燈籠滷味 (登龍街)

台灣菜大家食得多。但台灣形式既車仔麵大家又食過未?今次介紹既係銅鑼灣係上年逆市開店，但生意完全無受影響，係上年3月開市，係首間海外分店，反而越做越旺既台灣菜燈籠滷味。可能因為開店個時，台灣咁岩封關，大家想去台灣去唔到，口痕想食正宗台灣野，就黎左呢間台灣過江龍。而旺角分店都係上年12月進駐朗豪坊，店內都係主打台式熱食滷味，除左特別選用新既滷味食材好似豬嘴邊肉、豬脷、生腸、肝連、鴨胗、麻吉燒等，都有全新台式小食，好似麻辣香滷豬耳朵、麻辣鴨血冬粉、高粱酒香滷鵝肝、金黃糖心滷鴨蛋等，而且仲有早餐menu，好似芝士豬扒蛋厚多士、爆餡芋泥肉鬆厚多士、花生醬火腿葱抓蛋餅等好有台式風味既早餐。燈籠滷味係台北師大夜市既一間台式滷味店，有22年歷史，幾年前就分左家，兩兄弟分成紅色燈籠同黃色燈籠，各有各做。呢間香港分店除左引入左台式滷味，亦都加左1D香港分店獨有既野食，而香港店既員工有D有係其他著名台灣料理店既工作經驗。有趣既係呢間燈籠滷味咁岩就係銅鑼灣既登龍街，唔知係有心定無意。每次黎到餐廳座位都係KEEP起碼8、9成滿，排晒長龍，有時仲有排隊排10-15分鐘，不過人流算去得快。入到店舖餐廳裝潢設計幾有心思，充滿台灣懷舊風，貼滿好多懷舊台灣明星海報之餘，仲有好多打卡位，打卡一流，充滿台灣地道風味，木造家具，加上不斷播以前熱門既台灣歌，有D以為自己去左台灣。店舖唔細，樓上都有一層。-1️⃣ 車仔麵MENU可以睇到第一頁係好似香港既車仔麵咁，揀想食既餸同麵底。店內有20幾款配料可以揀，最吸引既係好台式既甜不辣、鴨血、米血糕，因為都係台灣直送，而魚片頭係香港限定既。會有ABCD餐，幫你配好哂麵同餸，D餐叫自由是個好東西，其實就係所有野自己揀。因為我前後食過兩、三次，所以就食過既麵同餸逐種咁講下。-滷水汁 💰0（👅: 8.5/10）先講湯底，台式滷味同港式或者潮式唔同，熱食既滷味 ，而佢地有寫到車仔麵既秘製滷湯湯包，係台灣總店直送，有十幾種材料，包括桂皮、花椒、甘草等十數種中藥，再用慢火熬煮而成，滷水汁食落幾香，順喉回甘，帶微微肉香，會食到小小藥材味，不過味道比較重D鹹D。-王子麵 💰12（👅: 8/10）王子麵係一款台灣出產既即食麵，歷史悠久，係其中一個人氣之選，MENU上都係推介既麵條，食落唔似香港既出前一丁，口感有D似福麵，比較偏身D腍身D，而且比較吸湯，所以同呢個滷水汁配合起上黎，食落D麵就會比較重味D鹹D。-冬粉 💰11（👅: 7.5/10）冬粉姐係粉絲，係王子麵之外既人氣之選，都係MENU上推介既麵條，冬粉食落軟滑，入口爽滑，吸湯能力都高，所以食落都會重味有D鹹食到最後。-豬耳 💰12（👅: 7/10）豬耳咬落爽脆，食落都入味，不過間中會見到有豬毛，唔夠乾淨，不過我個人唔太鍾意豬耳，佢未令到我有驚喜或者令到我鍾意食呢度既豬耳。-百頁豆腐 💰11（👅: 8/10）百頁豆腐食落唔算彈牙，咬落唔夠綿密，有D似腍身既豆干，不過都幾入味因為幾索湯下。-大豆皮 💰10（👅: 8/10）大豆皮食落豆香，而且係索湯汁不二之選，將滷水汁精華入哂味。