海安咖啡室 (已結業)

Was told that this cafe was opened more than 60 years - imagine grandparents go cafe-hopping👵🏻👴🏻Funny how they serve instant noodles in a claypot with sausages, fried eggs, luncheon meat and beef slices - almost like a Chinese-style all day breakfast. Their signature open-faced sandwich was topped with egg scrambled with corned beef and plenty of spring onions. Do come early if you wish to visit as some items on the menu sell out quickly.…查看更多

每次去中環上環 都好鍾意試唔同既懷舊冰室 品嚐港式美食同時 欣賞下懷舊既裝修 別有一番風味香蔥碎牛炒蛋厚多士 $35炒蛋半熟好滑嫰 充滿蛋汁 香蔥味好香 🐮碎牛既存在感有啲低 唔太鹹香 🍞多士係烘過架好香脆 🍳好足料呀足料到多士中間係凹左入去 食到最後會有小小膩鍋仔公司麵 $48真係成個鍋咁上架喎 公司麵好多餸 鮮牛肉 餐肉 腸仔 雞蛋 五香肉丁 個日叉燒冇哂 變左鴨胸 🐷午餐肉夠厚 但係好似冇煎過唔香口 🍜麵煮得岩岩好唔會太淋 湯底就係靠五香肉丁既味 冇咩特別 就係平凡樸實既茶記滋味:(奶茶 有啲失望 偏淡多士比較特別 其他都比較普通 來感受一下懷舊風味就好…查看更多

來到有著 60 多年歷史［海安咖啡室］，給我的感覺是＂舊＂，＂很舊＂。這間是香港目前僅存的兩間最古老的茶餐廳之一。店內的裝飾簡之又簡，至今仍保留著舊時的長燈管、風扇、黑色有線的電話座機、墻上的剪紙貼花等等，好似將時間退到了半個多世紀之前。我置身於這間餐廳之中，不僅被濃厚的復古氣氛包圍住，還深切地感受到來自店員的濃濃的人情味，笑臉相迎😊，笑臉相送😊。餐廳出品的食物看似選材普通簡單，卻精心烹調，呈獻給食客的不僅僅是美味，更是一顆真誠的心❤。招牌［鍋仔公司麵］HK$45 ，足料又足量，叉燒、五香肉丁、雞蛋、腸仔、餐肉、鮮牛肉、菜、麵等，包羅萬象，應有盡有。招牌［香蔥碎牛炒蛋厚多士］HK$32 ，有烘底厚多士、蔥、蛋、牛肉、調味料等，味道非常似某個進口品牌的＂鹹撻＂，小小分別在於＂鹹撻＂重芝士味，這個＂厚多士＂重香蔥味。飲品［凍檸茶］HK$18 ，中規中矩。飲品［奶茶紅豆冰］HK$30，有奶茶味的紅豆冰，賣相似＂黑牛＂，味道超正！由此看來，店家在極力保留舊時食譜的同時，也應時創造一些新的食譜，滿足現代人的需求，使得餐廳客如雲來。餐廳的門外有兩條長長的路軌，同樣懷舊復古的，有著百多年歷史的＂叮叮＂電車正在這裡來來往往地駛過，與［海安咖啡室］相得益彰，互相映襯。尋覓懷舊之餐餐飲飲，箇中滋味奇妙無窮，我自樂在其中😄！…查看更多

上環除左半山 貼地d嘅都有好多冰室可以食下 今次就黎左海安咖啡室 上環地鐵站C岀口行過去好近 Google Map都好易搵到 最岩我喱d貪就腳嘅為食妹!!一行到門口好易認 鋪面係正宗懷舊冰室樣 有兩個冰室雪櫃 入面著一樽樽玻璃瓶裝牛奶 其實門口已經係個影相位 不過本人太肚餓喇 衝左入去食野先!!必點: 香蔥碎牛炒蛋厚多士喱個碎牛炒蛋好足料!! 切開個多士4格 每格d碎牛炒蛋都滿瀉咁食 食到最後都仲有得食 好滿足嘅感覺!! 不過喱個製作需時 建議叫個面食住等醒目嘅我就叫左公司面喇 因為份量好多 tea黎講 可以2個人share食 咁先可以留肚食其他嘛!! 喱個公司公仔面可以轉米粉(同價) 咁就健康dd啦~ 個面都幾足料架 入面嘅煙鴨胸係超厚切 如果你係大食底 可以一個人食曬一鍋 如果你係小食多餐底呢 就建議share喇!!另外仲叫左菠蘿油 不過無影相 但都幾正架!!…查看更多

