悠蔬食 (渣甸中心) (已結業)

試過紫色嘅尖沙咀店，今次就試吓粉藍色嘅銅鑼灣店呢款手卷係即點即做，牛油果係一直被視為super food，維他命 E 有強勁的抗氧化功能，有助身體避開自由基的攻擊，從而有效保護腦部細胞，達到預防腦部衰退的功效；而苜蓿芽(alfalfa sprouts)就係一種低熱量高纖維量，營養豐富的天然碱性食物，佢嘅草青味就未必個個人都啱，但我就好鍾意，味道夠fresh。上菜時，侍應會好細心咁提醒大家要盡快食，因為紫菜放耐咗會淋，讚！呢個係三人份量，三款前菜都好味，特別鍾意四喜烤夫，有多種有益的礦物質嘅毛豆，如果個青瓜可以爽脆D就更加好喇~呢度嘅燉湯係我至愛，仲要係素，邊款都鍾意沙嗲串燒完全唔似素，猴頭菇扮肉實在太似！沙嗲汁仲可以點埋件法包 ，nice~上菜時都諗咗一諗，點解會有炸魷魚圈？切開先知原來係吉列蒟蒻做的，廚師一定花咗唔少心機去研究！訂枱時店員有表示限用餐時間，但如果之後無人等位，基本上可以繼續坐，不失為銅鑼灣區素食好選擇！…查看更多

享用健康素食，我多數會去銅鑼灣這間新派Fusion素菜餐廳「悠蔬食」， 因為喜歡這個地方坐得舒適，粉藍色的裝潢再加上美妙優雅的音樂，感覺真是讓人輕鬆，同時這裡可以吃到少油少糖的素食，又沒有蒜、蔥等，健康素食都對身體有益。今晚與友人二人來到食素，我們都是同樣都是各點一份晚餐，另外再加多一份side order 輕食「蜜汁脆鱔」$98，原來是以菇菌偽裝的，仿真是十分相似，脆爽甜蜜，又有芝麻香，好吃到停不到口!!我們選擇的飲品都是熱飲，友人選擇了杯韓風蘆薈柚子蜜(另加$15)，而我杯是檸檬蜂蜜薑茶(另加$15)，兩杯的飲品味道都是好清香，我個人喜歡飲薑茶，近來天氣都是忽冷忽熱，飲杯薑茶可以抗初期感冒及喉嚨不適，甜酸美味，又可以增加身體的抵抗力。前菜先來三碗冷盤小食，分別有涼拌日本黑豆亞塔子黑木耳、紅火龍果藜麥沙律伴無花果黑醋 及泰式香茅金柚鮮果沙律 ，整體三款沙律味道都是微酸開胃，都非常新鮮。餐湯可以有中、 西湯選擇，我們都是選擇菠菜桃膠忌廉濃湯，湯稠濃郁幼滑，菠菜清新可口，明顯有粒粒桃膠，份量都很足，桃膠都好軟滑Q彈，桃膠是天然的樹液，有清血降脂、緩解壓力和抗皺嫩膚的功效，一款健康美容湯水，吸引我們這些女士飲用，也是女士們的恩物。接下來有兩件日式手卷，我選擇兩件都是香芒牛油果苜蓿芽手卷，作為開胃前菜也是不錯，酸甜富有芒果香，再加上清香苜蓿芽及軟滑的牛油果，真是非常清新又香甜，店員都好細心奉上濕紙巾及會提醒客人趁紫菜未淋之前享用。主食先來青咖哩野菜猴頭菇配印度薄餅及珍珠糙米飯$258，青咖喱味道不會好辣，有濃郁九層塔的香草味道，內餡有香芋、猴頭菇、椰菜花、豆角、彩椒等......整體蔬菜都好夠腍身入味，把印度薄餅蘸上香滑的咖喱，軟硬適中又晤太油膩，酥香美味，也可以吃些軟熟的珍珠糙米飯，配咖哩最好吃的選擇。剛烤好的白松露蘆筍茄子紫薯焗千層闊麵$248端上來時已經香噴噴，舀起的千層麵已有拉芝士的效果，富有豐富甜甜酸香的蕃茄汁，整體蔬菜都好爽脆，當中有清新爽脆蘆筍、軟腍的茄子、紫薯等.....蔬菜份量都好足，千層麵都烤得香口夠乾身，鋪滿滿的芝士焗得香口，讓人吃得滋味無窮。女士總是留個肚食個甜品，我選擇了一件草莓乳酪千層班戟 (另加$25)，而友人較喜歡吃朱古力，所以選擇了一件法栗星辰(另加$20)，前者草莓乳酪千層班戟都做到層次分明，每層班戟皮都夾雜質感香滑草莓忌廉，草莓味好濃郁，有點美中不足是欠了一些鮮果或汁醬的裝飾。而法栗星辰是銅鑼灣限定甜品，用上一隻colorful的黑色碟子盛裝，蛋糕旁邊有乾碎及爆炸糖，賣相精美，一切開有海棉蛋糕、栗子朱古力慕絲及原粒的栗子，味道又不會太甜膩，朱古力的質素都不錯，朱古力味都好香純，再來一口爆炸糖伴食，舌上仿如有爆炸感覺，真是好有趣。餐廳都會定時轉下餐牌，食物同樣有水準，吃得又健康，服務員招呼週到，又會收下碟、斟下水，值得推介!!…查看更多

注意，呢間係蛋奶素既餐廳，如果全素人士要望清楚餐牌。有set dinner，六個主菜既選擇都吸引的，令人心大心細。湯要左每樣一個試。中湯超足料，燉得好清。忌廉湯黑松露好勁，好creamy。頭盤三款，三個都好食。不過山藥同紅菜頭就大路野。覺得黑豆較為特別，推介。手卷我就無咁推介，個人唔太鍾意苜蓿既味。千層麵芝士味濃，所以都幾飽吐。特別位係有紫薯，甜甜地又幾襯。青咖哩比外面既無咁濃，不過我覺得清清地又幾正，有唔同既菜，夠哂營養。個飯略嫌偏硬，薄餅點汁係素食界既邪惡呀！甜品只要早啲通知就可以寫字做生日蛋糕，不過要加少少錢啦。綠茶馬蹄糕既綠茶味好濃，都幾清新。不過個人鍾意伯爵茶蛋糕多啲，只怪太細了！…查看更多

