荳子 (新城市中央廣場)

本人素來不喜歡排隊等位, 餓著肚子等入座的感覺極差, 但今次由壽星女發辦, 只好破例等一次位。負責安排入座的服務員態度好好, 每個安排都會跟排隊中的客人交待, 值得讚賞!一行四人點了許多食物, 本文只重點介紹黑松露餐點及拿鐵系列。 (1)黑松露軟殼蟹意大利粉及黑松露薯條軟殼蟹雖然細細隻, 但炸得不錯, 軟腍有口感; 意大利粉彈牙軟硬適中, 最大亮點是其黑松露醬汁, 忌廉質地濃稠, 能夠掛住意大利面條, 進食時黑松露味道非常強烈。薯條炸物具水準, 醬汁質地較稀, 似乳酪。(2) 抺茶拿鐵及3D玫瑰拿鐵兩杯拿鐵賣相俱佳, 但整體尚有進步空間。凍抺茶拿鐵的綠色令人感覺清新自然, 初到手時杯子上方是冷冷冰塊, 下方則有點暖暖的, 是烹煮過的綠茶顯出真材實料,  飲落則稍嫌奶味過重, 牛奶和綠茶未能取得平衡。點3D玫瑰拿鐵, 服務員事先告知需時約30分鐘製作, 慢工出細貨令人期待。來到的飲品杯面, 用忌廉噴了兩隻頗為可愛的小猫造型, 但似乎溫度不夠冷又或者製作時間過長, 造型有點走樣。味道不錯, 咖啡味夠濃。 …查看更多

@kan.teen之前已經食過荳子嘅lunch set 覺得餐廳環境舒服，幾啱帶朋友仔一齊嚟食嘢傾偈！再加上今次去食晚餐發現原來枱上面啲吊燈好啱用嚟影下啲打卡嘢食相👀既然係咁！就同大家分享今次食左啲咩啦！我哋叫左3個主食，分別係：慢煮紅酒牛脷、黑松露什菌意大利飯、黑松露軟殼蟹意大利粉。印象深刻啲嘅係：黑松露軟殼蟹意大利粉，有原隻炸軟殼蟹🦀，不過意粉整體偏淡，黑松露汁同意粉兩個味係分開左 兩者無融入一齊，所以食落無乜味。然後黑松露什菌意大利飯個黑松露汁+啲配料 係同意粉一樣 只不過係轉咗飯咁解 所以食落唔會有咩驚喜～而慢煮紅酒牛脷，只有好淡紅酒味，牛脷係厚切但因為以慢煮方式 所以都容易咬開。跟餐會附送飲品 同埋加多$2x可以有黑松露薯條/洋蔥圈。推薦加黑松露薯條，夠熱夠脆夠薯味。.💸Total: $5xx👅如果以食西餐來講真係平民價，而且係個好啱同朋友仔聚會嘅餐廳，因為好多分店 相信總有一間係你嗰區😆但食物質素就唔好期望太高———@beans_cafe_hk📍荳子 (馬鞍山廣場) (馬鞍山)馬鞍山西沙路608號馬鞍山廣場3樓337號舖#kanteen馬鞍山 #kanteen良心幫襯 #kanteen_cafe #kanteen西餐…查看更多

餐廳離沙田地鐵站都好近，行5分鐘路程就到啦，搭𨋢上去5樓，出𨋢右轉丼丼飯前少少就到啦。平日星期五12：15到，有10幾個人排隊，排咗15-20分鐘到。食物冇令人失望，環境都好靚（中間嗰玻璃植物好靚），冬天來仲有戶外位可以座。座位寬敞，坐得幾舒服。店員服務態度不過不失。lunch set包埋嘅黑糖薑母茶好大陣薑味，凍Americano正常味道偏苦。原本想試埋handmade cake，可惜嗰餐份量太多食完都好飽，惟有取消咗嗰紅桑子拿破崙。…查看更多

