泰爸爸

呢間泰國餐廳🇹🇭嘅價格以係奧海城來講算抵食，價錢比出面泰菜平，但絕對真材實料，由泰國人主理，侍應都係泰國人，服務態度非常好。餐廳有分室內同露天座位，露天都好Chill下。兩個人叫咗一餸一菜一飯，食到勁飽好滿足。💜鮮菠蘿海鮮炒飯 $98 （🌕🌕🌕🌕🌕/5）勁足料有蝦、魷魚、青口、鮮菠蘿，用料新鮮，配料仲有肉鬆、腰果、提子乾、臘肉，多種材料夾埋口感豐富，而且份量超多，CP值極高。💜泰式黃咖喱薯仔雞 $88（配泰式薄餅$45）（🌕🌕🌕🌕🌕/5）黃咖哩香味濃郁，椰香同香料味幾出，帶小辣。雞肉同配菜足料，雞肉肉質鮮嫩，薯仔同洋蔥等配菜都入好味，叫左一份泰式薄餅配咖喱，薄餅香脆同埋有8小塊，薄餅索滿咖哩汁超好味😋💜泰式炒通菜 $72 （🌕🌕🌕🌕/5）炒得好有鑊氣，但唔會太腍，炒得爽脆剛剛好。小辣得黎好香口，夠哂惹味。🍴整體評價：✅性價比高✅高質泰菜✅服務態度好✅適合情侶👩‍❤️‍👨閨密👯‍♀️大伙兒👨‍👩‍👧‍👦💰人均消費：$150…查看更多

露天有feel泰菜，整體中上，穩陣之選，啱晒一大班人嚟食👍🏻！・・・・・・・・・・・・・・・・・・・・🥭 香芒軟殼蟹米紙卷 HK$82・味道：成個卷好巨型好飽滿，芒果夠鮮甜，軟殻蟹香脆，厚肉啲更好。配埋啲青瓜絲蘿蔔絲同生菜好fresh，菜同芒果同軟殻蟹比例都做得幾平均，唔係成口都係得菜，整體開胃。・口感：米紙卷竟然係煙韌，唔係一塊紙薄皮咁，幾特別同時幾好食～🐠 冬蔭功明爐烏頭 HK$178・味道：烏頭厚肉，完全唔腥。冬蔭功夠酸夠辣，唔係蕃茄湯當冬蔭功XD，多返啲香料煲個湯會更正・口感：烏頭幾嫩，唔鞋口冇overcooked的，啱啱好。🥩 泰式燒牛扒 HK$98・味道：幾軟熟，再香口煎香啲會更好，個酸辣汁唔會好重味好刺激，但唔係溝浠咗所以點嚟食幾惹味～・口感：軟腍desu。🍛 鮮菠蘿海鮮炒飯 HK$98・味道：有齊大蝦、魷魚同青口，全部都新鮮好食，咖喱飯好重味好正。要配埋肉鬆食，鹹鹹甜甜咁好正！・口感：個飯小小濕，乾爽啲更好。🍍 菠蘿沙冰 HK$30・味道：鮮菠蘿打嘅所以飲到牙罅好易攝啲菠蘿絲😂，有陣奶香味入口好順，0甜波甜度報告，呢杯微甜desu，滿分！・口感：小小冰粒但都算打得幾細膩嘅，開胃解滯，不錯！🥥 椰汁珍多冰 HK$30・味道：好怕啲椰汁好浠或者好甜，但呢間啱啱好，就係椰汁本人冇加水或糖，配珍多啫喱咬，經典～・口感：順口夠薄身，唔會好漿口～・・・・・・・・・・・・・・・・・・・・🤰性價比：高～🤰9衝度：9衝～🤰結論：全部嘢食都係穩定中上水平，份量夠大，啱晒大班人圍爐食，露天枱非常有feel (冬日有feel限定，夏天太熱唔建議XD)・・・・・・・・・・・・・・・・・・・・…查看更多

