姚姚酸菜魚 (希慎廣場)

營業中

休息中

🩵🧡💚去酸菜魚店唔食酸菜魚🌶️依個季節就最啱食啲麻麻辣辣嘅嘢，開胃又過癮！今次嚟到姚姚酸菜魚，唔食酸菜魚😂因為想試吓佢哋嘅新嘢呀！🤩❤️美極鮮辣汁麻辣香鍋❤️ $198麻辣香鍋可以揀牛或豬😚牛魔王嘅我緊係揀牛啦！依個大大盆嘅麻辣香鍋有嫩牛肉、牛柏葉、鮮豆皮、椰菜花、薯角，肉類份量都唔少，超級豐富！🐮美極鮮辣汁令麻辣香鍋多咗鮮美香辣🌶️，配搭花椒麻香，越食越上癮！💚豪吉藤椒油麻辣燙💚 $88另一個新品就係麻辣燙🤤未食已經聞到豪吉藤椒油有幾過癮！鮮麻清香嘅豪吉藤椒油麻辣燙，掛上每條手工麵條🍜真係好正！6款自選配料分別揀咗: 鱸魚片、豬頸肉、魷魚鬚、萵荀片、油麥菜、脆魔芋絲！🤩口感都好豐富！💛解辣奇冰💛依家有快閃優惠午市套餐，食麻辣燙會奉送三色冰粉 解辣特飲🍧食完辣嘢😏緊係要解辣爽一爽啦！🧡北京烤鴨🧡 半隻 $188半隻都好夠食😛用煙韌軟糯嘅麼麼皮包住烤鴨 油脂均勻、皮薄肉嫩多汁，配上青瓜條🥒蔥絲、秘製填鴨醬，味道有層次！流連忘返🤤依間酸菜魚店除咗酸菜魚正，新品都好有驚喜🤣麻辣香鍋同埋麻辣燙都必試呀！BTW記得save post，方便向店員查詢有關餐點啦❣️📍姚姚酸菜魚📍銅鑼灣軒尼詩道500號希慎廣場

作爲一個無辣不歡嘅吃貨，我間唔中都會試下唔同餐廳嘅川菜係點。餐廳整潔寬敞，比人一種好舒服嘅感覺。神仙組合呢個雙人套餐真係冇改錯名，真係一個神仙組合黎。$338有酸菜魚有片皮鴨，真心抵到爛。姚姚酸菜魚（精裝版）雖然係精裝版，但係個分量一D都唔精裝，起碼有20塊魚。魚肉係帶住魚皮，保留魚肉的紋理到，厚實彈牙。湯底係酸酸辣辣咁，可以揀選返適合自己嘅辣度。片皮鴨（半隻）片皮鴨外皮酥脆鬆化而且肉質嫩滑，餅皮亦都厚薄適中，再加埋甜醬、青瓜條等等，一個字，正！真心推薦！！！片皮鴨半隻但個分量係超多！椒鹽鴨架應該係用片皮鴨嘅邊角料整成嘅另一碟菜式，但味道一d都唔馬虎，食落咸香焦脆，椒鹽味完美融入。麻辣香鍋呢度麻辣香鍋係叫一個鍋底再最少叫5個配料，强烈推薦牛百葉、嫩牛肉、蓮藕片同千葉豆腐！

偶然間想食酸菜魚🐟，都會諗起姚姚，因為魚肉大大片幾有水準。前排又同朋友去食了～❣️餐廳用上鱸魚，白雪雪魚肉，好嫩滑，而且可以暖住咁食，邊食邊傾計都唔怕❣️tiffany blue設計都幾柔和舒服🐟 姚姚酸菜魚拼番茄魚 $308（2人份）- 用上有水準鱸魚，可以一次過食到兩款口味，每邊都有一條魚，的確幾抵食- 個人比較鍾意酸菜魚，酸菜好香口，加上蒜片粒粒夠惹味。魚肉片片彈口，好夠麻香入味- 另外蕃茄味用上粉絲底，配番茄粒粒夠濃香🍲 麻辣香鍋- 點左5款配料- 雞翼、雞軟骨、花菜、四季豆,千葉豆腐，份量都幾多，炒得辣香惹味🔥- 個人最鍾意雞軟骨，炸香過夠脆夠香口，而且好多粒！另外雞翼都炸到夠香口。- 菜類比較索味，所以都比較辣呢到嘅辣都幾入味，有機會再來食🐟🐟

