九重鮮

中式蒸氣石鍋食得多， 不過韓式就第一次試！😏 「九重鮮」其實係香港首間餐廳引入韓式九層塔海鮮蒸鍋， 目的都係著重係海鮮原汁原味， 九重塔每層食完之後， 都會將精華流到下層， 所以鮮味會逐層增加～😌 餐廳入口前設有一個玩味嘅等候區， 掛着男、女、小童嘅韓服供食客在等位時試穿和影相，好貼心嘅服務！😎 餐廳座位闊落，裝修簇新， 一室暖木色系，感覺傳統得黎，又夠舒適， 除左中間一排排適合大夥兒嘅枱櫈， 靠牆仲有卡座位，啱晒二人 韓式海鮮蒸氣火鍋有三款選擇： $398首爾塔、$498景福塔、$598濟州塔， 我地揀左最經濟實惠嘅首爾塔HK$398/位， 注意：每款火鍋都必須兩位起動， 而兩人份量只會提供五層海鮮塔而非九層， 一般要到四位或以上才會有九層的。 隨餐火鍋粥底可選素菜鮮魚湯、韓式豬手湯、韓式泡菜湯， 另外可以額外加錢要人蔘雞湯半隻（$50）/一隻（$100）， 人蔘雞湯喺呢度嘅店招牌， 當然要試啦！😏 點完菜之後， 店家便奉上蘸醬和前菜， 蘸醬有三款：柚子豉油、鮮茄辣醬和海鹽麻油， 不過呢度嘅海鮮真係好新鮮， 所以整頓晚餐我都冇蘸過醬汁， 品嚐海鮮嘅原汁原味就好！😋 附送是日前菜：沙律、白菜仔、泡菜和酸椰菜， 仲可以免費添加一次！👏🏻 未上九層塔前， 店員先拿來一個大鐵鍋過來， 再把半隻人參雞和米飯放進去， 呢個就係九層塔嘅最後一層， 待吃完上層所有海鮮後， 便可有一大鍋嘅人參雞粥吃了！☺️ 過一會店員也把塔拿來了～ 店員在鍋蓋插入溫度計， 提醒我地只要溫度達到攝氏90°C便可以叫店員過來揭蓋。 第一層： 紅糟蘇格蘭蟶子、象拔蚌 (伴車厘茄、韮菜花)  蟶子大大隻，肉質爽彈多汁， 象拔蚌剪成條狀，鮮甜味美，嚼勁十足！😋 每層都有不同嘅蔬菜配搭， 令到蒸鍋更加吸睛！👀 第二層： 日本元貝 (伴勝瓜)  鮮嫩彈牙嘅元貝， 仲有好多湯汁，鮮甜得很！😋 海蝦 (伴金菇、野菜百頁豆腐)  海蝦新鮮，肉質爽彈～ 第三層： 花尾龍躉、貴妃蚌 (伴八爪魚、木耳)  花尾龍躉大大件，啖啖肉， 肉質鮮甜嫩滑，又有咬口～ 貴妃蚌好大隻，😍 鮮甜多汁，正到連湯汁都飲埋！😋 第四層： 沙巴肉蟹 (伴秀珍菇)  肉蟹好大隻，厚肉，又好多蟹膏， 蟹肉鮮甜，蟹膏豐腴味美， 食到想再encore！👍🏻 值得一讚的是， 店員仲會主動問我地洗唔洗幫手拆蟹爪， 蟹肉拆得完整無缺，感動！❤️ 大花蛤 (伴木瓜、爆濃芝士丸)  花蛤大隻，肉質鮮甜彈牙， 木瓜、爆濃芝士丸雖然只係伴菜， 但尤其出色！ 木瓜香甜，芝士丸醬爆，「芝」味獨特！😊 第五層： 鮑魚 (伴白蘿蔔、冬菇)  雖然我哋冇升級轉南非鮑魚， 但鮑魚軟腍鮮味，彈性十足！ 粟米、日本南瓜、日本蕃薯、墨汁豚肉丸 蕃薯🍠和南瓜香甜， 粟米超甜多汁， 墨汁豚肉丸口感爽彈，不錯吃！👍🏻 最後，梗係要食聚海鮮蒸鍋嘅精華於一身嘅粥底！☺️ 在食之前，店員倒下米粒， 粥鍋裏除了湯底外， 就係來自每層蒸煮海鮮過程中流出來嘅精華， 店員仲會幫我地將隻雞拆肉， 服務一流！👏🏻 之後就製作成為啖啖肉嘅人蔘雞粥啦！ 鮮甜得很，可以食到飽呢！ 