稻埕飯店 (K11購物藝術館)

與一班朋友聚餐，星期五也沒有滿座，大概已經係香港的日常? 我哋主要都係散叫:鵝不是鴨肉 – 上到菜比想像中細份, 可能隻碟又太大啦… （圖中係一上枱嘅樣）花雕藥膳雞卷 – 好味! 推薦!! 呢個算係咁多個菜入面，所有人都好鍾意同大讚既食物之一!  骨膠原豬手 – 味道非常好, 而且真係好似食緊滿滿既骨膠原咁! 正花枝月亮蝦餅 – 新鮮炸完就上，雖然做得有d 薄，但都係好好味，好足料既黃金單骨雞翼 – 呢個相對冇咩驚喜，味道正常，唔算太多咸蛋黃碎櫻花蝦油飯 – 呢個都係大家一致大推同埋清唒既一道菜! 油飯加埋櫻花蝦，好香、好夾!!滷肉飯 – 味道正常，份量相當迷你，但我地都食唔唒… 每樣食物都不過不失，但實在沒有什麼記憶點。另外想特別講一講呢間餐廳既服務，實在係強差人意，餐廳當晚不算多人，但入坐後沒有任何人過黎協助，當然不用說水和餐具。明白餐廳是以自助點餐形式，但所有野都要客人出聲先會做，而且，呢間餐廳要叫停一個侍應是相當唔容易既事。上菜的時候也都只係放低個碟就走左，完全唔會講呢個係咩黎。咁岩我地有個餸送錯左，我諗都等左5 分鐘先有人理我地。跟住我地有個糖心蛋 (應該就係同之前送錯果個搞亂咗)，最後催左兩次先有人送返比我地。最主動就只有黎同我地講last order，其他時間都搵唔到人既… 整體黎講，食物既質素同餐廳既服務加埋，就真係未必會推薦呢間餐廳。…查看更多

一行四人吃冬至餐🥢，整體食物挺好，尤其是鵝片、豬手花膠石鍋、蒜泥五花白肉、八斗子炒飯和桂圓紅棗芋圓湯丸飯店裝潢雅致，部份位置以綠草和黃稻穗🌾作裝飾，感覺舒服。枱之間有一定的距離，有梳化和座椅位，都讓人坐得舒適🔰話梅小山藥，開胃小吃，爽脆醒胃🔰台灣烤香腸拼墨魚腸(自家製），兩款都不錯，個人愛吃甜甜的紅香腸🔰鵝不是鴨肉(獅頭鵝例牌），這鵝肉片實在要讚，肉質柔嫩軟腍，完全不嚡。太好了😃，下次想吃鵝片都會來這裡吃🔰金銀蒜泥五花白肉卷，齊齊整整，每件五花肉都配一片青瓜捲着，這配搭不錯，有清爽之感，而落醬汁的位置令食物增添美感🔰金不換干貝螺頭燉雞湯，真材實料，清甜好飲，雖然有少許油浮面，只需用少少舀湯技巧，每羹湯都不會有油呢🔰古早味三杯鮮雞，味道夠，但雞肉不太嫰，有些嚡🔰花枝月亮蝦餅，餅裏是墨魚和蝦膠，但餡料太薄和少，未能突出其味道，外層餅皮有些硬和乾🔰秘製台汁骨膠豬手花膠石鍋，這道豬手上桌時，石鍋裏的芡汁仍然熱到撲撲聲，很有熱力。花膠不錯，豬手腍而入味，入口即化；吃豬手皮時，連同濃郁的秘製汁，極致好味，口腔都感受到滿滿的骨膠原🤣🔰八斗子炒飯（虎蝦,北海道帶子,鵝肉,蟹肉,蟹籽,豬肉鬆），材料豐富，炒得香噴噴，唯獨吃到最後，看到碟上有油。而豬肉鬆另上是因某親朋不太愛吃🔰桂圓紅棗杞子芋圓湯丸，wow，這豐富的中式甜品，紅棗香甜，芋圓煙靭，糖水好飲，但最喜歡芝麻餡湯丸，非常好食，勁香芝麻味👍🏼🥣稻埕飯店是太興集團旗下的品牌，吃過這頓晚餐，甚為喜愛他們的招牌白滷水鵝片🫶和骨膠原豬手🫶，yummy😋…查看更多

