魚事者 (威德閣)

想試呢間魚事者好耐啦,今次終於食到😆聽聞好多菜式都係用魚肉整成,好有特色,仲上左米芝蓮必比登推介添🌟,推介既菜式就係:炸魚無薯條,蝦頭油炸蝦球魚麵撈,Fishotto魚米粒粒·扮意大利飯,Fish-chos扮墨西哥魚皮🐟今次就叫左其中三款黎試😆《炸魚無薯條(雙子醬:明太子+蟹籽) $28》呢份炸魚無薯條真係枱枱必叫,有幾款醬揀:松露醬,蟹皇醬,雙子醬同山根醬,我地就揀左雙子醬,好多蟹籽係入面,個醬又唔會太咸,食唔停口😋炸魚條好香魚味,真係好食過一般薯條好多!!魚肉好彈牙,煙煙韌韌咁,個表皮又炸得好脆,必試!!!👍🏻《炸魚狗腸(和風紫菜)$28》炸魚狗腸都有幾款口味,另一款係蜜糖芥末,我地揀左和風紫菜,啲醬既調味同木魚絲既配搭感覺上有啲章魚燒feel,好好味,魚狗腸都好彈牙,好值得食😆《魚湯翡翠苗 $18》食咁多炸野配返碗菜就啱啦,呢個魚湯翡翠苗好清,魚湯幾香魚味,飲落完全唔咸😚《蝦頭油炸蝦球魚麵撈 $72》呢個魚麵撈岀奇地好食,蝦頭油勁香,好惹味,魚麵既質感幾特別,好Q彈😂炸蝦球都好好食,好有蝦味,推薦😀《Fishotto魚米粒粒·扮意大利飯 $85》第一次試呢種魚米粒,真係幾似意大利飯,佢個質感好得意,口感幾特別,呢個就比較飽肚啲😂《花茶 +$8》原本想試洛神花山楂雪梨茶可惜賣晒🥹所以叫左杯夏菊羅漢果茶,得凍飲,好適合配呢度啲野食,始終比較多炸物,解膩一流,而且飲得出係天然羅漢果甜味,好好飲!!總括嚟講真心推薦呢間餐廳😍價錢方面真係好抵食,以呢個食物質素嚟講真係一啲都唔貴,CP值好高!!食物方面亦都非常之高質,係令人深刻印象既一間餐廳🙈店員嘅服務都非常之好,留意到佢都有同其他食客介紹返當日有咩推介,感覺到佢哋好用心去做好呢間餐廳😎悄悄一提,佢哋嘅外賣盒都好靚🤣魚事者北角炮台山宏安道14-28號威德閣地下14號舖[⭐️5分為滿分]味道⭐️⭐️⭐️⭐️⭐️環境⭐️⭐️⭐️⭐️服務⭐️⭐️⭐️⭐️⭐️價錢⭐️⭐️推薦⭐️⭐️⭐️⭐️⭐️…查看更多

餐廳：魚事者地點：炮台山宏安道菜式：米芝蓮指南推介特色魚麵（即係用魚造既麵）餐牌：有我要自由點（其實就好似車仔麵，基本價錢加餸逐樣加錢，可以選湯底麵底，餸有勁多款選擇），多款湯麵，特色魚麵撈，小食，飲品。跟餐加$9有飲品，可以再加錢升級飲品。清水自助。價錢都唔貴，仲唔收加一。自己scan QR code 落單。Fishotto魚米粒粒•扮意大利飯 $88Fishotto魚米粒粒•扮意大利飯係晚市限定，絕對係意大利飯既賣相，面頭鋪上一層飛魚籽，加上蔥花，同灑上香草。意大利飯其實係將魚麵切粒，然後加上忌廉汁煮，食落魚味濃而入口彈牙，口感唔錯，味道都調得好。係好有創意既菜式。原來餐廳剛剛得到米芝蓮指南推介，當中有4款菜式獲得米芝蓮推介，而呢款就係其中一款。Double扒咖哩汁魚麵撈 $83呢款Double扒咖哩汁魚麵撈都係晚市限定。Double扒即係雞扒同豬扒，兩塊都大大塊，整得外皮脆口，肉質嫩口。雞扒加左甜甜地既燒汁，豬扒就較乾身，整體好多肉食。咖哩汁魚麵撈係黃色，魚麺本身彈彈地牙，好似食緊魚蛋條，好有口感。魚麵加上好香既咖哩味，少少辣，面頭灑上香草。伴有番茄紫洋蔥莎莎同青瓜絲，撈埋魚麵更好食。川式麻辣鴨絲魚麵撈 $65川式麻辣鴨絲魚麵撈就用長碟上，中間係好多鴨絲，灑上白芝麻粒，食落嫩口。伴有少量紅色燈籠椒絲，京葱絲同青瓜絲，感覺有少少似北京烤鴨既伴碟。魚麵當然係麻辣味，都算幾辣，不過好惹味，上面加有花生碎同香草加添口感。個人覺得呢個配搭都幾特別，值得攞米芝連推介。炸魚無薯條松露醬 $28炸魚無薯條都係獲得米芝蓮推介。薯條份量好多，看似薯條，其實係炸魚條，外脆內彈牙，味道質感都好特別，好有創意。呢個價錢包一兜醬，我地揀左黑松露醬。可以加錢加個醬，因為個松露醬太好味，好香黑松露味，實在唔夠餸薯條食。魚湯翡翠苗 $18魚湯翡翠苗新鮮健康，上面加有少量鹹菜調味。個魚湯好清。總括而言，呢度既菜式果然特別又出色，有創意而好味道，有米芝蓮推介價錢都唔算貴。…查看更多

