更多
2020-03-30
1017 瀏覽
呢日約左個好耐無見嘅中學同學聚下，廢事行嚟行去，就搵個好坐啲嘅地方食個Tea吧😊。上網見到世貿隔離幢535 Tower有餐廳有得食Afternoon Tea喎，仲要唔算貴，就試下啦。門口幾隱蔽，行過真係未必留意到🙈，要上樓梯到一樓先係餐廳。我哋估唔到連條樓梯嘅裝潢都特別過人，下半段用上鏡面，上半段就似係海洋／水族館主題。坐低後都唔使點睇餐牌，因為我哋一心預咗叫Deluxe Afternoon Tea Set✨($288 for Two)。下午茶包普通檸茶、檸水、咖啡，轉特飲就跟餐牌原價每杯減$20。Tea Set賣相幾精美，但整體比想像中精緻😂，個Set有8款小食：3款鹹同5款甜。個人認為鹹點較為出色，包括蟹肉脆餅、鮮蝦多士同A5「 日山和牛 」蕃薯餅。三樣都幾好食，特別係前面兩種，用料新鮮👍。甜點差異就大啲，有部份餅乾、蛋糕類就比較普通。不過意大利芝士杯(Tiramisu)好正😋，咖啡同酒味調和得好好，口感夠Creamy。另外，抹茶雪糕亦都幾高質🤤，個造型好似磨菇咁，細細粒。傻更更嘅我哋一開始掛住影乾冰飄煙嘅仙氣效果，影完唔記得咗佢係雪糕嚟，搞到食咗其他款式先食佢。好彩嘅係出面層白朱
呢日約左個好耐無見嘅中學同學聚下，廢事行嚟行去，就搵個好坐啲嘅地方食個Tea吧😊。上網見到世貿隔離幢535 Tower有餐廳有得食Afternoon Tea喎，仲要唔算貴，就試下啦。
門口幾隱蔽，行過真係未必留意到🙈，要上樓梯到一樓先係餐廳。我哋估唔到連條樓梯嘅裝潢都特別過人，下半段用上鏡面，上半段就似係海洋／水族館主題。
坐低後都唔使點睇餐牌，因為我哋一心預咗叫Deluxe Afternoon Tea Set✨($288 for Two)。下午茶包普通檸茶、檸水、咖啡，轉特飲就跟餐牌原價每杯減$20。
Tea Set賣相幾精美，但整體比想像中精緻😂，個Set有8款小食：3款鹹同5款甜。
個人認為鹹點較為出色，包括蟹肉脆餅、鮮蝦多士同A5「 日山和牛 」蕃薯餅。三樣都幾好食，特別係前面兩種，用料新鮮👍。
甜點差異就大啲，有部份餅乾、蛋糕類就比較普通。不過意大利芝士杯(Tiramisu)好正😋，咖啡同酒味調和得好好，口感夠Creamy。
另外，抹茶雪糕亦都幾高質🤤，個造型好似磨菇咁，細細粒。傻更更嘅我哋一開始掛住影乾冰飄煙嘅仙氣效果，影完唔記得咗佢係雪糕嚟，搞到食咗其他款式先食佢。好彩嘅係出面層白朱古力鎖住咗佢，令佢無溶到。
英式鬆餅Scone係下午茶必備嘅心點😆，呢到配備忌廉同果醬可搽。我略嫌Scone乾身咗啲，食落似餅的。
飲品方面，我哋都轉咗特飲，兩杯都好大杯，個樣仲好打卡-able😍。Ginger Colada($68)，呢杯嘅組合好夏日繽紛，用上椰水、菠蘿、薑同椰子雪糕🥥。朋友話聽落覺得好奇怪，但其實OK的；可能有椰水嘅關係，味道都幾清新，但薑味如果出啲就好。
朋友要咗🦋Iced Butterfly Pea Fruit Tea($58)，造型好精美，連嚿冰都加入咗桂花。店員提醒我哋將藍藍嘅碟豆花茶倒入另一邊到，就會慢慢變色。我無飲到唔知味道點，但目測有唔少水果。
總括嚟講，呢餐Afternoon Tea還好吧。餐廳環境真係好舒服，好啱傾計👭；就算唔嚟食嘢，坐喺窗口位放下空、飲杯嘢都唔錯，好過去Coffee Shop啊！
張貼
