影片
更多
2014-03-04
2489 瀏覽
之前睇咗呢度嘅食評覺得好吸引, 就着男友一定要陪我嚟試 ^^ 今晚約咗另一位好友, 三人行嚟呢度開飯~ 事前打電話嚟訂枱, 店員仲好親切咁教我點樣上嚟, 真係未食已被呢種體貼嘅服務吸引! 餐廳其實好近地鐵站, 喺 E2 出口一出, 左轉行唔使兩分鐘就到, 挺方便易揾~ 嚟到樓下, 見到個黑板就知冇去錯地方 (≧∇≦)呢度地方細細, 但感覺都幾温馨~ 可能係因為所有店員都面帶笑容, 同埋餐廳簡約嘅設計有關~點好餐後, 店員就好快為我哋送上餐湯 & 沙律 ^^ 餐湯係粟米湯, 味道好香濃, 細細碗, 唔會飲湯都飲到飽; 若將粟米磨成蓉的話, 口感會更好! 沙律就普普通通, 菜夠爽, 沙律汁都幾惹味, 但多啲汁會更好!!接住出場嘅係巴馬火腿黑松露忌廉汁燴意大利飯 ^^ 黑松露味道好重, 巴馬火腿夠咸香; 但忌廉汁唔夠 creamy 同埋份量頗細... 整體味道合格, 但唔突出!呢度上菜嘅速度頗慢... 我哋差唔多食哂成碟意大利飯, 第二碟 - 白酒忌廉汁煙三文魚意粉先至到... 途中, 店員都好有禮貌咁解釋話 PaPa 努力中... 見佢哋咁友善, 笑容又可掬, 就算等耐啲都冇所謂啦~ 話哂
呢度地方細細, 但感覺都幾温馨~ 可能係因為所有店員都面帶笑容, 同埋餐廳簡約嘅設計有關~
點好餐後, 店員就好快為我哋送上餐湯 & 沙律 ^^ 餐湯係粟米湯, 味道好香濃, 細細碗, 唔會飲湯都飲到飽; 若將粟米磨成蓉的話, 口感會更好! 沙律就普普通通, 菜夠爽, 沙律汁都幾惹味, 但多啲汁會更好!!
接住出場嘅係巴馬火腿黑松露忌廉汁燴意大利飯 ^^ 黑松露味道好重, 巴馬火腿夠咸香; 但忌廉汁唔夠 creamy 同埋份量頗細... 整體味道合格, 但唔突出!
呢度上菜嘅速度頗慢... 我哋差唔多食哂成碟意大利飯, 第二碟 - 白酒忌廉汁煙三文魚意粉先至到... 途中, 店員都好有禮貌咁解釋話 PaPa 努力中... 見佢哋咁友善, 笑容又可掬, 就算等耐啲都冇所謂啦~ 話哂呢度淨係得 PaPa 一個大廚, 等侯需時都可以理解同接受嘅! 好彩我哋點嘅係 pasta & risotto, 可以大家 share 唔會餓 ^^ 講返個煙三文魚意粉, 啲白酒忌廉汁好滑, 但味道淡咗少少; 煙三文魚味道好濃, 夾埋啲意粉一齊食超正, 如果多啲三文魚的話會更好!! 食哂啲煙三文魚之後, 若嫌味道稍淡, 可加啲胡椒粉調味, 味道即時大大提升~
跟住出場嘅係拿破倫虎蝦天使麵, 一放低已聞到好香濃嘅蕃茄+蒜蓉味 ^^ 麵條唔算幼, 但好彈牙; 虎蝦頗大隻, 但啲肉有點乾身; 一挾起啲天使麵, 每條麵條都均衡地沾上香濃嘅茄汁同蒜蓉~ 哈哈, 簡直滋味沒法擋!!
當我哋食得七七八八, 店員就着我哋點餐飲 ^^ 我哋三個都決定 +$6 upgrade 杯餐飲為 Cappuccino~ 拉花好靚, 泡又好滑, 味道超正! 比連鎖店 SB & PC 好飲順喉好多 (^o^)
喺我哋仲欣賞緊杯 Cappuccino 之際, 店員就為我哋送上甜品 (初初落 order 時經已點好 ^^ 只可惜備受讚賞嘅自家製暖黑糖香蕉罌粟籽蛋糕伴雪糕已售罄... 唯有留待下一次再試啦!) 首先出場嘅係心太軟伴雪糕^^ 外脆內軟, 流心雖然唔多, 但黑朱古力味夠濃, 配埋朱古力雪糕一齊食, 完美!
接住登場嘅係 Affogato, 跟餐唔使加錢, 我哋點咗兩個 ^^ Espresso 嘅咖啡味好香濃, 夾埋朱古力雪糕一齊食, 真係好味過飲 Mocha!!
呢度雖然地方細細, 但充份感受到佢哋嘅熱誠! 喺週街都係連鎖店嘅香港, 真係好需要呢啲有咁 heart 嘅食肆~ 未離開餐廳, 已期待下一次嘅光顧! PaPa 仝人要加油啊!!!
題外話/補充資料：
呢度啲店員咁好禮貌 & 笑容都竟然冇收加一服務費, 大家埋單時自己識做啦! 另外, 呢度只收現金 ^^
(以上食評乃用戶個人意見 , 並不代表OpenRice之觀點。)
張貼