同男朋友食試完蛇羹後唔太夠飽，再睇下有咩好食醫下肚。諗起魚是者，又係今屆米芝蓮推介，於是就去朝聖下😆😆小店以天藍色Tiffany blue為主題，老遠已經見到了。果時夜晚8點半多啲啲，店內都差唔多坐滿，剛剛有人食完，店員忙住清理，我地先有位咋⋯點餐主要用QR code, 頗為方便既，而且選擇比我想中多。見到好多人都推薦炸魚無薯條，我地又點黎試吓，配松露醬；見到升級只加$38就有好大杯少爺手工啤，食香口野點可以冇啤酒呢😆😉 炸魚條並非好脆口，相對冇咁熱氣，又炸到外有少少脆內有軟腍腍既魚肉，很特別，會食唔停，再飲啖啤酒😌 啤酒有淡淡地檸檬/青檸味，好fresh….而且又match我要自由點2.0 - 我地揀左芫荽魚湯搭爽彈魚麵，再配上墨魚春卷，芫荽韮菜魚皮餃。魚麵係幾彈牙，墨魚春卷配上辣椒醬係好刺激味蕾，我個人幾鍾意😊，反而魚皮餃就真係好普通啦⋯呢碗麵其實都幾飽肚，我和男友share 就可以了。最後到魚湯翡翠苗，正常味道呀。可以之後encore 試其他野，例如魚皮😉…查看更多

/魚事者🇭🇰/#sa炮台山篇 ➖➖➖<多款魚製品小食麵條🐟> ➖➖➖本身鍾意食魚麵 其實之前都有食過一次😆堂食店位於炮台山 天藍色嘅門口都幾搶眼 想食嘅時候又走左去食 下午茶都好抵食佢地大部分食物都係用魚製成嘅產品✨而且都幾有創意特色❤️➖➖➖1️⃣ 芝士汁吉列豬扒魚麵撈 $65撈魚麵仲有分泰式/川式/西式/日式等我揀呢個係港式😆魚麵偏向幼身 質感爽彈 加埋芝士汁算幾濃 吉烈豬扒新鮮炸好 唔會太厚炸粉 如果再厚肉啲就好✨➖➖➖2️⃣我要自由點 $41 up 🌟 可以自選湯底+麵底+配料 要左魚湯+爽彈魚麵+墨魚春卷另加卜卜蜆 $8 雞扒 $10 本身想揀芫荽魚麵🙈但禁錯制卜卜蜆無沙幾新鮮 雞扒都大大塊幾juicy😎係幾足料嘅～ ➖➖➖3️⃣炸魚狗腸 (蜜糖芥末) $28 🌟下午茶餐可以加配嘅小食有四款口味揀 都係魚肉製成所以口咸爽彈😍似食梗魚蛋咁 雖然話炸 但唔會太過乾～面頭仲有啲卜卜米同煙肉脆粒 口感豐富之餘味道咸香✨➖➖➖4️⃣燒賣雙拼 $20/8pcs 有原味魚肉燒賣+芫荽燒賣 加左豉油同辣油 都幾辣🙈芫荽燒賣都會食到芫荽味✨味道算突出 燒賣質感頗彈牙 ➖➖➖5️⃣卜卜脆咸豬手 $58 (半份) 豬手半份都幾多下 外皮香脆 內裏都幾厚肉 亦有少少筋 夠軟嫩 滿滿骨膠原🥰 配埋芥末醬食更好食！➖➖➖6️⃣ 扮墨西哥魚皮 $33 真係有啲似平日嘅nachos😋有牛油果醬同番茄～ 魚皮好脆口 都幾大塊仲可以浸湯食都唔錯➖➖➖7️⃣魚湯翡翠苗 $13 健康啲叫多一碟菜👍🏻➖➖➖8️⃣檸檬杞子蜂蜜生薑茶 +$13 (熱) 9️⃣ 洛神花山渣雪梨茶 +$8下午茶餐會有埋飲品～轉左呢兩杯✨ 都好健康養生 我就揀左洛神花山楂雪梨茶 酸酸甜甜😆另外杯薑茶適合冬天飲 會飲到微辣 ➖➖➖📍魚事者 …查看更多

