班蘭咖啡

營業中

休息中

位於佐敦上海街嘅呢間特色斑蘭咖啡店，主打斑蘭口味嘅各款甜品同飲品。喺門口經過已經聞到香噴噴嘅班蘭葉味道。班蘭咖啡|$38|今次揀咗無糖口感，咖啡味濃，而且微微帶有斑蘭香氣，感覺好特別。鮮班蘭芒果芝士卷|$55|原條芝士卷拎上手都好聚首，份量十足，軟熟嘅班蘭蛋糕。再鋪上滿滿嘅芝士內餡，配上清甜芒果果肉，真係好好食呀。鮮斑蘭合桃戚風蛋糕|$68|原個斑蘭合桃戚風蛋糕，出爐嘅時候真係香噴噴呀，斑蘭蛋糕份量十足。空氣感滿滿，微甜口感，食起上嚟斑斕香氣令到蛋糕更加清新。

全港唯一以斑蘭為主題的蛋糕咖啡店，而且是用新鮮斑蘭葉打汁，絕不加入人工色素和增味劑。聞名已久，今日經過佐敦，即刻買蛋糕和咖啡，感受一下斑蘭葉獨有的淡雅清香。在店內等候咖啡沖製期間，見到一盤盤戚風蛋糕出爐，同時見到大綑新鮮斑蘭葉在地上靜候處理。老闆娘好好人又好傾，傾下才知道店裏的斑蘭葉是每星期從泰國新鮮到港，至於處理斑蘭葉都很花時間，清洗、切段、破壁機榨汁，隔渣，到焗蛋糕時還要同時在焗爐內加斑蘭葉碎燻焗，才能凸出斑蘭葉的香味。回家切開🌿鮮斑蘭合桃戚風蛋糕，鬆軟輕盈，爽口細緻，表面的核桃酥脆，蛋糕本體少甜，清香芬芳。🌿鮮斑蘭芒果芝士卷，第二日才食，雖然入過雪櫃，依然柔軟，而口感更豐富。🌿斑蘭咖啡，用新鮮斑蘭葉汁製作的咖啡，香味獨特。