葡匯咪走雞葡國餐廳 (已結業)

💋味道：2/5😬回頭率：0/5📷CP值 ：1/5 🤵🏻服務質素：3/5💰人均消費：$400📍尖沙咀：葡匯咪走雞葡國餐廳葡匯咪走雞葡國餐廳，由一位有著葡藉血統的總廚Michael Franco主理，見OpenRice 咁多好評，所以都想試下，佢地位於尖沙咀美麗華商場，果場都幾靜，經過三年疫情都仲係度，心諗應該質素都唔差掛，點知😅//今晚一行三人，叫左紅酒慢煮牛仔膝 $388葡撻 $15 x2葡式海鮮湯飯 $368馬介休炒椰菜 $128葡國特色拼盤 $108//🍛紅酒慢煮牛仔膝 $388呢個叫做全晚最好食，但佢個份量好細，得兩小舊肉😮‍💨//🥧葡撻 $15/pc : 皮唔夠香，個蛋又唔滑，諗住係間正宗葡國餐廳可以食到好味葡撻，點知咁難食🥺，好失望😞真心，KFC都好食過佢😅由於佢太普通，相都無影到🤷🏻‍♀️//🍲葡式海鮮湯飯 $368收我$300幾蚊，全部都係急凍海鮮😒仲要係好普通size 嘅急凍海鮮，個飯質煮得幾好，但啲材料唔掂，如果用新鮮海鮮，整體一定鮮甜好多😮‍💨 而家食落有啲次 少少蕃茄湯加雞湯嘅味⋯⋯//🥗葡國特色拼盤 $108呢個係2人份量小食拼盤，首先係4片急凍魷魚圈，仲有4片葡國蠟腸，4條炸豆角😂，2粒馬介休薯球（全碟最好食呢樣😮‍💨）呢碟野，份量又係好少⋯食材同味道都幾勁一般⋯⋯⋯⋯⋯⋯⋯⋯//馬介休炒椰菜 $128馬介休幾好食 ，但都係勁少，蒜蓉比例多好多，係屋企都煮到嘅野的質素😂//總結：全部野嘅味道都非常普通🙈而且份量偏細（除左個飯），相對之下，價錢就偏貴喇，咁細份😒性價比超級低🤷🏻‍♀️ 職員服務一般，成日攬實個menu,唔想人落單咁 😂…查看更多

行Mira Mall見到呢間餐廳環境幾大又冇咩人食，加上係葡國菜幾特別，除左係澳門會食平時都好少機會食得到。上網見食評話要食呢個傳統烤沙甸魚，個人覺得烤得好脆而且唔腥。不過朋友覺得太多骨，如果唔慣食魚既人都唔建議叫呢碟菜，因為都好多細骨。我地3個人，烤乳豬要左四分一隻（要預訂先有嫁)，都夠曬食。乳豬皮脆肉嫩，少許脂肪加上厚厚既嫩肉🐷配埋個葡式茄汁炒飯，配上臘腸令到個飯有油脂香，不過個人覺得配提子乾落去炒有點兒怪。馬介休炒椰菜反而我只係食到蒜香味，偏油但唔會太油膩。上網再搜尋下咩叫馬介休，其實係鱈魚經鹽醃製而成，唔少葡萄牙菜與澳門葡式美食會落既主要材料。最後呢個白汁煙肉蘑菇意粉就一般，但芝士味都好濃好Creamy…查看更多