-白蘿蔔 💰9（👅: 8.5/10）白蘿蔔係我食車仔麵一定會叫既餸，食落非常軟稔，有小小入口即溶，吸湯既白蘿蔔吸收哂D滷汁，所以幾入味。-甜不辣 💰11（👅: 8/10） 甜不辣係魚漿製品，係好台式既小食，口感有小小似韓國年糕，帶點軟糯，食落有彈勁，唔會煮得太過軟爛，保留到小小魚肉既香味，幾索滷水汁，食落入味帶小小鹹。 -彈牙貢丸 💰10（👅: 8/10）貢丸食落彈牙爽快，豬肉味幾重，而且有香菇味，食得出真材實料，算係有水準既貢丸。-鴨血 💰10（👅: 7.5/10）鴨血味道就正常，薄切，食落軟中帶爽，無醒味，唔會一夾就散，所以可以睇得出佢無溝太多雞血或者豬血。-2️⃣ 蘋果鹽酥雞 💰38（👅: 7.5/10）呢個蘋果鹽酥雞台灣本店無，係香港分店自己另外入貨，係現成既鹽酥雞。以呢個價錢食到呢種半製成既鹽酥雞，質數就較一般，不過食落粉偏厚同偏硬，而雞肉食落太乾，唔夠JUICY，上面調味既椒鹽味粉有D多，食落幾鹹下，食落有D似KFC既炸雞粒，好既係雞肉份量唔少，而因為有蘋果既小小平衡，食落抵銷返小小油膩感。鹽酥雞個人覺得用薯粉做麵衣個種會比較好食，而九層塔炸左會比生食更好，生九層塔雖然香味比較重，但葉既纖維比較難咬斷，同鹽酥雞既口感有D唔夾。-3️⃣ Shake Shake 海苔鹽酥雞 💰42（👅: 7.5/10）做法係鹽酥雞再分開上海苔粉同一個紙袋比你自己Shake Shake 撈匀佢，味道會比蘋果更重味喊啲，而且會無左蘋果消一消油膩感。-4️⃣ 香脆地瓜條 💰48（👅: 8/10）份量都唔少，係番薯條厚切，比較粗身好似手指咁粗，炸漿算薄脆，食落脆卜卜，外脆內軟，而且帶有地瓜既甜，加上淮鹽味道會更突出，味道更有層次。 -5️⃣ 黑糖珍珠奶茶 💰23+3（👅: 6.5/10）黑糖珍珠奶茶入面既珍珠食落好有黑糖味，軟硬都適中，但敗筆係茶味同奶味都一般，比較淡味，所以只會想食完D珍珠唔飲個茶，我會PREFER個茶好飲D珍珠無咁好多D。-6️⃣ 冬瓜仙草檸檬 💰23+3（👅: 7.5/10）飲落唔甜，冬瓜帶自然既甜味，加上檸檬既酸幾開胃，比起珍珠奶茶正常好多。-7️⃣ 冷泡桂花烏龍 💰18（👅: 8/10）桂花烏籠雖然係茶包，但飲落茶味足夠，聞到好香桂花味，清甜順口，唔澀回甘，消濟一流，係我鍾意飲既烏龍，如果有得買走茶包都想買。-8️⃣ 冷泡四季春茶 💰18（👅: 8/10）春茶飲落薄透清香，茶香幾重而且持久，唔苦唔澀，入口回甘，夏天飲特別清新冰涼，解渴之餘仲好順口。-🌟總括黎講，今日呢間小店，主打台式滷味，係車仔麵不過換左台灣既餸同埋麵，麵有得食台灣特有既王子麵同冬粉，係幾特別幾有新鮮感，滷味水準幾好，如果真係鍾意滷味既可以一試，而滷味以外既野食，部份就比較一般，有食過其他台灣菜餐廳有更好既水準。整體黎講，車仔麵質數未到超好食好有驚喜(同區一條街既麵尊車仔麵水準更高)，但水準係及格以上，算係好食，如果想食台灣野或者車仔麵口痕個時，係一個唔錯既選擇。如果2個人黎食想食平D試多D野，又無話有咩餸唔食，就可以試下佢地既二人抗疫套餐。會有好多餸既一碗麵、滷肉飯、蘋果鹽酥雞、兩杯飲品。-👅味道: 8.5/10🍴環境: 7.5/10💰消費: $85-100人均 (服務費:NA)…查看更多