粥底份量十足，兩個人根本冇可能食得晒， 之後店員就走過黎主動同我地講話幫我地打包，😄 原來有不少客人最後都會食唔晒， 所以貼心地準備紙碗， 替食客將食不完嘅食物都打包， 一來不會浪費食物， 二來可以把粥帶回家，延續九層塔嘅滋味～😏 最後仲送自家製甜品～😍 有輕乳酪蛋糕、紫薯撻、檸檬🍋雪山撻， 輕乳酪蛋糕食落唔會太heavy， 撻皮好酥脆，紫薯香甜適中，檸檬雪山酸甜又refreshing 呢度仲有半自助午餐，$58起， 仲包飲品，好抵喎！👏🏻 …查看更多

九重鮮係以蒸煮海鮮塔做賣點：海鮮塔一般最多有9層，今次我地就揀咗有5層嘅首爾塔。嚮蒸煮嘅過程中，海鮮嘅汁液會慢慢咁透過蒸鍋嘅氣孔，一層一層咁流到落底層嘅粥底當中。掛住食，所以今次無乜影到相～haha首爾塔總共有12款海鮮：第5層-蟶子、象拔蚌第4層-海蝦、扇貝第3層-北寄貝、花尾龍躉第2層-沙巴內蟹、大蚌、大花蛤第1層-翡翠螺、鮑魚、蝴蝶蚌底層-人參雞湯粥底貝類海鮮都好大隻，特別係蟶子同扇貝，鮮美彈牙；龍躉切片，只係配少量蔬菜清蒸，就已經好鮮甜嫩滑；肉蟹雖然蟹膏唔算太多，但同樣鮮甜多肉；最底層嘅粥底唔單只口感綿滑，而且仲完全地吸收咗上層海鮮同人參雞湯嘅精華，入口相當鮮甜。…查看更多

同男朋友慶祝紀念日，想食好啲，所以揀左黎食海鮮雖然係星期六晚，但人唔多。入面都幾大，放左好多枱，但枱同枱之間距離好近，會聽到晒隔離講野，私隱度頗低。行入去果陣地下痴立立，枱又有啲污漕但坐都尚算坐得舒服既！眼見場內大部分都食首爾塔！我地都揀左佢2位起先叫得，$398/位，另加一。前菜係紅豆同泡菜。佢啲泡菜太酸，紅豆就唔錯。等左一陣終於到！佢插左支溫度計係度，叫我地再左90度左右就食得但其實職員都會好勤力咁行黎幫你開蓋。以上既圖就係所有野食，佢以貝殼類海產為主，大部分幾新鮮。鮑魚就麻麻地，乾同有啲污漕，唔係好敢食。 最令我意外係佢既木瓜、南瓜、蘿蔔、番薯等等全部都超級甜！超好食落單果陣有得揀湯底既，我地揀左泡菜粥湯底！好多泡菜，再夾雜啲海鮮，幾好食本身以為唔夠食，點知最後食唔晒添⋯ 總結覺得呢個海鮮鍋都唔錯，但海鮮種類多返啲會仲好店員都好肯幫忙，會一直留意你食完未，主動幫你逐層逐層拎走。環境方面如果乾淨返啲就更好！值得一試～…查看更多

黃埔地鐵開通後在此搵食，看篇幅介紹此店，近年流行起各式蒸氣鍋，反而未嘗過始祖韓式九層塔，訂位翌日再來吃。點了首爾塔，每位$398，另計加一等費用，飲品點了韓國檸7和一煲玄米茶，各$13，檸7跟香港7喜差不多只是份量較少，玄米茶跟熱水沒有分別，建議飲店舖提供的開水更好。食物方面，就是平常吃的海鮮，只有蟹比較多膏，其他都是不過不失，不是特別美味但也不是下質海鮮，以這個價錢來說，不值得，我覺得全單只值$600多，睇驗過何謂九層塔我相信都不會再來吃了。環境方面，坐得舒適，設有放手袋櫃在餐桌下方，貼心，現場以情侶夫婦較多，或一家大小，沒有三五知己的朋友來用餐，如果2人的話，會安排坐在長枱以對面形式用餐，很快就會再安排很多2人對坐在旁邊，而且枱上用作掉貝殼等的小垃圾桶會4人共用1個，如果介意搭枱或希望私隱度高的，要多約幾人前來才好，觀察到設有大房供多人或VIP 用，洗手間設於食店下方商場入面，我走了幾步放棄了，樓梯有點長還要推門，感覺好像設在停車場的洗手間一樣，考慮安全及路程還是離開後再往其他的較好。