花斑茶社 (樂道)

花斑茶社是少數不是太便宜卻仍然會不住地光顧的珍珠奶茶店，是日選的是黑糖珍珠烏龍奶茶（$29）。環境：4位於樂道，店也不算太小了，也很明亮的。服務：3.5 人多力量大，效率不低了。飲品：4.5茶底靚，試過幾款奶茶一樣是茶味夠濃夠厚，當然他們的奶和茶的比例非常合理，才不會被奶味所遮蓋。黑糖珍珠很甜很黑糖，雖然好似很廢話，但喝過你便知道了。所以當要加黑糖珍珠，緊記要微甜啊。下午了，工作時來一杯加點糖加加油吧！…查看更多

已經係第二次幫襯，試過一次好難唔encore既，因為真係好飲！今次買左杯黑糖珍珠烏龍奶茶，本人對甜度接受度較高，所以每次都會試正常甜先，呢杯甜度我覺得啱啱好！茶香奶滑珍珠甜，配合度好高！…查看更多

見到有好多間分店！又好多人推介！💛💛💛近期會員有折💛💛💛💛餐牌有個茶杯既係推介第一次可以飲嗰幾款～咁就試下最最最招牌既黑糖珍珠烏龍奶茶😁😁叫左少甜少冰！所有野都岩岩好！成杯嘢飲得出啲茶味同奶味，好香～飲到嘅香味好正🥰🥰🥰 啲珍珠軟熟透☺️飲珍珠奶茶最怕啲珍珠入面仲係好實，但係外面爛咗，成粒變到唔好食，但係呢度真係啱啱好，而且出面唔會溶溶地😆仲有好多唔同嘅飲品好想下次試吓☺️☺️仲有啲寄賣嘅產品喺嗰度，其實都好靚好得意㗎，有啲袋仔可以出街用。…查看更多

有次喺公司OT，上司請飲嘢，但夜晚8點後公司附近都無咩選擇，喺外賣app見到有得叫「花斑茶社」，仲要有折，所以就即刻拍板落單～ 其實呢個名真係聽過好多次，但一直都未有機會飲，今次終於可以試吓😆•🥢 黑糖珍珠烏龍奶茶(微甜) $26有兩個朋友都飲呢杯，不過一杯凍、一杯熱😆凍飲就茶味比較香；熱飲就奶味比較突出同甜少少~珍珠嘅黑糖味幾濃，不過有幾粒煮得未夠透，所以口感稍為硬啲。因為黑糖珍珠本身都甜，所以揀咗微甜，成杯飲落甜度啱啱好～•🥢 白桃烏龍 (少甜 +寒天) $26白桃味好突出，好香，餘韻有茶嘅甘香，但烏龍茶味唔突出，可能比白桃嘅甜味搶咗，所以整體似飲緊白桃汁多啲😅 但中間有飲到白桃果肉，有加分！🤩 而另外加咗寒天，有咬口得嚟又唔會太硬，好夾！•🥢 鳳梨冰茶 $24呢杯冰茶可以揀紅/綠茶底，我就揀咗綠茶，微甜少冰，再加咗蜂蜜珍珠同芝士奶蓋😂鳳梨好甜好香，味道唔似係就咁糖漿味，仲飲到好多鳳梨果肉，加埋綠茶好清新；珍珠軟硬適中，亦唔算好甜；奶蓋質地較稀，芝士味唔夠突出，加上係外賣，溶得好快，所以唔算好出色😢 下次即買即飲要再試多次芝士奶蓋！…查看更多

花班茶社已經係第二次幫趁，上次飲過佢嘅黑糖珍珠可可同鳳梨冰茶都幾好飲，今日行過見佢新出左個益力多系列，又忍唔住買杯黎試下。因為疲情關係，店內都有提供酒精搓手液。另外，佢地最近亦有寄賣啲本土手作仔，大賣集體回憶，有啲似G.O.D，不過就平好多。益力多系列係將益力多配四款唔同嘅水果。草莓多多($26)揀左少甜少冰，益力多味都好足夠，乳酸味加埋草莓酸甜味，都幾好飲，少甜甜度啱啱好,我仲另外加左$3加蜂蜜珍珠，珍珠口感好Q彈。黑糖珍珠烏龍奶茶($26)同樣揀左少甜少冰，唔會過甜，不過奶味唔算突出，哩杯珍珠口感較腍，比較普通。總結，黑糖珍珠冇乜特別，反而益力多系列幾好飲，值得try try．…查看更多

今日同朋友係尖沙咀行街行下行下佢話想飲台式飲品我就Google map搵下附近有咩舖頭見到依間花斑茶社個名幾好聽就決定飲依間本來我哋都想飲啲refreshing 啲嘅嘢但係最後兩個都揀左黑糖珍珠烏龍奶茶 ($26) 佢依選飲品可以揀少甜架厚鮮奶個隻就唔得我自己唔係太鐘意太甜嘅野飲叫左半甜覺得岩岩好因為珍珠本身都甜嘅~佢嘅奶茶真心好有茶味!!!!!係我鐘意個款茶味多過奶味珍珠都幾彈牙會再encore~~…查看更多

今日熱左好多🔥，明明上星期一只得10度❄，今日就23度☀，所以今日都忍唔住要飲返杯野飲！剛好係尖沙咀，所以就搵返間良心舖頭幫襯下。原來呢間舖既用料都唔差，，所有茶葉都來自台中。除左茶葉，黑糖珍珠飲品更係限量供應，以人手炒製台灣同日本黑糖而製成。因為我本身唔太飲得奶，但見到佢黑糖珍珠系列，都忍唔住想試試，唯有試下佢烏龍奶茶🥤！一嚟到，賣相都幾吸引✨。味道上，黑糖嘅味道都非常濃厚，而珍珠幾煙韌，都幾入味！意外地，烏龍茶個味道都幾濃厚，有點甘香，好飲過小男的茶好多（雖然都執左🤨），雖然轉左做烏龍，估唔到佢做到同黑糖都幾夾，岩哂我呢D鐘意飲茶既人。Btw呢杯野飲我都覺得偏甜，怕甜既朋友記得要同我一樣，落單叫轉少糖少冰。我覺得$26一杯野飲算唔錯，雖然未係話最常好飲，但就個價錢、味道都唔錯！不過我覺得最緊要係支持返D有良心既商戶，加上最近疫情，希望大家經過都可以撐下佢地度過下呢個難關！…查看更多

見到個名咁文青，搞到我又去咗試飲呢間新嘅台式奶茶。真係好好飲 😋白桃烏龍🍑: $26 好清甜，好多果肉。加埋落台南嘅茶到，泡得岩岩好。飲得出啲茶沖得好好，好醇，唔會有苦澀味黑糖珍珠烏龍奶茶: 茶底好香好濃。唔會俾啲奶遮蓋到綠茶嘅香味，好好飲。淨係飲奶茶都覺得夠好飲，加埋黑糖珍珠，甜甜地，幾好口感黑糖岩鹽珍珠厚鮮奶 (季節限定): 鮮奶唔算好厚，不過加埋啲黑糖，味道岩岩好。黑糖珍珠都唔會話好甜,不過都係奶茶好飲啲…查看更多