鮨樂 (奧海城3期) (已結業)

「鮨」喺日文既讀音就係sushi🍣，開頭係代表黑鮪魚咁解，後來因為黑鮪魚大豐收而廣為人知，跟住商人為左招攬生意，就用呢個字代表用好吃既魚🐟做壽司🍣作為賣點，所以鮨樂呢個名真係幾有意思😌 裝修以淺色木系🪵為主，有幾多梳化🛋️位，同時天花中間有木條🪵砌成既螺旋型🌀裝飾🎍，連杯都係用魚🐟字做邊旁既字組成幾特別～ 難得既係野食組合好多，用料高質又好食😋 之後一定會再翻兜😍(5 😍 係滿分，🤩係半分）10貫豐州壽司御膳 🍣 - $198 (好味指數：😍😍😍😍🤩)海膽🐡：味道甘甜，入口軟滑即溶，有啖啖既海水🌊鮮味，一啲都不唔腥三文魚子🟠：三文魚子🟠 一咬落去就鮮香四溢、充滿魚脂香，幾有層次感～燒玻璃蝦🔥🦐：個玻璃蝦🦐晶瑩剔透，燒過🔥之後有啲焦香，蝦味幾出，味道鮮美，質感嫩滑軟糯幾正🤤燒左口魚🔥🐟：本身係白身魚，魚味🐟會相對清淡，但調味過同燒過🔥之後油香幾突出，夠肥美同香口😋燒魷魚🔥🦑：彈牙唔會韌，味道香口鮮甜～燒三文魚🍣：肉質細膩，肥甘味美，肉嫩油豐，真係唔錯～ 燒吞拿魚🍣：有豐腴既脂香，入口即溶，柔軟嫩滑，幾正🤤燒星鰻🐟：味道香甜，肉質細緻柔嫩，有啲膠質同油香幾好食～太卷：呢個係經典組合，裡面有蟹柳🦀、醃蘿蔔、蛋🥚、青瓜🥒，幾香口同埋清爽～玉子🥚：個樣係鮮黃色，印左餐廳🍴名，用左魚🐟既上湯🥣吊味，突出到蛋香🥚又鮮甜，香口嫩滑又juicy～茶碗蒸🥚 (好味指數：😍😍😍😍🤩)雖然個茶碗蒸🥚係跟餐既，但好出色同有驚喜😍 裡面有超多一梳梳既蟹肉🦀，質感軟腍綿密，鮮甜多汁，亦有唔少鮮甜彈牙既蝦肉🦐 味道鮮甜，啲蛋🥚細緻嫩滑，配埋上湯🥣就更加鮮味～沙律🥗 (好味指數：😍😍😍😍)呢個沙律🥗有幾多料，包括有清新爽脆既青瓜🥒、新鮮清爽既沙律菜🥗、酸甜多汁既番茄仔🍅同香甜既粟米🌽，配埋灰色既芝麻醬，香味感更加濃郁，酸酸甜甜幾開胃🤤味噌湯🥣 (好味指數：😍😍😍😍)味噌湯 🥣係日本既國湯🥣，質地清澈，味道濃厚，鹹中帶甜，亦有少少鰹魚🐟風味既餘韻，有海帶同豆腐都唔錯～海膽三文魚子三色迷你杯飯 🐡🟠🍚 - $69 (好味指數：😍😍😍😍🤩)呢個喺奧海城分店限定既半價優惠😜 呢個組合令人滿足😌 上面分別有海膽🐡、三文魚子🟠同吞拿魚蓉🍣，海膽🐡味道甘甜，入口軟滑creamy，有啖啖既海水🌊鮮味～ 三文魚子🟠 一咬落去就鮮香四溢、充滿魚脂香，幾有層次感～ 配埋細緻柔滑、魚味🐟濃郁既吞拿魚🍣，層次好豐富，又有飯🍚可以中和下嗰種油膩既感覺～鹿兒島西冷和牛巨切壽司 🐮🍣 - $97 (好味指數：😍😍😍😍)呢個喺奧海城分店限定既7折優惠😜 鹿兒島西冷和牛係唔同啲，有靚靚既大理石花紋，油花分佈均勻，牛味🐮香濃之餘味道鮮美，質感軟嫩多汁，肥瘦適中～ 燒過之後油香更加突出，入口即融，煮好之後都感受脂香😋 下面有埋飯🍚就無咁油膩～蟹味噌甲羅燒 🦀🔥 - $88 (好味指數：😍😍😍😍🤩)呢個係推介料理黎😜 甲羅燒係日本傳統既濱燒美食，濱燒指既係喺海岸邊用爐火🔥將海產燒熟，即捉即煮既味道會特別鮮甜～ 而甲羅燒係將蟹膏🟤同蟹肉🦀放喺蟹蓋🦀️上面燒嚟吃，真係有超多蟹膏🦀️，味道甘香豐腴，好creamy同惹味，蟹味🦀濃郁鮮甜👍🏻 仲可以配埋脆卜卜既米紙食都唔錯～好味指數：😍😍😍😍🤩推介指數：😍😍😍😍🤩…查看更多