今晚又係時候食下素比個胃休息一下。上完堂8點上到黎，啲四人枱已經全部滿座。好在我今晚一個人，所以唔洗等位就可以入座。呢度有dinner set，價錢係$248-258。我就揀左個$248既set，加$25要埋個甜品。<前菜拼盤>先黎個前菜，有成三款咁多，可以食到唔同既野。中間係紅火龍果藜麥沙律配無花果黑醋，黑醋結身偏甜，生菜爽口。左邊係四喜烤麩，四喜包括烤麩、毛豆、雲耳同冬菇。味道比較鹹，係唯一熱前菜。右邊係羅馬番茄配胡麻醬，已經剝皮，超貼心。<香芒牛油果苜蓿芽手卷>唔洗驚食完手卷食唔落其他野，因為入面係無飯既。雙層紫菜包住既係一大札苜蓿芽，用左牛油果、芒果同少少蛋奶同素肉鬆調味。最貼心既係有一包濕紙巾提供，抹手後可以放膽用手食呢個手卷啊。<太子參黃耳馬蹄花菇燉湯>熱辣辣用燉盅上既湯，淨係個名已經聽得出好足料啦，個名無提到既仲有大大粒猴頭菇。個湯飲落結身，感覺到有好多膠質，味道係非常自然既菇味。<黑皮雞樅菌鮮豆包白松露薯蓉焗千層闊麵>等左15分鐘就上主菜，呢個焗千層麵真係勁多料，連個菜名都有差唔多二十個字。菜名無既食材仲包括牛油果、甜椒、黑椒！面頭既菇就係黑皮雞縱菌，第一次聽，但原來係素食界係好出名架，有健脾胃既功效，口感爽口。至於鮮豆包就係一大塊，口感有啲似腐竹，但又無咁有油感。每層麵之間用左薯蓉，上面仲有拉絲芝士，用蕃茄醬調味，成個焗麵真係超美味！<鮮果脆脆芭菲> (+$25)賣相好落心思，上面個cream做到玫瑰形狀。入面更加內有乾坤，分別有Oreo、士多啤梨、朱古力碎，下面係哈密瓜、木瓜，仲有蘭香籽，味道非常豐富，而且落左咁多生果，甜味自然啲，健康啲。食完呢個set真係夠曬飽，而且感覺好似又為世界減碳出左一份力。雖然價錢唔平啊，但係呢度真係整得非常高水準啊，位置又係旺區，下次帶埋朋友上黎食先！…查看更多

次次食親齋幾乎都係因為要就一個茹素o既朋友，但turn out 次次都幾好食，好幾間新式齋鋪都已被我mark 在recommended list。今日約o左另一個對素食都算有d 研究o既朋友，o岩晒，等我帶你食好o野啦！位於銅鑼灣心臟地帶o既商廈樓上鋪，餐廳設計偏向西式。晚市叫套餐有6 個course，其實都抵食，不過我地驚叫兩個食唔晒，所以叫o左一個only，然後再加d 餸咁，實行食幾多，嗌幾多，唔做大慳鬼。晚餐o既前菜係一個香樁拌翡翠、紅菜頭蘋果香橙伴合桃同泰式鮮果沙律o既三款組合。翡翠應該即係萵筍o個類，食落無渣，連同紅菜頭、合桃呢d 都係健康食材，配上新鮮生果一齊食酸酸甜甜令人開胃，食多d 都無壞。另一個都算係前菜o既手卷，我地揀o左個香芒牛油果苜蓿芽手卷。以呢隻芽菜代替飯，咬落去非常爽口，佢本身無乜味，但夾埋入口即溶o既牛油果同埋芒果則剛好。餐湯揀o左盅姬松茸椰子黃耳竹笙燉湯，個湯濃稠得o黎略為起膠，聞落十分之香，好重松茸o既氣息。細細o既一盅有住多多湯渣，可見真材實料！主菜藍帶猴菇扒墨西哥菇醬漢堡配紅菜頭乳酪沙律及甜薯條(跟餐$258 未加一)，佢模仿肉類o個part 尤其特別，先將一片厚身猴頭菇扒一開二，中間釀入芝士同一種樣貌質感同火腿一模一樣o既食材，再成舊拎去炸。紅菜頭頭先食唔夠而家仲有，而且瀋上藜麥更為健康。朋友對那個日式竹炭手作薄餅($148) 好有興趣，所以點o左個。係薄批o黎，餅底染上竹炭o既灰黑色，十分脆口。上面o既白汁芝士同菠蘿令味道同一般pizza 大抵上相似，但餡料又用上大量露筍同日式紫菜，係個幾新穎o既fusion 菜式。跟餐有一個甜品，嗌o左宇治抹茶紅豆椰汁糕，有兩小件，方便share。餐飲得一杯，朋友要o左杯鹹柑桔蜜，另外一杯我自己單叫，試o左海底椰桂花雪梨茶($38)。天氣忽冷忽熱，大家都不約而同想叫d 滋潤d o既。…查看更多

今日本小姐生日🎂 年紀大左👵🏼，比以前更重視養生🙆🏻‍♀️，做個美魔女都唔錯🤭 朋友帶我黎食素，食得健康我鍾意。keep clean the body。-餐廳地方唔算大，朋友醒目有訂位，午市坐無虛席🤭 我地各自叫左一個lunch Set 互相share 食。Lunch set 有前菜、湯品、主食、飲品，都幾抵呀！ 重點係健康又好味。-❤️前菜⭐️果仁鮮瓜絲麵沙律配檸香芒果醬沙律新鮮口味清新、酸酸甜甜挺開胃果仁既健康又可增加口感-❤️湯品⭐️甘筍地瓜扁豆忌廉濃湯西式湯一向比人較膩既感覺但餐廳依款湯相對清新健康，口感creamy很滑溜，濃而不稠。甘筍地瓜一向係至愛，很鮮甜，亦很有益多數係中湯先會加扁豆估唔到係西湯加埋扁豆，有嚼口，口感會更好甜甜的一口濃湯，滿滿既幸福-⭐️粉葛陳皮甘筍赤小豆湯平時媽咪春夏天最鍾意煲依款湯水有祛濕功效，又可以調理脾胃湯清甜、冇味精👍🏼-❤️主食⭐️牛油果鮮蔬墨西哥卷🌮️餅配香脆薯角及紅菜頭蘋果藜麥沙律🥗依款素食好有創意，平時係傳統素食餐廳食唔到。好鍾意食牛油果，營養價值高味道獨特，果肉柔軟墨綠色既墨西哥卷🌮️皮薄薄的，口感煙煙韌韌捲入豐滿的蔬菜及牛油果，吃來很清爽紅菜頭蘋果藜麥沙律🥗 顏色鮮豔、鮮甜清爽，口味夠fresh -⭐️點心拼盤配日式豆腐讚岐湯烏冬點心有：➡️漆黑松露餃餡料豐富，菇🍄味濃松露香➡️蔴蓉紫薯脆煎堆挺香口，皮脆不油膩，紫薯甜甜的這個素煎堆很出色➡️素叉燒包包包熱辣辣、很軟熟➡️素翅香菇燒賣平時同屋企人飲茶，燒賣係必叫既最愛點心不過卡路里頗高的素翅燒賣口感爽口，菇味香濃輕盈既素食點心餐廳還有多款點心散叫下次可以同屋企人黎飲茶-散叫：⭐️香芒牛油果苜蓿芽手卷紫菜很香脆，有幾層的芒果夠甜、牛油果夠熟夠香嫩綠既苜蓿芽很新鮮一款健康冇罪惡感既手卷-飲品：⭐️檸檬🍋蜂蜜生薑茶-甜品：（跟餐加$20）⭐️鮮磨香滑腰果露好鍾意食腰果露，但平時屋企媽咪唔肯整因為步驟煩複工序多出面既甜品店都好少會食到/ 未必好食今日見到餐廳menu 有，跟餐加$20一於試下！ 一試即愛上🤤少甜又滑又細膩 值得一試👍🏼-餐廳食物有質素，新派素菜我鍾意❤️…查看更多