早左收工，六點半就黎到，見到餐廳環境幾大，亦都完全無人。我諗到七點幾先慢慢開始有人。食物質素唔錯既，服務就正常，都係普通落下單斟下水。第一個黎係小食拼盤。個人最喜歡個芝士多士，有少少blue cheese既感覺。炸四季豆同炸馬介休就麻麻。整體都算幾好，炸粉唔會過厚，多人share都不失為一個好選擇！第二味上左個菜。反而幾鍾意，唔會太油，感覺健康之餘又有馬介休香。烤乳豬要左四分一隻，我地五個人都夠哂食。個豬做得好好！皮脆，入面又連住層油脂，加上肉厚，唔會好似有時外面餐廳整到得層皮咁。佢配埋個肥仔炒飯。食得出係茄底，有啲臘腸令到個飯有油脂香，提子乾份量都好多。反而個雞就不過不失，唔知係咪叫左少辣既關係，味道好似偏淡。個牛就有失望了，仲見佢係推介既dish。主要係叫左medium rare，黎到有十成熟，令到舊肉無咁好。甜品相對上面兩個肉出色好多。呢個係焗酥皮香蕉薑卷！好正！會為呢碟而回頭！酥皮鬆脆，包住熱熔同好甜既香蕉，而隱約係有薑既香氣，而亦無薑既辣。雪糕係濃郁既，食得出唔係cheap cheap一盒咬落有冰果啲雪糕。拼盤就主要係靚，岩哂打卡。都唔exactly知哂所有甜品係咩。雪糕應該係冧酒，我麻麻地酒味，不過見朋友們好鍾意。右邊係好淡檸檬味既mousse蛋糕，中間下面係海棉蛋糕。反而左邊既最驚喜，係好似椰子味同芝士味混合既mousse，上面有啲椰子乾片，口感幾好。加上係朱古力曲奇既特硬底，敲中我既喜好！總括而言，適合朋友小聚。枱係寬鬆，都無人行黎行去趕你走。食物都ok，份量足夠所以易分享！fyr，見佢都有做set，雖然我地係揀左散叫。…查看更多

與老友約了出尖沙咀，上open rice做定功課，看到呢間食評都唔差，就定下午兩點既檯，與她嚟試試。我們叫了二人套餐，有湯(薯仔蓉既湯，都好飲的)，小法包(唔識欣賞)，傳統葡式拼盤(有葡式香腸，馬介休球，炸魷魚，炸雞 /幾款都唔難食，但未致於可令人難忘)，在套餐中有燒春雞或牛尾可選擇，我們選擇了砵酒炆牛尾，個汁好味，牛尾好焾。馬介休炒椰菜(吃不出馬介休的咸香味道)。 套餐內原本有兩個甜品，但朋友問侍應生，可否加錢轉飲品?侍應不敢揸主意，叫了一位女經理過嚟，她禮貌地說，不要甜品便可轉飲品給我們，服務不錯，有彈性。二人套餐$488，另加一，埋單$536，平均每位$268。 對我個人而言，我打食評既評分，會總括其價錢、食物、服務來作平衡點。這兒的食物，對我嚟講，只是唔難食，但以這個價錢食這一頓午餐，又唔覺得好值得，唯一安慰的是其服務不錯。如果問我會否再回頭??我肯定不會的。…查看更多

平日中午想食呢間，叫了二人套餐再加砵酒焗菠蘿，紅酒焗牛尾最有驚喜，喜淋超入味自己試過整過蚊了一小時，是不入味的經理告訴我們牛尾蚊了一日！她話用慢煮工具煮4個鐘都得，下次我還是出街食好了.…查看更多

想搵間好味嘅葡國菜，梗係要嚟間有名氣啲嘅葡國餐廳啦！之但係又唔駛吓吓走到去澳門嘅，咩小飛象、公雞，大家都係動物姐，今晚就同去到尖沙咀嘅葡匯咪走雞葡國餐廳試吓我哋第一次嘅葡國菜啦！炸馬介休球馬介休，來自葡語Bacalhau，係經鹽醃製嘅鱈魚，所以食落咸咸地。加入馬鈴薯泥、洋蔥等材料製，新鮮炸起，好香口。葡式燒乳豬 (1/4隻)1/4隻有四大件，真係好大份，兩個人真係夠晒。乳豬用秘製香料醃製，外皮燒到脆卜卜。半肥瘦，肉質嫩滑，肉汁豐富。仲跟埋葡式肥仔炒飯同沙律，真係好滿足。馬介休炒椰菜A姐話馬介休真係好好味，所以我哋要叫咗馬介休炒椰菜。終於見到馬介休嘅真身啦，咸咸地嘅馬介休吊起椰菜嘅鮮味，正！（記住Like同Share畀朋友）…查看更多