銅鑼灣分店未開之前都會特登去海港城分店度食，想食酸菜魚麻辣香鍋，但係又同事想坐得舒服，可以揀嘅選擇其實唔多，所以姚姚一直都係我嘅不二之選原來已經轉咗做電子落單，其實都幾方便，一眼望晒可以揀啲咩配菜，自己撳更方便🤭第一次試麻辣香鍋，見到有巴掌牛肉，好似好特別咁，即刻試吓先！由第一次食姚姚就好鍾意食佢嘅臘味炒飯，佢同出面嘅臘味炒飯做得咁好嘅係除咗粒粒分明，佢嘅臘味份量真係冇欺場😛 同時有足夠嘅香葱，平時好少食飯嘅我都起碼食一碗先滿足🤡🤡雖然今次冇食酸菜魚，但係都忍唔住要食油炸鬼，應該係佢哋搓嘅麵團落咗少少糯米粉？食落去嘅口感同一般粥店嘅唔一樣，多一份煙靭嘅口感，就算唔浸酸菜魚嘅湯都好好味🤭🤭終於到主角出場！之前食麻辣幹鍋通常都係去厚福街嗰間，但係嗰間每次都係好多好多辣椒，辣椒仲多過啲餸😂😂😂今次都係order得比較多配菜，但真係可以見到辣椒同食物嘅比例係正常啲無論食麻辣香鍋定係酸菜魚都唔少得薯粉！第一次喺度自己電子落單，記得嗌少鹽少油，但係唔記得咗小辣，辣得滯，不過都好過癮好惹味！如果有朋友唔係好食到辣嘅話，建議都係少少辣或者少辣最好🤭

有些時候, 總是特別想吃辣! 今次終於帶朋友去左姚姚酸菜魚~個人覺得呢間酸菜魚非常食得過,因為味道正, 份量足, 仲要好乾淨好打卡able!!Tiffany Blue既小清新主色調, 真係好吸引XD用手機落單, 唔使好耐就上得菜,我地點左二人份既酸菜魚同麻辣香鍋,兩個都超!級!大盤 XDDDD姚姚酸菜魚(2人份) $288用既係鱸魚片, 每一片都厚身,無骨, 滑嫩, 好香酸辣味,魚片唔會一夾就散, 酸菜酸爽開胃, 同埋份量超多, 食極都有咁!朋友都大讚呀~~我地仲加左寬薯粉條 (+$38) , 煙煙靭靭,撈埋酸菜湯食, 正!麻辣香鍋 $259最少要揀5個餸, 我地就揀左嫩牛肉、雞翼、牛百葉、土豆、蓮藕片真心, 超大盤!!!仲有大量辣椒、花生、荽茜, 愛辣人士必點!!嫩牛肉好滑, 雞翼係單骨, 入味之餘又方便,牛百葉、土豆、蓮藕片就非常適合乾鍋爆炒,好香口惹味呀!!最後, 來個解辣甜品:彩虹烏龍冰粉 $68七彩配料分別有黑芝麻、花生粒、小丸子、糯紅豆、提子乾、酒釀糯米底下就是烏龍冰粉,更會送上椰奶比你自己加,食完酸辣麻辣菜, 再食呢個甜品, 成個人都舒服晒~~~必點~~~食物好, 店舖乾

