📌小小咖啡店有四個吧枱位，同三張二人圓枱位，主打招牌千層蛋糕及沖調咖啡飲品。
📌大路的小店Cafe Menu，鹹食有意粉🍝、鹹點窩夫，甜品有窩夫🧇、心太軟🍫，飲品當然有咖啡店唔少得嘅沖調咖啡☕️同埋無咖啡因系列嘅沖調飲品系列🍵，另外仲有梳打水系列🍹。📌仲推出咗近期大熱的開心果係系列，有意大利開心果窩夫、開心果提拉米蘇、開心果千層蛋糕同埋開心果拿鐵。
黑松露卡邦尼意粉， $128
先點一個鹹食醫下肚先。黑松露卡邦尼意粉絕對係港女們的恩物，二話不說就點佢。
卡邦尼忌廉汁味道濃郁，唔算好潔身，帶有流質性，撈係淋身得來有咬口的意粉，每口意粉掛滿醬汁，配料份量都多，一大堆黑松露醬、煙肉片🥓同埋蘑菇片🍄，鹹到適中，黑松露味濃，一個人食份量剛好。
開心果提拉米蘇，$68話明新推出開心果系列，梗係要試返一款啦！甜品杯裝嘅開心果提拉米蘇，望到都非常吸引，即刻要舉杯助興一下🍸！呢款改良版開心果提拉米蘇主打開心果的味道，手指餅沒有好似原味Tiramisu浸上咖啡，可能怕開心果🌰嘅味道同咖啡會相沖，所以食落係原味手指餅好似蛋糕質感。
面頭鋪滿開心果粒，咬落去好脆口，連埋啖啖比較杰身的開心果忌廉、充滿濃郁開心果味嘅開心果漿同埋好似蛋糕質感嘅手指餅一啖擺入口，係可以滿足到少女心的味道😋。伯爵茶千層蛋糕，$42嚟到千層蛋糕專門店，梗係要食返一款千層蛋糕啦！眼見蛋糕櫃入邊有10幾款口味的千層蛋糕，眼花撩亂，心大心細款款都想試，最後千揀萬揀揀咗伯爵茶味道！
出名千層皮超薄0.01 ，中間夾雜着軟滑嘅伯爵茶味忌廉，聽說伯爵茶浸泡咗二十四小時，茶味照出，一啖叉落去，忌廉同千層餅皮喺口腔入面梅花間竹的交織，就係千層蛋糕嘅美味。難怪可以由小店做到實體咖啡店，都見到有好多人專門入嚟買外賣蛋糕拎走睇嚟都幾受歡迎👏🏻！焙茶拿鐵， $45經典的2D心型拉花💗，焙茶撞牛奶嘅味道好夾，依然好出茶味同淡淡嘅牛奶味，沖調的技巧唔錯，飲到最後依然保留住心形拉花嘅奶泡，可謂合格的沖調飲品。
洛神花茶， $42排骨妹唔想飲咖啡又唔想飲牛奶，所以就揀了花茶系列。
估唔到係茶壺呈上，好大一碗，洛神花味酸酸甜甜，非常開胃，咁大一壹都幾抵飲。
📌咖啡、蛋糕，就係小店經營的夢想，《千禧咖啡》係值得街坊街里閒時走來休憩歇腳的地方。
…查看更多