「有得揀先至係老闆」「輕鬆come撈魚麵」好鍾意menu 上面既slogan 🤭🏅扮墨西哥魚皮🏅牛油果🥑莎莎醬遇上魚皮原來可以咁夾 原來除左墨西哥片 魚皮都可以🫶🏻 牛油果好香濃好新鮮 莎莎醬調味岩岩好 酸酸微微唔覺唔覺就食哂成碟魚皮🙊✨Come撈魚麵揀左最come 撈既🧄蒜油香雞翼 魚麵煙煙韌韌 每條都痴滿左蒜油 成口蒜味最過癮😜雞翼炸過十分香脆 另外撈埋個秘製辣汁仲惹味🤤辣汁偏香少辣 仲有陣魚香味 好jeng ✨卜卜蜆木魚昆布湯芫荽魚麵 同普通魚麵有啲唔同 雖然一樣煙靭 但有陣隱約芫荽香味 咬落去就有啲粒粒粗糙感 口感更加豐富 同埋保持到翠綠色👍🏻 個湯底好香木魚味 煮過蜆就更加鮮甜 呢款麵就算on diet都岩食😋✨港式多士三併（蝦+墨魚+魚）配黑松露醬 炸到香脆既多士配搭酸忌廉醬底既黑松露醬就岩哂☺️黑松露醬口味唔會太厚重 岩岩好中和左油膩感✨炸魚無薯條🍟配吉列豬扒餐 豬扒厚身抵食 而炸魚扮得就幾似🍟😆唔講真係以為係薯條 呢款薯條煙煙韌韌又香口 配咩醬都咁好食 浸落魚湯吸哂魚湯味又係另一番滋味…查看更多

接受唔到魚嘅腥味、怕鯁骨嘅我一向都好少食魚🐟不過，對於炸魚、粟米斑塊等唔會遇到以上問題嘅食物我可是來者不抗於是，見到魚事者呢間主打創意魚料理嘅食店我就即刻要去啦😍！如是者，今次特意搵咗個好鍾意食魚嘅朋友同行見到有得食魚，佢當然好興奮只係佢估唔到，呢度冇得食最傳統嘅蒸魚🤣所以我覺得，食店嘅目標客群話唔定係好少食、甚至唔鍾意食魚嘅人😆Menu入面好多菜式都好特別所以我哋就決定嗌多幾嘢嚟試下🤤🤤黑蒜油木魚湯沾魚麵🍜 配熱朱古力（$73） 呢個我超級鍾意😍😍強烈推介！第一次食魚麵，比其他麵食落爽口彈牙 黑蒜油木魚湯非常惹味，加埋一齊食太正啦😋川式-麻辣鴨絲魚麵撈🍜 配熱蜂蜜柚子茶☕加配魚湯翡翠苗（$86）相比之下，嗜辣嘅朋友就鍾意食呢個麵多啲話佢嘅麻辣能令人一口接一口食過不停而辣度亦相對溫和，唔太食得辣嘅人都可以一試咩都有啲小食拼盤 （$71）有口感爽口嘅炸魚條有香口嘅炸燒賣同炸芫荽燒賣 仲有脆口嘅雞軟骨😍我哋額外加咗鋪頭特製嘅手工魚辣醬（唔使加錢）發現比隨盤附上嘅酸甜醬更適合佐菜🤣Fish-chos. 扮墨西哥魚皮 （$33）平時魚皮食得多 配墨西哥牛油果醬你又試過未？鍾意食墨西哥菜嘅朋友就勁like啦😆炸魚狗腸(他他醬) （$28）起初我以為係吉列製法 不過原來係就咁炸 外皮略脆配上大量他他醬 十分可口…查看更多

