楚撚記大排檔 (馬頭圍道) (已搬遷)

朋友話楚撚記係非常人氣 搞到我一直都好想試 今日終於有機會食到 開心仔😋 原來喺土瓜灣嘅一條巷入邊 冇人帶我去真係唔知喺邊度豬油撈飯🍚呢啲咁唔健康嘅食物真係好好食 有豬油之外仲有豉油芫荽蔥俾埋你自己撈 真心好食過大x華 香煎黑松露蓮藕墨魚餅🐙呢個真係煎得好香 墨魚彈牙夾埋蓮藕爽脆仲有啲黑松露香 好正燕麥金沙蝦球🦐呢個有少少似新加坡嗰啲麥片蝦 食落甜甜地 麥片都可以食埋 其實幾開胃 我都好鍾意 不過我朋友就覺得麻麻地楚撚沙拉骨🥗呢個有少少失望 真係好普通 唔可以話係唔好味但又唔難食既 只可以叫係正常味道 同平時出邊嗰啲差唔多 冇乜驚喜由於得兩個人食 所以叫得唔算多嘢 希望下次可以多啲人一齊食 最後餐廳仲送埋番薯糖水俾我哋 糖水好夠薑味 味道唔錯 多謝晒😋…查看更多

疫情之下成日係屋企煮飯 食到悶悶地都想叫下外賣🧐呢間良心大排檔喺區內好受歡迎🤪 (早排仲係西環開咗分店添~繁忙時間叫外賣 要提早半個鐘落單：o#🍎👧🏽 欣賞佢啲小菜款式多之餘 質素亦唔錯-🔸*香煎黑松露蓮藕墨魚餅🦑 ($88)🔸*燕麥金沙蝦球🍤 ($92)🔸*漁港蝦醬骨(海山骨)🍖 ($88)🔸*楚撚記小炒王🥢 ($85)<*=招牌菜>///墨魚餅 超香黑松露味😻 食到好多蓮藕粒 好爽口 而且每件都好扎實 好足料👍🏼(⭐評分：7/10)鹹蛋黃麥皮蝦 🍳 啲蛋黃包住曬成隻蝦~ 不過味道偏甜 略嫌唔夠鹹香🤔 同埋份量少咗啲 (⭐評分：6/10)海山骨 超濃郁嘅蝦醬味👅炸得夠乾身👍🏼小炒王超多料!! 韭菜花加埋腰果 銀魚仔 好香口🤤呢兩款都係👧🏽嘅至愛 偏重口味🤫 送飯就啱曬😆(⭐️評分：8/10)///(7分以上係👧🏽比較推介的)…查看更多

7男女去食生日飯! 其實冇人住得近，全部都要老遠搭車來. 叫左好多餸, 不能盡錄, 介紹下幾個印象較深的: )香煎黑松露蓮藕墨魚餅 都幾有黑松露味, 又夠香口, 唔錯!黃金粟米，即是用咸旦黃炸, 不過講真, 旦黃的咸同粟米的甜好似唔係好夾，下次都係試下個黃金白飯魚好過。脆皮炸豬手，夠香，夠脆。超好食!鴨血煲，辣辣地, 個汁好味! 生滾滑雞粥，朋友話有啲太濃味, 但我就超鍾意! 粥夠綿, 雞夠滑, 食落好有味! 正!!!食左十幾樣野、又叫埋啤酒，埋單每日都係百餘蚊, 抵食好食!!!! …查看更多