近排返煲華燈初上，被古早台灣風深深吸引💕友人得知便帶🐻去呢間主打台灣懷舊風嘅「稻埕飯店」開餐😆.相比坊間一般台灣餐館，稻埕裝潢非常別緻✨天花及牆身都有時鐘及齒輪裝飾，有種時光倒流回到過去感覺🕰️部份座位更設梳化卡座，寬敞座位配合昏暗燈光下，用餐特別有情調😌.🍴鵝不是鴨肉💰$152（例牌）餐廳招牌菜式💕用上頂級獅頭鵝，配以花椒、八角、桂皮、丁香等十多種材料調製嘅白滷水醃製🥢相比一般滷水，入口更清香，唔會死咸😙鵝肉肉味濃郁，肉質鮮嫩😋白滷水更突出鵝肉鮮香，越食越「鵝」🤣.🍴石鍋三蝦泡飯💰$108睇熱阿⚠️呈菜時石鍋熱得翻滾🔥湯頭充滿蝦嘅鮮香🦐香菜更將香氣昇華🆙泡口吸滿湯汁精華，非常甜美😚食嗰陣灑上脆米，卜卜脆好有口感😝.🍴香煎美國安格斯牛腓力配燒鳳梨芭樂醬💰$188估唔到牛肉同菠蘿會咁爽😯安格斯牛腓力油香四溢，再碰上菠蘿酸甜，減低油膩感同時為牛肉帶來鮮香🍍非常清新配搭，夏天食好爽🤪.🍴花枝月亮蝦餅💰$105外層炸得金黃香脆，夠乾身唔會油淋淋😌有種台灣夜市小食嘅感覺😝.🍴蔭樹米豆乳鵝仔菜💰$78香港比較少見嘅鵝仔菜，🐻都係第一次食🤣識落有啲似油麥菜，幾爽脆🤓.想喺舒適有情調環境下品嚐不一樣台灣菜，不妨去稻埕試一試😎…查看更多

品味華饌二人套餐C$588玫瑰珍珠草莓舒芙蕾班戟配香草冰淇淋$68好味指數：😋😋😋😋😋抵食指數：💲💲💲💲環境舒適：😌😌😌😌😌環境衛生：🧹🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️💁🏼‍♀️推介原因：最近買了一套機票去台灣，和老公計劃一下5天行程可去的地方，搞得突然很想吃台灣菜。早前聽姐姐說K11這間台灣餐廳不錯，剛好又路經K11 便試試。餐廳供應的食物種類頗多，而且感覺是走高級路線，與平時吃到的台灣菜不同。由於有點選擇困難，就點了個二人套餐。套餐有2個前菜、2個主食、2碗白飯、2個甜品及2壺茶，份量不少。個人認為加多點小食，這個餐夠3人分享。話梅小山藥酸酸的，是一個十分醒胃的前菜。鵝不是鴨肉，即台式滷水獅頭鵝🦢。不會有一層過厚的脂肪。鵝肉切成薄片，夠入味。有十多片鵝肉，另有滷水豆腐、芽菜仔。蒼蠅頭爆炒韭菜花就是加了豆豉還有少許花椒炒的韭菜花。第一次吃到這樣配搭的韭菜花，好惹味。可以回家試試這個造法。秘制台汁骨膠原豬手花膠石鍋，如其名，滿滿骨膠原，吃得嘴巴👄也黏黏的。豬手和花膠夠腍夠入味。一鍋有約4大件豬手。芋圓珍珠紅豆🫘湯不太甜，好足料，大半碗都是料。芒果🥭西柚丸子有點似楊枝甘露。丸子好軟糯。我倆被餐廳那些精美又不貴的甜品🍮吸引到，另外點了一份玫瑰珍珠草莓舒芙蕾班戟配香草冰淇淋。擺碟真的好好看。那塊粉紅色的班戟，配上草莓🍓及草莓醬，可以吸引不少女士。班戟夾著珍珠，可增加口感。下次要跟朋友吃甜品，不一定要去甜品店，這裡比甜品店更舒適，而且選擇也不少！…查看更多

晚市兩人套餐有3款除咗主菜之外其餘大致相同我點的主菜是香煎日本珍寶帶子配紅蔥鮮露筍前菜有話梅小山藥另一主菜就係餐廳必食的「鵝不是鴨肉」配台灣米飯另外有蒼蠅頭炒韭菜花甜品有芋圓珍珠紅豆湯（熱）或者芒果西柚丸子（凍）餐飲有三款茶巨峰鳥龍茶茉莉龍珠綠茶總共$528未計加一…查看更多

好耐冇去過台灣，唯有搵間個名好台灣嘅餐廳試吓 ...個鵝肉味道可以，不過毛就未除得夠乾淨😅呢度服務超好，一上枱就即刻一人一碗分咗個飯，攞起手機影已經分完呢個好似係𧐢餅 ... 最好食係啲蛋呢味蟹鉗肉酥蛋捲，味道好嘅，可惜太多油 個炸大腸 ... 其實可以唔使叫總體來講食物ok啦，都係等開關之後去台灣食…查看更多

