繼光香香雞 (連理街)

「五一勞動節」下午，我先在「葵興」「青山公路葵涌段」享用完日式「野菜牛肉拉麵」下午茶，然後一個人徒步沿着行人天橋步道，返回「禾塘咀街」，享用醬汁不算多的潮州「牛腩飯」晚餐。至於晚餐裡面的「雞肉」部分食品，我選擇乘搭港鐵返回「坑口」商場「連理街」之後，光顧炸雞店「繼光香香雞」，購買「香香炸雞」小食，作為晚餐裡面的「雞肉」食品。「繼光香香雞」廚房店員即場「公平、公正、公開」製作「香香炸雞」，還要用剪刀試剪其中一塊「香香炸雞」，確保雞肉已經全熟才送交給食客。所以我對「繼光香香雞」廚房店員即場製造的「香香炸雞」食品，一點意見都幾乎沒有。今次我選擇享用「小辣」的大「香香炸雞」，恰巧食店推出配全品項第二件半價折扣優惠，所以我選擇購買「水果冰茶」。由「繼光香香雞」第一次登陸「將軍澳」「坑口」商場舖位開分店之後，我一直都對「繼光香香雞」價目表裡面的「水果冰茶」飲品有很大好奇，想知道「水果冰茶」飲品裡面實際口味是什麼。結果我詢問完「繼光香香雞」廚房店員之後，才知道原來「繼光香香雞」裡面的「水果冰茶」，感覺有點像加入甜味「百香果」糖漿的綠茶飲品。雖然我個人還是比較喜歡享用台式手調「水蜜桃」紅茶飲品，多過「百香果」口味紅茶或者綠茶飲品，不過在食完味道有少許鹹和辣的無骨炸雞肉之後，有甜味「百香果」飲品化解油膩感覺已經算是不差了。雖然飲品裡面的冰塊，在經歷我長時間乘搭小巴返回「西貢」之後，冰塊已經剩下所餘無幾，幸好飲品裡面的「百香果」甜味仍然未有被淡化，不枉我購買後立刻乘小巴趕回「西貢」，下次可以考慮再購買多一次。而且味道酸中帶甜的「百香果」飲品，是最適合配「香香炸雞」食品一起享用的飲品，即使「香香炸雞」裡面的雞肉沒有肉汁滲透出來，但是「香香炸雞」仍然理想晚餐「雞肉」食品。至於「水果冰茶」裡面的「茶底」，我覺得「茶底」味道偏濃，有點像「紅茶」。但是「百香果」酸甜味道濃厚，即使配「綠茶」味道也不會變淡，所以「百香果」甜味彷彿才是重點，茶底是什麼已經不再重要了。…查看更多

對上一次食台式炸雞已經係四年前，當時我同女友穿梭各大台北夜市，每晚都會買炸雞返酒店食，咁多間炸雞之中，繼光香香雞最令我印象深刻，等既時侯忽然落大雨，最後自己都變左落湯雞。繼光香香雞原來係香港開咗三間分店，其中一間係坑口，我決定速去速回，買外賣返屋企食。今日都係下雨天，不過唔駛驚，因為繼光香香雞開係商場😬餐牌介紹三大必點組合，包括1. 香香炸雞(大)/香脆樂薯2. 香香炸雞(小)/蒜脆杏鮑菇3. 香香炸雞(小)/墨魚甜不辣最後我叫左香香炸雞（大）、台嗑三塊雞同酥炸魷魚。我大約等左10分鐘左右就攞到外賣！另外而家去到五月十日前，大家只要叫左香香炸雞，第二款食物有半價！整體嚟講，炸粉唔會大厚，每款外皮望落超脆。香香炸雞既胡椒粉黑椒粉幾重手，食落有少少辣。台嗑三塊雞幾juicy，至於酥炸魷魚酥脆之外帶嚼勁，調味唔會太鹹。…查看更多

同呀媽Shopping完之際，佢話夜晚唔想煮飯😅，叫我睇下想食乜，再買啲返去當晚飯...，哈哈。由於午餐食得好飽，所以都唔使點食正餐，於是就幫襯繼光香香雞。以前香香雞做團購，我成日幫襯，但旺角店相繼結業後，我就無食過。不過喺屋企左近嘅連理街店就屹立多年，今次係我第一次幫襯添😛。炸雞店勁高人氣，買嘅人排哂長籠，其中一個原因係因為全部食品都係客人落單後即炸，所以唔會翻炸變到好乾身或者好油👍。好搞笑地成間舖嘅店員都係大男生，仲好似唔太識聽／講廣東話。我哋等咗陣，啲炸雞就Ready了🐔，沿路拎返屋企隔住個口罩都聞到勁香，真係好想拉低口罩偷食。香香炸雞(大)($39)，招牌菜果然幾時都咁好食😋，每件雞件都好好肉，而且無骨，炸皮香脆得嚟，肉質保持嫩嫩多汁的，又無熱氣嘅感覺，真係好正，推介！唔同分店同經營多年來都能夠保持高水準💯，抵讚。台嗑三塊雞($38)，呀媽話想試埋喎，呢個就同香香炸雞唔同🐓，雞肉比較大塊同埋有骨，鹹香味道較濃。但我就鍾意香香炸雞多啲～。酥炸魷魚(細)($32)，炸雞以外，炸魷魚亦係必食之選。魷魚沾上薄薄嘅炸粉，達到黃金比例🦑，我哋又係食唔停口。總括嚟講，三款炸物都無令我失望，特別係香香炸雞同酥炸魷魚，我認為繼光香香雞係香港還原度最高嘅台灣過光龍炸雞店🐔😋，味道真係同我喺西門町食嘅一樣。最後，我見到餐廳做緊Promo，4月10日開始計一個月，買大份嘅香香炸雞，第二款自選食物就可以獲得半價優惠，抵啊！…查看更多

之前睇團購網時有見過呢間嘢，但當時無買到因為店鋪位置唔就腳～今日咁岩經過坑口，諗起呢間嘢就去買黎試下～本身正係諗住想食下炸雞，唔會特別有啲咩期望點知就有驚喜，雖然去到無人。等左大約5分鐘就有得食叫左一份中size既炸雞$38。中辣食左一半先影份量超多，2個女仔食唔晒～好夠辣食落口感覺唔會好油，值得一試如果天氣唔係咁凍會買杯水果冰茶試下一定再有下次…查看更多