👧🏻😋👅🍽✨出色outdoor泰菜-泰爸爸🇭🇰 大角咀海泓道1號奧海城3期地下G26號舖 🇭🇰-🇹🇭 秋意濃了, 餐廳室內唔算好大位, 反而室外同奧海城其他地舖餐廳一樣好多位, 仲有盞柔和射燈夠晒光唔會黑孖孖-🦪 泰式煎蠔餅 $108💯泰式蠔餅係用蛋餅做底, 唔似潮式咁乾脆, 食落濕潤又冇咁熱氣, 蛋餅超多飽滿肥美嘅蠔仔, 仲有墊底芽菜都好爽甜-🍍 鮮菠蘿海鮮炒飯 $98✨超大隻菠蘿, 裏面有大蝦，魷魚青口等等海鮮, 仲有鮮菠蘿肉同提子乾酸酸甜甜勁開胃, PS腰果都係脆嫁-🥩 泰式乾炒牛肉河粉 $78💯鑊氣之選, 唔會太油膩, 加咗好多菜一齊炒, 同時牛肉份量亦都好多, $78超級抵食…查看更多

近日頻頻想食泰菜 幸運的我們香港美食之都香港好多泰國菜 但要揀岩口味既都真係要試多幾次🤤今次比我地試到泰爸爸！位置奧海城3期既地下有露天既座位！其實都真係有少少似諾士佛台🙊又有啤酒又有椰青我地兩個人叫左四樣野「鮮菠蘿海鮮炒飯」細既「椰奶雞湯」「沙爹串燒牛肉」同埋「泰式燒豬頸肉」！鮮菠蘿海鮮炒飯（$98）⭐️⭐️⭐️⭐️⭐呢個如果可以比十星 我地一定會比十星！佢有係泰國食既味道！而且非！常！足！料！佢有菠蘿有魷魚有臘腸有提子乾有青口有蝦仲要蛋炒飯底當然有肉鬆腰果！係真正既足料既菠蘿炒飯！當然有咁好既料就理所當然地好好食🤤佢既性價比超高！推推推推！椰奶雞湯（細）($78) ⭐️⭐️⭐️呢個我地有啲保留，一入口相對酸，偏咸，但無辣味，但我地見佢明明有辣椒，點解會唔夠辣既呢！跟住我地就壓下個辣椒！出黎喇個味道！！但我地覺得可以再辣少少！同埋雖然我地叫左細碗，但足夠我地每人飲兩碗仔細既，我地覺得唔算細喇！（但呢個湯有少少意外發生，比我地見到有條頭髮係入面😅）沙爹串燒牛肉 （$88/6串）⭐️⭐️⭐️⭐️⭐燒得剛剛好！唔會燒到變牛肉乾！佢係可以咬到軟林林，又唔會有根，仲香口！配埋好看花生既沙爹醬！唔會乾爭爭！泰式燒豬頸肉（$88）⭐️⭐️⭐️⭐️⭐佢係我地後尾追加架，因為見隔離枱嗌，覺得幾吸引！最後我地覺得我地做岩左決定🤣因為真心唔錯！雖然無特別既炭燒味但個皮脆脆地，配埋個酸辣豬頸肉醬非常香口！無咩肥肉（我地麻麻地呢啲肥肉）但佢唔會燒到好乾好硬，所以呢個真係吸引到我地食完一塊再一塊！總括黎講，性價比超高既餐廳，我地星期二夜晚7點左右，都兩三枱等位，同埋職員超級有善，健談同細心！見到佢地都好開心！見我地叫得多野食但枱面怕放唔哂又會幫我地收左啲餐牌個啲野先，又會主動比水唔使問！同佢分享餸菜味道時又好樂意接受同開心，呢到既職員都已經夠加分喇！野食又真係唔錯！有機會一定會再黎！😍…查看更多