平時經過依間夜晚好多人排隊我地六點半到walk in 都仲有位依度用qr code 落單，d 菜名都幾特別下兩個人叫左三個小菜，一個飯先上唔知係咪冷盤，因為得微暖甘鵝肉下面仲有豆乾～鹵水味做得唔錯鵝肉唔鞋又唔肥～依個好食名叫鵝仔菜，但係香港應該叫油麥菜d 菜好甜好食，炒得好好又惹味依個係有驚喜依個金瓜蒸粉肉應該算係最伏。。。d 豬肉包住層粉類，，口感奇怪而且d 豬肉又大大舊好肥。。。南瓜底唔算甜。。我地食左兩三舊肉都直接放棄泡飯佢幫我地分好甘上，所以無影到佢成個木盤上既樣可以分到三小碗滿既米頭仲有d 脆米有𡁻口湯底好重蝦味，正，同埋d 配料都唔少，淡淡都有個飯真係好食～～仲叫左杯桂花胚芽米水，雖然我叫左走甜，但米味都係好淡。。桂花味無乜。。整體d 小菜同個飯都唔錯，係有少少驚喜～:)…查看更多

又是一間和天使偶遇的餐廳。由於地點還算方便，我們今天便來一試。原本還點了一個皮蛋的菜色(名字忘了)，但天使本身是不吃皮蛋的，只是從名字聯想不到是皮蛋的菜色所以誤叫了……所以便沒有刻意記下。這個菜沒什麼特別，用皮蛋和紅錄辣椒一起弄。除了辣之外沒有特別的味道。這個是"不夠。臭豆腐"。拜盤出色，可惜我被醫師勸喻近幾天不能吃豆腐所以沒有試，主要是靠天使吃的。據天使形容︰吃下去和吃多士沒什麼分別。這個也是天使誤叫的，他叫的時侯不知道原來是沙冰，但卻救了我一命…那個皮蛋菜色對我來說真的太辣了。說回這杯飲品…沒什麼特別，甜甜的、涼涼的，不難入口。這個叫"鵝不是鴨肉"，說穿了即是鵝片。味道和口感和潮州打冷的鵝片差不多，除了鵝片有骨。:(天使還一時大意，以為沒有骨頭而用力大咬，結果牙關還麻痺了一會兒。這個是滿滿骨膠原豬手。算是名符其實。豬手炆得很軟，很易入口，調味本身是滷水汁，所以很困難才會令人覺得難吃。要說特別的話，豬手之間有一束炸過的菜葉…但菜葉和豬手一起吃不夾，單吃起來又沒什麼特別…應該是用作伴碟的吧？最後上的是這個三寶麵。店員說茶餐和單叫的分量沒分別，但價錢卻相差超過一半，所以我們便叫了茶餐的，還外送一杯熱柑桔水。麵聲稱是自家制的，處理得頗不錯，頗煙靭的，但就是略嫌靭的比重較多。三寶也沒什麼特別，正正常常，沒什麼亮點。或許人的一生，可以有亮點的機會不會太多。不過不失，或許也算是一種成就吧？…查看更多

同朋友黎聚聚～我幾鍾意呢個胡椒蔥肉包，可能因為我鍾意食台灣胡椒餅，佢用嘅餡料同胡椒餅相似，個包嘅表面係用煎嘅做法，外脆內軟，賣相都好靚。聽個名就好搞笑，鵝不是鴨肉（獅頭鵝），雖然份量唔係多，但係肉質比平時食嘅鵝肉鮮嫩入味，伴有少少鹹菜，滷水豆腐片放底，每樣野都好好食。石鍋三蝦泡台梗飯係用台灣米煮成，石鍋上熱辣辣。有貼心服務，店員會喺旁邊分好每碗再遞上，可以隨意加埋脆米胡椒粉調味。我就覺得冇需要加其他調味都好好食啦～白苦瓜汁加蜂蜜飲用鮮蜂蜜，去苦味，好飲又好有台灣風味。另一杯蜂蜜茉莉綠茶奶鐵，未飲過，又幾好飲。面層嘅奶泡係用鮮奶打成，入口軟滑後感清新。朋友話呢個甜品都好好食，芋圓珍珠仙草奶蓋，裏面有芋圓、珍珠、仙草（涼粉），個底仲有少少豆腐花，入口香滑， QQ又甜甜地嘅珍珠，有趙口嘅芋圓，清爽嘅仙草，呢個配搭好Perfect，不過甜又豐富。食嘢期間發現有着咗制服嘅捧餐機械人經過，感覺有幾得意又衛生～…查看更多

