfast tea, 食咗 6 球movenpick雪糕，食咗碗拉麵，即切Ham, 好味，仲有其他熱食，咖哩，未試，因為，已經很飽，只可以說，值得一試。…查看更多

復活節就梗係要搵啲節目慶祝下啦，今年就去咗機場富豪酒店食自助餐，依度價錢算係平價啲，假期都係4、5百蚊咁，所以黎依度試下。我6點半左右黎到，見到最受歡迎既長腳蟹已經無哂，咁食住其他野先啦，好在轉個頭老婆見到佢refill攞咗4條蟹腳先有得食，因為之後都無再見過有長腳蟹攞，一來佢依度唔係好常refill，二來原來依度啲人係好自私既，一個人已經差不多攞哂全部，攞到成座山咁，你把握唔到機會根本可以係全晚都食唔到長腳蟹既，各位真係要有心理準備。另一個重點係Movenpick雪糕，佢有成十幾種味你揀，而𢳂雪糕既哥仔又係全晚見到服務最好最正常既員工，因為其餘既服務員好似唔識講野咁既，又唔會主動幫你加水。我見雪糕哥仔全晚都𢳂到停唔到手。…查看更多

多得朋友是機場職員，跟他一起到機場富豪酒店吃午市自助餐，連加一也只不過是$120,食物種類超多，我每款只試一口亦要捧着肚子離開，還不肯定是否已一網打盡。我敢說：以這價錢的消費，沒可能找到比這裡更豐富的食物！我朋友較喜歡蔬菜，他欣賞這裡新鮮的沙律菜，當天所見，的確如是，其中一盤還有方塊芝士混和其中，盡顯矜貴。旁邊的冷盤有西班牙火腿、肝片、煙三文魚等，再過去便是青口、凍蝦、小龍蝦及翡翠螺，以午市自助餐來說已有平均線上了。要稱得上國際自助餐，各國美食是少不了的。這裡的日本代表有壽司四款，但卻沒有最受歡迎的三文魚和吞拿魚，壽司飯亦較鬆散。雖有日式冷麵和醬油蘿蔔，但仍難免給人濫竽充數的感覺。這裡的重投戲是泰國為主的東南亞食品。冷盤有泰式牛肉、蝦和木瓜沙律。熱食有泰式咖喱雞、咖喱鴨、豬肉串燒、泰式春卷、炒雜菜；主食有泰式河粉，還可配冬蔭功湯(少了椰汁和蝦頭的味道)； 甜品有紅荳糕； 東南亞食品有海南雞飯，我覺得味飯比海南雞更美味； 此外還有咖喱牛、咖喱魚和印度脆餅等。 這些食物的味道不太差，但卻又並非特出。其他的熱葷還有烤羊脾、燴雞、烤鴨、魚龍利柳、豬手(不夠腍，不夠味)、蒸魚(不滑)、辣酒煮翡翠螺(不是花螺，效果稍差)和貴妃雞等；素食有烤西蘭花/椰菜花/馬鈴薯、炒芥蘭等......不過又炒得過了火，似乎這裡的廚師要深造一下了...不過以$120的價錢卻想得到高水準的享受又似乎有點吹毛求疵。這裡有兩款pizza,甜品有美味的木糠布甸，又可將紅荳沙撈荳花，更有12款Movenpick雪糕無限供應，淨食雪糕已值回票價了，何況這裡的蛋糕甜品亦很不錯呢！結論是：以原價享用，不值； 有折扣，可以一試； 若以$120享用的話便非常超值，特別推介給大家。…查看更多