服務方面，職員人數都足夠應付顧客，細心服務不錯，點餐順利態度亦友善。總分就是3粒（5粒為滿）合格水平，食物沒有特別驚喜但價錢略貴，要長做長有睇來只靠韓國正宗九層塔特色並不能留住貪新鮮的香港人，以這個價錢一是來一點更上乘的貨質，一是要降低價錢才行，就軾目以待了。…查看更多

之前已聽聞「九重鮮」嘅海鮮塔食物新鮮又好味，一直都好想去食返餐，剛巧海鮮迷嘅妹妹旅行返來，就訂定位兩兄妹聞名不如見面，一齊大飽口福一番。其實之前覺得交通不便甚少去黃埔，地鐵開通黃埔站後，今次係第一次放工搭地鐵到黃埔，原來係好快又方便喎！一岀A岀口轉個彎就見到斜對面嘅「九重鮮」，門口已經好吸引，見到多層蒸塔、又有韓裝韓鼓，無論室外室內都充滿韓風佈置。室內餐廳以淺木色為主、充滿韓風佈置，環境非常舒適，完全沒有擠迫感。當時剛剛七點，已經差不多有八成入座，好彩我訂定位呢！由門口拎位到入座，每位服務員都笑臉迎人，態度非常友善。入座後，侍應姐姐超級細心講解唔同嘅"塔"有咩分別及各自的特色，仲有介紹各類飲品同韓式雪糕等。我哋今次就揀咗「首爾塔」及加錢食人參雞湯粥，而且menu 好細心補充每層塔嘅蒸法和食用方法，超贊！今晚就一於扮吓韓國型男索女，飲芒果啤酒同桃味汽酒，兩款都好好飲喎！未上塔前，侍應姐姐先放咗半隻人參雞、米等配料喺底部，之後就上五層高嘅「首爾塔」啦。而且侍應姐姐一樣細心解釋蓋上溫度計用法和其他細節，真的非常棒第一層：蟶子 & 象拔蚌 又大又多肉，超爽口鮮甜，好正呀第二層：元貝+貝上的鮮汁，超正。海蝦爽口、野菜百頁豆腐好特別！第三層：花尾龍躉 魚肉嫩滑又鮮甜、北寄貝、刀蚌、八爪魚 各有特色，super第四層：沙巴花蟹 好多蟹膏好好味、大花蛤爽口、芝士丸超香濃、木瓜和蘿蔔好甜美第五層：鮑魚超級超級爽口新鮮、墨汁豚肉丸好好味、南瓜蕃薯粟米都特別香甜好味最底層：人參雞湯粥 簡直係精華所在，吸收咗上面五層嘅海鮮鮮甜，再加上人參香雞又嫩，超級超級正。好飽嘅情況下我都食咗兩大碗，餐廳超細心歡迎食客帶走，我哋就實踐「九重鮮·帶·回家」啦！哈哈哈，原以為門口的韓服韓鼓係裝飾的一部分，臨走前侍應姐姐同我哋講可以穿著影相。嘩，飲完韓酒、食完韓餐 、又可以扮埋韓仔韓女，又食又玩，超super 開心滿足！「九重鮮」真係聞名應該一早見面+品嚐。無論餐廳環境、服務態度之細心周到、最重要係一流嘅食物質素，今晚簡直食得超級滿足+開心，必定會好快再次品嚐唔同嘅「塔」呀！…查看更多

成日都係食個幾味 今次特別日子所以帶左男朋友泥食蒸氣火鍋 估吾到會係甘既體驗 食餐飯但勁令人留戀 全因為佢既鮮甜 食完都想下個月父親節帶屋企人泥食 畢竟平日吾常同屋企人出街食 但一出去食 就想帶佢地食特別啲既成個感覺都好似置身韓國 裝修主色係白色 好乾淨既feel 加埋木色桌椅 好居家 用暖色帶比人更加溫暖今餐男朋友發板 揀左398個個 有鮑魚 蟶子 海蝦 大蚌 元貝 海螺 象拔蚌 大花蛤 北寄貝 沙巴肉蟹 蝴蝶蚌 新鮮花尾龍躉 日本南瓜,蕃薯 我地仲加左48蚊轉南非鮑魚 個湯揀左男朋友最愛既人蔘雞湯 其餘仲有豬手湯啊泡菜湯等等 雖然依個價好似酒店自助餐甘 但滿足度完全超出左酒店自助餐 加上我地無食過蒸氣火鍋 個感受會level up!