中秋前夕借勢約朋友食飯做節🌕，我哋去咗K11新開嘅「稻埕飯店」。由於訂咗枱，去到可以直入，無訂枱嘅話又咁爆場，真係要等位！餐廳都幾先進，我哋一坐低店員就為我哋送上手機紫外光消毒機同電子屏幕菜單🖥。朋友唔大食(仲走澱粉質)🙈，所以我哋只係叫咗兩個小食、一份主菜同甜品。鵝不是鴨肉(例牌)($98)，餐廳嘅菜式名食哂字，有趣有趣🤣。無骨鵝肉有七至八片，以台式白滷水浸製，所以唔會過重口味，食落清爽。伴碟除咗令菜式變靚之外，亦讓食客進食鵝肉前後可以清清味蕾。其中包括薑絲芽菜同醃菜甫蘿蔔，後者好入味好好食🤤。不夠．臭豆腐($68)，臭豆腐嘅造型精美，好似積木咁一件件搭住。從來唔食臭豆腐嘅我見佢唔係太臭🤣，所以㩒住個鼻試咗一件，原來食落係無乜臭味，而且非常脆口。鹽酥豬扒滷肉台梗米飯($86)，以一個托盤咁盛住飯、豬扒、蛋同甜酸子薑。🥚溏心蛋流心效果一流；子薑偏辣，則作開胃之用。滷肉飯選用台灣直送台梗9號米，🍚米粒飽滿，黏性較平日食開嘅強。滷肉份量多，肥瘦適中，仲有搭配椰菜。不過飯就唔算多，應該係單點Size。鹽酥豬扒🐷超好食，而且大大件！炸皮又薄又香口，脆得嚟唔熱氣，炸衣同肉身並不分離，肉質鬆軟，正😋。桂花酒釀丸子($36)，原來呢個甜品係熱食嚟㗎😳，丸子偏淋身，但都有幾多粒下；估唔到桂花酒湯嘅酒味都幾勁🍶，另外仲有好多杞子。飲品方面🥤，我哋要咗凍桂花胚芽米水($32)同蜂蜜白苦瓜汁($38)。前者幾好飲，胚芽同米水好夾。後者係我朋友點的，味道無想像中咁苦，但都唔係我杯茶。總括嚟講，飯店主打台菜，不過好多菜式都真係🇹🇼台灣原味道，好少喺香港嘅台灣餐廳見到，頗特別的！那些年的古早回憶在稻埕飯店...。…查看更多

小妹已有好一段長時間無寫食評喇！但今次可以成功吸引到令到小妹再次食寫評去推薦嘅係喺尖沙咀K11嘅「稻埕飯店」！一開始我們去K11仲諗緊搵去邊間餐廳食晚飯，小妹我就喺openrice搵吓，搵到呢間叫「稻埕飯店」嘅好評都幾多，而且睇到食物嘅照片都幾吸引，所以我們就決定入去食晚飯！喺門口等待店員安排我們入座嘅時候，我們睇到個放喺門口嘅大餐牌有呢個中秋節期間供應嘅「$788四人套餐」：金銀蒜泥五花白肉、福州佛跳牆、宜蘭三星蔥油鷄「例牌」、台灣白肉苦瓜炒美國頂級安格斯牛小排、蔭樹米豆乳鵝仔菜、滿滿骨膠原豬手、滷肉台梗米飯、黑糖薑母鮮奶湯圓！當中我們比較喜歡嘅分別係：金銀蒜泥五花白肉嘅賣相相當吸引，最初以為味道會係普通充滿蒜香味嘅五花肉，點知食落原來入面係有薄薄嘅青瓜片同五花肉一齊捲成，感覺非常爽脆清新，最好係唔好有好油膩嘅感覺！福州佛跳牆係最令我們驚喜嘅，因一開始打開嚟影相嗰陣祇係隨手搵到一隻鮑魚，當時已經覺得都幾大隻，但到分湯嗰陣就越分越驚喜，因無諗到小小嘅燉盅入面會有咁多湯料，除咗有鮑魚之外仲有花膠、海參、金華火腿等等等等⋯⋯真係超足料呀，湯底嘅味道非常芳香濃郁！滿滿骨膠原豬手燜得好腍好入味，肉質相當鬆軟，豬皮嘅質感非常煙韌軟滑，因燜咗有一定嘅時間，所以完全無硬實實嘅感覺！黑糖薑母鮮奶湯圓最初我們以為味道會好甜，但甜度竟然啱啱好，而且仲有桂花嘅清香味，同埋原本以為祇有湯圓，點知發現有埋芋圓，真係覺得好開心！至於宜蘭三星蔥油鷄「例牌」同另外可以用$68優惠價追加「鵝不是鴨肉」例牌嘅味道都相當唔錯，但令到我們有啲啲微言嘅就係擺放得太過側埋一邊，略嫌賣相唔太好睇！至於稻埕牛肉麵就係我們特意另外點，因每次去每一間台灣飯店牛肉麵都係我們必定會叫嚟食，一開始飯咗啖湯，湯底嘅味道超級鮮甜濃郁，牛𦟌肉質係超鬆化軟腍，而且有入口即溶嘅感覺，而且份量十足，麵質亦非常煙韌彈牙，真係值得推介再推介呀！另外喺用餐嘅時候，見到有個電子傳菜員負責送餐出嚟，感覺真係特色同可愛！…查看更多