— 𝐵𝑒𝑒𝑟𝑃𝑖𝑔 𝑅𝑒𝑣𝑖𝑒𝑤 —【 泰·有feel 】#beerpig大角咀 #beerpig泰國菜✨大家有興趣就記得｜𝐿𝑖𝑘𝑒•𝑆𝑎𝑣𝑒•𝑆ℎ𝑎𝑟𝑒｜呢個𝑝𝑜𝑠𝑡喇💖—#🍻🍖 質素：🥗泰式燒牛柳沙津｜$88泰式沙律都好多配料，牛柳塊既份量都算多，味道香辣且爽口，仲有少少酸味幾開胃🍗沙嗲串燒牛·雞｜$88 / 6串沙嗲串燒一份有6串，可以選擇豬·牛·雞其中兩款雙拼，沙嗲醬味道仲有微微花生香🍍鮮菠蘿海鮮炒飯｜$98菠蘿炒飯都係泰國菜必食既菜式黎，炒飯都幾足料，新鮮菠蘿·蝦·青口·魷魚·臘腸等等，每一啖食落口都好多配料咁🥭芒果糯米飯｜$50黎到甜品環節，當然係泰國菜既招牌——芒果糯米飯，糯米飯上台時熱到出曬煙，糯米香幾突出，仲聞到好香椰汁味，芒果味道都ok甜🍹泰式凍奶茶｜$30茶味算出，無叫少甜但甜度都適中🍹原個鮮椰青｜$33椰青味道清甜，怕辣飲啖就岩曬性價比幾高，原個椰青都只係$30幾蚊，平過出面啲泰國餐廳好多—🍻 #泰爸爸 🍖📍大角咀海泓道1號奧海城三期地下G26號舖—#BeerPig · #啤酒豬 · #酒肉朋友#hkFoodie #hkfood #foodblog #相機食先#foodie #foodporn #hkfoodblogger #香港美食 #美食 #好吃 #食評 #香港食評#大角咀 #大角咀美食 # #泰國菜 #惹味#泰式奶茶 #椰青 #串燒 #辣…查看更多

奧海城三期地下有幾間餐廳，都有室內外座位，好有度假feel好chill😙今次同屋企人過黎食泰菜，天時暑熱最岩食啲酸酸甜甜既野😁泰式拼盤 ($138)拼盤好豐富，有炸蝦餅、炸魚餅、春卷、串燒雞，每款各兩件，配上沙嗲醬同甜酸醬。炸物味道都正常，沙嗲醬好濃郁好惹味。碎肉生菜包 ($88)生菜都幾新鮮，碎肉份量夠四人分，每塊生菜都可以包到滿滿的。碎肉剛剛炒起熱焫焫，濕度剛好，都有啲肉汁，味道有少少辣。泰式煎蠔餅 ($98)同潮洲蠔餅唔同，泰式做法似蠔仔煎蛋咁，蠔仔份量都幾多，幾乎每啖都食到，冇腥冇沙，雖然粉漿有少少厚但食落ok的，食左一件都感覺飽飽了。鮮菠蘿海鮮炒飯 ($98)原半個菠蘿呈上既海鮮炒飯，好巨份！炒飯炒得夠乾身，粒粒分明，海鮮有蝦、魷魚、青口，配料有肉鬆、腰果、菠蘿粒，好豐富。椰汁三色冰 ($30)必點之飲品！椰汁味香濃，仲有啲果粒chew下，夏日涼飲解暑😁椰汁千層糕 4pcs ($30)食落軟糯，煙煙韌韌有嚼勁，仲有濃郁既椰汁味，大推！芒果糯米飯 ($50)呢個真係出色！有黑白糯米飯，椰汁比較稠身所以味道好濃郁，加上糯米飯煮得夠軟熟，仲係暖暖的，配上甜甜既芒果粒，簡直冇得頂！室內環境都坐得舒服既，四人枱都夠大張。姐姐店員都好有禮貌，每次端菜都會講係咩黎既，又會主動斟水，成餐飯都食得好滿足🥰.味道 ★ ★ ★ ★ ☆環境 ★ ★ ★ ★ ☆服務 ★ ★ ★ ★ ☆性價比★ ★ ★ ★ ☆.…查看更多

估唔到豪宅區奧海城都會有泰國菜小店，仲要有露天座位，好有風味。菜式選擇唔少，味道唔錯，性價比超高。重點推介🔥👍 沙嗲串燒豬肉/雞肉 $88/6串貪心嘅我又想食豬肉又想食雞肉，店員好好人幫我學落每樣半份。即叫即燒，一上枱好香沙嗲味，值得一讚係燒完仍然保留到肉汁，食落一啲都唔柴。👍 鮮菠蘿海鮮炒飯 $98原個菠蘿上嘅菠蘿海鮮炒飯，賣相靚，超有泰式風味。用上新鮮菠蘿，再加上多種海鮮，包括蝦、青口、魷魚等。餐廳仲係抄返入面加咗臘腸，令整體味道層次提升。👍 芒果糯米飯 $50我最愛嘅泰式甜品，估唔到喺香港都食到咁高質嘅芒果糯米飯。芒果清甜多汁，配上淋上椰汁嘅糯米飯，令整體感覺變得清新唔會滯。餐廳嘅糯米飯用咗紫米同白糯米，唔同嘅口感令成個甜品變得更特別。📍泰爸爸 大角咀海泓道1號奧海城三期地下G26號舖…查看更多