近排食了很多肉，是晚想食清淡些。見這間素菜頗特別，於是便 book 了晚餐......我一向都早食晚餐的，那時間大多數都冇人，但這間已有很多人入座。幸好有預約，不然就要等了。這間店亦很貼心，門外有椅子給等候的人坐，環境舒適，不會令人久等而煩躁！二人枱好像位於路中心，感覺有點侷促，不能靜靜地談心！經店員提議，我們點了一份晚餐，晚餐有前菜、手卷、湯品、主食及甜品；再點了「黑松露薯蓉焗大啡菇」、「日式竹炭手作薄餅」。前菜有：涼拌淮山杞子黑木耳、麻醬沙薑豆絲粉皮及紫薯藜麥蘋果奇亞籽沙律。每樣都很清新、爽口、醒胃！香芒牛油果苜蓿芽手卷，素菜手卷很特別，味道不錯！茶樹菇竹笙黃耳百合燉湯，材料豐富，清甜滋潤 椰香冬陰功鮮蔬意大利飯伴香酥蒟蒻，這道菜很特別，有冬陰功味道，微辣，開胃！店員極力推介這道菜，黑松露薯蓉焗大啡菇，大大件，多汁，感覺像食扒一樣 日式竹炭手作薄餅，不同種類的蔬果、菇菌類滿佈在竹炭薄餅上，口感豐富，薄餅香脆！最後送上晚餐甜品，杏汁椰香紅豆糕兩件，香甜！我們仍意猶未盡，再點了一款甜品，抹茶馬蹄糕！抹茶味濃，不太甜，爽口，味道不錯！初以為晚餐送飲品，點了後才知道是加配的。但不要緊，想飲藍蝶花的飲品。這杯藍蝶花雪梨汁，因店員好像給壓力催促似的，所以快快飲下，感覺冇味，飲到最後幾口才知道要攪拌的，攪拌後味道好好多，不太甜！…查看更多

食素都可以又好味又好飽❤️❤️叫左2個晚餐share，本來想去第度再食甜品，但實在太飽🤣 🥗前菜有蒟蒻菜絲沙律、四喜烤夫、豆絲粉皮，前菜一啲都唔馬虎，尤其係豆絲粉皮，撈埋麻醬食就好滋味～ 蒟蒻菜絲沙律彈牙～ 四喜烤夫，是豆製品吧～ 豆絲粉皮，感覺好似食緊雞絲粉皮呀～ 🍲湯可以揀忌廉或者中式燉湯，我地兩個都有揀。 白松露忌廉湯好足料，味道香濃，濃稠適中。 中湯就夠晒滋補～ 🌯手卷有2款揀，我地要左香芒牛油果苜蓿芽手卷～ 入面係冇肉同飯，但完全冇草青咩，紫菜又夠脆☺️👍🏻👍🏻👍🏻～. 牛肝菌椰菜忌廉燴扁意粉拼大啡菇 $238 大啡菇好juicy😍，意粉入面仲有好食菇菇，忌廉汁唔膩，食起黎仲好香， 扁意粉仲非常有口感🤩～ 🍅 牛油果鮮豆包雙薯藜麥焗千層麵 $238 唔用肉醬整既千層麵都係第一次食，面頭有勁邪惡既芝士😋，千層麵入面有牛油果、鮮豆包、仲有啲薯仔粒，加埋番茄醬，味道非常開胃而且好有驚喜🤭 最後仲有2客甜品，份量唔多，食完勁想encore😍，紫薯千層糕 真係勁正， 紫薯味重，而且好煙靭！ 晚市有最低消費每人＄200 ，價錢略貴，但食物質素高，非常推薦去食！！❤️餐牌 …查看更多

近期盛行健康煮意，更出現了 green monday 這種素食主義，減碳之餘亦可吃得健康。其實只要改變少少的飲食習慣，即使少至每星期一餐素食，已可對環境減碳有一定的效用。保護地球之餘又可吃得健康，本人當然舉腳贊成！餐廳範圍比較小兼人多，所以環境未免有點擠迫吵雜，但從餐廳的藍白主調色中亦盡顯其簡約清新風～從餐牌可見，食物中西匯聚，dinner set 非常豐富，物超所值！五榖杏仁牛乳裏超多杏仁粒粒和五穀粒粒，口感豐富，盡顯杏仁奶的微甜，喝到晚餐的最後非常飽。忌廉湯亦非常 creamy，雪燕不少，超養顏的～前菜有三款，藜麥薯球是比較飽肚的，吃過前菜和湯已經有三成飽了。其實除了這幾項之外，還有手卷 — 內含超多的苜蓿芽，雖然不少草青味，但混入芒果和牛油果格外清新～這個意大利飯雖然採用簡單的材料，但味道濃郁，是非常 creamy 的菠菜味，意大利飯的口感也好，略有口感又不太硬。想不到素獅子頭也弄得像樣，比平時吃到的多點豆味，花菇亦頗大粒，醬汁完全滲透於各項食物中。甜品的芝士味較出眾，綠茶味反而不濃，質感像 new york cheesecake 般較硬身的。同場加映 — 中秋節前夕之免費月餅！吃過甜品後，餐廳額外送我們一個奶皇月餅，包裝得美美的且呈玫瑰形狀，真夠窩心～…查看更多