睇個舖名 就知係食魚啦不過唔好以為係魚湯 食唔同嘅魚🙅🏻‍♀️🙅🏻‍♀️🙅🏻‍♀️佢地係以魚肉 製作食唔同嘅食物😜#炸魚無薯條 $33 當你以為係薯條🍟 係魚手指 咁你就錯啦🤣🤣佢係將兩者fusion咗 😎將魚肉做成粗薯條 再炸仲有四款唔同嘅醬汁俾你揀#松露醬 #蟹皇醬 #雙子醬 #山椒醬 一個醬唔夠😨唔緊要 加$5 可多選一款😉#雙子醬 即係明太子x蟹籽 味道似千島醬#蟹皇醬 果蟹味🦀係幾出最開心係 仲可以 +$38 升級至 #啤酒套餐 #HappyHour 就最適合不過🍻#炸魚狗腸 $28又🐠又🐶 即係點啫🤯其實即係用魚肉做成嘅熱狗腸😝 純粹外表做到似腸 不過佢係百分百魚肉🤣🤣再係面加上 #他他醬 同 蔥花#double扒魚撈麵 $90豬扒+雞扒 配 #魚撈麵即係魚肉做成嘅麵 似似地上海麵用咖喱汁做成撈麵 旁邊有青瓜絲同蕃茄蓉作為伴碟配菜#最新推介#蟹皇魚米粒粒 $95睇相以為係蟹籽risotto 你就大錯特錯啦係用魚肉做成嘅米飯 所以係蟹皇汁攪魚肉 再加上蟹籽蟹籽係點綴 所以有返啲食飯嘅口感😂#魚湯翡翠苗 $13呢個叫得好啱👍🏻雖然唔大碗 但終於有返啲唔係魚嘅野落口🤣🤣🤣晚餐仲配有飲品 凍飲+$3再唔係+$8 有 #梳肝花茶系列#double扒魚撈麵 #洛神花山楂雪梨茶夠解渴 山楂味較出 但都飲得出係雪梨茶 …查看更多

魚品專門店，見到好多Foodie介紹過，嚟到附近，當然要試！扮墨西哥魚皮 $33一定要試！用魚皮都整到Nachos效果，重點係炸魚皮比粟米脆片更脆，好味😋泰式 蝦頭油炸蝦球魚麵撈 $83蝦球香脆彈牙，蝦頭油好香，灑上櫻花蝦就更色香味美白雪雪魚湯 魚麵 魚肉春卷 $41羅定魚腐 +$5卜卜蜆 +$8炸魷魚 (跟餐加 $28)唔好以為跟餐嘅份量會少啲，一樣咁足，仲要係用八爪魚，正！檸檬杞子蜂蜜生薑茶 (跟餐加 $13)突然又急降幾度，咁啱見到有生薑茶，梗係即點啦，即刻暖笠笠無豬肉燒賣(雙拼) $20即係魚肉燒賣&芫荽魚肉燒賣魚湯翡翠苗 $13翡翠苗夠爽脆，浸咗魚湯更好味椰汁年GO $10餐後一點甜，年糕超軟糯，椰汁味濃，加蛋煎香，呢個價錢有2件，真係超值！…查看更多

星期日經過北角炮台山，去左一間特色魚麵店食午餐。呢間魚麵店叫魚事者，魚麵即係用魚造既麵。餐牌有我要自由點，其實就好似車仔麵。基本價錢$41單餸，加餸逐樣加錢。湯底5選1，麵底5選1，餸有勁多款選擇。另外都有多款湯麵，特色魚麵撈，小食，飲品。跟餐加$8有飲品，可以再加錢升級飲品。清水自助。價錢都唔貴，仲唔收加一。今日一行4人，每人叫咗一個重口味少少既魚麵撈試試。自己scan QR code 落單。好快就有得食。泰式蝦頭油炸蝦球魚麺撈 $70泰式蝦頭油炸蝦球魚麺撈用隻圓碟上枱，賣相不俗。炸蝦球有5球，上面加滿沙律醬，食落彈牙，係魚蛋味中帶少少蝦味。魚麺本身彈彈地牙，好似食緊魚蛋條，好有口感。魚麵加上泰式醬，味道唔辣，再加上香草同櫻花蝦仔，都幾惹味。伴有清新番茄紫洋蔥莎莎同青檸清清味蕾。西式忌廉蘑菇煙三文魚魚麵撈 $65呢款西式魚麵加左蘑菇粒同適量忌廉汁，再灑上香草，食落好似意粉，不過係用魚蛋造既意粉，好特別。靚靚花形煙三文魚三片配有橄欖，一樣伴有番茄紫洋蔥莎莎。港式芝士汁吉列豬扒魚麵撈 $65吉列豬扒一大塊一切5片，驚喜地高質，因爲外皮香脆而入面厚肉之餘又嫩口，點埋伴碟香滑沙律醬更加好味道！魚麵加有芝士汁，上面有少量番茄紫洋蔥莎莎同香草，旁邊有少少紫菜絲，紫菜加魚麵更好味。個人覺得呢個港式魚麵撈既忌廉汁味道係呢4款當中最清淡。川式麻辣鴨絲魚麵撈 $60川式麻辣鴨絲魚麵撈就用長碟上，中間係好多連皮鴨絲，灑上白芝麻粒，食落又嫩又有鴨味，好好味，味道基本上唔辣。伴有少量紅色燈籠椒絲，京葱絲同青瓜絲，感覺有少少似北京烤鴨既伴碟。魚麵當然係麻辣味，不過味道調得好好，我覺得係照顧港人口味，所以唔太麻辣，都好惹味，上面加有花生碎同香草加添口感。另外加咗3份菜分享。魚湯翡翠苗 + $13魚湯翡翠苗份量大概有兩住，上面加有少量鹹菜調味，個魚湯好清。今日試咗4款魚麵撈，個人覺得基本上款款都好味道，視乎個人喜好，我覺得各有各好。一碟魚麵撈加一兜菜都係$80樓下，都幾抵食。…查看更多

