熱點點心專門店

🫖【熱點點心專門店】 很近太子地鐵站，環境比較一般但是在香港這個價格真的太香！出品也ok，適合想要三兩人飲茶 吃點心，性價比真的高！👉千島醬蘿蔔糕這個組合很特別，因為剛來看到其他桌很多點了它 賣相不錯所以嘗試了。發現真的很搭！小粒蘿蔔糕炸得外邊焦脆，沾上千島醬咸中帶點酸甜，意外的好吃！蘿蔔糕裡面也不是那種很濕很軟的，稍微扎實點👉牛肉球三個大牛肉球💰24 真的超值！而且味道也挺不錯的，一點點彈牙。上桌會問要不要喼汁，是有醋的一種復合調料，我們一般用來點春捲之類解膩，喜歡醋的可以要點👉鮮蝦菜苗餃水晶餃皮，裡面全是菜苗&蝦仁🍤沒有豬肉的，所以不喜豬肉的我真的很愛！這款餃子口味比較淡一些，淡淡的鮮味👉燒賣皇蝦餃和燒賣都可以2個一籠哦，味道不錯，才不到💰20，人少也不怕分不完啦…查看更多

因為要去太子買野，又太耐冇飲茶食點心，所以上網搵左呢間。首先由花墟過去，沿途有三間點心，呢間門口冇人排隊，心諗會唔會GG… 好彩食完無失望！仲覺得好好食～藥膳鳳爪 - 煮得好淋 好入味雪山叉燒包 - 外脆內軟，但如果熱啲會再好味啲蘿蔔酥 - 正常蘿蔔酥囉，冇乜驚喜鮮蝦菜苗餃 - 蒸得好好 皮薄 鮮蝦爽口 菜苗新鮮魚翅灌湯餃 - 豐富味道餃子燒賣 - 可揀2粒/4粒，可以叫2粒，試多啲其他野餸…查看更多

🐱🐷熱點🐱🐷好耐冇飲茶！去開太子買野見到呢間點心店好熱鬧😍而且價錢好親民 就一於入去飲個下午茶🤤入面牆身都有好多點心嘅畫😍好可愛一埋位店員就問我飲咩茶～呢度有玄米茶飲 唔洗另外加錢添🤣佢嘅選擇都有好多款點心，仲有飯麵，同埋阿媽燉湯🥰我地每樣試啲，首先係見到好多人都食嘅雪山叉燒包🥰好軟身，特別鍾意佢個皮🥰然後係個名好得意嘅日鵝夜鵝蘿蔔酥🤣好可愛 係一黑一白嘅鵝🤣個身就係蘿蔔酥蒸嘅點心嗌咗5款：首先嘅係必食嘅蝦餃，皮薄餡靚🥰仲可以嗌2件 可以試多啲唔同嘅野當然仲要試埋燒賣啦🥰熱辣辣嘅點心係特別好味㗎～之後嘅係鮮蝦菜苗餃😍大大隻 好滿足飲茶又點少得腸粉呢🤪今次試咗佢嘅鮮蝦韭王腸🤩有大大隻嘅蝦喺入面壓軸出場嘅係八寶籠仔蒸飯😍😍估唔到咁大個入面有鳳爪、排骨、雞粒、肉燥、冬菇粒、臘腸、粟米、香芋粒🤩🤩仲有荷葉底～🐱🐷總結：好滿足嘅一餐，又抵食味道又唔錯☺️❗️注意：下午茶時間會人多少少要等一等位～茶錢4蚊一位仲唔收加一，抵啊🤤…查看更多

市面而家新興好多點心專門店，咁啱喺太子呢頭做完嘢，經過呢間點心店喺外面見到有孖寶，好似幾ok,入去先知係外賣。睇點心紙，點心唔平，但開咗位，唯有剔咗個蒸點同盅頭飯。茶係茶包 盅頭飯飯係熱上，但份量就較少，拎起啲雞肉同舊冬菇，個飯得一半都無，太多味精，飯當然唔係靚米。蒸點餃皮太厚同濕，菜苗份量可以，蝦肉尚算大隻👌食到一半，侍應攞張下午茶點心紙嚟，早知等多陣食下午茶啦總結：呢度環境係茶餐廳格局，坐位逼狹，冷氣又太大，可取是點心係熱上，但味精太重，咁嘅地方、環境、食物同價錢，絶對有更好嘅選擇！…查看更多