一開始比左啲前菜同沙律我地 估吾到有蘋果 好fresh既感覺 而泡菜就係必有既前菜 我最愛蒸氣火鍋真係蒸氣火鍋 有好多用具 側邊個鉗就吾洗講啦 可以夾野 另一邊有個好似牙簽甘 吾好睇少佢 食海螺用佢好快就可以鑽到個螺出泥 食得! 個醬都有3種 最左邊就點螺既 酸酸甜甜甘 中間清清地既係豉油 可以點蝦 右邊既辣醬點乜都得 嗜辣既必點啦先落左個粥底落去先 睇見個雞釀左好多糯米入去 仲有紅棗個啲 個粥底一滴水都無放 我諗最後吸晒海鮮既精華再加上雞本身既鮮味一定一級棒之後就落蒸籠 有5層高 依一刻只知道第一層有乜 其他層係咩都仲保持神秘感 真係好特別既飲食體驗 神秘之中又帶點驚喜 最後個蓋會從天而降 好得意 又一gimmick 男朋友都睇到目瞪口呆 因為我地吾知係係上面降落泥如果食好多層既海鮮塔既朋友吾洗驚甘多層啲熱度會吾會去到甘高 蒸吾蒸到熟架 想知就可以睇住個溫度計佢會不斷標升 最後去到90度就可以叫店員開蓋 開始食貨之旅係等食途中我地揀埋野飲 酒控既我就飲韓啤 而男朋友就揀左濟洲橙汁 有1500ml 佢話要挑戰喎開始食啦 店員話可以跟個漏斗去食 每層用5分鐘 但我食得勁慢 5分鐘完全吾得 haha第一層有蟶子同象拔蚌 伴菜有菇仔同翠玉瓜? 最用心既就係依間蒸氣火鍋既每個蒸籠都有蔬菜 balance番吸收左既海鮮 同時亦都令我地可以品嘗蔬菜既真味 平時蒜蓉炒或者用肉炒都會令佢既味變左配角 但毫甘清蒸 仲可以吸收左啲海鮮鮮味 好大自然感覺 另外有啲層數既蔬菜仲取材於日本蟶子好爽口 個殼仲有啲汁 好正 象拔蚌原本已經切左片 好新鮮之後就係海蝦同元貝 海蝦睇佢大大隻以為平平無奇 但勁有驚喜 因為佢勁多膏 meet完之後個蝦頭部分都有啲肉係食得既 加上肉彈牙 一食就知係新鮮蝦個元貝都好大粒 好似個碗甘大 好厚肉 連個潤都好味 成粒食正 個肉都吾會過熟 仲嫩 好鮮甜之後就係北寄貝同埋新鮮花尾龍躉 第一次食熱食北寄貝 我比較鐘意蒸過既北寄貝喎 有種海鮮既甜味 依舊好爽 而個龍躉好滑 無骨 仲有近魚皮部分 好嫩 骨膠原啊然後就有沙巴肉蟹,大蚌,大花蛤 個蟹啲膏吾係好澎湃但食落都有餘韻 雖然偏淡但食落就無甘罪惡 依層仲有木瓜 幾甜啊 好滋潤啊個鉗都好有肉 肉質有海水味 而蟹身啲肉我就留底等食粥刮入去 一秒變蟹粥我最期待既一層 有鮑魚,蝴蝶蚌,海螺,日本南瓜,蕃薯 鮑魚仲沾左少少上層既蟹膏 鮑魚肉厚味道無添加 好彈牙 都算大隻 食到幾啖 好滿足 海螺用枝簽真係好易了出泥 海螺肉實爽口 點完個類似酸梅醬之後 好match 好惹味 搞到我想食多幾個南瓜,蕃薯,粟米同埋蘿蔔都好好味 不過最愛係冬菇 啲海鮮汁好入味食最後個層啦--粥底 一打開我真係嚇親 有好多水 真係好勁啊蒸出左甘多海鮮精華 再淆個人蔘雞 心心眼之後店員就會幫手界開個雞 同埋分糯米比客人 佢好貼心甘分左紅棗比我 糯米軟糯甜甜的 粥好綿滑之後店員就有提議加啲白胡椒落去會更香口 