美味的一餐 無得去旅行 唯有選間泰國餐廳頂著先 食左當去左😅 餐廳已經開左一段時間 但仍然保持到水準 👍 今日好遲先食午餐 到晚上時仍然好飽 所以晚餐都只是點左3款食物已經足夠😬 我地點左個串燒6串 可以選2款肉 我地選左豬同雞 每款3條 個咖哩醬好野味 不辣仲甜甜哋 肉質可以 但如果可以再juicy 點會更好😋 仲點左個蒜蓉包 都是6件 個包好脆 淡淡的蒜蓉味 好有口感😋最後點左個鮮菠蘿海鮮炒飯 個面見到好多材料 有蝦 有青口 有肉鬆 有腰果 同魷魚 🦑 當然唔小得菠蘿🍍估唔到食到中間都仍有好多材料 唔似出面個些餐廳得個表面先有料 👍👍👍 又是推介之一！…查看更多

餐廳有室內外座位，仲有燈飾，夜晚食飯氣氛唔錯。晚市8點左右，餐廳已經坐滿人。叫左泰式拼盤($138)，鮮菠蘿海鮮炒飯($98)，泰式海南雞半隻($98)，椰青($33)。拼盤既小食各有2件，岩哂心大心細既朋友，可以每款試d。醬汁一共有3款，沙嗲可以配串燒，甜辣醬及另一款帶甜既醬配炸物就最適合不過。因為冇哂春卷，所以拼左香茅雞翼。雞翼炸完金黃色，香茅味慢慢滲出，外皮猜脆，多一款肉食，jeng。串燒雞肉大大件，燒得夠香，而且肉嫩仲保留住肉汁。配埋帶微粒既花生沙嗲醬，一流。炸蝦餅彈牙結實，炸完都冇膩既感覺，香口。泰式炸魚餅好重香茅味，口感比蝦餅軟軟地，炒飯用菠蘿裝住，滿滿既堆起，非常多。面頭鋪有肉鬆、脆口腰果，而且炒飯配料好豐富，有粒粒提子乾、鮮菠蘿、紅蘿蔔粒等。啖啖都食到甜甜既菠蘿。海鮮份量都唔少，有原隻已剝殼既蝦、魷魚、貝殼類海鮮。半隻海南雞份量足，雞皮爽爽地，雞肉肥美嫩滑。配搭既醬汁辣辣地，醮完更開胃。椰青清甜，消暑一流。而且d椰青肉好易就刮到出黎，椰青甜而爽。整體，侍應服務好，一坐底就俾餐具及水。而且上菜速度亦快。可以慢慢嘆下泰國菜。…查看更多

今日媽媽生日，一家人就嚟到奧海城覓食。餐廳位於奧海城3期地下外面，要行番出商場先見到。餐廳設有露天同室內座位，同一般嘅泰國餐廳好唔同，燈光下更有氣氛。冬蔭功大蝦湯 （$88/小）用魚形嘅鐵碗盛載住，雖然我哋只係叫咗細碗，但意外地都有4隻大蝦！味道夠辣夠入味，但略嫌上菜時唔夠熱。鮮菠蘿海鮮炒飯（$98）比預期中嘅size大，所以一上菜時有啲擔心會食唔晒，不過當然我太低估大家嘅食貨能力。炒飯用挖空咗嘅菠蘿裝住，入面有魷魚、蜆、蝦、腰果、肉鬆同菠蘿等，最特別係加咗臘腸作配料，成件事突然好有中菜feel，但又不失泰國風味。酸辣檸檬汁蒸鱸魚（$138）重頭戲嚟到蒸鱸魚！店員先上咗放有易燃啫喱嘅鐵盆，點着左之後就上新鮮滾熱辣嘅鱸魚，同時附上一碗湯，滾到差唔多可以再倒湯，好方便！ 酸辣汁好開胃亦都唔覺有腥味，連我唔中意食魚嘅家人都中意食！總括而言，餐廳質素唔差，環境都好舒服，適合一大班朋友一齊嚟食泰式美食！…查看更多