每次去沙田都會想食beans，原因在於性價比高 價錢唔貴之餘又好食，但可惜次次都好多人排隊。今次難得平日中午黎到，一早叫有人去排隊先。雖然要齊人先至可以入坐，但等一等就入得。望到menu心大心細，因為有幾款意粉都想試中午可以揀lunch set，包一個主菜同一杯飲品。最後揀咗黃金蟹肉意大利粉同黑松露軟殼蟹意大利粉首推黃金蟹肉意大利粉打卡一流之餘味道相當好！鍾意食鹹蛋黃同蟹肉嘅朋友岩哂另一款揀咗黑松露軟殼蟹意大利粉，黑松露同菇都好味，略嫌軟殼蟹有啲油除咗餐包兩杯嘢飲外，加$25就可以食到個蛋糕食埋個朱古力慕絲蛋糕埋尾滿足嘅一日最重要係買單都係二百幾蚊喺沙田區來講性價比相當高…查看更多

荳子真系一間非常多人支持同排隊既餐廳，但系排隊排咁耐真系超級值得！小編系星期六一點半到達，都等左差唔多一個小時。不過入到餐廳，餐廳環境超級舒適。小編同朋友就叫左一個意粉同甜品再加黑松露薯條。黑松露軟殼蟹意粉，每條意粉都撈匀左黑松露醬汁，依個汁幾惹味，每啖黑松露既特色味道都系個口爆岀尼。軟殼蟹脆脆地亦有足夠既蟹味，而意粉撈埋野菌令到口感好豐富。甜品系焦糖香蕉配蜜糖窩夫。條蕉配上焦糖，系升華左香蕉原有既味道。個蜜糖窩夫既口感完美，鬆發而且蜜蜂味好岀。不過有個吉士忌廉，唔知系咩尼。佢哋都好好食，不過嫌佢地加埋一齊太甜！叫左一杯維也納朱古力同忌廉鮮奶伯爵茶，靚得尼味道都唔錯，不過太多忌廉可能會濟。…查看更多

太掛住佢個黃金蟹肉意大利粉一於去另一分店食多次但有啲失望呢🥙黃金蟹肉意大利粉同另一分店一樣會有蟹蓋係面做裝飾滿足一吓視覺但煮法就不太相同黃金(咸蛋黃醬)唔夠香變相似白汁海鮮意大利粉多啲Level即刻跌左🥙牛油果蟹肉意大利飯新產品！就試吓啦🥑好大陣草青味呀🤢不可一。不可再🥙黑松露軟殼蟹意大利粉唔太夠黑松露味呢整體偏淡🥙黑松露醬薯條..............+$25黑松露醬永遠冇得輸👍🏻粗薯條夠熱夠脆！必加！🥙忌廉蕃茄汁手切牛柳絲意大利粉...$64咦～咪住！說好的手切牛柳絲呢？點解變左牛肉丸架🤔是但啦麻煩侍應check單好似要跪佢咁好彩味道唔錯.🥙小倉紅豆抹茶沙冰........+$37採用原粒紅豆甜度適中👍🏻但質感唔係沙冰只係普通凍抹茶.🥙檸檬蜂蜜................跟餐free話說所有餐飲已飲左半杯唯獨檸檬蜂蜜未到希望侍應check單啦但被侍應說教到好似我錯🤷🏻‍♀️我都明好忙咁咪乖乖等到食晒都未送杯野黎.小編偏好大埔分店多啲故事教訓 每間分店水準可以有好大落差服務態度皆是…查看更多

一向鍾意食黑松露菇菌類野，所以去之前睇過個menu已經諗好食咩坐低就叫。黑松露軟殼蟹意大利粉 ($74) 美式咖啡一上桌就看到賣相心情已經開朗。軟殼蟹是一隻切成兩塊，軟殼蟹本來就不是為了吃蟹肉的，而這個做到炸得香脆乾爽，鬆化香口。黑松露忌廉汁濃稠度剛好，掛上意粉入口滑順，黑松露份量不少很香，菇菌也很多，不會只有醬汁配意粉，還有些洋蔥，爽口解膩，好吃。意粉沒甚麼特別，始終不是自家製的，煮得剛好不會太軟。意粉看上去少少的其實碟子挺深。飲料我選了美式咖啡，有配一小杯奶，正常。午市做到1800，呢個價唔收加一送飲品真係幾抵。仲好想食佢個黃金蟹肉意粉，係鹹蛋黃，聽已經覺得creamy😚意粉真係幾好食，係少數cwy想encore嘅餐廳，幾時開返間係屋企附近姐，想食要走到好遠🙁…查看更多