難得有舊同事朋友相約吃飯。朋友近來對健康相當看重。無他，人到了某一年紀，自然開始會對膽固醇有所避忌。加上朋友日忙夜忙，運動時間甚少，唯有要在飲食上有所節制。商量之際，發覺朋友原來是悠蔬食的經常顧客，且擁有悠蔬食的VIP card ，享有九折的用餐優惠。在朋友沒有反對之下，肯恩便提意到來這裡享用一下既健康又新派的食物。來到悠蔬食，依舊是那新派casual的感覺。换上湖水藍的餐墊桌布，配合夏天帶來清涼的氣氛。看看餐牌，大部份的菜式已因應時節變動，跟去年秋天的時間不很一樣。上次來的時候沒有點選Set dinner，今回看到Set dinner的菜式也很對口胃，便決定點選晚餐去。反正晚飯的最低消費要$200，Set dinner的價錢正好符合最低要求。順便看看食店餐牌上介紹VIP card的申請方法。同一位食客，只要在三個月內任何時段光顧悠蔬食十次，集齊印花十個，便可獲得VIP card 一張。印花收集屬於個人制，即是同一枱擁有集印咭的客人都可以同時間各自為自己收集印花。食店這種VIP card 的獲取方法，目的是鼓勵客人提高吃素的次數，但難免亦變相提高了獲得VIP card 的門檻。除非是在附近的上班，居住或是無工作一族，否則要在三個月內親身光臨同一間食店十次，絕非易事。加上肯恩仍九龍區人仕，要親身獲取一張VIP card，未免有點天方夜譚。不過既然朋友已經擁有一張VIP card，肯恩大可不費吹灰之力享用九折的優惠。晚餐的前菜首先到來。一式三份，包括兩款沙律及一道冷盤。三道前菜一字型排開，份量不少！甘筍香橙藜麥沙律三道前菜中顏色最鮮艷的一道菜。藜麥自身没有甚麼味道，但配襯在沙律裡增加不少嚼感。香橙與甘筍都香甜醒胃，是很好的開胃菜。吃得開胃，連汁都要一滴不留收歸肚納。涼拌天桃黑木耳木耳做得爽口，涼拌的做法加入了醋，酸酸甜甜亦是開胃之選。天桃本身水份十足，口感爽脆，不過自身味道很輕薄，很易便會被其他配搭食物的味道掩蓋，反而令灑在天桃上的芝麻香味更突出。華道夫薯仔合桃冰菜沙律吃薯仔沙律可以很飽肚，幸好碟子上放着的薯仔份量不多，更多的只是蘋果粒。合桃跟上次吃過的一樣，依舊香脆可口。不過今次的沙律最特别之處，是使用了冰菜作為伴碟蔬菜。冰菜源於歐洲，以往並不是亞洲區可以輕易吃到的菜。不過近年菜苗已引入國內栽種，一下子令冰菜便變得便宜及普遍起來。冰菜特別之處，是依附在葉莖上的透明晶囊，裡面蘊含著鹽份，所以令冰菜不用調味也帶鹹味，口感鮮爽，為沙律添加上一份新鮮感。看到冰菜不久應會成為大熱的新興蔬菜。三道前菜，綜合感覺就是爽口新鮮，沒有半點油膩感，各自各精采，多吃無妨。點選套餐的好處，是可以以優惠的價錢點選餐牌內的所有飲料。(固定飲料加$10-$20，或其他特色飲每杯減$10)夏日炎炎，來一杯果汁最是清涼消暑。Vita-C 奇異果汁 (Set dinner + $32)果汁都是用慢磨方法榨製。奇異果汁除了奇異果之外還加入了鮮橙，香蕉與檸檬，抗氧化之餘亦幫助消化，天然健康。青蘋果青檸青瓜薄荷清涼特飲 (Set dinner + $30)不過若想來點富特色的飲料，這杯夏日限定的綠色特飲更是值得推薦。加入了数種生果與薄荷，味道清新。喝一口清涼感覺直襲上腦門。黑松露淮山椰菜花濃湯上桌之際已傳來陣陣黑松露香。一口湯包含着黑松露及椰菜花的香氣，不過一如所料，第三主角淮山自身味道其實很淡，配在黑松露與椰菜花面前味道更是消然殆盡。幸好淮山乃健康食材，無聲無息地被吃進肚子對身體絕對有益。松茸黄耳竹笙雪蓮子燉湯與黑松露相反，松茸的香味是內斂而含蓄的，用來清燉最是合適不過。香味隨湯散發，滋潤入心。大抵知道吃素食客多以講究養顔的女仕為主，燉湯也加入了不少護膚食材。有齋花膠美譽的黄耳，含有豐富膠質，乃養顔護膚之選。近年與桃膠成為護膚界新寵兒的雪蓮子，煮後顏色變半透明，也是有着豐富膠原蛋白，連鄰座的銀髮婆婆也與時並進向她同桌的朋友大力介紹。香芒牛油果苜蓿芽手卷以沙律，牛油果及芒果等配料作伴，中和了苜蓿芽的草青味，由頭開始吃到手卷筒尾每口盡是爽脆滋味。和風黑油雞樅菌蘆筍炒扁意粉 (Set dinner $228)雞樅菌是雲南特產，肉質飽滿結實，菌香味鮮甜獨特，以和風油醋汁配搭扁意粉同炒，口感煙靱帶爽，味道出色。由於雞樅菌的當造時間是每年的夏天雨季，也正因為如此，這道菜式只會在六月至九月才會供應，不時不食。黑松露野菜薄餅 (Set dinner $238)野菜薄餅製作所需時間較長，正好在肯恩吃完意粉後才出爐，timing剛好。餅底仍是熱烘烘的冒烟狀態，新鮮熱辣，香脆十足。趁熱去吃半熔狀態的芝土是最佳捕捉芝士香的時機。不過可能之前喝過黑松露濃湯，珠王在前，薄餅的黑松露味反而不及餐湯來得濃厚。跟餐的甜品有兩款選擇，跟餐湯一樣是一中一西所配對。陳皮紅豆糕紅豆糕的主角並不是紅豆，而是當中肉眼看不到的陳皮。每口紅豆糕都不太甜，帶著突出的陳皮甘香，簡單而味美的中式甜品。榛子咖啡乳酪蛋糕甜品碟另一邊放置的，是榛子咖啡芝士蛋糕。蛋糕無論是榛子或是咖啡的味道也很強烈。不過芝士蛋糕的質感不夠軟滑，作為跟餐甜品份量可以説是剛剛好，太多的話便會出現膩感。黑芝麻豆奶酪 (Set dinner + $28)VIP 九折省下來的價錢，正好補貼用來多試一道甜品。明明就是奶酪，卻是放在熱甜品的類別，原因是置在奶酪上方的正是熱的芝麻糊。不過由於當日沒有豆奶酪供應，換上了同樣是白色的椰子奶凍。椰子味道清香，與芝麻糊的味道也很夾。想享受一冷一熱的配塔，最好還是盡早把甜品吃掉，以免擱置太久變成半冷不熱的甜品反而會失卻原來的特色。重臨悠蔬食，無論前菜，湯品與主菜都有很大的改動。食店因應季節食材的轉變而訂製時令的菜式，令食客能夠吃得健康之餘亦保留了適度的新鮮感。新鮮感陸續有來，原來食店將會於十月份在尖沙咀開設分店。新派素食店素在九龍區較為少有，對素食有要求的九龍區人仕以後便毋須飄洋過海到港島區揾食了。暑假未開始，香港氣温已上升至三十五度。全球暖化問題已有加劇趨勢。天氣悶熱，也減底了大魚大肉的意欲。吃素，既可為自己減磅，又可為減碳排放出一分力。拯救地球，不一定需要超人或英雄，只要大家都願意盡一分力就可以了。…查看更多