仲記得好耐之前喺旺角有間叫面麵既鋪頭係食魚麵🐟🍜既幾好食，跟住執左小編覺得好可惜，好在比我發現到佢地既姊妹鋪都係食魚🐟既製品，所以就黎試下😜 發現菜式都幾多樣化之餘都幾好食😋 鍾意食魚🐟同健康菜式既朋友就唔好錯過啦😜(5 😍 係滿分，🤩係半分）Fish - chos 扮墨西哥魚皮 🔥🇲🇽🐟 - $33 (好味指數：😍😍😍😍)平時多數都係食原味，特別啲就加埋鹹蛋黃🟡，但今次係跟左墨西哥🇲🇽脆片既醬醬汁，用左酸酸甜甜既番茄他他🍅同埋creamy既牛油果醬🥑，仲加埋啲帶有鹹香既肉醬tim，跟住再去焗，真係有多重滋味😋 上面既魚皮🐟都夠金黃香脆，帶有魚🐟既鮮香，不過底下既因為痴住啲汁就腍左啲烏卒卒炸魷魚麵撈 🔥🦑🍝🍅 - $85 (好味指數：😍😍😍😍🤩)個魷魚🦑炸得好香口，炸皮唔會太厚，而個魷魚🦑keep到係煙煙韌韌而唔會韌，上面有啲酸酸地既沙律醬去中和炸魷魚🦑既油膩～ 旁邊仲好貼心咁有個由番茄🍅同紫洋蔥🟣🧅組成既他他，酸酸地咁幾開胃，又可以解左食炸野既油膩～ 到個冷麵🍝就真係幾surprise，凍凍地又辣🌶️得夠晒惹味，令人有keep住想食落既衝動，個麵🍝既質地就係帶啲煙韌既爽口，配埋香口既紫菜真係幾正🤤炸魚狗腸 (他他醬) 🐟🥓 - $28 (好味指數：😍😍😍😍)小編叫左兩款醬既魚香腸🐟🥓，個腸既質地係爽口得黎帶啲煙韌，有啲似食緊魚腐🐟既感覺，魚味🐟都幾出同鮮甜，感覺幾特別～ 第一款係配他他醬，個醬係將洋蔥🧅、醃黃瓜🥒、羅勒🌱等香料切碎後，mix埋蛋黃醬🟡同埋和雞蛋🥚製成，味道比較清爽酸甜炸魚狗腸 (蜜糖芥末) 🐟🥓🍯 - $28 (好味指數：😍😍😍😍)個魚狗腸🐟🥓既質地係一樣爽口得黎帶啲煙韌，有啲似食緊魚腐🐟，魚味🐟都幾出同鮮甜，感覺幾特別～ 而第二款係配蜜糖芥末🍯，主要係蜜糖🍯既香甜味為主，再配埋芥末嗰種少少既嗆味，感覺有啲滋潤又清新，都突出到魚既鮮味～炸魚無薯條 🔥🐟🍟 - $28 (好味指數：😍😍😍😍🤩)雖然叫左薯條🍟，但純粹係外表切到好似薯條🍟咁，其實全部都係用魚肉整成ga😜 幾有鮮味，同埋除左炸皮夠薄同香脆之外，入面咬落軟軟地得黎有啲煙煙韌韌，感覺都幾得意～ 醬方面就叫左雙子醬，入面mix左蟹籽🟠同埋明太子🟠，食既時候有啲卜卜脆既感覺又帶有鹹香同微酸，同個魚薯條🐟🍟好夾，又可以解一解炸野既油膩幾好～Fishotto魚米粒粒．扮意大利飯 🐟🍚 - $85 (好味指數：😍😍😍🤩)呢個真係幾特別，意大利米🇮🇹🍚整既risotto就食得多，用魚肉🐟整既飯🍚就真係第一次，口感好特別，介乎有少少粉同爽口之間，應該係用魚麵🐟🍝切碎而成，而且控制到每粒既大細都差唔多，咁就更加似飯🍚～ 至於個汁就幾creamy，一路食落去都唔會話變到水汪汪咁，同時仲有啲卜卜脆既蟹籽🟠，幾有層次感，不過個配搭就略顯單調左啲，食到最尾會有啲漏，加多啲肉或者菇🍄就更加好魚湯翡翠苗 🐟🥣🌱 - $13 (好味指數：😍😍😍🤩)食左咁多比較油膩既野，所以小編就叫個菜🥬黎清下個味蕾，呢個豆苗🥬係用魚湯🐟🥣浸既，味道幾清新同鮮甜，個翡翠苗🥬幾爽脆～好味指數：😍😍😍😍推介指數：😍😍😍😍…查看更多