每次經過都見到排長龍，今次見唔算太多人，所以決定排隊試試係咪咁好食先黑松露軟殼蟹意大利粉 $98黑松露味好香濃，仲有好多野菌，醬汁口感creamy，食落好飽肚。軟殼蟹天婦羅炸得好香脆+$25 羽衣甘藍藜麥沙律拼蟹肉薯餅羽衣甘藍同藜麥都係好健康嘅食物，係近年黎嘅健康食物新貴，簡直受好多人嘅追捧😆我當然都唔執輸，叫返碟黎食下，平衡下平時唔太健康嘅飲食🙈 羽衣甘藍食落口感唔會好粗獷，反而感覺好清新😊蟹肉薯餅餡多、好味😋Beans小食拼盤 $128拼盤雞翼全部都係單骨，食得好方便☺️香辣雞翼-雖然話係香辣雞翼，但其實都唔係勁辣，反而幾惹味焦糖雞翼-呢款雞翼好好味，我最鐘意🥰味道，大人細路都啱👍🏻啤酒洋蔥圈-洋蔥好甜，香脆又唔算好厚粉肉醬薯條-薯條好脆，配埋肉醬鹹鹹地，味道出奇地夾😂羽衣甘藍藜麥沙律 $78食過套餐嘅沙律覺得好味，所以另外再叫多份🤪…查看更多

晚上8時和友人來到Beans晚餐之前已經試過荃灣的分店經常很多人輪候而這間沙田分店可能比較偏僻所以只排了一會兒就有座位餐廳有分室外和室內坐下後我們都不約而同想食義大利麵看到食評有很多人都推薦這但黃金蟹肉意大利粉於是我也點了試試一上菜時就有一個大蟹蓋裝飾蛋黃蓉配合蟹棒的口味不錯很有中西混合的一個義大利麵另外一個是黑松露軟殼蟹意大利粉這個有點令人失望首先黑松露味並不突出另外軟殼蟹不脆口感有點像麵粉 覺得應該要試試他們的咖啡點了自己喜歡的伯爵口味飲下去時伯爵味十分濃烈再配上香滑的鮮奶十分推薦！最後叫了期間限定的甜品GAT一來到時整個盒子噴煙十分有視覺效果另外那些柑其實是糯米糍十分煙un但會痴牙要配合雪糕一起吃一冷一熱會有點像炸雪糕！…查看更多

係沙田食野來來去去都係新城市廣場到揀。不妨行多幾步路去隔里商場嘅 Beans食。呢到環境幾舒服，適合同朋友lunch date 傾個計。我叫咗個黑松露軟殼蟹意大利粉。黑松露味幾香，而且個軟殼蟹份量慷慨，炸到脆卜卜又多蟹肉，絕對唔會得d炸粉，好食！Lunch Set 仲要包埋野飲添，抵晒啦。加多25蚊仲可以食埋佢嘅 Daily Special cake。蛋糕present 得好靚，食得又睇得。絕對值得加。…查看更多

Weekday未夠中午12時去荳子，唔洗等即刻入座梳化卡位叫了2個lunch set手撕豬仔骨漢堡，配太陽蛋（因有小朋友轉了全熟蛋），焦糖洋蔥同薯條手撕豬仔骨啲肉真係一絲絲一梳梳，好有口感，唔肥仲要每一絲都沾滿茄醬薯條熱辣辣脆卜卜勁正個茄醬夠“茄“夠酸，好開胃但洋蔥一啲都唔焦糖，好辣，食食吓要吐返出來，太辣另+$25自加製蟹肉薯餅好味有好多蟹肉，但份量少，蟹餅直徑約為網球大小$25唔係好值，3個大人一人一口就冇左另一個set係黑松露軟殼蟹意大利粉軟殼蟹上桌時仍脆卜卜同al dente的意粉同creamy的sauce 形成多重口感松露醬比得慷慨，每條意粉都滿滿咁沾到熱蜂蜜檸檬用文青風小杯連小木匙盛載少少甜，有蜂蜜香氣好味唔“確“喉…查看更多

