大力棒棒摩登中菜 (已結業)

生日的朋友選擇了試這家飯店!! 就看看食評有什麼推薦, 就被這店推介菜式“飽受折磨”的名所吸引!! 我們有訂位, 到達的時間約7點, 當時餐廳未坐滿, 大約8點左右先客滿。 坐下就可以先選茶, 有好多不同的茶供應, 我們就選了玫瑰花茶!我們5個人, 叫左5味餸, 第一味要點的就係飽受折磨, 其實見到實物後都唔太聯想到點解要叫飽受折磨, 係炸左的金菇, 食到有椒鹽味, 好香口, 但唔太食到金菇味, 適合送酒~見到隔離枱叫特式菜, 不得不點來試試, 外型真係好得, 睇相就知道, 名叫芝麻吊燒企鵝雞!! 你可以選擇自己手撕就有優惠價($288), 或者由餐廳處理正價($388)。 我們當然選優惠價啦, 雞會以相中的造型先上枱, 讓我們影夠相就會收回去拆去支架再上枱並配上手套讓我們自行手撕, 手撕的工作係由友人代勞的, 但我見都唔係簡單的, 撕開雞脾都要好出力架~辛苦他了!! 雞腿肉及雞翼的肉好嫩, 味道有點似加左粒粒芝麻的燒春雞, 雞胸肉那邊就咸左少少。古法山楂咕嚕肉, 其實炒得幾好, 食到甜酸汁包著炸脆的肉, 不會太酸不會太甜適中, 剛好。干扁四季豆, 四季豆煮得太淋身, 一咬即爛咁,  不似平時食到的爽口脆身口感, 扣左分, 但汁係惹味的。富貴炒飯炒得好好食, 食到飯粒炒到一粒粒好乾身, 每啖夾有大大粒的蝦粒,帶子粒和鮑魚粒, 都幾鮮味~總結, 全晚侍應都好盡責, 見茶壺無水就自動自覺加水, 服務都唔錯。飽受折磨和企鵝雞是比較創新的菜名和菜式, 味道就普通。雖然對碟干扁四季豆有點失望, 但係古法山楂咕嚕肉和富貴炒飯都做得很不錯。…查看更多

一班朋友晚飯聚舊，還是喜歡吃中菜多一點，因為感覺熱鬧有氣氛，不過，不想光顧連鎖中菜館，又不想吃得太老套，這樣，其中一位朋友就提議到尖沙咀The One的「大力棒棒摩登中菜」，說著有好些既新派又有特色的中菜。初時，致電訂位時說有時限規定，不過，當晚人客約八乘滿，時限規定便沒有真正執行了。而鋪外張貼了很多雜誌專訪，看見菜式也很吸引呢！由門面至室內，設計也十分玩味有趣，有份中西融和的味道，燈具的搭配也很有特色，牆上還有很多趣味中國畫呢！由於朋友已到過一次，故此點菜重任就交在她手中，我們等著吃便是了。茶錢收$12一位，有點不便宜，但以玻璃壺上桌，還以小蠟燭保溫，感覺又有少少高檔一點。很快上枱是一些餐前小食，朋友說有兩道是她的心水必食推介，好厲害耶，感覺她說得有點誇張。第一道是飽受折磨（$42），名字怪怪，其實是炸金菇，最大賣點金菇是一條條來炸得，像是加了淮鹽，甘香惹味，令人食不停手。另一道是七味脆西施（$42），看似平平無奇啊，但估不到入口內裡是如斯嫩滑的豆腐，以七味粉作調味，真是鹹香有道理，而且，外交薄薄脆脆，怪不得是朋友的心水推介。吃太多炸物不是太好，所以，再來的是雞絲粉皮（$48），雞絲份量挺多，放得滿滿，而麻醬很香濃，粉皮也薄又滑，只是稍嫌個麻醬「杰」了一點點 。