上次趁着星期日同過老婆嚟食晏，佢一致贊好，當然唔好食就梗喺唔帶佢啦。短期內再翻兜嘅餐廳，悠蔬食都喺屬於少數之一，無他嘅，好味之餘，配搭有心思，賣相又精緻，食素啱老婆口味更喺其中主因之一。獨食難肥，好嘢就梗喺要共享，所以，多拉埋另一位老友一行三人過嚟找「素」 。近年食素嘅人多咗好多，尤其後生嘅，豈止綠色星期一，有啲朋友更喺隔日就要綠色添。好在我哋有訂位，因為，唔單止坐滿全場，離開時晌門外更見到仲有三幾人等緊位。之前嚟過已知晚餐最划算，五道菜晚市套餐已有齊前菜、手卷、餐湯、主菜及甜品，才$218一份（部份主菜需補錢）， 所以，毫無懸念就喺點晚餐 。雖然，唔知幾耐轉一次款，但跟上次晚市比，菜式大部份唔同咗，不過，配搭依然盡見創意，亦加入咗好多秋冬時令及滋補食材 。店員推介新出嘅「秋季限定特色飲品」，套餐本身唔包飲品，不過，加配可享有正價減$10嘅優惠，既然睇落真喺幾滋潤，大家又想試，啱啱有3款，就不如一人一款試勻晒 。 無限雙雪 $38（套餐價$28） 以無花果、雪梨、雪耳煲成，老婆話味道清淡而，但感覺潤喉，而無花果清甜無酸味，味道不俗。從餐牌所知，有多重功效，喺健康之選。 桂圓杞子菊花蜂蜜茶 $38（套餐價$28） 睇個名就知晒有咩成份，同樣有多重功效，老友話個蜂蜜茶好清甜滋潤，療效就好難即時感覺到，但飲落絕對好舒服。 香橙甘筍特飲 $38（套餐價$28） 小弟一向鍾意飲生果汁，所以，杯香橙甘筍特飲就由小弟試試，色澤橙紅鮮艷十分搶眼，其實味道唔喺好突出，甘筍味稍為重少少，但其中一個功效「補肝明目」，對我依等亂食嘢周身毒素，又大近視，就應該最受用。先嚟前菜，一門三傑有穩打穩紮嘅滷水豆腐拌蓮藕、健康有營嘅紅菜頭蘋果合桃沙律及創意滿分嘅日本山藥麵線拌熱情果汁，份量實在唔嘢少，但好味就自然唔使愁清唔晒。 紅菜頭蘋果合桃沙律 啲蘋果粒都染成紅色，差啲認唔到佢出嚟，爽脆嘅蘋果粒，夾軟腍嘅紅菜頭粒，再配搭香脆嘅合桃，令個沙律既健康，又富營養，再者，驕紅嘅外觀實在誘人。 滷水豆腐拌蓮藕 豆腐乾滷得入味，入口挺實有點點咬口，富豆香，又有鹵水嘅醇厚味；而蓮藕片鬆化帶點香甜，估唔到夾豆腐乾都唔錯，加上糝下黑白芝麻，令依道涼拌前菜嘅香味更有層次。 日本山藥麵線拌熱情果汁 睇個名已經引頸以待，未嚟已幻想緊山藥麵線喺點？造型非常清新，以山藥刨成麵線，幼細如絲，像真度十足，入口滑溜之餘，更有點點回甘味 ；淋上鮮熱情果汁，意外地啲熱情果汁無預期中咁酸，多添一份天然果香新鮮感 。雖然轉咗餐牌，但手卷跟上次嚟食嘅都喺同一款式：露筍素香鬆苜蓿芽手卷及香芒牛油果苜蓿芽手卷，似乎都受客人歡迎所以保留不變。 露筍素香鬆苜蓿芽手卷 上次試過香芒牛油果苜蓿芽手卷，所以今次就試另一款。有機苜蓿芽咬落爽爽脆脆，加埋清爽嘅青瓜、嫩口無渣嘅露筍及鹹香嘅素香鬆，喺一件好清新嘅手卷。 香芒牛油果苜蓿芽手卷 牛油果喺老婆喜愛嘅食材之一，所以，二話不說就揀試依款，軟綿嘅牛油果加上鮮甜嘅芒果及少少素香鬆，味道清甜中滲出微微鹹香，好有個性。 南瓜甘筍栗子雪耳忌廉濃湯 晚餐嘅湯品一定喺一中一西嘅選擇，雖然其中一個喺西湯，但出奇不意加入中式食材「雪耳」，感覺幾破格 ，加埋時令嘅南瓜及栗子做湯，真喺合時而有特色嘅湯品。個忌廉濃湯，入口唔單止香滑，確實帶有好濃郁嘅南瓜、甘筍香味，湯內粉香嘅栗子粒、爽脆嘅雪耳碎，都平添幾分口感 :) 。 竹笙蟲草花百合蓮子燉湯 佢哋做嘅燉湯亦有一手，燉得夠火喉，入口又滋潤，單以材料陣容，已有健康滋補之效。秋冬飲碗燉湯，真喺寧舍滋潤到不得了，尤其依代人為工作都少咗湯水，所以，睇得出店家真喺為客人著想而製作認真，而唔喺「求求其其」整碗例湯應酬吓就算。主食有5款選擇，分別有珍珠糙米飯、扁意粉、咖喱配印度薄餅、千層闊麵及意大利飯，但部份要額外補錢$10-$20。 和風松露野菌秋葵炒扁意粉（套餐+$10） 雖然話喺和風，但加入黑松露醬，又以野菌為主，賣相、味道均偏向西化。扁意粉入口煙韌有咬口，掛滿松露醬，令每炷意粉都芳香馥郁；秋葵獨特嘅滑潺潺嘅感覺，跟野菌一起，又唔覺古怪喎，總之就喺好食。 紅咖喱野菜猴菇丸配印度薄餅及珍珠糙米飯（套餐+$20） 因為上一次已試過依道菜，見佢晌今次餐牌中仍然有出現，所以，推介俾佢哋試，原因個紅咖喱香辣兼備，又唔會太嗆喉，配薄餅及糙米飯都好食；內裡又有好多野菜，如芋頭、三色椒、露筍、青瓜、西蘭花、椰菜花……等等，而猴菇丸入口煙煙韌韌好得意。 日本南瓜腐皮牛油果焗千層濶麵（套餐+$20） 源於有牛油果，所以，老婆指明要選依個主食，千層濶麵焗得香滑，混有好多芝士，香氣四溢，再者，微微烤焦嘅賣相，就更為吸引。粉香嘅日本南瓜，軟滑嘅牛油果，以及酸香嘅蕃茄醬，本已令個濶麵味道出眾，再加埋腐皮，有啲神來之筆嘅感覺，口感豐富 。最後，都輪到甜品出場，有紅棗桂圓椰汁糕同熱情果乳酪蛋糕，為咗方便共享，我哋就要咗前者兩客，後者一客。  紅棗桂圓椰汁糕 雖然只喺普普通通嘅蒸糕，但一層一層相間，功夫就自然多好多，紅棗味比較突出，桂圓喺預期有啲龍眼肉粒，但又唔喺好覺，椰汁部份就較清，唔喺極濃嘅情況，質感柔韌，其實都幾好味。 熱情果乳酪蛋糕 正如上次嚟食晏所講，佢哋啲芝士蛋糕的確芝士味濃，可是，餅底依然做得太厚。不過，夾熱情果醬，比起上次夾柚子蜜，效果好啲。再嚟都無令人失望，由前菜、湯品、主菜到尾，大廚都施展出渾身解數，每個出品證明有水準之餘，質素好穩定，都讓人食得稱心滿意 。而且，服務又到位，店員殷勤有禮，值得再幫襯嘅小店。…查看更多