好耐冇食呢間餐廳了，今次又來感受一下台灣的感覺!餐廳有兩層，有不少台灣感覺的裝飾，而且也播著台灣歌手的歌!之前每次來也是夜晚，第一次lunch時間來到，原來下午是有套餐的，都算抵食!師大超人氣組合，這款套餐有很多不同的配料，包括有甜不辣、豬肉片、高麗菜、杏鮑菇、花枝丸、白蘿蔔和自選一款麵!麵款揀選了冬粉，冬粉口感像粉絲，吸收了滷味汁的味道，十分美味!而甜不辣煙煙韌韌，花枝丸爽口!高麗菜、杏鮑菇和白蘿蔔很入味，不會只是用水淥熟!而且份量很多，十分飽肚!自由是個好東西，朋友揀選了自由組合，揀選了稻庭烏冬做麵底，另配有豬耳、雞胗和白蘿蔔!烏冬煙韌，而豬耳、雞胗都好爽口，原來烏冬跟滷味是很match的!香脆地瓜條半份，地瓜條雖然甜甜的，但原來再點上椒鹽，原來很好吃，咸咸甜甜好特別!冷泡四季春茶、冷泡桂花烏龍，這裡的冷泡茶好有茶的香味，好岩不喜歡飲有甜飲品的朋友!來到這裡真的有種去了台灣的感覺，既然未能去旅行，一於來這裡感受一下!…查看更多

形式好似車仔麵咁點餐，但係食既當然係台灣野😚依家去唔倒旅行，都叫做可以感受下台灣先😂Lunch hour多人到要排長龍😮望落門面唔大，好在有得上上層先應付到禁多人既支持😃----------王子麵 + 豬腱肉 + 唐生菜 + 鵪鶉蛋 $41王子麵係台灣既速食麵，所以有啲公仔麵既感覺😂好欣賞佢地既滷湯，食落唔太鹹，反而有隱若既藥材味👍豬腱肉幾有咬口，鵪鶉蛋入味，蛋白都浸到冇白色😋蘋果鹽酥雞 $38炸粉厚薄適中，雞肉份量唔少，有蘋果味既平衡，食落感覺清新啲🍎香脆地瓜條 $32地瓜條🍠多到堆左個小山丘🙆條條都有接近無名指禁粗，而且炸漿好薄脆，放涼左都仲脆卜卜😙中間地瓜條好甜，想味道突出啲仲可以點附上既椒鹽🤓台式香蒜腸 $26腸有淡淡既蒜香，配搭麵食一流😀台式奶茶 $20 + 珍珠 $4以呢個價錢黎講，杯奶茶算幾大杯🤗嗌左半糖，甜度岩岩好，飲得到茶香味😉珍珠有咬口，Q彈唔硬🙂----------*不設加一服務費…查看更多

