當下 (翠怡花園)

去青衣多數都會係青衣城食飯，但其實沿住海旁行到尾，去到翠怡花園都有一間唔錯既餐廳。呢間餐廳裝修幾靚，坐得好舒服，岩哂同朋友仔黎傾下計。今次嗌左雞蛋焗大啡菇、黑松露野菌手打闊條麵、脆皮德國豬手同埋鮮果特飲。首先講下個大啡菇，好有驚喜。初初以為佢真係成粒焓蛋/太陽蛋咁放係大啡菇上面，但原來係流心既，仲有芝士係面到，咬落好有層次，舊菇仲好juicy。闊條麵方面，個麵食落好香黑松露味，亦都好滿意闊條麵既闊度。由於佢係手打既，食落都好彈牙。啲汁既份量岩岩好，食到最尾都有黑松露味。今晚豬手做特價，只需$98，一於嗌黎試下。豬手份量都唔細，仲配左薯角，岩哂大食既朋友。豬手個皮焗得好香好脆，有機會可以試下。杯野飲落酸酸甜甜，又係梳打，感覺好fresh。呢間餐廳值得再黎過。…查看更多

環境寬躺舒適，能好好享受食晚餐😊-Dinner set :附送是日餐湯💕黑松露野菌手打闊條麵 $108💕澳洲肉眼牛扒 $188💕特濃朱古力$32 ✨另設加一-💕黑松露野菌手打闊條麵 ⭐️⭐️⭐️⭐️個人口味不太喜歡黑松露，但是這個黑松露能鋪滿整個闊條麵得黎，味道容易接受，每啖闊條麵都食得到黑松露的味道，不是說十分濃烈，但會滲出淡淡的黑松露味，加上芝士，成個層次提升了！手打闊條麵口感彈牙，比起意粉黑松露更配闊條麵！/💕 澳洲肉眼牛扒 ⭐️⭐️⭐️⭐️是配薯角的，薯角炸得金黃香脆，肉眼叫了七成熟，肉質鮮嫩，滿滿肉汁。/💕特濃朱古力⭐️⭐️⭐️⭐️最頂層吱左滿滿的cream，同加左好多朱古力醬，朱古力醬似xx勞的朱古力新地既朱古力醬，成杯真係好濃郁朱古力，係預期之中嘅味😋不過因為成杯都幾多冰，冰融左之後都小淡，可以因應自己口味叫正常或小冰。-環境：8/10服務：8/10好味指數：8/10回頭率：8/10…查看更多

沿住青衣海滂走呀走呀走 走到青衣碼頭 轉入工廠區 又嚟到PRESENT 環境寛敞舒適 重點係抵食 份量十足佢有個好得意既set HKD368👉🏽餐湯 沙律 飲品 甜品 各二👉🏽小食 飯麵 主菜 各一望落去似二人份 食落其實係三人份四個人叫左呢個set 再加多一人dinner set(包沙律或餐湯+飲品) 完全夠食▪️蘑菇湯湯中有粒粒蘑菇碎 質地較為稀身 有淡淡既磨菇香 重口味人士表示再濃啲就正▪️田園沙律完全無諗過係咁大碗 沙律菜新鮮爽口 無苦澀味 沙律用上黑醋調味 酸酸甜甜幾開胃 仲有我最鍾意嘅番茄仔▪️蜜糖雞翼雞翼嫩滑 邊邊位微脆 外面裹有蜜糖 甜度恰到好處▪️黑松露野菌手打闊條麵手打闊條麵偏扁身 入口幾彈牙 每一條麵都掛上醬汁 creamy得黎 黑松露味都幾突岀 醬汁唔算好杰身個種 所以食落唔會好膩 野菌份量都唔少 唔會炒得好乾▪️香草黃金燒春雞燒春雞即叫即製 耐心等候二十分鐘就有得食雖然雞皮唔算燒到好脆 但勝在雞肉嫩滑唔柴 點上旁邊好似KFC薯蓉既醬汁 味道都唔錯伴碟仲有爽口既脆肉瓜 番茄仔 蘆筍 薯角薯角實心足料 炸得岩岩好唔會過硬 食落又唔會好油膩▪️香烤汁燒豬肋排 $138 (dinner set價錢)真係每一碟都份量十足 豬肋排比想像中大好多 保守估計切到至少十條豬肋排佈滿甜甜鹹鹹既醬汁 肉同骨既比例幾好 唔會太少肉 又唔會好韌好柴豬肋排底下佈滿同樣實心足料既薯角▪️有機伯爵茶 +$19伯爵茶一整壺上 清香伯爵茶無加甜味 係消膩既好選擇▪️甜品甜品賣相唔錯 事實上就係一球Vanilla雪糕 加上朱古力醬同忌廉 簡單而好食 有雪糕做飯後甜品 好滿足整體而言 食物份量十足 味道唔錯 性價比幾高…查看更多