星味工房 海南雞專門店 (已結業)

話說小妹細細個住喺新加坡，都算食過唔少當地既地道美食，知道聯和墟呢頭有間出名既新加坡餐廳，當然要試一試。當日去到大約係六點鐘，時間尚早加上平日，店內只有廖廖兩台客，所以即刻入得，好好彩無食評講咁多人唔洗點等。老闆好熱情咁招呼我入去，同推薦餐牌上既招牌套餐－－新加坡口味海南雞飯。水牌仲有其他新加坡既經典菜，例如喇沙、沙嗲、娘惹咖哩等，亦有唔少香港口味既茶餐廳碟頭飯，配合返大眾口味。落單後幾分鐘即刻有得食，套餐以托盤擺好上枱，望落已經覺得好豐富中湯係青紅蘿蔔湯，消食助消化，岩哂夏天飲味道好清甜，無加味精，好足料，剩係蘿蔔都有四五舊。海南雞無骨易食，雞肉鮮美嫩滑，有鮮雞味，生熟恰到好處，雞皮一啲都唔肥，即使平時唔食雞皮既我都忍唔住食哂旁邊有三種自調醬料可以蘸，包括醬油、蔥油同泰式酸辣汁，酸辣汁係類似泰式鳳爪果隻，酸酸辣辣咁好開胃，但個人偏好醬油，甜鹹平衡得恰到好處，剩係個汁都夠送哂成碗飯。油飯亦係畫龍點睛之作，加入左黑蒜同雞湯煮成，香口惹味，飯粒煮得岩岩好，微硬略帶咬口，呢個海南雞飯的確有水準食飽當然要嗌返個甜品滿足下第二個胃，我揀左呢款未見過既麥皮香蕉口味出眾，香蕉香甜軟熟，表面淋上麥皮同七味粉，增加口感之餘味道辛中帶甘，好特別。食埋甜品已經接近七點，舖頭亦開始多人，見好多客人除左嗌呢個招牌海南雞飯亦有嗌咖哩牛腩，相信亦係撚手小菜之一～下次再黎一定要試下…查看更多

今日番大陸做野，竟然番得黎香港食晚餐，於是約左係粉嶺做野既舊戰友食飯。佢呢個地頭蟲帶我黎呢度食，話個二人餐好豐富抵食，充滿星洲味道。餐廳裝修簡單光線充足，感覺乾淨舒適。套餐價錢街坊我地揀既二人餐，有菜有肉有飯有水果，吾係多肉少菜，出街食都可以好健康。哥b冰，戰友話飲完醒神哂，一陣可以番去OT是日例湯係粟米蘿蔔湯，湯吾油，飲完一d都吾口渴，仲有好多餸可以食，粟米清甜，正。雞絲粉皮份量多，仲配埋好健康又爽脆既木耳。呢碟冷盤小吃，食完人都爽d。星洲雞，一d都吾老同鞋，3款醬汁仲將雞既鮮味提升吾少。炒飯啖啖餸，而且飯粒分明，吾會好似媽咪係屋企炒既一舊舊 。咖哩汁濃厚，大食既人應該可以餸兩碗飯。飯後果/甜品係麥皮香蕉。上面既七味粉將平平無奇既香港同麥皮既味道變得複雜，口感都好特別，食甜品/水果都可以好健康又有創意。…查看更多