今日請了大假, 打算偷得浮生半日閒, 於是約了摰友到毗鄰沙田宜家傢俬的 Beans Resaurant 食 Lunch, 此店在沙田開業不久, 但每次經過門口都是人龍不斷,於是帶著一窺其實力的心態排隊等候入內進食, 雖然已過了繁忙時間, 也要輪候 15 minutes 才安排到 2 人座位給我們!  我們首先在他們的 Lunch Menu 選了以下這兩道菜式:黑蒜蜆肉、帆立貝、白酒意大利粉:  意粉乾身爽口, 蜆肉跟帆立貝均大大隻的絕不欺場, 一片片的黑蒜及少量的白酒, 使這道餸吃來有點酸酸甜甜的感覺 , 因此胃口全閞!黑松露軟殼蟹意大利粉: 朋友說十分美味, 軟殼蟹爽脆不會偏鹹, 黑松露忌廉汁使意粉的味道提升了!  她也食慾大增, 她說她這次陪我試食這新餐廳, 由於每道菜都很吸引，她也豁了出去, 會再 order Snacks & Desserts, 完全把減肥大計拋諸腦後! (P.S. 同感, 不如大家暫且擱置計劃......一日吧!)孜然單骨雞翼 8 隻:  承接上文, 我們再 order了孜然單骨雞翼, 孜然加香草的味道配合得天衣無逢, 使每隻雞翼都有如吃串燒的味道, 香口及惹味無窮! 雖然有香辣及焦糖雞翼可供選擇。但我想我下次再幫襯時, 仍是會 order 孜然單骨雞翼, 因為已深深愛上這個味道!Tiramisu:   賣相一流, 可以看出店方花的心思, 碟上的 Beans 字樣應該是用糖砌成的, 除了擺盤賣相外,  Tiramisu 的內涵更重要, 不計放在Tiramisu 上的那 3 粒朱古力超甜外，蛋糕的整體味道清香嫩滑，幾達無懈可擊! 我在吃意大利粉那一round 時, order 了這個 Blue Lemonade, 視覺效果一流, 但個人覺得味道和普通青檸梳打差不多, 沒啥分別!  朋友則 order 了黑糖姜母茶, 認為不太甜，兼且上桌時還是熱呼呼的狀態, 非常好飲! 龍蝦帆立貝湯: 海鮮味濃, 不太甜也不太膩, 上桌時以茶壺裝住濃湯, 在客人面前才把濃湯倒進茶壺下方盛有龍蝦肉、帆立貝等食材的湯杯內, 既細心又好玩! 在吃 Desserts & Snacks 那一round 時所 order 的飲品：包括我點的荔枝玫瑰梳打, 味道清香, 覺得比剛才那杯 Blue Lemonade 更好飲,更順喉!  朋友點的那杯美色咖啡, 有香濃咖啡味之餘, 她最欣賞的是那小杯奶是溫熱並且打過的, 認為這餐廳連這些細節位也做得很好!車打芝士薯條: 熱辣辣的薯條佐以車打芝士醬, 配搭新鮮, 味道不俗! :)餐廳室內環境優雅, 單人位圍著的地方有仿真戶外植物的擺設, 再配以天花板上 LED 螢幕播放的藍天白雲, 加上下午真的陽光從窗外透射入室內, 整個用餐環境都帶著舒適寫意的感覺!  而且坐位間隔得宜, 不太嘈吵, 是一個很適合好友相聚一邊吃，一邊暢談的好地方! …查看更多