呢間點心專門店感覺外賣比堂食更好店內環境較擠迫冇酒樓坐得咁舒服而且外賣自取滿$100有7折更抵食！所以建議外賣會好啲🚩熱點蝦餃皇🦐💰價錢：$14.7/2粒點心之皇一粒接近40克重😍皮薄餡多 蝦肉爽口彈牙🤤飽滿既內餡 一口咬落去好滿足☺️好食👍🏻🚩 鮮蝦菜苗餃 💰 價錢：$14/2粒size好大粒🤩一粒50克重 約有7-8cm餡料豐富味道正常好食👍🏻同蝦餃一樣都係皮薄餡多🚩 紫薯流沙包💰 價錢：$21/3個重量約55克/個外賣其中唔好處就係食物容易凍哂食個陣已經唔係熱辣辣☹️唔知熱辣辣個陣紫薯餡係咪流心狀態因為我食個陣係略帶微溫紫薯餡稱唔上流心但可以形容係「爆漿」？😂但味道口感都係唔錯👍🏻🚩楊枝甘露糕💰價錢：$21/份一份3件重量約有200克冇錯！味道exactly係楊枝甘露😂可以想象將一碗楊枝甘露整成一件布甸既味道每件都充滿柚子肉、小西米、少量芒果肉甜度適中 整體有水準！…查看更多

以前飲茶食點心就要晌朝早去酒樓先嘆到，都唔記得何時，啲酒樓就加設夜茶，即喺晚市都食到點心，但近呢10年左右，點心專門店就越開越多，成行成市，真喺由日頭到夜晚都可以食嘆到點心。疫情緩和咗好多，但仍然唔可以掉以輕心，所以，約食飯都只喺約番啲相熟嘅一個、半個。今回友人話點心癮起，就約出嚟幫襯吓啲點心專門店。最近，試咗一家晌太子新開無耐嘅點心專門店「熱點」，整體感覺唔錯，就同大家分享吓。打開門入到去，第一眼喺近門口位左邊嘅外賣「廚房」，當然，唔喺晌呢度製作食物啦，只喺熱住啲點心等人買外賣，呢個時勢，外賣喺一家店佔幾大比重嘅收入來源。再行入啲，成間餐廳嘅格局就一眼睇晒，左右兩邊喺啲四人卡位，中間就喺啲活動式二人、四人枱，裝修簡潔，環境四正、整潔。店員嘅態度亦好有禮、勤快，一來我諗依家飲食難做，當然要加強啲招呼，二來有限聚令，又喺閒日，始終未到餐廳接受最高嘅人流量。一張點心紙就羅列晒所有款式，大部分會喺見慣見熟嘅款式，數數吓，都有成40、50款之多，睇落定價都算相宜，如果有留意嘅話，就會發現所有點心都改成5個字。順帶一提，茗茶每位收$5，而星期六、日、公眾假期全日需要加一，所以，閒日嚟試就可以慳少少。鮮蝦菜苗餃 $7/件甚少見啲點心斷隻賣，「熱點」就有幾款喺咁嘢，並用上細啲嘅蒸籠，睇起嚟唔會太肉酸。近件蝦餃以外，都幾鍾意食加埋菜苗嘅鮮蝦菜苗餃。件成品可謂皮薄餡靚，外皮夠晒晶瑩，入口唔黏牙，頗軟熟；鮮蝦與菜苗嘅比例恰好，入口既有鮮蝦嘅鮮爽，但又有菜苗嘅清香。山竹牛肉球 $20一客3球喺基本常態，墊咗少少鮮腐竹，牛肉球肉質結實卻甚彈牙，加入點點芫荽及馬蹄粒，增加口感及香味，喺好四平八穩嘅出品。蘿蔔千絲酥 $21件蘿蔔千絲酥絕對證明到啲點心喺即叫即製，入口熨熱辣，外皮非常酥香鬆化，更完全無油膩感，師傅炸功了得。而裡面塞滿蘿蔔絲，更喺清甜多汁。雪山叉燒包 $18外層「雪山」皮焗得香脆，但又唔易散，唔會食到一枱都喺碎碎，而包身鬆軟，入面嘅叉燒餡煮得惹味，更喺少肥，啲汁又啱啱好，最怕就醬汁過多。紫米脆網卷 $20今回無點蝦腸呀、叉腸呀，因為見到腸粉類有呢款紫米脆網卷，加入紫米做腸粉皮，裡面捲住脆網蝦膠，效果唔錯，可以講喺變種炸兩，所以，甚具口感，唯挑剔位喺今次啲網卷有少少油。楊枝甘露糕 $21最後，嚟一份甜點「些牙」吓，等今餐飯有個好結尾。雖然食嚟食去，都喺只食到西米同芒果肉，柚肉就唔喺好覺，但冰涼，又好足芒果香甜味，加上確喺有唔少清甜嘅芒果粒粒，整體而言，確喺幾好食。綜合而言，食物做得有一定水準，定價亦合理，加上地方又就腳，招呼到位，人少少想過吓點心癮，「熱點」都可以喺考慮之列。…查看更多

