Coffee by Zion

營業中

休息中

係正西營盤站對面，地點算方便，成條街遍佈cafe，可謂港島區Cafe街，彌漫著一種慢活氛圍。一入門口見到棵聖誕樹，配上木系裝潢，感覺温馨。🔸抹茶紅豆可頌窩夫 配 抹茶雪糕 $108推薦 材料豐富夠大份! 雪糕Cream感重，抹茶味相對輕盈。Croffle比傳統窩夫重牛油味，外層微酥，入面軟腍。趁熱淋上抹茶醬，配埋練奶紅豆同雪糕，一冷一熱，令人滿足。三色小丸子作為配角，同樣出色，入口軟糯。🔸新鮮雜果燕麥片 配 雜莓沙冰 $90健康輕食之選! 沙冰稠身順滑，冰感唔重，證明落足雜莓，另一邊有粟米片加燕麥片，都幾飽肚。🔸Black and Yellow $50即齋咖加菠蘿汁，Cafe供兩款豆選擇，奶咖通常跟 House Blend豆。而呢杯就跟黎自Ethiopia既單品豆，聞落有陣陣果香，入口微酸，配搭酸甜菠蘿，非常清爽。冇飲開齋咖既都可以試試!🔸Black Sesame Latte $45冇咖啡成分，可簡Oat / Soy milk，個人推薦Oat milk，麥香與芝麻特別夾。咖啡師手藝唔錯，拉左個可愛聖誕老人，亦將芝麻同奶mix得均勻，飲落厚身濃郁。

新界人R小編出城記🙋🏻‍♀️當然唔會淨係去一間😎第二間想試既西營盤cafe就係依到啦ᴅɪʀᴛʏ (💸$42 ɪᴄᴇ)入口會較苦澀 飲到底開始有奶會冇咁苦🥛喜愛偏苦味既可以試下 R小編比較怕苦 下次就不了😅👅回味指數2.3/10ʙʟᴀᴄᴋ sᴇsᴀᴍᴇ ʟᴀᴛᴛᴇ(💸$45)好濃既黑芝麻味 飲落唔會太甜☕️同黑芝麻味道幾濃👍🏻可以選擇燕麥奶或荳奶外觀都好靚 適合打卡📸👅回味指數7.1/10ᴀʟʟ ᴅᴀʏ ʙʀᴇᴀᴋғᴀsᴛ (💸$98)蕃茄好甜🍅腸帶有香草味🌿菇用牛油炒又香又甜🤩但煙肉同火腿都偏咸🥓需要連埋多士一齊食 雞蛋滑嫩唔老🍳不過就無R小編想食既煙三文魚👅回味指數 6.2/10

第一次試呢間咖啡室，我哋叫咗佢兩款比較出名嘅嘢飲，就係 chai tea latte 同black sesame latte。Chai tea latte 嘅香料味唔夠重，但係唔鍾意香料味太重嘅人可以試吓。佢嘅香料味主要係肉桂，不過，我個人覺得佢甜左少少，杯野唔係好夠熱，我都係鍾意佢用傳統啲厚身嘅有耳咖啡杯多啲，咁先至可以保存住杯嘢飲嘅溫度。佢令一杯最出名嘅飲品就係Black sesame latte。佢有oat milk 同soya milk選擇，我揀咗後者。呢杯都係唔係太夠熱，勝在唔係好甜，佢話用咗黑糖，芝麻味還可以，但係唔知佢係咪用咗芝麻粉嘅關係，飲落去較為粗糙。我哋仲叫咗Portobello mushroom risotto，佢入面有蘑菇同蘆筍，食得出係用意大利米嘅，味道唔錯，但係份量較少，如果多啲就好啦。佢唔似我哋平時出面食嗰啲咁濃味，鍾意食忌廉味或者芝士味較為重啲嘅就可能嫌唔夠味啦。