喜出望外既主打┌魚┐事者放半日假，同老公行完街，唔打唔撞見到呢間以魚做主打既餐廳，點知有意外驚喜，餐廳雖然唔算大，以湖水綠為主，好有海洋feel，店員好細心介紹menu，主打以魚做食材，仲有魚麵同魚品特色小食！店員講佢地採用九棍魚，門鱔同埋大眼雞為主，用料都幾講究！我地兩個人叫咗︰魚湯翡翠苗 $13：翡翠苗非常細嫩同爽口，湯底應該都係色湯黎，好鮮味，我飲哂成碗，哈，卜卜脆鹹豬手 $58(半份)：豬手去骨切件，非常細心，而且啖啖肉好淋，其中有幾件帶點肥，配上絕配的芥末醬，絕對係最佳配搭，香脆雞翼+炸魚無薯條+蕃茄魚粒莎莎 $43 ：炸魚無薯條其實姐係用咗魚肉製成既薯條黎，外型同薯條一樣的，但係入口既全部都係魚肉黎，口感我覺得好食過薯條，仲有彈牙同煙韌感覺添，而且唔會似薯條咁熱氣，雞翼炸得夠香口，而且味道有淡淡蒜香味，蕃茄魚粒莎莎裡面有少少洋蔥，好特別，手工魚皮 $23：炸到脆卜卜，非常香脆可口，而且魚皮的薄薄，唔會過厚，配埋黑松露醬更加惹味！炸魚狗腸(和風紫菜) $28：同樣都係用魚肉產品既食材，外型同平時食既熱狗一樣，但入口口感完全唔同，十分煙韌，面上仲有和風紫菜沙律醬同木魚絲，只能說好正，黑蒜油木魚湯沾魚麵 $73：呢個角麵係期間限定食物，魚麵入口超級彈牙，唔似食梗麵既感覺，麵做到掛湯效果，十分有口感，而黑蒜味夠哂香濃，伴碟有仲有魚腐、魚片同秋葵，呢個真係讚不絕口，檸檬杞子蜂蜜生薑茶 $28：呢個生薑茶真係要個like，絕對唔係普通求其生薑蜜溝比你飲就算，個茶好夠辣，但辣得黎唔會蓋左蜂蜜甜味，辣度同蜂蜜甜味做到恰到好處，咁凍既天氣飲完好暖身！呢個價錢，絕對高質，下次可以再食！…查看更多

