又一間餐室

營業中

休息中

餐廳環境唔錯，唔會好迫，落單快手。朋友們最buy係湯係任添！多數係羅宋湯同麵豉湯，無限任添！我鍾意羅宋湯，因為好多蔬菜😋本身鍾意鰻魚，就鰻魚便當🍱啦！有份前菜，好好味嘅蒸蛋，主菜鰻魚便當有少少蕃茄仔、秋葵同日本姜伴飯等你開胃啲～ 鰻魚超肥美，好juicy！份量啱啱好👍🏻朋友話焗飯都好好好味，性價比👍🏻

去新蒲崗做野，上次已經食過一次，今次試下其他先，因為五十蚊有找既午餐，有可以任飲湯，綠茶🍵，今次試左個蒲汁鰻魚便當，鰻魚體質算ok，味道正常，系飯細左少少，但有冬菇蒸蛋，冬菇蒸蛋滑身，沙律份量多配林左既炸餃子🥟😞，加四蚊有熱飲，奶茶香濃而且滑身-12:45前結賬有九折，午餐選擇多，抵！而且環境幾舒服😌！

在新蒲崗工厦區的一間平價食肆，食堂性質，所以只在工作日營業。難得公众假期，便與家人一同前來試吓。下午一點半入座有9折，於是4個人叫咗4個餐，結果再次證明我哋係眼阔肚窄。每個餐都跟有羅宋湯或面豉湯，湯同水都係自助。點完菜好快就上咗鰻魚飯，用竹制的便當盒，與別不同。鰻魚唔算大份，但幾腍幾入味。仲有配生菜沙拉同蒸蛋。海南雞飯的雞肉都幾嫩滑，飯就唔係我鐘意的泰國香米，有些失分。两份焗飯最後上，豬扒飯的茄汁並唔酸，幾好味。而龙脷柳就好柴同過咸，水準一般。

又係搵食既時候見到呢間，午餐選擇好多之餘，仲價錢好吸引，所以決定入去試下佢質素係點先究竟呢個$48既便當有咩揀呢，嘩，西京燒，豬頸肉，牛，雞，竟然連鰻魚都有，唔係講笑，出面食個鰻魚飯，閒閒地都過百，而家$48有鰻魚，有飯，仲有沙律同一杯甜品，真係唔係唔叫呀嘛首先，沙律，係由椰菜花，西蘭花，甜豆，紅籮白等組成，份量都算多，之後主菜鰻魚，雖然冇鋪滿成個飯，但有咁既份量真係好滿意，咁當然唔會好味到叫你必食，但真係好過你自己煮總括黎講，下次行過都會黎再試再食，而家要搵一間抵食午餐真係唔容易，呢到真係好豐富，CP值爆哂燈

打完風後天氣好熱.真是好熱.揸車過新蒲崗約女朋友食lunch.無意間見到新科技廣場有間新店,仲有停車場.我地12點進去.仲有卡位可以坐.但侍應提醒我地會搭台,無所謂啦.餐廳自助寫單..自助區有水.綠茶.湯任斟.羅宋湯麵豉湯都好飲.等了10分鐘左右就有得食.我地叫左鰻魚及三文魚便當@$48.便當好精緻.份量岩岩好.有菜有小食.仲有蒸蛋送.好滑.新店有好處.冷氣充足.我女朋友最怕油煙味.呢度聞唔到.低讚.可惜的事.我地座位天花有滴水.侍應解釋話冷氣風口遇到熱氣.佢講完都唔明.算啦.唔通仲轉位咩.用左20分鐘就食完餐飯了.好彩早D食.轉頭已經陸續多人了.下次過來試下焗飯先…PS:拍車好貴.都唔明新蒲崗會咁貴.無拍車優惠