旅遊書介紹嘅好多時都係大型連鎖茶餐廳, 若然搞下呢傳統冰室, 可能更有特色, 因為無論食物定裝飾設計上, 都應該可以更吸引唔同類型嘅客人, 呢間餐廳係上環港澳碼頭附近, 過條天橋就到, 不過係天橋無電梯上落, 手持大型行李嘅旅客可能要注意吓, 另外記得留意開放時間呀  ↓↓海安奶茶加紅豆 $14+5 (3.5/5)紅豆唔算煲得好碎, 有一粒粒嘅口感, 店員話奶茶係好男仔嘅野, 紅豆係好女仔嘅嘢, 兩樣加埋一齊就叫初戀haha, 奶茶都好香, 配紅豆食好似食緊甜品咁 :) 如果嗌凍飲, 冰係刨冰球咁, 而唔係平時一粒粒嘅碎冰, 記得啜一淡先飲呀! 如果唔係就好易漏瀉哂喇香蔥碎牛炒蛋厚多士$25 (3/5)平時嘅都係配火腿咸牛肉餐肉, 咸得黎脂肪又多, 而呢度就用蔥花, 始終天然嘅調味料至好, 用嘅都係蔥嘅末端, 份量比我想像嘅多, 配搭非常中式, 食落又爽口都唔錯 煲仔公司麵$39 (3/5)望住個餐牌嘅時候, 仲係度煩惱緊係要揀一個定兩個餸, 原來係都全部都有, 好豐富! 有叉燒, 五香肉丁, 雞蛋, 腸仔, 芝士腸, 午餐肉, 鴨胸, 係屋都唔會加咁多 , 係呢到就可以同時食到晒喇haha, 如果有埋蔬菜就更加好喇 呢到用既肯定係福字麵, 因為由細到大只食福字牌嘅麵, 入黎嘅時候見到食客夾起麵條, 就睇得出係佢! 麵條無咁粗, 唔會好有油溢味, 食落真係唔同啲  粒粒西多士$28呢個其實我哋無食到  因為同同枱馬來西亞嘅遊客傾得興起, 借黎影下, 每粒都幾大, 新鮮炸起令到啲牛油啱啱溶, 好吸引 , 平均消費$48.5 2 兩個人, 1個麵,+1個多士+2杯飲品 #mohkcfood50below推介此餐廳 4/5 港式懷舊冰室, 飲品食物都有創新, 家庭式營業, 店員都好有活力海安咖啡室 Hoi On Cafe星期一至四及六: 07:30-16:30星期五: 07:30-15:00**星期日及公眾假期休息上環干諾道西17號地下Tel:2540 6340…查看更多