最近真係多左好多唔同地方可以食川菜🌶而且愈來愈精緻🎀呢一晚約左好姊妹去試一間可以打卡既川菜👯‍♀️就係位於銅鑼灣既姚姚酸菜魚📍地點好方便!-整家環境都好光猛同舒服，以薄荷綠色為主💚有別於一般川菜既感覺，兩個女仔去食飯都好岩!📸以QR CODE點菜📱食物方面都係以川菜為主，有酸菜魚、香鍋等唔同選擇🌶😆我地今晚都想食辣既，所以揀左麻辣香鍋🥘最少揀5個餸，我地揀左牛栢葉、脆皮肥腸、巴掌肥牛、萵筍片、鮮秀珍菇🥩🥬🥒上桌時我地都有D驚訝，真係好大碟呀!😆😆份量真係超級十足，即使辣椒都好多🌶🌶🌶好彩食落唔算太辣，但當然食唔到辣既朋友真係唔岩💡但對我泥講岩岩好，又麻又辣好過癮😁我個人覺得牛栢葉同萵筍片配上麻辣好夾⭐️因為怕唔夠澱粉質，我地仲叫左一個特級米飯配🍚-但由於麻辣香鍋對兩個女仔泥講真係好多😂所以難D再叫其他小食😇所以我就點了一定要試既甜品🍮係最期待既彩虹烏龍冰粉🌈真係好岩打卡 好精緻📸入面以凍既JELLY配上唔同顏色既Toppings🌈好似紅豆、提子乾、黑芝麻等等，仲可以自己倒椰奶🟥🟧🟩唔會太甜，但好順口呀😋不過份量又係幾多，所以適合大家Share!😂-始終川菜都係幾重口味，所以我地叫左幾款飲品

香港已經有好多間酸菜魚，但一定要推介來這裡試。店員話餐廳是選用鱸魚，而且配以水東新酸菜做湯的。餐廳以Tiffany blue為主色，座位非常寬躺舒適。值得回來再吃！🌱姚姚酸菜魚(2人份)少辣 和友人一起加選了寬薯粉條。上枱時見到份量超多，嚇了一跳。與友人隨即試飲啖湯底，湯底實在非常濃郁，明亮鮮口的酸味再加上辣味，味道相互提升，入口非常惹味。雖然鱸魚每片都係薄薄一片，但份量超多，魚肉入口非常新鮮滑嫩，而且已經去骨，吃得非常滿足。真係比其他餐廳吃過的酸菜魚好味👍🏻 另外，寬薯粉條都要加分！粗寬身得來煙靭彈牙，但食到尾都唔會散開或者幾條寬粉黏在一起👍🏻🌱麻辣香鍋麻辣香鍋有很多款配料可以自由配搭，今次就加了5款材料：脆皮肥腸、雞軟骨、千葉豆腐、萵筍片、豬頸肉。材料和酸菜魚一樣非常多，份量大。而味道方面，配料炒得夠乾身，配上香鍋味道夠濃夠惹味，值得試試🌱紅豆鳥龍冰粉冰粉通常是用來解辣的，但作為飯後甜品都非常好。這裡的唔太甜，但就充滿濃濃的烏龍茶味而且夠軟滑，上面鋪滿了花生碎粒、白珍珠粒、提子乾和紅豆做配料，份量非常充足。

之前係尖沙咀見到呢間酸菜魚店好想試 不過好長龍🥹 銅鑼灣店新開終於有機會試啦👍🏻 由裝修去到餐具都充滿滿滿既Tiffany Blue做主調 💙裝修好光猛舒服 仲有服務好主動好親切💕 同一班酸菜魚店好唔同😛 今日想食辣試其他菜色 質素都好唔錯🤩⭐️ 麻辣香鍋 🥘濃濃既麻辣味好地道🌶 食得返川菜調味濃郁既感覺 雖然見到辣椒好多 🫠但唔係得單調既辣味 有芝麻花生荽茜既點綴🥬 配料選擇左嫩牛肉同雞翼調味得好入味🐮 蓮藕木耳同土豆既口感各有各豐富🥔⭐️ 宮爆蝦球 🦐油爆過既蝦球好有鑊氣好考功夫💪🏻睇落精緻但係蝦球份量好豐富🧡 偏酸甜既口味可以中和返辣度🍍⭐️ 紅糖糯糍粑 🍭每次食川菜都必點‼️外面好酥脆 但係黏黏既Mochi感配上紅糖好有日式丸子嘅感覺🍡 一定要趁熱食🔥⭐️ 彩虹烏龍冰粉 🍧冰粉有種愛玉滑溜既口感🍮 特別在本身甜度唔高仲帶點茶味🍵 紅豆 提子乾 芝麻各種配料混在一齊🫘口味好Exotic😋⭐️ 新鮮水果烏龍茶 🍉茶底清新唔會太甜☕️ 配上粒粒新鮮生果好有夏日感覺 🥭⭐️ 多多桃膠鮮奶 🍼有啲似好多配料嘅珍珠鮮奶🧋 有紅豆丸子等等😋特別在桃膠口感QQ地 感覺比較健康