暖心芝作

今日咁凍都無阻大家排隊買嚟食😂我今次去嘅係荃灣分店 佢哋有一系列嘅黑芝麻甜品 包括菲林卷 芝麻豆漿 芝麻布甸等等聽講係選用「九蒸九曬」黑芝麻製作🔥而黑芝麻軟雪糕就係店長推薦✨幾欣賞佢食落只帶微微甘苦 食得出天然之餘唔會苦過頭味道唔會太甜太膩 雪糕幾軟滑 濃度適中有可能係今日天氣凍 所以唔覺得好快就溶～成個雪糕嘅精華係嗰啲芝麻醬 仲濃過雪糕本身🤣即刻將成個雪糕點綴咗👍🏻而且芝麻醬保留咗少少粉末質感同埋都係用咗竹炭雪糕筒 配合成個黑色造型個雪糕筒仲要好脆都幾好食 大家經過都可以試吓🙌🏻…查看更多

叫左黑芝麻雪糕（$28）實在物超所值太有驚喜！軟雪糕質感軟滑，黑芝麻味超濃，加埋面頭濃郁既黑芝麻醬，黑芝麻味滿分！食到個筒都有黑芝麻味，成件事真係好滿足！以前我最愛係CWB嗰間好出名既黑芝麻雪糕，呢間味道同價錢都完勝！當日係平日5點半到，冇人龍但都一直有人幫襯，希望以後唔好排哂長龍！必定會再黎試埋佢既黑芝麻豆漿同黑芝麻布丁…查看更多