星期日去睇話劇，由於是日場，地點在紅磡理工大學綜藝館，故此晚餐順理成章走到土瓜灣搵食。這間食店最近當紅，曾與一大班朋友試過訂了好幾次，都一一落空，每逢週末假日，爆滿非常。今次原打算吃早飯6:30pm，而且又只得兩位，相信這次應該有著落吧！殊不知，食店回覆，星期日只得兩個時段選擇，一是5:30pm 又或是8:30pm我答: 我們只是兩位。食店: 那麼你6:30pm walk in 過來等等吧！但可能都要等到七時許。我答: 假如我們兩位過到來，會否說沒訂坐而沒位給我們的？食店客氣地說: 那麼我們替你預留7:00pm 吧！留枱15分鐘，進餐時間個半鐘。我答: 明白。就是這樣，終於可以薈一薈這間 “楚撚記” 。進入馬頭圍道，招牌大大個，一眼便看到。由於食店有兩個舖位，但最奇怪是中間有間神秘西餐私房菜，落晒廉，相信是自己友會員制，和兩間大排擋產生強烈對比。等待期間，看見店員拿著餐托盤傳菜，每碟菜色都有蓋蓋好餸菜，感覺食店夠細心，考慮到傳菜時的衛生問題。牆壁上有著射燈打著食店招牌，相當架世。到預定時間等了將近15分鐘便有位，店員有禮貌地帶入坐。店內牆上兩邊左右也貼著多種招牌菜色，大大隻字，肚子餓我倆樣樣都想吃。每張枱有盒裝紙巾，新派大排擋夠細心，一讚！如飲啤酒的話，當然戰鬥碗唔少得。除了牆壁上的撚手小菜推介外，每張枱也有四大張膠片印製精美的餐牌可供選擇。圖文並茂、價錢相當清晰。菜干豬肺湯(細)$83~菜單是寫著細盅足夠3人份量，豬肺好味唔在講，連豬肉也夠滑漏，看見湯料加了南北杏、還有龍眼肉、蜜棗，難怪如此香甜，夠火喉，妙極。香煎蓮藕黑松露墨魚餅$84~端上桌面時，看著膠牌寫著有趣字眼: 請上枱即食。簡直是溫馨提示墨魚餅話明有蓮藕、黑松露，還加上馬蹄，口感豐富。椒鹽田雞$88~又一次炸物，唔算過分椒鹽、亦唔算油膩，夠乾身。蜜椒薯仔牛柳粒$98~這個菜色令筆者想起深水埗萬x菜館，但這裡加多點了蜜糖，故稱之為蜜椒。相比之下，萬做得較為出色。原因廚師每樣比例都過分重手，濃濃的黑椒有少少搶喉的感覺，太多蜜糖。薯仔外脆內軟、牛柳粒嫩滑入味，唯獨是過分濃味過分鹹,。老薑番薯糖水~這個是食店送的糖水，完全不馬乎，番薯足料，煲得蓉蓉杰杰，勁薑，誠意之作。整體來說:大排檔菜色，但其每碟的分量唔算大碟，所以二人過來也可試幾個餸，由於種類繁多，下次一定要預早安排，叫齊一大班人麻甩一下，先夠氣氛。…查看更多

朋友介紹呢間喺土瓜灣巷仔入面，個名好特別嘅楚撚記大排檔。喺OpenRice見到booking最快都要去到20號😱好彩朋友一早訂咗位😆！一入嚟見到裝修風格好懷舊，同以前嘅大排檔好相似，連店員用嚟斟茶嘅茶壺都係舊式大排檔嘅不鏽鋼長嘴壺～菜式選擇好多，朋友推介豬油撈飯，一場嚟到一定要試下！叫咗酥炸黑松露菌醬芝心乒乓波牛丸（$78）、香煎黑松露蓮藕墨魚餅（$79）、七味黃金炸一口金磚豆腐（$58）、豆漿杞子鮮腐竹浸時蔬（$65）、媽媽鮮茄蛋煮牛肉（$60）同豬油撈飯（$20）。牛丸份量好多😱，有成八九粒，粒粒都大過乒乓波。一咬開入面嘅芝士黑松露餡爆哂出嚟，牛丸濃郁嘅牛味同芝士餡好夾。香煎黑松露蓮藕墨魚餅，賣相唔係好靚但未上檯已經聞到好香黑松露味。咬落去食到好多切到細細粒嘅蓮藕粒，墨魚餅亦好彈牙，啖啖黑松露香🤤唯一缺點係有少少油膩。七味黃金炸一口金磚豆腐份量超多😂食到尾都未食完。粒粒都好金黃好脆，入面嘅豆腐好滑。豆漿杞子鮮腐竹浸時蔬就普普通通，勝在豆味夠香濃。媽媽鮮茄蛋煮牛肉嘅蛋就少咗d，反而牛肉好重牛味同份量好多😂食落都好滑！豬油撈飯係一個砵咁上嘅，有蔥同芫茜可以落，豬油同豉油可以自己控制份量！罪惡感好重但真係好正，好正，好正！叫咗支藍妹，居然有戰鬥碗！戰鬥碗雪到冰冰凍凍，啤酒唔會好快就熱咗。最後嘅最後，店員話有糖水送，熱嘅有蕃薯糖水，凍嘅有清補涼糖水😱。因為未飲過就叫咗清補涼糖水，味道好甜，不過好足料🤤🤤…查看更多