之前的台北之旅到訪過一間叫「舒果」的素食餐廳，走新派蔬食料理路線，食物都以新鮮蔬果直接煮理，不會作大量的後期加工。無論環境，食物外觀及味道都令人印象深刻。隔了一陣子，發現香港原來較早之前亦開了一間素食館，走的路線跟台灣的「舒果」很是接近。熱潮原來已越洋踏進香港，肯恩亦很有興趣到食店偵察一下，看看新派素食館的水準如何。食店位於銅鑼灣渣甸中心，地鐵站一出大概行五分鐘便可到達，交通算是便利。一出電梯門口便可看見食店的寶號一悠蔬食。從取名已大概可以知道食店走的是casual dining路線。不過由於門面設計的關係，出了電梯門口後當下會不知道正確入口應該是在電梯左邊還是右邊。肯恩在二份一機會之下也選錯了方向。答案是背向電梯的右邊。甫入食店，看到的是全白色的裝修佈置，配襯藍色的卡位梳化椅，整體感覺年輕摩登。左邊有叉與湯匙，右邊有兩雙筷子。食具中西並用，還未看餐牌已知食店走的是fusion菜路線。看看餐牌，無論午市，下午茶或晚市時段都有套餐供應。除了套餐，當然也有A la carte menu。 比較有趣的是A la carte menu會有午市，晚市及午晚共用三大種類。原本看上一道叫玄米茶布甸的甜品，可惜竟只出現在午市的餐牌上，晚市不能點選.....若以性價比當然以點選晚市套餐最為恰當。晚市設每位最低$200的消費額，點選套餐便差不多剛好符合要求。不過閱讀了餐牌後發覺甜品餐牌內的甜品比跟套餐的甜品更具吸引力，所以最後決定選擇散點。秋天是吃栗子及南瓜的好時份。濃度適宜的忌廉湯雖是一人份量，但也適合二人分享以免過份飽肚。忌廉湯滿有南瓜及甘筍的香甜味，一口湯暖入心脾。滑溜的雪耳及煮得半腍的栗子為湯品添加嚼感。若果再加多點冰糖片糖已可變成一道窩心的中式糖水。紅菜頭沙律散㸃是三人的份量。原先還會擔心兩個人吃這道沙律會很吃力。多餘的煩惱是自招的。吃一口蘋果粒，那爽脆的感覺就像直接咬著新鮮的原個蘋果那樣。加上健康多汁的紅菜頭，酸酸甜甜的感覺令人吃很胃口大開。加入炒過的香脆合桃亦令人吃不噤口，豐富了沙律的味道與口感（合桃與仮面·真的外型也真出奇地搭調）。要把三人份量的美食吃掉原來絕無難度。以最近流行的慢磨技術榨製的果汁。原先以為用慢磨方法製成的果汁顔色會較為鮮艷(這是外間那些超貴的現售樽裝冷壓飲料給我的引象)，果汁來到後才發覺顏色跟普通鮮榨果汁分別不大，慢磨技術是強調保留水果原汁原味營養，跟顔色沒有多大關係。紅石榴蘋果汁幫助消脂降血壓，早陣子吃了太多紅肉是時候整頓一下腸胃。最近因應秋天新加的飲品。店方刻意在餐牌除去飲品原先隸屬的凍飲類別，純粹室溫製作，跟秋天的調子更配合。特飲甘甜怡人，對皮膚保養亦甚有幫助，女仕至愛。(後話:依當日目測，光顧食店的顧客亦以女性佔大多數)一式三件的大啡菇，踏着紅地氈(其實是茄汁)華麗登場！蘑菇上面舖著令人唾涎的金黄芝士，賣相吸引。吃大啡菇的方法就像鋸扒一樣。用刀叉剖開蘑菇，仍可看到juicy的蘑菇汁液慢慢滲出來。在面層芝士與底層蘑菇之間，釀著的是黑松露薯蓉。鮮味多汁的磨菇伴上芝士與松露薯蓉，味道豐富，芝士與松露的香味都沒有被對方搶掉。再添上少許茄汁來調味，吃素也可以盡展層次性。千層麵上桌時熱氣騰騰。因為鋪在面上的芝士混入了迷迭香，令香氣更加突出。既有日本南瓜，也有牛油果。千層濶麵用出許多不同的食材去焗，令食客從每層麵之間可以吃到不同的味道及口感。用來焗千層麵的蕃茄醬還可以看到藜麥，增加咬口之餘亦一貫健康。千層麵當中的一層加入日本腐皮，就是腐皮壽司面層那層經油炸的腐皮，算是這晚菜式當中加工性最高的食材。腐皮有豐富的蛋白質，食素也記謹要吸收均衡的營養。一碟千層麵可以一次過吃到如此多種類的健康美食，比坊間較常見的素食菠菜千層麵更有新鮮感。若果麵身可以焗得更軟身一㸃應該會更美味。食店是走fusion路線，我們也點了帶日本風的素手卷一試。由於預計到食客會直接拿着手卷進食，手卷上桌時還配備了濕紙巾，感覺體貼。與外間日食店不同的是，這裡的手卷以苜蓿芽取代了米飯。苜蓿芽標榜低熱量高纖維，是瘦身人仕之選。手卷先聲奪人。一口咬下，由苜蓿芽裏層至紫菜外層都是此起彼落的嗦嗦聲，爽脆!！最後都沒有機會吃到中式的素菜款式。筷子沒機會大派用場，唯有等待下次再來過。 賣相如小盤栽的精緻甜品。甜品彷如鮮果大觀園。椰子奶凍甜度輕盈但很富椰子香，中間配上一粒粒切得細碎的生果粒。蘋果，芒果，士多啤梨及藍莓果粒再配上百香果汁，令整道甜品充滿亞熱帶風情。酸酸甜甜的甜品令人開胃不已。上桌甜品沒有想像的盒子形狀，更似一件大號的錦露雲吞。精采之處是酥皮的皮做得比紙還薄，絕對是甜品師傅的手工菜。至於浸在酥皮底下的是誘人的雲呢拿汁，隱隱還可以見到一粒粒的雲呢拿籽。蘋果盒外層除了夠薄以外亦異常酥脆。輕輕一敲，表層應聲破開，內裡烤焗得金黃的蘋果粒破殼而出。酥皮盒內的蘋果粒份量充足。伴上肉桂及提子乾同烤，再沾上雲呢拿汁及酥皮同吃，味道香甜不膩。兩道飯後甜品都很好吃，水準絕對勝過很多坊間甜品店，不枉肯恩與真放棄點選套餐來留肚吃這裡的甜品。排名不分先後，一晚一口氣地吃下以不同製法烹調的蘋果，甘筍，南瓜，牛油果，芒果，紅菜頭，大蘑菇等蔬果菜式，健康與美味的結合。香港人日忙夜忙，神經緊張，真的很需要適食吃頓健康素食排一下毒。食店集合中菜點心，泰菜，及西餐甜品人材，嘗試在融合中找到最大的平衡點，為素食兼收並蓄添上生命及活力。吃素，也可以變成很有趣。人與人之間的相處可也沒有百份百的合拍。我們都嘗試在一段關係中努力尋找一個平衡點。人必需飽經心意的動搖再去發覺愛中的奧妙縱使天意難看透我都敢於盼望 甘於接受每一秒                          《海誓山盟》…查看更多