最近的台灣之旅不能去了，留在香港，到處搵番地道的台灣食物，買台灣產品，再等待下次出發。今日去到K11的台灣店，總算食出了台灣原味道。讓人食指大動。 鵝不是鴨肉鴨的質地與鵝實在大不同，鵝肉又滑又香又好食。配上醬汁好有台灣街頭味道。但餐廳又大又闊落，可以話係坐得舒服，食得享受。 不夠。臭豆腐臭豆腐，未食就已經傳來陣陣味道，未食，已經知是臭豆腐。臭豆腐本為街頭美食，係餐廳一樣可以坐得慢慢享受，一咬，外表一層脆卜卜，再深一層，內軟。再沾上一層醬汁。有一番風味 稻埕牛肉麵牛肉肥瘦分明，不會過硬，十分不錯，而且都相當有厚度，食既時侯就可以大大一片有咬口。麵質彈牙，加上充滿牛味的湯底。湯底加上芫西，加上幾分香味。裡面的蘿蔔將精華都吸收了。 黑糖珍珠舒芙蕾班戟配抹茶冰淇淋甜品是第二個胃。這個相當大份，兩人分享就岩岩好。舒芙蕾班戟相當軟滑，加上奶油，雪糕，仲有珍珠一齊絆著食。珍珠平日是與奶茶一齊飲。絆班戟原來都好特別，班戟軟，食到珍珠的時侯帶甜味，而且有咬口，帶來不同層次。 更可以自由決定加上蜜糖，令班戟味道更豐富 飲品方面，1) 草莓優格米水米水健脾開胃。但原來米水做底，都可以加入優格及草莓。似是奶昔的質感，但是是優格味道，配草莓，酸酸地好開胃。而且米水做底，健康感上升。 2) 紅棗杞子桂圓米水紅棗杞子桂圓，女仔飲一流。特別最近天氣熱，經常吹冷氣，飲這個就更健康舒服。…查看更多

K11 B1最近新開了一家台式料理，稻埕名字靈感來源台灣「大稻埕」，裝潢用上了稻穗風格及裝飾，甚有寶島風味。我第一次親身看到利用機械人送餐，很可愛！鵝不是鴨肉 $98特別的菜式名字，其實是招牌菜白滷水鵝，有鵝肉及鵝片。台式白滷水用了丁香、老薑等調料製成，吃下去有香料的香，不會太油膩！鵝肉比較腍身，也算入味，香料味比較重，跟潮州的滷味很不一樣呢！稻埕牛肉麵 $94每天自家製的牛肉麵，牛肉腍身，麵條彈牙，湯底濃郁。不夠。臭豆腐 $68豆腐比較軟身，外脆內軟，有種入口即溶的感覺。如果可以再多幾塊就更好啦！蜂蜜茉莉綠茶奶蓋 $38飲品方面我們我們選了兩杯奶蓋，第一杯蜂蜜茉莉綠茶我忘了要先攪拌，喝了一口蜂蜜，哈哈！攪拌後也不會因為我喝了一大口蜂蜜而太淡，茉莉綠茶也很香，配上奶蓋好好喝！黑糖珍珠奶蓋 $38黑糖珍珠奶蓋也是要記得先攪拌好再喝。飲品不會過甜，奶蓋鹹鹹的，好喝！黑糖珍珠舒芙蕾班戟配抹茶冰淇淋 $98最有驚喜的是這個舒芙蕾！份量十足，班戟厚身，原本我們以為忌廉有太多但原來剛剛好，入面不會太多！上面的奶蓋鹹鹹的，很搭配，不會太甜，配上珍珠口感特別豐富。旁邊的抹茶冰淇淋、抹茶蕨餅及爆谷也加強了整碟甜品的特色。…查看更多