咱們廣東人還是很愛喝湯，是晚店家推介的哈蜜瓜燉老雞（$268），雖說是四人份，可不止只滔四碗呢。燉湯喝來十分清甜，淡淡雞香，有份滋潤的感覺。整晚賣相最別緻的要數這道士多啤梨蝦球酥盒（$88），是中西合壁的做法，酥盒十分酥脆，蝦球又大又鮮爽，士多啤梨醬也調得很好，酸甜開胃:)，唯一要挑剔是酥盒夾起來很容易「解體」。除了菜式特別，器皿也似乎花過點心思，好像花膠杞子浸菜苗（$108），以高身大碗盛載，較平碟型格。花膠大大件的放在菜苗上，好有瞄頭，而且花膠既滋補又有營養，菜苗頗幼嫩，湯底亦不俗。最後少不免來一客富貴炒飯（$138）讓大家飽肚而點，何解稱為「富貴」，因為用上鮑魚粒、帶子粒、蝦仁、蟹子……等等貴價海鮮料:)，不過，重點是飯粒炒得爽口少油，用料不賴，又很有「鑊氣」，實在很美味。原來店家每晚會預備一款超值糖水，才$10又怎會不超值呢。紅棗桂圓糖水，秋冬吃實在一流，滋潤少甜，令大家也滿足地離去。多謝朋友的推介，讓我們有一個愉快的聚餐，品嚐了如此特別的摩登中菜！…查看更多

大力棒棒的名字很有趣，摩登的名字，菜式又會有幾摩登？星期天12時半，跟人頭湧湧的dazzling cafe比，一樣位於the one的大力棒棒，完全是另一番景象，近乎是空的⋯⋯裝修都幾特別，中式之中帶點玩味。可以叫lunch set，選一個菜，配飯和湯，好似茶餐廳，還是散叫，試些特別的菜式。名字和賣相都不錯，但味道卻是另一回事，肉又嚡又冇味。很特別，把金菇分成一絲絲再炸，很花功夫。炸得香脆，帶有椒鹽和菇味，幾好食。南瓜芝士都可以，要是南瓜味更突出會更好。用料充足，有不少青口，蝦，帶子等海鮮。跟蒜蓉包是不錯的配搭。蒜蓉味香，但法包不脆，還未加南瓜汁已經是腍的。又是摩登的賣相，而且排骨配柚子蜜都是第一次見。除了柚子蜜，還加了泰式辣醬，味道幾好，但偏甜。排骨的骨很多，食醬多過食肉。炒飯不過不失，飯粒乾身，軟硬適中，味道比較淡。炒桂花，很重的蛋味。看到圖片以為是涼拌茄子，原來是熱的。茄子的中間很實，可以煮耐一點。汁的醋味過重，太酸。份量比較少，最後加了個米線，更加留個壞印象。米線偏硬，蕃茄湯的味道怪怪的，沒有預期中的鮮茄味。令人失望的一餐。菜式確實有創意，在傳統中菜上加點新意，既吸引又有新鮮感，而且賣相都不錯。環境舒適，服務都不錯，又主動又友善有禮。直至把食物放入口中，才發現只有外在，內在欠奉。幾欣賞不同個menu，味道可以改善一下都值得再黎。…查看更多

每年幫姨仔、舅仔慶祝生日，最大好處喺可以一餐過搞掂，因為佢哋生日只喺相差一星期，不過，諗去邊度食就最煩，皆因舅仔較為嘴刁，佢又鍾意食中菜多過西餐，傳統酒樓有啲了無新意。早前曾到訪過「大力棒棒」，試過其中一些特色摩登中菜，所以，今回就鐵定帶舅仔嚟一試有幾摩登法？今次再嚟，發覺店家換咗啲紅色、黃色嘅竹椅，感覺輕盈得多，至於其他方面，則無乜點變，室內環境依樣大玩中國色彩元素，如竹簾、油紙遮形吊燈、幽默畫作 :) 。由於已食過一次，所以對餐廳菜式有一定認知，故此，揀嚟幾款上次食過嘅心水之外，再加少少估計較合舅仔口味嘅菜式。