1直都中意大排擋,而且楚撚記都可以算出名,知道都比較受歡迎而且座位不多,所以1早訂咗9點, around 8ish, 收到餐廳嘅 friendly remind.由於1行7人, ordered 9樣餸+豬油撈飯:-激辣避風塘水魷-蜜椒排骨-鑊氣豉椒炒蜆-燕麥金沙蝦球-飛天通菜煲-蒜香骨-媽媽鮮茄蛋煮牛肉-香煎黑松露蓮藕墨魚餅- 金沙黃金白飯魚-豬油撈飯-辣味: 辣味比想像中淡, 不夠辣, 所以可以ignore "小心好辣"牌仔-水魷: 爽口, 彈牙, 但味道不足牛柳粒: 肉身夠"淋", 蜜汁味夠濃配菜: 薯仔, 紅椒, 黃椒, 洋蔥炒蜆: 蜆新鮮而且厚肉, 無沙, 香口鑊氣夠配菜: 豆豉, 青椒, 紅椒, 黃椒黃金蝦球: 蝦肉大而且爽口彈牙, 蛋黃味道濃郁燕麥: 原片燕麥, 麥味重帶甜***蝦球連燕麥1齊食,完完全全可以中和蛋黃蝦球嘅"漏"********best combination ever*****排骨: 選用腩排, 夠入味而且肉質嫩而厚蒜: 香口可口牛肉: 肉片厚度恰到好處, 嫩口無"渣"蕃茄: 新鮮, 茄味濃而不酸, 少甜, 味道完全 perfect蛋: 滑而不老*****1道家常菜能夠煮得出色,實在難得*****豬油份量極少, 香味不足, 有少少失望墨魚: 有咬口, 加埋蓮藕更加爽口黑松露: 味道唔夠出白飯魚: 香脆可口, 蛋黃味濃通菜: 不過不失整體食物質素高, 服務態度良好, 上菜速度剛好, 價錢絕對相宜,絕對會再光顧!!!!…查看更多