呢日中午去太子買古早蛋糕，順便喺嗰邊嘆杯茶、食個點心🥢。唔駛行到去花園街嗰邊就已經有選擇「熱點」，門口不乏買外賣嘅人。午餐時段點幾嗰陣坐滿人，學生妹自己一個都坐低慢慢食😍。我哋獲安排坐喺卡位，算幾闊落。一坐低店員就問我地飲咩茶，佢仲推介我哋試玄米茶，茶位每位$5。點心選擇種類正常，我比較欣賞佢部份點心可以逐粒嗌(兩粒起跳)，而唔係固定一籠👍。兩個人飲茶嗌嘢食好蝦人，有時想食多款又驚食唔哂，而家免卻唔少煩惱。蟹籽燒賣皇($9/隻)，燒賣餡同時有豬肉(無乜肥豬肉)同蝦肉，比例剛好，上面仲有蟹籽添🦀。熱點蝦餃皇($9/隻)，蝦餃皮厚薄適中，唔會一夾就穿，🦐蝦肉新鮮彈牙，好食就係咁簡單。鮮蝦菜苗餃($7/隻)，呢個相當有驚喜，菜苗餃皮較蝦餃皮煙韌有嚼勁，入面包棵超多菠菜，口感一流，又大隻，正啊😋。紫米脆網卷($22)，呢款點心可能係餐廳獨家，夠哂特別又好食。外層係紫米皮，有啖啖紫米香，內裡就包住脆網春卷，成個組合好過癮😛。XO醬蘿蔔糕($28)，蘿蔔糕切粒上，用XO醬炒得好香口，🌶微微辣好惹味，外層就煎至脆脆的。家鄉炒米粉($20)，唔好睇個樣好似好單調咁，食落唔錯㗎。炒米粉偏幼身，並唔易斷開，所以每條都好完整，無碎濕濕。味道就算唔駛落豉油都夠味🍜。雪山叉燒包($18)，叉燒包有兩大個，呢個係新派做法，並唔係用上傳統饅頭包皮，🐷叉燒餡滿滿的。薑蔥牛柏葉($22)，佢係壓軸出場，因為蒸嘅時間要耐啲。牛柏葉爽口入味，薑蔥味濃，另外仲加入麵筋索汁🤤。楊枝甘露糕($21)，糕品有三件，食落似將糖水變成糕狀嘅形態，有西米、芒果同柚子等元素。估唔到點心舖有賣呢味呢😳。總括嚟講，餐廳幾好啵，係吔一盅兩件嘅好去處。傳統點心整得好味，又不乏自家菜式，一家人嚟食或情侶撐枱腳都適宜。店員服務態度幾好，百忙之中都不斷幫我哋收碟、加水🙏🏻。…查看更多