由於我哋都喺一行只得5人，所以，菜式就唔點太多，況且，事後仲有分子雪糕做甜品。 煙鴨胸 $10猶如中菜館嘅酸菜、花生，以兩個人一客計，其實，既然喺走在摩登線上，不妨考慮取消依個中菜傳統嘅習慣，或者可以大方啲送俾客食。 自家製洛神花茶 $18 / 杯，$32 / 壺 :) :) 店中有自家製薏米水及洛神花茶，覺得後者好飲啲，所以，都點一壺俾屋企人試吓。酸酸甜甜嘅洛神花茶，餐前飲的確有種叫人開胃嘅感覺 。 雞絲粉皮 $488款涼拌小食中，揀咗涼爽嘅雞絲粉皮。粉皮綿薄，配合埋青瓜絲、雞絲，芝麻醬亦好夠濃香，只喺稍稍覺得可以做番稀少少，口感無咁漿。 飽受折磨 $42 :) :) :) 足見大部分金菇條條分明，如果入過廚你就知將啲金菇拆條喺幾花時間嘅一件事。金菇逐條拆散，上粉炸，混和七味粉及淮鹽，條條分明，金香酥脆，鹹鹹香香，送酒嘅推介脆口小食 。 杏汁白肺湯 $268 :) :) :) 人少少要個4人份，話雖如此，已好夠我哋5個人飲，仲有得添飲，當然湯渣照樣上晒碟，以表真材實料，而豬肺食落完全無羶臭味，可見啤水洗豬肺無hea做。而個燉湯入口非常滋潤，清甜芳香，清澤潤肺，杏香淡雅 。 濃汁咖喱皇子雞盒 $148 :) :) 招版雞鍋有多款選擇，有標準及大嘅份量，就以依個濃汁咖喱皇子石鍋雞，標準賣$118，大則賣$228，如想改多士盒，另加$30。個咖喱幾香濃，但做法偏似日式，帶甜味，而雞肉好滑溜。至於個多士盒揀蒜蓉牛油味，包身脆脆哋，切開一件件再沾埋咖喱汁食，寧捨好味。 鮑魚雞粒豆腐煲 $98 :) :) :) 熱辣辣嘅石鍋逼令成道菜香噴噴，粒粒鮑魚無花無假，煙韌具嚼勁，雞粒鮮味嫩滑，而豆腐誇張少少講更可以用超滑形容，個醬汁稠密濃香而惹味，撈飯之選 。 鮑魚酥盒 $340 :) :) 店中有唔少被列為「鎮店小菜王」嘅菜式，慶生飯點都加一、兩道貴氣少少嘅菜式賀一賀佢哋，依道本應一客4件酥盒，就加夠5件人人有份。單睇賣相真喺幾夠霸氣，不過，要霸氣就需要付出多少少金錢，但計落平均一隻$70又OK喎 。酥盒極富牛油香，咬落十分酥脆，而鮑魚炆煮得濃郁滋味，有咬口，不過，鮑心位有少少韌 :( ，美中不足之處。 瑤桂炒龍芽 $88 :) 時蔬類亦有超過10款，臨尾就嚟多一道較清淡少少嘅時蔬類，龍芽就即喺銀芽，加埋粉絲、瑤桂絲、蔥粒、蛋花清炒，味道穩打穩紮，口感紛陳，當然又唔會有咩太大驚喜啦。食罷咁多道菜式，家人都好滿意，小弟亦總算有得交差，跟住，一齊去附近嘅Lab Made食分子雪糕！…查看更多