店舖位於土瓜灣一大街和小巷之間的轉角位，雖比大街的店舖隱蔽但亦不至於令人留意唔到它的存在。每次經過見到佢大大個霸氣店名同埋post出來的新式餸菜相都好想試，呢晚終於搵齊屋企人一齊過來食晚飯~雖說位置有少少隱閉，但來到的時候已見輪候人群，睇來口碑應該唔錯。店面唔大，不過來的人都唔少餐廳裝潢行懷舊大排檔風我地一行五人，家母以為小菜份量唔會多，一開始就叫左成堆餸，而事實係其實佢地小菜的量都好足好抵食，我地係叫多左😑可能因為人多，一開始上菜速度有點慢（以小菜餐廳而言），等左一段時間至上第一道餸：楚撚記小炒王$60之前食過的小炒王多以蝦乾或魷魚乾為主，略嫌有些難咬。楚撚記則較多用白飯魚仔，夠鹹香又脆口，另外亦加添肉乾同炒。雖則家母覺得偏鹹，但我地其他人覺得正是佐飯好餸菜～鮑粒海皇福建炒飯$68雖則淋左汁但飯粒仍然分明。只係本人本身唔特別偏愛福建炒飯，所以沒有很深刻。楚撚記原隻脆皮炸豬手$94好多肉，皮脆肉嫩🤤香煎黑松露蓮藕墨魚餅 $78是日最推介特色小菜。見到呢道自創菜式覺得幾得意就叫啦，外面煎得金黃，店家重插埋牌提醒食客呢道餸要即食。墨魚餅豐腴彈牙，黑松露、蓮藕同墨魚比例恰到好處，好有咬口，正蝦醬骨 $68用的應該係豬扒，本身重以為會用排骨🙈比起一般坊間蝦醬菜式，個人覺得呢道餸的蝦醬香算好足，味道都好夠蒜茸炒時蔬 $52我地揀左炒芥蘭，蒜茸都落得夠家鄉三絲炒米粉 $68麵質乾身唔油其實佢地的餸菜份量好足，重要叫左兩碗白飯，所以其實已經食得好飽，五個人咁叫係嗌多左🙈最後都剩少少食唔哂要打包～雖然好飽，但原來重有後續。店家為食客煮左蕃薯糖水作為甜品。糖水唔會太甜，但薑味偏重（不過我妹就鍾意佢薑味重）。不過有呢個心思都係有誠意值得一讚👍🏻我覺得楚撚記比起一般街坊小菜餐廳來得有心思，在其創新菜式方面可見一斑，而且份量又足。其實佢地重有其他出面無的新款菜式我地未試過，下次一定要再來食🤤！…查看更多

同屋企人去試新餐廳, 我地7點半左右到, 餐廳已經坐無虛席! 我地明白好野自然多人等, 所以無損我地想試既決心! 而且餐廳好細心, 在門口放左好多櫈, 讓客人可以等候得舒適一點! 等左10分鐘左右就入得啦! 大家如果有興趣黎試, 記得要訂枱啦!楚撚記有別於一般大排檔, 環境唔錯, 乾淨企理! 裝修以香港大排檔的懷舊風格作為主題! 雖然餐廳唔算大, 但係都坐得好舒服! 楚撚記菜式選擇好多, 有傳統有新既大排檔菜式! 總有一款岩口味!楚撚記小炒王 $60嘩! 好大碟呀! 而且材料好豐富, 包括有韭菜花, 蝦仁, 蝦乾, 腰果, 魚乾仔!小炒王係乾炒, 韭菜花新鮮爽甜! 腰果炸得好脆, 超多魚乾仔同蝦乾, 好惹味! 香煎黑松露蓮藕墨魚餅 $78墨魚餅好厚大足料, 煎至金黃色! 墨魚餅帶有濃濃既黑松露香味!入面蓮藕同墨魚都好大粒, 所以爽口彈牙, 口感非常好! 值得一試!金沙黃金白飯魚 $68 楚撚記有好多菜都係近期好流行黃金(鹹蛋黃)風味! 當然要試一試!白飯魚外層沾滿鹹蛋黃碎! 炸粉醬好薄, 炸得外脆內嫩, 又有充滿鹹蛋黃香味! 一點都不油膩! 真係食到停唔到口呀! 十分推介!燕麥金沙蝦球 $82蝦球超大隻! 蝦仁外層同樣沾滿鹹蛋黃碎! 而且有好多好多炸脆既燕麥!爽口彈牙的大蝦仁, 配上鹹蛋黃香味, 同脆燕麥既微甜! 好好味呀!超讚! 馬拉盞炒通菜 $58通菜非常新鮮, 十分爽口! 份量好多, 大大碟!通菜加上馬拉盞, 蝦乾, 辣椒, 蒜頭同麵豉炒, 入味之餘, 又好惹味, 好岩餸飯食!特色甜麵醬蒸魚雲 $98魚雲蒸得岩岩好, 非常嫩滑! 再配上甜麵醬, 好味道!老薑蕃薯糖水 (送)蕃薯煲得好腍, 甜味適中! 正! 為呢餐晚飯畫上完美句號!楚撚記整體落單到送食物速度都好快, 食物好夠熱又好味, 價格相宜, 抵食! CP值超高! 好驚喜!仲有好多其他菜式想試, 下次會再黎食飯! 非常推介楚撚記!…查看更多