新福星潮州打冷火鍋菜館

呢度啲小菜煮得好好味，而且唔會好鹹。我覺得老人家都會中意食。🌟涼瓜菜圃煎蛋蛋味濃郁，涼瓜爽脆。冇乜油，大家喺張相應該都可以睇得出，讚！唯一美中不足嘅係菜甫本身比較乾身，但呢樣就同廚師手勢無關嘅🌟臘味炒芥蘭臘味真係好靚，同埋食得出佢係蒸過之後先炒俾你。芥蘭偏老，但係佢切得好靚，唔會有絲，而且炒得好爽口。👍🏻佢嘅熟度掌握得好好，完全唔會有草青味。又要讚一讚廚師嘅工藝🌟魚香茄子煲未食已經聞到好香嘅鹹魚味。個汁鹹甜適中，簡直係白飯殺手！份量好足，油量唔算多，食完啲茄子你唔會見到個煲底有大一堆油。廚師果然廚藝夠好！🌟枝竹炆火腩呢個又係好好味，支竹索哂啲汁，入面仲有豆腐同香信菇。豆腐應該係自己炸嘅，入邊好嫩滑。份量好大，性價比極高，我俾 5 粒星！佢真係比足$98嘅份量你…查看更多

新福星都係元朗其中一間潮州打冷老字號，個條街其實都有幾間類似嘅店舖。閒日夜晚唔洗拎位，店員態度都幾好，我地等埋朋友先再落單都冇唔耐煩(非週末旺場日子)。款式都多，小菜、小炒、煲、火鍋都有。🔸韮菜豬紅 $60★★★☆☆豬紅爽滑，質感幾好，但係個味道唔夠！豬紅本身冇咩味似冇醃過或用鹽水浸，再加上個汁都唔算好濃，令到成件事唔太夠味！但份量幾多下，唔會得韮菜多豬紅少，抵食。🔸滷水鴨片拼盤 $158★★★☆☆拼盤有紅腸、鵝腎、生腸、豬粉腸、豬脷、豬耳、花生、豆腐，幾豐盛咩都有啲咁，滷水鴨肉質軟腍，唔會太鞋，但整體個滷水汁唔算特別濃同出，冇花椒、八角香味。其他野食都係新鮮正正常常，真係差在個滷水味，如果呢個價錢加上潮州舖會期望佢個味道更好。🔸豉汁炒肥鵝腸 $88★★★★☆鵝腸份量多，夠哂爽脆，食落「索索」聲，洗得乾淨冇異味。每條鵝腸都好均勻地沾上豉汁，食落好惹味，加埋有三色椒、洋蔥一齊炒，又有鑊氣，正！🔸炸蠔仔餅(細) $68★★★★☆叫左細份，但上枱都係好大一份，有兩大塊。即叫即炸，包保夠哂香脆。蠔仔正常大細，冇咩腥味同冇沙，分佈算平均，唔會有一忽正係得炸粉，炸粉亦唔會太厚，都唔錯。熱食好正！🔸魚香茄子煲 $78★★★☆☆呢個餸真係送飯一流，茄子唔會太淋但好入味，肉碎都唔會話特別少。但個咸魚粒太大，好多時都會食到成粒，咸都咸死。🔸椒鹽三色 $138★★★★☆三色分別有九肚魚、鮮魷、雞軟骨，所有野都幾酥脆，炸粉唔厚薄身。叫黎送啤酒一流，同埋三色有三樣唔同野，唔係食死一款，太厭。但某幾件會太咸，應該係最後落椒鹽唔夠均勻。🌟總括：所有野都即叫即整，都夠鑊氣，味道全部都唔錯，但未去到哇一聲個種好食。但滷水鴨片拼盤味道一般般，價錢亦唔算便，性價比較低。…查看更多