由於佢一開業嘅時候實在太多人排隊🌝今日咁啱經過就即刻入去試吓！其實佢地方都比較細，雖然有兩層但座位其實唔多！坐低咗之後就直接剔點餐紙就可以了！很有台灣風味的裝修🤩🤩地瓜炸到外皮超脆🤤真係即叫即炸！味道亦好好，份量正常，超級推介👏🏻👍🏻💯呢碗叫咗出前一丁，送嘅話就有雞腎，大腸，甜不辣，花枝丸。甜不辣嘅份量超多，最起碼都有七至八舊。如果係兩個人黎食嘅話其中一碗叫就夠㗎啦，如果唔係就超滯😂另外雞腎，大腸同花枝丸嘅味道都好正常，份量亦可以👌🏻食晒成碗野真係超級飽㗎，另外嗰啲出前一丁吸晒啲滷水汁，好似打邊爐食到最後吸晒啲精華嘅湯底再塞晒落啲面度🤤🤤💯第二碗叫咗冬粉，即係粉絲😋送嘅話叫咗豬耳，百葉豆腐，大豆皮，杏鮑菇，西蘭花！佢豬耳嘅份量係超級多😂最後係食唔晒啲豬耳！百葉豆腐，杏鮑菇同西蘭花嘅味道同份量都好正常👌🏻大豆皮我都係第一次食，佢係好似腐皮咁，個味道有啲似響鈴！再索哂啲滷水汁咁食好正呀🤤可以試吓！總結來講，我覺得呢間餐廳都幾高質嘅！食物質素好好，服務都唔錯，銅鑼灣來講呢個價錢算抵㗎啦！🤪🤪…查看更多

還記得以前在台灣生活的日子，閒來無事便會坐巴士去師大夜市逛街，我一定會吃燈籠滷味，自己選食材，店家幫你煮，但由於燈籠滷味有一定的名氣，價錢也不太便宜，但是調味真的很棒。香港也進駐了燈籠滷味，風格跟台灣的有點不一樣了。店員由姨姨變成年輕的少男少女，由自己挑選的食材檔變成年輕看餐牌點餐，不過我來是主要吃一份回憶的味道。餐廳的面積不大，台式舊海報、復古的懷舊磚等，仍能令我感受到這是一家台式餐廳。餐牌上除了滷味套餐，也有不少台式小吃。⭐️吃你滷味套餐$56豬腱肉、雞腎、豬耳朵、大腸、高麗菜。這個組合主要吃內臟，我較喜歡爽脆的豬耳朵和軟糯的大腸，另外粉絲很幼，口感很好，美中不足是醬汁不太入味。⭐️師大超人氣組合$59甜不辣、高麗菜、豬肉片、杏鮑菇、花枝丸和白蘿蔔，麵底選擇了粉絲。這個組合偏素一點，有丸類和蔬菜，配搭粉絲吃，也非常飽足。⭐️香脆地瓜條$12最愛這份地瓜條，炸得十分香脆可口，地瓜甜味高很美味。⭐️桂圓紅棗蜜$16入口淡淡香甜的棗，滋補養生。⭐️黑糖珍珠奶茶$18少不了台灣珍珠奶茶，珍珠QQ軟軟的，不俗。⭐️滷肉飯$28這份滷肉飯瘦肉比較多，感覺像燥肉飯多一些。▫️雖然味道不及台灣正宗，但價錢合理，份量也足夠。…查看更多

而家無得去台灣，好彩佢地帶咗燈籠滷味黎香港，等我地可以解解渴。人去到已經見到門口條人龍啦，好彩唔係等好耐 😁滷味 📍每樣餸 $9, $10由台灣直送嘅滷湯，有桂皮，花椒，甘草，同好多其他中藥材，夠哂濃郁。王子麵又好，冬粉又好，2款麵都吸收哂啲滷水汁香炸花枝丸 📍$26熱辣辣嘅花枝丸，燒到金黃色，好香口香脆地瓜條 📍 $32本身諗住叫蘋果鹽酥雞架，不過2點已經賣哂 😭 好彩呢個地瓜條都唔差，好熱好香地瓜味🍠…查看更多

