炯記餐室 (沙咀道)

下午茶餐: 煙燻燒鵝瀨, 都是可以的, 但燒鴨較好味好食.外賣:鹽焗手撕雞: 同以往一樣, 都是不差, 唔錯的.半隻燒鴨: 唔肥的,好好味.叉燒燒腩仔例牌: 厚切瘦叉燒, 脆皮燒腩仔, 皮真很脆, 唔錯的.…查看更多

成日經過炯記都想試試佢既手撕雞，今日就決定去試試。晚飯時間，店內唔算太多人，唔需要排隊等位就可以入座。再望望餐牌，即刻心心眼😍。實在有太多選擇喇！又想食手撕雞；招牌鵝油撈麵又好吸引；手撕雞腸粉亦好特別...........令我即時出現選擇困難🫣正當心大心細時就發現有個炯記二人餐可以一次過滿足晒我3個願望，有鹽焗手撕雞半隻；醬皇豬手；麻辣雞腎；油菜，太子鵝油撈麵，例湯同凍飲2杯，仲要只係$198😋醬皇豬手大大碟，燜得超冧超入味，香濃黏嘴；肥而不膩，係滿滿既骨膠原😍😍😍手撕雞～皮爽肉嫩滑，果然係必食招牌菜👍🏻而於太子鵝🪿油撈麵亦非常好食；鵝油香加上彈牙撈麵，令人齒頰留香回味無窮😋總括而言，呢個二人餐真係非常超值。以唔需要200蚊就有滿枱食飯，食到飽飽離開，絕對係大滿足！👍🏻👍🏻👍🏻👍🏻…查看更多

四人餐有2個前菜、3個主菜、2碟油菜，仲有飯、湯同餐飲，咁多野食都只係$408仲要無加一，份量好大，四個人根本食唔哂🙉 仲可以打包番屋企食多餐。半隻燒鵝無花無假，真係大大隻鵝半隻🙊。鵝上枱果陣溫度連暖都無，明嘅，如果一路熱住，肉質會變鞋，不過始終凍左，肉質偏實。鵝油脂豐富，入口爆油，鵝皮真係好香，卡路里爆燈都要食🤣 豬手(例)例牌有4件，啱啱好每人一件。豬手炆得好淋，而且都入味，仲要好重膠質，食完嘴唇好痴；可以揀要唔要菇，我係食菇之人，當然要啦!! 不過菇細粒得嚟，仲要苦，最後全部無食。鹽焗手撕雞調味適中，由於燒鵝太吸引，所以八成手撕雞打包番屋企。😏鵝油撈麵只提供柤麵，男友對梘水感敏，只可以食白飯😶 粗麵有咬口，不過鵝味唔太覺🤔，我加左佢地嘅辣油，覺得好味過用鵝油撈😅 值得一提，打包番屋企嘅麵，用少少熱水浸番熱佢，反而更香，所以我覺得濕食比乾撈好味🤤。前菜 – 麻辣雞腎爽脆、唔太辣；酸辣雲耳入味又夠酸，呢個好好味😋。飲品除左奶茶、咖啡果D外，仲可以揀特飲(但阿華田特飲要補$10)。張枱放到滿哂🙉 呢個價錢，食到咁多野，質素仲要唔算差，性價比真係好高。…查看更多

成日都買開炯記既手撕雞 今日去開見到原來佢哋都有啲套餐仲要個價錢超抵添呀 性價比超高份量十足 菜式選擇好多炯記二人餐，分分鐘3-4個人都絕對夠食呀叫到成枱野都係$200有找我地選擇左以下菜式：鹽焗手撕雞（半隻）超大一碟 好有咸香味 加埋芝麻好香口肉質鮮嫩 醬皇豬手 （例）六件豬手 大大件醬汁好濃郁，充滿住骨膠原呀豬手吸晒醬汁嘅味好入味麻辣雞腎好爽口 又入味加埋啲芝麻特別香口酸辣雲耳好開胃 酸酸辣辣咁 雲耳都好爽口郊外油菜 （一碟）菜心加埋甜豉油好夾呀 菜好新鮮太子鵝油撈麵 （兩碗）入口超香鵝油，麵條加埋秘製嘅豉油麵條都淥得好爽特別香濃叫咗兩杯特飲都唔使加錢 （兩杯）凍鹹檸七凍檸樂是日靚湯 （兩碗）紅蘿蔔粟米湯 好足料連湯渣都食埋 啲嘢食真係太多店員好好 幫忙打包放入外賣盒足足拎咗兩大袋返屋企呀😜…查看更多

平郵去買手撕雞，都係同一地方，今日經過行山,見到炯記茶餐廳,茶餐廳係開放式廚房,而且門外有大大嘅招牌說明手撕雞，半隻費用$48，1隻$88！於是吸引我去試一試呢間店嘅手撕雞。好可惜壽司雞已經係一盒盒整好咗放咗喺雪櫃，於是唔係即叫即切即調味。我返到屋企嘅時候用左芝麻同埋買入再調一調味。因為唔知道當時嘅調味粉究竟有幾多。感覺上呢⋯⋯我叫嘅鹽焗手撕雞，鹽焗雞味道，我係食得出，我就唔係感受到手撕雞既滑，雞件有點鞋鞋地嘅感覺。…查看更多