加左之後真係幾香仲有人蔘條 好足料 食落已經好淋 蒸得好透徹good粥底入面仲有年糕 不愧係韓國餐廳 好煙韌 吾會淡因為吸左啲鮮味 因為啲海鮮已經食到好飽 所以剩底既粥我就打包左番屋企 同屋企人分享走時發現原來依間餐廳 吾止有蒸氣火鍋食 仲有韓服可以著 玩味十足地下仲有啲魚兒游啊游 好表達到依間餐廳既取材於海既主題門口仲有啲lunch牌 下次都可一試如果係蒸氣火鍋 平價既話268一位都有架 下次同屋企人泥 大伙人可以試下268 yeah!!依餐真係好滿足 最難忘係鮑魚,海蝦!!!…查看更多

好多係韓國興起嘅野食，都可以係香港食到，可以話緊貼潮流，而呢間餐廳就主打前排大熱嘅九層海鮮塔，每一層都有唔同嘅海鮮淨係午市嘅時候先至會有呢個沙律吧，都係一般嘅前菜，好似有薯仔、菠菜、生菜、蕃茄等等，可以自己拎隻碟出去揀，所以等嘅期間，就可以食下啲沙律開下胃先～原本好好奇點解個沙律吧會無泡菜嫁呢，因為始終呢度係一間韓式餐廳，原來佢係另外上嘅，除咗泡菜，仲有炸銀魚仔、大豆芽和白菜，如果唔夠仲可以refill添首爾塔終於到枱面，雖然叫餐廳叫九重鮮，但係其實無九層，得六層....呢個時候先至發現原來天花板上面吊住嗰蓋，而且會自動感應，慢慢吊落嚟！跟住就慢慢等待探熱針上升至90度，佢就會自動感應吊起個蓋。而第一層就係有蟶子、象拔蚌同少少菇，但係我就唔係好鍾意食蟶子，而餐廳就好好咁幫我將蟶子轉咗做玉子，所以蟶子我就無食到喇。象拔蚌嘅口感都幾好，好有彈性但係又無腥味，不過朋友話食到有沙，我就無喇跟住應該每隔五分鐘就可以食下一層，但係其實五分鐘根本唔夠時間，所以我地次次都起碼過咗十分鐘先食下一層第二層就有元貝、大蚌同海蝦，其實我對蝦有少少敏感，不過無理由叫個朋友自己食晒咁多隻，所以我都食咗兩隻，肉質鮮美，唔使點豉油都已經幾好食，不過我就鍾意連埋泡菜一齊食， 感覺比較韓式啲，哈哈～另外元貝都幾好食，上面有蒜蓉同蔥調味，而且感覺元貝蒸得九成熟咁，所以有啲似食緊半生熟嘅帶子，真係好鮮啊第三層係一啲素菜，而呢層就有玉子(用蟹同蟶子換多兩舊玉子)、菜心、蘿白、椰菜花、車厘茄同一啲菇，可以用黎清清味道，不過有啲蒸得過淋，一咬就爛開....清清味道之後，下一層又係海鮮喇，包括有新鮮花尾龍躉、北寄貝、木耳同車厘茄，龍躉嘅肉質嫩滑無骨，我幾鍾意；而北寄貝就比較細舊，但係算有彈性再下一層就有沙巴肉蟹、大花蛤同南瓜，原本又有兩舊肉蟹，不過我就敏感，所以轉埋玉子，朋友食完就話無咩肉，感覺一般最後一層蒸爐係睇落比較密集啲同豐富啲，包括有海螺(其實即係東風螺)、鮑魚、蝴蝶蚌(?)、日式南瓜、日式蕃薯、粟米同娃娃菜，唔知係咪因為食得太慢，所以開始飽，海螺蒸得幾好，好有彈性，連埋泡菜食，感覺幾新鮮鮑魚都蒸得啱啱好，唔會太過難咬。但係因為底下仲有粥嘅關係，所以我地放棄咗食啲蔬菜，進攻下一層拎走曬啲蒸爐之後，就係韓式泡菜粥，由於未能挑戰5分鐘食一個蒸爐，粥已經變成湯飯咁 ，雖然有用泡菜同一啲蜆一齊熬，但係味道就唔係好夠重，可能因為啲水溝淡咗啲味所以如果想要試到完美嘅粥，大家一定要同時間競賽，每5分鍾食完一層，快啲黎挑戰下～…查看更多