前陣了跟好友約了收工到這邊試試看店子就在尖沙咀The One商場的三樓店面很搶眼！我很喜歡這風格.座位也很舒適燈具的搭配也挺好的menu~~這裡有提供特色飲品，有自家製薏米水，荔枝紅茶，柚子蜜等等還有幾款中國茶，我點了茉莉花茶(無限添飲)晾衫白肉$78首先是一道冷盤，賣相已經非常吸睛了白肉跟青瓜本身味道較清淡不過沾上店家特製麻辣辣椒醬，就真的超好吃這醬不會太辣，真想來碗乾拌面來配這個醬呢!!大蝦球鍋貼 ($48)蝦肉彈牙，炸得很香脆，食起來不會太油膩士多啤梨蝦球酥盒 ($88)酸酸甜甜的很開胃，配上酥皮但我覺得這款用來作甜品會比較好哈蜜瓜燉老雞 (4人份) $268第一次喝到用蜜瓜燉的湯，喝起來非常清甜！真有消暑的感覺呢，湯用上老雞所燉，而且火喉夠喝起來不會很油，蠻輕盈的，我蠻喜歡富貴炒飯 $138裡面有蝦、帶子，更有鮑魚呢，真的有很富貴感覺=]而且飯也炒得夠乾身，很香，粒粒分明，這個很不錯呢飽受折磨 $42其實它們就是炸金菇來著，要先把金菇撕開成一條條，每條再沾上炸漿配上少許椒鹽，吃超來非常香脆可口這個很快就給清盤了，哈哈花膠杞子浸菜苗 $108裡面有大大塊的花膠，有營養價值又滋補這湯頭也非常好喝呢，不過老實說這款真的不便宜呢整體來說，這裡的菜式都相當不錯，不過菜的份量真的是少了點！…查看更多

以往小妹一路都喜歡西餐多過中餐，但近年可能多試了不同的中菜式，發現原來中菜都可以好吸引，最近還發現了一間新的店大玩新派中菜，當然要去一試!.店子位於尖沙咀The One商場的三樓，相當易搵。牆上貼了不少名人光顧的合照。還有這個「來自星期一的你」的晚市優惠，每逢星期一晚市更可享全單88折，話說每到星期一便很Monday Blue，不想上班、不想工作，真的很有共鳴感呢!.說回店子環境，店子的設計也很有新派感，融合了西方和中國的設計味道，掛上了不同設計的吊燈、配上紅色/黃色的椅子，感覺很有活力，很喜歡呢。.餐牌上圖文並茂，相當清晰，想吃什麼都一目了然。有涼拌小食、脆口小食、小菜、炒粉麵飯、大力雞盒及雞煲、中式點心和糖水等，花多眼亂，圖片上都好似好美味，好難選擇啊!.看著餐牌，還是先先點些飲品吧。這裡有提供數款中國茶，小妹點了普洱 $12 (無限添飲)，是以一壺壺上桌，更用上小蠟燭讓它保持熱度，很貼心。也有些特色飲品，像自家製薏米水和荔枝紅茶，還可點紅酒白酒呢。.二人小食 $15這裡每兩位便會提供小食一份，每份$15，而今天提供的係芝麻鴨胸，已去除脂肪位，食得更方便。.哈蜜瓜燉老雞 (4人份) $268一行四人，我們點了這個燉湯，這裡的燉湯每日以六小時來燉製，全無味精。本來會覺得以哈蜜瓜來做燉湯會否有點怪? 但也忍不住想試試。想不到這湯入口清甜，滲出微微的蜜瓜香，感覺很消暑呢。這湯雖然以老雞所燉，但不覺得很油，感覺輕盈，而且內裡的湯料很足，不錯啊。.晾衫白肉 $78一看到餐牌便嚷住要點這個嚕。以「晾衫」作菜名很特別呢，這道菜就是把白肉和青瓜切得薄薄的「晾」在一個木架上，是否很像在晾衫呢? (笑) 白肉本身味道較清淡，所以把它再沾上些自家製的辣汁，很惹味啊! 友人超喜歡這醬料!.雞絲粉皮 $48雞絲分量挺多，但花生醬質感濃稠了點，而且粉皮的質感不夠滑和薄，味道一般。.飽受折磨 $42這道菜名很特別，光看菜名根本不知是什麼呢?! 其實他是「炸金菇」。其實這道菜式的工序滿繁複的，要先把一梳梳的金菇撕開成一條條 (難怪叫飽受折磨) ，每條要再沾上炸漿很炸。