男友屋企會拜神信佛，係某一啲日子會齋戒，平日都係多菜少肉，適逢Auntie生日，當然要舉家慶祝啦！ 哈哈，但我嘅烹調手藝未精，暫時都係唔好獻醜。為免嚇親人，我們都係選擇出街食！留意到好多唔唔同嘅素菜館鐘意用一啲蔬菜喬裝成肉類，好似傳統嘅素叉燒、素燒鵝等等。其實呢類嘅菜色好多色素。又紅又黃咁，見到都打咗個突，經朋友介紹，得知呢間餐廳唔會有以上問題，菜式都以西同日式的烹調手法為主，款式有別於其他餐廳，見到日式蔬果手卷好似好吸引，訂位先！7:30 黎到，幾近滿座，建議預先訂座！餐廳一邊是藍色卡位，軟件梳化坐得舒服，另一邊就有二至四人枱，另有廂房可供12-24位朋友聚會，店長推介晚市套餐，有三款前菜、手卷、餐湯，主食、甜品及飲品，餐牌上列明餸菜中會包含咗雞蛋或牛奶，亦可減去蛋白質嘅材料， 用其他材料代替，方便全素食者慢磨紅菜頭蘋果汁，果汁中充滿纖維，原汁原味，飲品溫度係室溫㗎首先有頭盤麻醬青瓜粉皮，紅菜頭蘋果合桃沙律，泰式柚子沙律用三小碟分開送上，顏色豐富，近幾年，紅菜頭成為注重健康生活嘅餐枱常客，營養充足兼具抗氧化、降血壓等功效，本身味道較淡，配搭蘋果增加咗甜味，令食客更易接受。泰式柚子沙律攪拌後，柚子嘅果汁滲落沙律菜入面，味道清新，而其中兩款沙律都加入少量堅果，因為全素食者，好少機會從食物中吸收油脂，而身體其實需要適量嘅份量㗎！松露椰菜花忌廉湯特別鐘愛黑松露嘅濃郁味，天呀！絕對係我心目中最正嘅香料！湯嘅密度較高，包括椰菜花及上湯等材料，都用融為一體，只是喝一啖，口內已經充斥住黑松露嗰陣香味香芒牛油果苜蓿芽手卷我就係因為你而黎，哈哈！咬落去時好脆身，細心再睇，手卷就用咗兩層紫菜包住，唔怕配料嘅水分整軟紫菜而影響口感，我食嘅係香芒牛油果及苜蓿芽，味道互相配合，造型好可愛呵黑松露菌金菇炒芙蓉 $138炒芙蓉蛋就似賽螃蟹嘅做法，用文火將蛋白炒至碎短的形狀，如果火候控制唔夠熟練，就好難做得好，再加入切成差唔多長度嘅金菇，重要環節就是廚師毫不留情地加入大量黑松露！令味道豐富，食嘅時候，根本唔會想配搭飯或其他食物，口中只想被一種香味霸佔！紅咖喱野菜猴頭菇丸配印度薄餅及珍珠糙米飯 （跟餐加$ 20)用小鍋送上，濃濃咖喱汁遮住配料，等我搵下鍋中有咩先，當中有幾款蔬菜，青椒、椰菜花等，最為特別嘅係猴頭菇丸，醬汁滲入，顏色及口感真係似肉丸，配珍珠米同薄餅一齊吃，味道濃郁，珍珠糙米飯黏性較高，我哋都好鐘意黑芝麻奶酪 $28熱嘅黑芝麻浮於凍奶酪上，就像道理中嘅黑白分明，配炒香咗嘅芝麻，唔會過甜，夠晒健康跟餐甜品 班蘭椰汁糕同樣口味唔太甜，多食一件都覺得飽飽濟濟，如果可翻熱一下糕點就更加好推介此餐廳 5/5這新派素菜店，感覺煥然一新，菜式都以西、日式的烹調手法，款式有別於其他餐廳，各款菜色非常吸引，精緻嘅環境與到位嘅服務。另外我哋成餐都食得好自在，如果有怕食蔬菜嘅小屁孩，可以嘗試帶佢黎試一卜試，由不同蔬菜做成嘅菜式，帶黎新鮮感，令人印象深刻悠蔬食 Leisurely Veggie星期一至日: 11:30-22:30銅鑼灣渣甸街50號渣甸中心25樓Tel: 3565 6393…查看更多

最近有感要為自己排毒。除了身體之內的毒, 也有思想上的毒。毒素堆積起來, 竟令人覺得渾身乏力, 做事興趣缺缺, 更似有厭煩之勢。思想之毒, 非簡單可解; 身體之毒相對易入手, 就由素食開始吧。是日午餐和T先生摸上銅鑼灣一樓上素食店悠蔬食。小店以藍白兩色做主調, 氣氛輕鬆似是吃西食之地。但翻翻菜單, 原來是中西通吃。午市套餐的價格相宜而且內容豐富, 先是吃健康的藜麥鮮蔬沙律。以醋調味, 吃的就是蔬果本身的甜。雖然只是隨餐附送的沙律, 也見心思。擺盤一絲不苟, 選材也夠多元化。小小的一碟, 倒也吃得滋味。壽司小卷卻顯得失色。飯依然濕軟, 比較粘牙, 也沒有口感。不知是否未完全放涼, 才出事?味噌不太濃, 反而是蘿蔔的清甜很突出。個人特別喜愛切三角片的蘿蔔, 小小的一塊很容易入味, 但又保持到口感。此湯的配料有西芹和莞茜。成然, 對湯的味道是有所提升的, 我也十分鍾愛它們。但身邊對它們抱敬而遠之心態的友人很多, 若店家可以注明用料, 也是一個貼心的舉動。頭盤吃喝的都是日式, 主菜卻揀了個西式的。反正是自己喜歡吃的就好。也是很清新的一個意粉, 忌廉汁均勻地沾在意粉之上, 不稀不杰, 拿捏得很好。配料有露荀、兩色小黃瓜zucchini, 都是爽口之物, 連口感都設計得周到有加。若有不足, 再翻翻菜單, 另外點一個手卷。一般我們見到手卷, 都直覺的認為是飯卷加一些配料。沒想到這裡的手卷, 嘿, 是沒有飯的。第一口吃下, 因為有一個期待落差而覺得吃驚又有點不知所措。但多吃兩口, 又被牛油果和芒果的甜吸引。再吃幾口, 紫菜卷只內只剩下大量的苜蓿芽, 就真真正正吃到苜蓿芽的原味了。它的口感比較爽乾, 一絲絲的口感不算極佳, 但味道清得來又不會有草腥, 好吃。想來, 這是我第一次接觸苜蓿芽。很討好。不得不特別推介給大家的是悠蔬食的果汁飲品。入口特別香甜, 果味非常濃郁就似是在吃生果。但口感卻和我在家自製的不一樣, 很滑溜順喉。向主理人探知一二, 才知道這裡的果汁都是以「冷壓技術」榨汁。以此技術做來, 蔬果就可以在沒有被加熱*的狀態下榨出汁液, 亦可以完全保持蔬果內的營養。難怪如此好飲呢。未了, 要吃甜品。以往素食餐廳一般沒有幾多選擇, 但這裡的甜品菜單竟有兩大版。選擇之多, 讓我心大心細下不了主意。思考良久, 才拍板要了一個黑芝麻豆奶酪, 一個燉蛋白。當中又以黑芝麻豆奶酪比較得我歡心。黑芝麻稠而不粘, 芝麻之香飄散出來, 混入幾粒合桃, 好吃。坊間甜品店的芝麻糊, 也沒幾間比它做得好。底下的豆奶酪是凍的, 和溫熱的芝麻形成一個對比。豆奶酪不論味道和口感都似杏仁豆腐, 香香甜甜的。燉蛋白, 面上學Creme burlee 燒上薄薄的焦糖, 樣子很西化, 但骨子裡其實很中式。原因是材料有用上豆腐, 與混合蛋白, 才做出此甜品。口感和creme burlee有相近之處, 綿綿的, 但終究是不夠滑溜。最後附上餐廳八月份的菜單讓大家參考。只可惜筆者的公司在中環, 否則, 多點上來悠蔬食吃午餐, 可能身體會更健康, 人也少一點胡思亂想呢。…查看更多