台北師大夜巿的人氣滷味店登陸香港。既然現在暫時不能到台灣，那不如捨遠取近，過來「燈籠滷味」香港店止癮！ 正午時分大排長龍，看來大家都慕着名氣而來的呢，還好等候時間也不算太長。各式滷味食材羅列在玻璃窗前，垂涎欲滴。店舖的裝修還充滿着台灣文化的元素。燈籠滷味的滷湯是由台灣總店直送，也是用它們的秘方所烹調。據說裏面有上等的桂皮、花椒、甘草等中藥材，而且用慢火熬煮出來。筆者分別試了4款配餸：雞腎、大豆皮、杏鮑菇和彈牙貢丸。當中以大豆皮最能突出滷湯的鮮香，入喉帶有少許甘草味。而杏鮑菇份量是最多，彈牙貢丸就少了點，可能是成本問題吧。麵底選了台灣地道即食麵——王子麵。麵質較爽身，頗能掛汁。後來加了一點辣油更是惹味。跟想像中有一點小出入，它這個做法是餅皮放上雞蛋、起司、玉米，再捲起。起初以為雞蛋是和餅皮融合，看來蛋餅也是有幾種作法。這種吃起來口感較硬，中間夾了滿滿的起司和玉米粒，超濃郁的起司味。地瓜條炸得香脆，咬開是甜甜的地瓜蓉。配上碟旁的椒鹽粉蠻惹味的。份量挺多，因為是地瓜，飽腹感很高。鹽酥雞炸得香口，雞粒一口一顆。伴上蘋果薄片，夾了一片和鹽酥雞一同進口，還是鹽酥香味較重。豆漿甜度適中，豆味也算濃郁，飲用時帶著淡淡紅茶香。…查看更多

《燈籠滷味》屹立台北師大夜市20年，為師大學生掀起咗一場滷味風潮🌊。價廉物美，一直受盡當地人嘅熱愛。佢哋喺銅鑼灣登龍街嘅店，係呢間台灣人氣老字號滷水小食店嘅第一間海外店。價錢比起台灣店貴啲，但喺香港黎講都算平民價，讚！👍諗住襯疫情人少少唔洗排隊去食。點知條龍長到😱，不過唔鍾意排隊嘅都可以點外賣🥰堂食座位裝修好台灣風🇹🇼，不得不提佢哋嘅霓虹燈，好靚好有特色，「吃你滷味」🤪！啱啱開業，見員工都好落力，希望佢哋會一直保持住呢股熱情啦！滷味醃得超入味🤩，滷湯用咗台灣店嘅秘方熬煮，用咗多種香料，食落十分惹味。所有滷味都係即叫即滷，熱辣辣🔥見台灣網民推介鴨血、小豆干、蘿蔔，可惜我哋唔食鴨血，小豆干當晚又售罄，淨係試到蘿蔔。蘿蔔同冬粉一樣吸盡滷水汁，非常入味✨除咗滷味之外，餐廳仲提供多款台式小食。香脆地瓜條 ($32)台式香蒜腸 ($26)台灣味道神還原，正！綜合芋圓 ($28) + 仙草 ($6)本身諗住食完呢餐就去附近嘅芋圓店食甜品，點知呢度都有，就喺呢度解決埋佢啦！份量十足，我哋仲加咗滑嫩嘅仙草😙芋圓無地瓜圓咁煙靭彈牙🤭黑糖珍珠奶茶 ($24)攞上手啲珍珠仲熱辣辣架，可見係現炒珍珠！珍珠彈牙，不過略嫌有少少過硬；黑糖味都足👍-Menu:…查看更多

今日收工同老公去銅鑼灣試新餐廳, 去過台北師大都知道有間燈籠滷味好好味,見到香港開左當然要去試!7點左右黎到, 坐低後店員就遞上點餐紙我地兩個人揀左2個麵2個小食2杯台式飲品呢個鹽酥雞好好食, 唔會太油膩, 而且夾埋蘋果片吃好清新!地瓜控既我揀左呢個食都有驚喜!呢個係我揀既自選冬粉, 即係粉絲, 魚片頭好彈牙!黑糖珍珠綠茶, 我揀左半糖, 有黑糖香味又唔會太甜放上2張餐廳既相, 另外仲有啲特色海報, 但拍影到其他食客就無影到了下次要黎試下芋圓!…查看更多