繼續尋找港式懷舊冰室的食旅！:)前陣子收到openrice的電影戲票，開場前的早上，我和baka先到上環的海安咖啡室吃brunch，一直很想試這間懷舊餐室，但因星期日休息和地點較遠的關係，始終未有機會享用，是日終於可以一嚐了，非常期待～從上環地鐵站走到海安咖啡室約需10分鐘，看到海安的門面時baka都嚇了一跳，原來是這麼舊的餐廳！baka之後跟我說初看店面時其實很擔心裡面的環境。門外有玻璃櫃陳列新鮮出爐的麵包和糕點，也可以窺探到餐廳裡面的環境。留意到店員以女性為主，態度親切，我們被帶到較裡面的卡位。海安雖是擁有超過六十年歷史的老式餐館，但卻毫無殘破感，裡面設計仍然保留著舊式茶室的風格，例如赤紅色的座位擺設、天花的大風扇等。:)另外衛生環境非常良好，座位舒適，想不到一間懷舊餐室竟然能保持在如此狀態，實在有賴經營者和店員們的悉心打理。:)在牆上有「禁示吐痰」的牌子，現在已經很少有這種提示字眼了。海安的餐牌主要分兩種，其一是列明所有食品的菜單，其二是圖文並荗的推介，方便特地來尋食的客人。baka點了一個常餐Ａ（＄３５），原本配菠蘿油，但我們加錢配奶油脆豬（＄８）。熱噴噴的奶油脆豬是本餐的最愛！從賣相看來脆豬烘得金黃，口感香脆鬆軟，脆豬上塗有很多煉奶和牛油，兩者配搭起來超好吃，煉奶和牛油那豐富的甜香味到現在仍深刻地記錄在我的味蕾上。:)常餐還配了牛肉米線，伴有幾片椰菜，配搭清淡。而我則試了推介之一的鮮茄羅宋湯雙拼麵（＄３５），選了雞蛋和叉燒。麵上放有兩大塊太陽蛋，蛋下有大量鮮茄羅宋湯配料及叉燒。鮮茄羅宋湯雙拼麵用上福字麵，麵條煮得軟腍，羅宋湯湯底味道濃郁，而且配料甚多，所以吃起來很滿足，整體不算特別，但可以一試。在落單時店員嬸嬸問我們要吃推介的香蔥多士，原本未有這個打算，但見有特意推介質素應該不俗，還是試一試吧！香蔥碎牛炒蛋厚多士（＄２５）製作需時，可見是即叫即製。落單的時候沒有留意到是厚多士，送上來時有點驚訝，因為從麵包皮看得出非常厚切！而多士上放有吸引的香蔥碎牛炒蛋，蛋香洋溢。要吃這款多士有點麻煩，我們將多士切開八大份，再慢慢吃。多士厚得來口感鬆軟，豐富的配料帶濃郁的鹹香味，炒蛋炒得滑溜，但難免油膩，不過整體仍然值得一試。飲品方面，我們將常餐的餐飲升級為奶茶紅豆冰（＄１８）。海安的紅豆冰選擇多，如奶茶、咖啡紅豆冰都是第一次見，顧名思義，奶茶紅豆冰是凍奶茶和紅豆的配搭，上面放有圓冰球塊，驟眼看還以為是雲尼拿雪糕！可惜味道只屬普通，尤其紅豆的質素麻麻，質感偏軟腍，未能發揮紅豆應該有豆香味，奶茶亦是不過不失的水準。不知為何，我對冰室、茶餐廳之類總有一種莫名奇妙的執著，或者惟有透過這些餐廳才能尋找到消失中的老香港味道吧？:)在芸芸餐廳的選擇中，比起只著重包裝的倒模式新店，那些關一間、少一間的舊式冰室還是我心目中的第一位。…查看更多

今日第一次去海安, 同事帶路, 下午2點半後食客少D, 有卡位坐:)但係因為太晏, 所以义燒同豉油皇雞亦都賣晒! 於是叫咗香蔥碎牛炒蛋厚多士 $18茶餐A - 菠蘿油+腸仔麵+熱奶茶 $28撈麵餐- 薑蔥香油撈麵配司華力腸+凍奶茶 $32 + $2 凍飲我同同事食咗之後, 最like佢個碎牛多士同個撈麵; 如果個撈麵多D菜就更好! 撈麵可配义燒, 司華力腸或煙鴨胸; 不過奶茶唔夠滑及較淡, 最後太飽食唔落個菠蘿油要帶走; 另外見隔離枱個餐肉抄旦餐包都OK, D旦唔係太熟, 唔似有D老茶抄旦抄到老過塊午餐肉. 其間同女職員閒聊, 佢話义燒每日限量, 好快賣晒, 下次要早D嚟! 另外佢話星期六限量蕃茄湯底用鮮蕃茄煲, 試過有客人自己帶壺來齋買湯, 有機會都要試吓!下次再嚟的話我會試紅豆冰, 因為見個餐牌有幾種口味如咖啡, 鴛鴦, 奶茶等! 女職員話佢哋自己買咗部刨冰機刨冰, 另外佢哋唔用雪糕係因為雪糕易融易壞.…查看更多