素食是一個新潮流, 除了令身體健康無負擔之外, 亦是對地球作出了一點點的貢獻, 需知道家禽, 牲畜由出生到演變成桌上佳餚, 其一生可謂製造出很多碳排放, 污染環境之餘亦會使地球氣候變化, 所以多吃素是環保之舉.但吃素常常給人”吃不飽”, “味道單調”等印象, 近年許多新派素食店的崛起, 叫我們一洗對素食的負面印象, 就像我今晚到訪的”悠蔬食”, 不跟你說, 你可能吃完都不會知道全部都是素食, 完全無葷.是晚點了Set Dinner, 有頭盤, 沙律, 湯品, 主菜, 甜品, 飲品, 跟上西餐館無異, 細看一下餐牌, 發現有咖哩, 闊麵等供應, 根本就是西餐廳的食品吧!泰式柚子沙律沙律菜好新鮮, 有火箭菜, 羅馬生菜, 車厘茄等, 亦加入了香脆的腰果, 咬落”嗦嗦聲”, 好爽脆. 由於有泰菜廚師助陣, 沙律亦滲入陣陣泰國風情, 沙律醬汁有香茅, 薑, 檸檬的香味, 味道極為清新宜人!紅菜頭蘋果合桃沙律紅菜頭是蔬菜中的紅寶石, 具有抗癌補血的功用, 顏色帶艷麗的紫紅, 把蘋果粒粒都染至一片嫣紅.家人喜歡用紅菜頭來煲湯, 但因為有一陣草青味, 我本來對它是完全不”感冒”的, 但這道沙律用蘋果伴以紅菜頭一併進食, 草青味減輕了不少, 兩者的清甜味完全發揮出來, 更加入香脆的合桃, 更具口感.涼拌日本枝豆枝豆沒有什麼調味, 像白烚似的, 可以吃到枝豆本身的甜味.茶樹菇黃耳燉湯由於沒有加入肉類, 燉湯清晰見底, 用匙子一撈, 可以看到很多茶樹菇, 蓮子 和一塊好像黃色豬腦的黃耳. 這些菇菌, 都極具食療作用, 對人體頗有裨益, 例如具有提高免疫能力, 滋補五臟六腑的功效.湯料差不多塞滿整個湯碗, 夠足料! 而湯的味道清甜可口, 有濃濃的菇菌香, 而且有滋潤喉頭之感.香芒牛油果苜蓿芽手卷水耕菜近年大行其道, 苜蓿芽就是常見的水耕農作物了, 適量食用, 對人體具有益處, 例如有降低膽固醇的作用. 惟它有濃烈的草青味, 令人(尤其是我) 難以入口. 以往吃西餐的時候, 看到有苜蓿芽作伴菜, 我都會把它們摒棄不吃的, 但今次居然乖乖的全部吃掉了!用苜蓿芽代替米飯來製作手卷, 紫菜的鮮香, 芒果的香甜, 豐腴的牛油果把苜蓿芽的草青味完全蓋過了! 而且呷著軟滑牛油果, 我是吃著海膽手卷嗎? 中央更有些像花生碎的東東, 口感豐富.松苞菇焗千層闊麵 (HKD238/ Dinner Set)賣相好像意大利餐廳的出品啊! 面頭鋪滿厚厚的芝士, 未吃已垂涎. 芝士煙煙韌韌, 味道濃郁, 再配合松苞菇, 意大利黃瓜, 茄子等蔬菜, 雖然是蛋奶素食, 亦能給我滿足的感覺.紅咖哩野菜猴菇丸配印度薄餅及珍珠糙米飯 (HKD238/ Dinner Set)餐廳有西餐, 亦有擅於煮泰國菜的廚師, 所以把咖哩融入素菜中. 雖名為紅咖哩, 但辣度只是好輕微, 有香濃的椰香味, 稱它為白咖哩更為適合. 咖哩質地幼滑creamy, 除了椰香外, 香料味亦重, 用來配飯或印度薄餅最為合適. 配料亦多, 有大量的蔬菜, 例如意大利黃瓜, 西蘭花, 椰菜花, 三色椒, 豆角等, 最特別是加入了猴菇丸, 猴頭菇味欠奉, 口感像豆渣.而印度薄餅是油酥餅, 味道酥脆可口, 蘸點咖哩汁同吃, 極為美味.斑蘭椰汁糕有濃濃的椰汁味, 質地煙韌.雲石乳酪蛋糕連cheese cake 都是店家自己製作, 絕不買外來貨. cream cheese好滑溜, 配上瑪莉餅碎餅底, 水準跟西餐廳無異.Vita-C奇異果汁 ($42)把奇異果, 香橙, 檸檬, 香蕉, 經慢速壓搾而製成的果汁, 充分鎖住水果的營養成分及原有味道. 具有抗氧化, 增強免疫力及幫助消化之效. 味道香甜而不過酸, 連怕酸的我也覺得非常好喝.餐廳在食物方面用心, 待客方面也一樣用心! 當客人入座時, 店員會示意客人把包包放入在椅子下的專用籃子, 以防用餐時弄污皮包 (好像是專為我而設的~ 因為我用餐時好”論盡”的!) ; 當客人要吃手卷時, 店員會準備濕紙巾供客人抹抹手.…查看更多