居酒屋餐點選擇多，而且熱門菜式都有折，非常抵食！座位好闊落，有卡位坐，私隱度高，亦可以揀吧枱位睇住師傅整壽司🍣.🌟 本鮪（吞拿魚）拖羅丼 $208份量十足，中拖羅同大拖羅各兩塊，吞拿魚蓉夾雜蘿蔔，口感更有層次，配合埋醋飯，令人食指大動👍🌟本鮪（吞拿魚）盛合 $119有赤身、中拖、大拖同火炙大拖壽司🍣，仲有吞拿魚蓉卷物，火炙更帶得出油脂香氣，一咬開油脂充滿口腔，建議由赤身食起！.🌟時令刺身盛合 $588有三文魚好軟腍，油脂感滿滿🍣赤身同大拖羅依舊有水準😋生嘅北寄貝好爽口👍虎蝦好有鮮味，蝦膏好濃郁🍤.🌟大拖羅$110🌟中拖羅 $96🌟吞拿魚 $70每一件刺身都有𠝹花，方便咀嚼。吞拿魚好厚肉，無筋。中拖羅油脂感同肉味平衡，入口即溶。大拖羅就油脂感十足，但唔會過份油膩，每一啖都充滿魚油既香🌟汁燒原隻活北寄貝 $64肉非常飽滿，貝類既鮮味，醬油既咸味同牛油既香味好配合！食落好彈牙，亦有昆布鋪係底，夾埋一齊食，口感更豐富🥳🌟蟹味噌甲羅燒 $88蟹肉份量非常多，配上蟹膏嘅香濃，好夾！食落有豐富既厚度，亦都唔會膩。隨碟附上三塊小魚乾脆片，味道濃郁，配合甲羅燒一齊食，好有層次感💕.🌟鹿兒島西冷和牛巨切壽司 $69/pc上碟一刻既沖擊感好大，非常之長，果然係巨切🤣。不能夠一啖食哂，油脂感同肉味好平衡，亦有淡淡既黑椒味，簡單調味更帶出牛香味😍.🌟時令白身魚配洋蔥 $74是日刺身係鰈魚，配洋蔥有更多層次嘅口感🧅有洋蔥嘅爽同魚嘅滑嫩👍🌟岩蠔 令和之怪物 $49/pc手掌一樣嘅大細🤣，好厚肉！食落好滑，而且好有鮮味🥰.🌟迷你南瓜雪糕 $58用原個南瓜裝雪糕，🎃雪糕食到好深都仲有🤣，有淡淡南瓜味🍦.📍 鮨樂 (奧海城3期) (大角咀)大角咀海泓道1號奧海城3期地下G23號舖…查看更多

上星期同朋友嚟大角咀慶祝生日，原來呢度新開鮨樂。之前喺中環食過lunch set，連鎖壽司店呢度食材都日本直送，新鮮D，今次就試埋佢地既晚市啦！因為係新店開張，所以呢度有唔少奧海城限定菜式同優惠。前菜我地點左「岩蠔」，每隻都好大隻，肉質紮實，蠔🦪肉帶點海水嘅香氣，味道濃郁豐厚，加埋檸檬汁就更清甜。朋友本身鍾意食鮪魚🍣，就當然要叫返幾款拖羅壽身同刺身。吞拿魚口感細嫩綿密，富有油脂香氣，魚香味十足。中拖羅幾乎無筋，口感豐富，入口即溶。而大拖羅顏色較淺，係較多脂肪既位置，食落有咬口，油分豐富，口感有啲似日本和牛咁😌。即使唔蘸豉油，魚香味十足😊，都夠哂新鮮。而賣相最吸引一定係「吞拿魚拖羅丼」，有齊大拖羅、中拖羅同吞拿魚腩蓉鋪滿壽司飯上，啖啖滿足🥰。食完壽司刺身又要試吓其他嘢。估唔到呢度都有鵝肝食。鵝肝本身已經好肥美，煎香後油香味更突出。配埋薄薄香脆米紙，口感好有對比，加黑醋食落帶點香甜，降低油膩感。「蟹味噌甲羅燒」又係幾特別，蟹殼放左好多蟹肉同蟹膏，再加埋味噌煮夠哂惹味，用嚟配白飯或者係旁邊嘅魚乾就一流👍🏻！「時令寒鰤薄切」入口彈牙清爽，配埋爽口嘅青蔥同埋洋蔥，口感同拖羅截然不同。「鹿兒島西冷和牛巨切壽司」相信又係最吸睛🤩，有成20 厘米長既和牛薄片，微微炙燒過所以幾有油香🥰。當然唔少得「時令刺身盛合」，有齊帶子、三文魚、生蝦等刺身，食落鮮味十足。最後唔少得甜品🍧，呢度都會提供特別口味雪糕。我幾鐘意南瓜🎃味，食落味道突出，而椰子🥥會清新D。整體感覺都唔錯👍🏻，食材都幾新鮮。我就幾推薦「吞拿魚拖羅丼」、刺身、鵝肝、蟹味噌甲羅燒、雪糕都幾正👍🏻，而且澳海城分店有限定優惠同菜式，想食日本野既朋友可以去試下～～…查看更多