星期六返半日，久違地兩公婆嘆吓茶，揀咗太子地鐵站旁邊嘅呢間點心專門店。食物選擇唔少，基本上茶樓有嘅點心呢度都有，點心紙上嘅食物分類亦清晰易明。難得點心店都有燉湯飲，當然唔可以放過，蟲草花燉雞湯真材實料，湯渣非常多，入口味道鮮甜，感覺滋潤。鮮蝦腸粉加入韭黃令味道更清新，蝦仁大大粒，鮮味突出。蝦餃皇大大粒，皮薄餡靚，味道非常鮮美，煙韌嘅餃皮包住彈牙嘅蝦肉，冇得彈！鮮蝦菜苗餃亦係我嘅最愛，鮮甜彈牙嘅蝦仁加上鮮嫩嘅菜苗，比起蝦餃多一份清新。咬開透薄嘅餃皮可以見到原粒蝦仁，真材實料。北菇棉花雞亦非常出色，豬皮好入味，底部嘅麵筋亦吸收哂湯汁嘅精華。牛肉球大件夾抵食，牛肉、蔥同芫荽嘅比例啱啱好，入口亦唔會好重粉感。紫薯包口感鬆軟，紫薯餡清甜軟滑，味道唔會過甜，唔會太滯。除咗一般茶樓可以點嘅茶之外，呢度仲提供玄米茶呢個比較少見嘅選擇，茶味清新，味道淡而且唔苦澀，解膩消滯一流。近年飲茶都比較傾向呢啲新式嘅點心專門店，貪佢更加抵食，平日仲免加一，點心同樣即叫即蒸，質素唔錯，而且蝦餃燒賣之類仲可以逐件叫，最啱二人世界。見到隔離枱點咗八寶籠仔飯，香氣四溢，非常吸引，下次一定要試吓！…查看更多

早幾日行過太子，發現開了間新的點心店，既然這麼久沒有吃點心，一於試試！這裡有點心、盅頭飯、粥、炒米粉、燉湯可以選擇，而且價錢不算很貴！熱點蝦餃皇，蝦餃晶瑩剔透，蝦肉大粒而且爽脆！鮮蝦菜苗餃，菜苗餃皮薄，餡料豐富，很有鮮味！醬汁蒸鳳爪，每次飲茶必點，這裡的鳳爪炆得好淋好入味，醬汁都很足！鮮竹牛肉球，牛肉球都幾大粒，好香香菜的味道，再配上喼汁，很鮮味！香茜牛肉腸，腸粉皮薄，餡料超多，牛肉味道不錯，非常足料！蜜汁叉燒包，飲茶點都會食個包，叉燒包餡料很足，唔會有倒汗水而且好軟熟！豬仔咸水角，咸水角外形可愛，是成隻豬仔的形狀，還要有尾巴！咸水角不會太油，很脆口，餡料也很足！蟲草花燉雞湯，呢個非常清甜，有好濃的雞湯味，而且材料很足，有不少雞件在燉盅內！魚翅罐湯餃，估唔到真係有翅裙，湯餃餡料也很多，加入紅醋非常惹味，好抵食呢！這裡的點心性價比高，值得再來！…查看更多

因疫情關係，已有一段時間沒有約朋友出來聚一聚，是夜與友人短聚，來到大家都方便的太子區，看上了這家新開不久的點心店「熱點」。甫入內，地方都頗大，兩側是卡位，中間則是二人枱，而且，環境整潔、光猛，又做足防疫措施。在門口已貼出了放大版的點心紙，一眼就看齊所有點心款式，接近50款，定價算是相宜。我們一口氣下單，點了7款點心，是明顯多點了的，難得一聚，想是吃得開懷、盡慶嗎！點心款式包括：熱點蝦餃皇、鮮蝦菜苗餃、山竹牛肉球、蘿蔔千絲酥、紫薯炸煎堆、雪山叉燒包、韭黃鮮蝦腸，連茗茶合共才$149，叫我們也吃得飽飽，整體味道有水準，製作認真，我倆也認為甚是划算。雖然只是小店，但服務殷勤、有禮，值得再光顧的點心專門店。…查看更多

限聚令之下要搵朋友同我一齊出嚟飲茶其實都幾困難，所以今日決定自己一個都要飲茶，食返餐好嘅，下次仲可以打包啲點心返屋企添，咁就可以一大班一齊食啦第一次係茶樓見到有得食日式鰻魚飯，依家做茶樓影真唔簡單，連日本菜都要提供埋嚟得飲茶必定要嗌蝦餃試吓呢度嘅手勢，呢度最好嘅地方就係一籠真係可以得兩件，唔使我一次食四件，咁我就可以試多啲款啦，仲要呢度嘅點心係即叫即蒸，所以大家要耐心等候蝦肉爽滑彈牙，仲好大粒添，呢個價錢真係算唔錯燒賣都大大粒，不過不失菜苗餃脹卜卜，裏面仲有唔少菜同蝦蝦米腸有成九大條，我都差啲食唔晒最後就梗係要叫返個甜品先夠完美啦…查看更多