又一次證明美食在民間。今日下午來到「魚事者」一試佢嘅魚麵🐟🍜，估唔到非常有驚喜😍，菜式新穎食物味美，絕對係用心製作而唔係求求其果腹小食。「魚事者」主打自家製魚品輕食，包括多款創新魚麵，仲有各種自家製魚肉小食。菜式新穎fusion多種異國口味例如川菜、泰式、越式、西式甚至墨西哥菜，非常大膽創新！餐廳裝修以湖水藍為主調，配上粉藍及少女粉餐桌，環境清新舒服。價錢亦都非常親民，以咁嘅質素絕對係高性價比。六點前仲有下午茶餐，我哋叫咗兩個茶餐再加幾個單點，其實都算幾抵食。香脆雞翼+炸魚無薯條+魚粒莎莎 （套餐連飲品）$43冇薯嘅薯條，係店鋪嘅signature強烈推薦一定要點👍🏻用魚肉代替薯條感覺新穎，堅食到有魚味，而且口感煙韌，不會太淋身。雞翼炸得夠香脆而且味道非常吸引，並非一隻普通炸雞翼。魚粒莎莎好有墨西哥dips 嘅感覺，魚粒煙煙韌韌幾有趣。港式多士三併配黑松露醬（蝦+魚+墨魚）（套餐連飲品）$38多士炸得非常香脆，三款多士味道其實分別不大，topping一樣係咁彈牙，沾上黑松露醬味道好豐富，必試推介👍🏻Fish-chos •扮墨西哥魚皮 $33以香脆炸魚皮代替墨西哥nachos，非常創新！魚皮即叫即焗，芝士醬以忌廉、牛奶、車打芝士及水牛芝士慢火煮成，芝味濃郁，配上牛油果醬及肉醬，層次豐富，非常好食😋無豬肉燒賣/ 無豬肉燒賣 （8粒）$20其實係魚肉燒賣，口感幾煙韌，芫荽燒賣味道清香，但芫茜味不算突出。炸魚狗腸（蜜糖芥末）$28「扮熱狗」的炸魚狗腸，當然沒有腸仔只有魚肉，口感非常彈牙，再加入蜜糖芥末調味，上面灑上煙肉碎及用魚肉炸脆米，絕對係必點小食👍🏻泰式-蝦頭油炸蝦球魚麵撈 $70魚麵吸收蝦頭的油香，味道令人十分驚喜，食到停唔到口！炸蝦球有蝦味而且越級彈牙，出色👍🏻值得一提係佢嘅魚麵，佢係用上門鱔、大眼雞及九棍魚，再以1:1 魚肉和麵粉比例製作，因此有魚味之餘亦非常彈牙。食過咁多魚麵啲間係最好食，強烈推薦🔥黑白鴛鴦春卷 $50㨂左白雪雪魚湯/ 爽彈魚麵，魚湯絕非普通野，而係有經過熬製，都是要經過除腥、去骨、去渣等步驟，再熬煮幾小時而成，魚味濃郁清甜，連湯都可以飲埋。黑白鴛鴦係指魚肉同墨魚肉，味道上分別不大。魚湯翡翠苗 $13最後仲叫左個魚湯，翡翠苗好柔嫩無渣，魚湯夠晒清甜，的確唔錯👍🏻總結：估唔到小店都可以咁製作認真，食物絕對係高水準，價錢親民，款式選擇多而有特色，將魚肉玩得出神入化。推薦一定要試佢個炸魚無薯條同魚麵👍🏻食物：❇️❇️❇️❇️❇️環境：❇️❇️❇️❇️服務：❇️❇️❇️❇️價錢：❇️❇️❇️❇️翻兜指數：❇️❇️❇️❇️❇️…查看更多

魚事者 🐟講起食魚，大家可能淨係會諗起地盤師傅最鍾意嘅蒸魚飯👷🏼‍♂️不過係呢間以魚為主題嘅輕食店，可以搵到西式嘅炸魚薯條🍟、熱狗，同埋本土特色嘅車仔麵、魚肉燒賣，非常fusion🎣 Menu上大部分食物都係魚肉製品，主要採用唔同種類嘅深海魚，因為肉質比較紮實💪🏽花園鰻魚狗腸🪱身為魚痴嘅老闆除左鍾意食魚，都熱心推動本地魚類保育嘅工作🪸 每賣出一條花園鰻魚狗腸，餐廳就會捐$11去海洋組織「114°E HK Reef Fish Survey」🤿 仲同@PETTYTHINGS 合作，食客可以得到限定貼紙同活動卡參與大抽獎🎁外型似足司華力腸，但其實係魚肉嚟架🌭 口感彈牙，有少少似食緊長洲大魚蛋咁⛴，有得食之餘，仲可以做善事同抽獎，一舉三得，活動做到11月11咋💨Don’t陰功魚麵2.0🍜連麵底都係用魚做嘅，口感爽彈，淡淡嘅芫荽味，唔會話蓋過魚嘅鮮味🌿 冬蔭公湯底唔會好似泰式嘅咁辣🌶 配料有魚肉片、魚蛋同魚皮餃⚪️好多卜卜蜆木魚湯魚麵🐚除左原味同芫荽魚麵之外，仲有米線、米粉同烏冬可供選擇🍜 白雪雪嘅魚湯好清甜🍲 原來好多卜卜蜆匿埋咗係碗烏冬嘅中間，一碗有成10幾20隻，食極都有🤓魚湯翡翠苗🌱平時出街食飯好少嗌菜，因為覺得好唔抵😂 一樣價錢不如食肉仲好🫢 呢到$13就有一碗菜，仲要係貴價翡翠苗🌱酥炸魷魚🦑除左游水魚之外，魷魚都係魚🦑 魷魚鬚肥美厚肉， 炸得好脆口💢 松露、蟹黃、雙子、山椒、他他醬五款揀一款☝🏻雙子醬原來係明太子加蟹子☣️ 蟹子份量十足，雙重脆卜卜⚠️蒜油香雞翼🧄除左魚品之後，餐廳都有豬同雞嘅選擇🐖 上面嘅炸蒜令到大大隻嘅雞翼更惹味😋洛神花山楂雪梨茶🍐抗氧化一流嘅瘦身茶✨ 洛神花同山楂味道偏酸，但加左雪梨之後，酸酸甜甜咁，好易入口😋可以幫助消化，消脂健脾，非常適合做飯後飲品🍹夏菊羅漢果🌼兩款茶飲都係清熱💦 帶少少甘味，有啲似飲緊涼茶咁🧉餐廳有一半嘅門面劃分左嚟專做外賣，仲可以預先遙距order，方便大家grab&go📱 魚麵同燒賣仲可以買生品返屋企慢慢食📦不過貫徹餐廳嘅環保理念♻️ 餐廳除左採用可分解嘅粟米纖維外賣餐盒餐具之外，更加鼓勵大家源頭減廢，自己帶食物盒嚟裸買仲可以減$3添📦餐廳好有gimmick，定價仲好親民添🤩 食物嘅烹調方法同裝飾擺盤令大家都睇唔出係魚肉，味道都完全食唔到魚腥味，唔食蒸食嘅都可以一試🤓…查看更多

