今日心血來潮想去飲個＂晚茶＂，所以去左教育路。呢度本身都有幾間飲茶，最終都係決定去東哥度食。雖然呢度嘅座位係有少少迫，唔似酒樓咁闊落，不過夜晚都可以有茶飲仲想點?之前都曾經去過東哥飲晚茶，印象中係唔錯嘅。今日再一次encore 見到佢有個籠仔飯餐連埋燉湯都只係$58 感覺都幾抵。兩個人叫左一個飯餐加兩個點心，應該咩都夠啦！飯餐叫左鱆魚肉餅x仔飯+蟲草花燉土雞湯，點心叫左鮮蝦菜苗餃同埋鮮蝦腐皮卷。個鱆魚肉餅籠仔飯一上枱真係嚇一嚇，個飯成個籠大，好驚食唔晒d 野。鱆魚肉餅都算好大塊，唔會話得好少餸唔夠配飯。豉油係自己落，所以唔驚個飯太鹹。蟲草花燉土雞湯真係燉盅咁上枱，個湯好熱又好足料，美中不足係湯嘅面都有唔少嘅油浮左喺面，可以走咁少少油就會更好。湯入面有幾件雞仲有蟲草花，都算好多料，都好夠味，飲完成個人都好暖。鮮蝦菜苗餃一籠有3 粒，大大隻都幾多蝦肉，皮又唔算太厚好滿足。至於鮮蝦腐皮卷就油左少少喇，香口野點都係多D油。不過上枱夠晒熱又足料，肥少少都值得食下嘅！…查看更多
