泰妹餐廳 (置富嘉湖) (已結業)

同呀豬媽慶祝母親節❤唔想媽媽出去好遠食飯，揀左喺屋企附近嘅泰妹，係呀豬媽第一次食泰國菜🤗餐廳裝潢簡潔舒適，佈置極具泰國風味，環境不錯。豬嘅小學雞表弟對於呢個原個菠蘿上嘅海鮮炒飯好有興趣，因為炒飯配有佢最愛嘅炒蛋，蜆肉同蝦肉，仲有提子乾，肉鬆同菠蘿，味道甜甜地，不愛吃飯嘅表弟都添左2碗。泰式豬髀飯，好有泰國嘅風味。豬髀炆得香甜惹味，肉質腍滑，而個豬髀皮係精華所在😋層層疊蒜蓉包，咬落去外脆內軟，蒜蓉加牛油嘅香味，擺喺枱面已經聞到。呀豬媽話要趁熱食，香脆可口，覺得好滿意。泰式小食拼盤，份量好多喔，蝦餅同春卷都炸得香脆，魚餅冇腥味，而個班蘭葉包雞拆開之後嘅雞肉仍然嫩滑多汁，仲有陣陣香草嘅香味，唔錯。香葉肉碎生菜包，生菜新鮮，加入炒香左既肉碎黎包住食，有少少辣，食泰國菜必食。泰式燒烤拼盤，即係串燒，有雞肉、豬肉、牛肉，份量足夠，不過已經冇左串串，就咁用叉吉黎食。每款肉類經過醃製更入味，食落有少少沙嗲味。另外仲有一隻自製嘅黃咖喱汁，更加惹味。泰妹無骨海南雞半隻，份量足夠，雞肉好嫩滑，完全無骨啖啖肉，配搭甜豉油同泰式辣醬，仲有個帶酸的辣醬，三個各具特色，好味道。炒通菜，大大碟，用左蒜茸炒，因為擔心呀

友人最鍾意食泰國菜， 元朗嗰啲佢又食厭曬。 天水圍呢間開咗冇幾耐， 就同佢黎試下~menu簡易明白，多款選擇😀先黎飛天通菜， 話明飛天當然係想辣到你飛天😈 唔想食辣唔好揀飛天呀😏生菜包，多生菜，唔驚唔夠包🤭~唔覺得熱氣嘅炒金邊粉😎青木瓜沙律🥗開頭食唔知係咪食咗隻辣椒辣到標眼水😅斑蘭葉包🐣第一次食~平時都唔會叫嘅小食~ 連埋啲斑蘭葉一齊食幾特別😗泰式奶茶比港式奶味冇咁重🥛呢個都算健康熱飲~有埋薏米去濕☺兩個人食到飽飽😛三百幾蚊~

慶祝朋友生日，知道天水圍開咗間泰國菜一於去試吓先，七點半都好多人等位，我哋都要等左三個字到，座位闊落，環境感覺乾淨光猛，頭盤梗係叫泰式生蝦刺身$88，生蝦大隻，新鮮爽口，配合泰國辣醬簡直係一流，小食我哋揀咗串燒拼盤$98，有雞豬牛，配合個類似花生醬好好食，串燒熱辣辣，香葉肉碎生菜包$68，味道好惹味，辣辣肉碎配上脆口生菜🥬，層層疊蒜蓉包$38，香脆軟熟，好香牛油味，蛋花黃咖哩軟殼蟹火山包$148，推介黃咖哩好香而且味道吾辣，重椰汁味，軟殼蟹炸得香口，麵包焗得香軟，泰式煎蠔仔餅$88，粉漿炸得香，蠔仔大隻，泰式蝦炒金邊粉$78，蝦彈牙，金邊粉酸酸甜甜好開胃，再配合青檸梳打$28，感覺好清新，再叫泰國特色嘅嘢飲香茅蝶豆花檸檬梳打$28，顏色好靚好吸引，再叫個大大個棷青$38，蜜糖洛神花熱飲$28酸酸甜甜，上菜速度快，舒適一餐