👤人數：2💰埋單：216（已加一）店主好用心營業嘅一間小店，對魚食者真係好吸引嘅一間店，譬如我哈哈，每個主食都會送一杯飲品，所以唔需要特別嗌，特飲就要加錢🥢don't陰功魚麵2.0 $90⭐⭐⭐⭐好味嘅don't陰功，唔好太陰公哈哈，名都好可愛，我哋選擇咗芫茜魚面，芫茜味有少少，唔重，但好特別，魚面好有咬口，條狀魚膠，好健康嘅感覺🥢Fishottto鱼米粒粒扮意大利飯$85⭐⭐⭐⭐好可愛嘅一個魚粒飯，qq彈彈，唔係新鮮魚肉啦，混咗啲蟹子，應該係黑鬆露沙律醬，仲有蔥花，整體好新奇，但個人覺得沙律醬稍微多了一點點🥢魚湯翡翠苗$13⭐⭐⭐⭐見到每一桌都幾乎會放上一份，便宜好吃的蔬菜🥢炸魚無薯條$28⭐⭐⭐⭐用魚肉做成的薯條形狀，咬下去是有嚼勁，有趣，我們最後跟了鬆露醬，挺好吃。🥢店家特有的魚辣醬$free ⭐⭐⭐有點魚乾的香味，bb辣的程度，還不錯…查看更多

今日午餐去左北角炮台山既一間魚麵店食個快lunch，魚麵店個名叫魚事者，顧名思義，係sell用魚造既麵。入面裝修唔錯，有幾張枱可堂食。餐牌有自由選麵，好似車仔麵。湯底5選1，麵底5選1，餸有勁多款選擇，基本價錢$41單餸，加餸逐樣加錢。另外都有唔同口味魚麵撈，湯麵，仲有小食如燒賣薯條，飲品有茶有酒有汽水有咖啡有朱古力。跟餐加$8有飲品，可以再加錢升級飲品。自己scan QR code 落單。清水自助，唔收加一。我要自由點（白雪雪魚湯＋芫荽魚麵 $41＋另上系列-鰻魚 +$32＋ 另上系列-鰻魚 +$38）$111白雪雪魚湯真係好濃魚味，聞到好似有魚蛋香味，而且唔油。芫荽魚麵白中帶綠，食落帶淡淡芫荽香，主角魚麵加入左魚肉造既麵比普通麵彈牙，有d似食緊魚蛋條。伴有紅蘿蔔同翠肉瓜各一片。鰻魚係另上系列。我地要咗雙份，所以基本上係原條鰻魚既一半，食落夠暖笠笠，彈牙啖啖肉又夠味。蝦頭油炸蝦球魚麺撈 $70呢個撈麵係泰式。炸蝦球有5大球，上面加滿沙律醬，食落都好彈牙，有魚蛋味，都食到有蝦味。魚麵加上泰式醬，味道唔辣，加上香草同櫻花蝦仔，都幾惹味又唔太膩。伴有清新番茄紫洋蔥莎莎。忌廉蘑菇煙三文魚魚麵撈 $65呢款就係西式。煙三文魚三片捲得靚靚，配有橄欖幾粒。魚麵加左蘑菇粒同適量忌廉汁，灑上香草，食落好似意粉，不過質感味道比普通意粉多上一重魚蛋元素，好驚喜。同蝦頭油炸蝦球魚麺撈一樣，都伴有番茄紫洋蔥莎莎。炸魚無薯條松露醬 $28炸魚無薯條份量好多，看似薯條，其實係炸魚條，外脆內彈牙，味道質感都好特別，好有創意。配有醬汁6選1，我地揀咗松露醬。魚湯翡翠苗 + $13魚湯翡翠苗份量一大碗，菜苗新鮮健康，上面加有少量鹹菜調味。總括而言，呢度既魚麵果然特別又出色，菜式有創意而味道好，食完腸胃負擔唔重，價錢都好實惠。…查看更多