Wonderful Restaurant (已結業)

星期五晚放工搵朋友食飯放鬆吓，我哋又去咗發掘觀塘工廈嘅餐廳，今次就換換地點，嚟到毅力工業中心嘅「Wonderful Restaurant」，大廈位置即係地下有好大間夾公仔舖嗰度🧸。一入舖頭，你就會唔記得自己去咗工廈，因為店內裝修好靚，牆畫色彩繽紛，令你彷如置身於森林一樣🌳。同時，呢度亦好有聖誕氣氛。餐廳定價屬中上水平，不過食物質素確係有水準🍽，而且店員會顧及上菜速度，服務態度又好，抵讚！黑松露野菌蘑菇意大利飯($158)，🍢意大利飯口感正宗，並唔係得個濕字，而係每粒入味得嚟又帶點咬口；以白汁而言，佢唔算膩。飯中混入大量雜菇🍄、芝士、洋蔥、蒜同蕃茜等，每啖食落都好豐富。海鮮意大利麵($168)，🍝意粉好大碟，麵條偏粗，質感正常，但如果再彈牙啲就更佳。海鮮份量唔孤寒，大蝦有成六隻🦐，另外仲有魷魚同帶子。醬汁用上茄醬，味道微微酸，頗為開胃。忌廉菠菜($58)，配菜四選一，菠菜正到不得了🌿。菠菜應該係用上菠菜苗，菜葉幼嫩無渣，而且忌廉汁惹味得來唔漏，佢絕對唔比主菜失色。龍蝦湯($78)，湯品一放上枱就已經散發出好濃香氣，店員提醒我哋要攪勻襯熱飲。🦞龍蝦湯鮮味十足，又夠鹹香，實在令人回味無窮。蒜

人哋話觀塘瓹窿瓹罅會搵到好多穩世餐廳㗎，今日去喺工廈入面嘅呢間，都有啲驚喜㗎喎໒( ͡ᵔ ▾ ͡ᵔ )७餐湯揀咗個龍蝦湯，湯匙一舀個湯唔係出面嗰啲咁稀薄，質感偏厚味道濃郁而且份量都幾多。另外仲有個黑松露野菌蘑菇意大利飯同卡邦尼意粉，佢嘅意大利飯偏向中硬嘅口感，軟稔中間帶啲煙韌，黑松露同湯汁都包住哂飯粒，入口好香濃。另外佢個卡邦尼意粉味道整體都唔錯，唔會係滴哂汁嗰種，反而佢個蛋汁同芝士啱啱好咁平均咗喺意粉度，香濃味道適中˳⚆ɞ⚆˳

今日朋友約咗我嚟呢間新開嘅西餐廳食飯，環境食物同服務都唔錯！🥖蒜蓉包蒜蓉包熱辣辣，外脆內軟，蒜香味十足😋🥣Soup-南瓜薑湯-龍蝦湯兩款湯都好有驚喜，味道濃郁，南瓜湯飲落好順滑，薑味唔會太嗆辣，而龍蝦湯面頭有啲白蘭地汁，仲有蝦肉，真係飲每一啖都好滋味🤤卡邦尼意粉 $148餐廳用呢隻煙肉係喺澳洲度攞過獎，同平時嘅煙肉最大分別係佢唔會死咸同埋帶少少甜，厚切都唔會覺得咸，意粉軟硬度適中，醬汁食落唔會好漏慢煮豬鞍配焦糖蘋果汁 $258豬鞍好厚身😍，廚師將佢慢煮完再煎一煎，所以豬鞍邊會有啲脆口，肉質超嫩滑，配埋個焦糖蘋果汁又幾夾喎！🌹博士紅茶，玫瑰花，茉莉花桃Hot博士紅茶茶味甘甜，玫瑰花清香，幾種花茶配合起來味道可口，仲可以養顏😍🍮Caramel Custard Pudding食完飯梗係要叫返個甜品做結尾架啦！不過暫時餐廳得呢款甜品🍮，焦糖汁唔會太甜，好香蛋味，布甸入口好滑😍都唔錯！每樣食物都幾高質，期待餐廳之後嘅新出品❤️

今晚同朋友黎到Wonderful Restaurant 食晚飯，餐廳裝修簡約，每道菜式都熱辣辣送到面前。👍🏻1.蒜蓉包包邊好香脆，包中央軟身、有好香既蒜蓉味👍🏻2.吞拿魚他他配合脆口既包黎食，一流！😋3.青豆煙肉湯有驚喜！唔會太大陣草青味，飲落好fresh, 又creamy，有煙肉粒😋4.龍蝦湯好濃味，仲有爽爽既蝦肉😋5.黑松露野菌蘑菇意大利飯幾足料、幾creamy😀6.炸蕃薯條雖然係side dish, 但份量都唔少！甜脆！好味😊7.焦糖布丁作為呢餐圓滿既結尾😀

近排嚟到觀塘區食飯 去咗一間啱啱新開嘅餐廳 唔知好唔好食呢😚👅龍蝦湯 $88呢個係女小編超級推介‼️佢嘅龍蝦湯好濃郁 中間落咗少少白蘭地忌廉 令到佢飲落唔會太漏🙈湯入面都有幾隻龍蝦仔 都係新鮮爽彈嘅 超好飲😋👅慢煮豬鞍 配焦糖蘋果汁 $258佢嘅豬鞍好厚身🤩食落幾有驚喜 幾juicy 唔會太鞋 而焦糖蘋果汁甜甜地 配埋豬鞍一齊食好夾 好好食🤤👅吞拿魚他他 $118佢嘅吞拿魚他他幾開胃 有啲黑醋嘅醬汁 酸酸甜甜 配埋啲鹹鹹地嘅吞拿魚 幾夾😛調味唔錯 不過如果吞拿魚嘅味道突出啲就會更好🤫 👅是日精選餐湯$58今日嘅湯係青豆煙肉湯 飲落幾清新🥰完全冇草青味 平時唔鍾意食菜嘅人都應該會接受到 煙肉嘅香味幾突出 唔錯😝👅焦糖布甸 $28布甸偏實身 焦糖味都算幾突出 唔會太甜🙈 總括嚟講 呢間餐廳嘅食物質素都唔錯🥰環境坐得幾舒服😌大家嚟到觀塘不妨一試😚😋 好味：7.86/10🤑 價錢：7.54/10🤗 服務：7.92/10😝 環境：7.56/10😚 衞生：7.65/10🤩 整體：7.75/10

從朋友口中得知，呢間新餐廳，由前洲際扒房廚師主理，今日終於有機會去試！晚餐係tasting menu蒜蓉放咗喺包同包之間，一上枱，已經聞到非常香原隻軟殼蟹，釀咗啲沙律喺裏面，好好味朋友點咗吞拿魚他他非常足料、香濃嘅龍蝦湯好有水準，如果再大碗啲就好喇呢個份量超多，雞胸部份都非常多汁，配埋紅酒汁，更出色一口蒜蓉，一口羊 好滿足最後仲叫咗玫瑰花茶，好濃郁嘅花香，經理強調係冇咖啡因㗎咁抵嘅價錢，食返以前洲際嘅味道