炸金菇的表面上灑了一些黑椒，每條食落很脆口超惹味的說，忍不住快掃光整碟了!!.七味脆西施 $48這道外脆內軟的炸豆腐，面層灑了些七味粉，內裡的豆腐超滑溜，按奈不住一口接一口。.大蝦球鍋貼 $88再來又是炸物啊，看上去很似蝦多士呢，但底下的其實是炸多士，面層放上蝦球肉，熱辣辣的咬下去很脆身，最重要係唔油，每啖都咬到蝦肉，沒有不好吃的理由。.士多啤梨蝦球酥盒 $88一碟五件蝦球酥盒配上西蘭花，感覺是新派菜式；酥皮盒內裝了士多啤梨汁連原隻蝦球，酥皮咬落尚算脆身，蝦球爽口彈牙，而士多啤梨汁酸酸咪咪的很開胃，感覺特別。.花膠杞子浸菜苗 $108這道菜苗確實不便宜，因內裡有杞子又有有大大塊的花膠呢，很有營養價值又滋補，菜苗食落幼嫩，連不太喜歡在外面吃菜的小妹都吃了不少。.富貴炒飯 $138這炒飯的名稱真係沒有改錯，內裡除了有蟹子、蛋白外，更有鮑魚、帶子和蝦等，認真富貴；而且飯也炒得夠乾身，粒粒分明，認真富貴。.壽包半打 $48原來這裡也有壽包供應的，飯後黎多半打當飯後甜品都唔錯，但壽包不是自家製，不要抱有期望呢。.是日糖水-酒釀丸子 $10店子每晚都會提供是日糖水，而且每忠/碗都係$10，我們叫了一碗來試試，雖然只係十元，望落都相當足料呢。整體來說，這間大力棒棒的菜式都相當不錯，價錢屬中價位，一些小食/炸物類的價位都在約$4X~5X，不貴。至喜歡飽受折磨、大蝦球鍋貼和富貴炒飯呢~不過最想試的芝麻雞就仲未升到，真係好想試下，因為見鄰桌一見到隻帶左帽既芝麻價超興奮，又真係幾特別!! 來這裡吃晚飯是一個不錯的選擇啊 …查看更多

依家做中菜真喺越嚟越唔易，懷舊嘅未必好多人識欣賞，香港人又喜歡貪新鮮。最近，嚟到尖沙咀The ONE嘅「大力棒棒摩登中菜」一試新派中菜，據介紹菜式揉合上海菜、台灣菜、四川菜、粵菜等等，不拘一格，又套上一啲甚具玩味嘅菜名，希望將中菜變得「摩登」有型 。店面以泥水牆、紅灰對襯，古屋大宅模樣得嚟帶點酷。不過，室內環境則偏向西化，但又加入少少富中國色彩元素嘅裝飾，如竹簾、油紙遮形吊燈、幽默嘅畫作，多添一份藝術氣氛。而入門後右邊最遠處，有一間10-12人嘅廂房，以傳統中藥店嘅百子櫃為設計概念，最低消費都只喺$2,000，門檻唔高，勝在一班人坐埋唔使受人騷擾。餐廳除提供一般散叫菜式，亦有度身訂做嘅私房菜，所以，一班人晌廂房嘆私房菜，就最好不過。既然叫得摩登中菜，就唔可以得中國茶咁守舊，當然普洱、菊花、茉莉花（香片）唔少得，更有多款花茶、果汁紅茶 。 自家製薏米水 $18 / 杯，$32 / 壺 自家製洛神花茶 $18 / 杯，$32 / 壺 :) :) 首推梗喺兩款自家製出品：薏米水及洛神花茶，兩款都有試過，個人覺得前者較淡味，後者酸酸甜甜，餐前飲更感開胃，後飯飲又有種更去油膩嘅感覺。 杏汁白肺湯 :) :) :) 不晌餐牌之內，需預訂，喺店內私房菜嘅主打湯水。好此湯者大有人在，因為夠滋補，但一般極少數人會晌家中製作，原因在於個煩字。據介紹，師傅為豬肺要啤足水，南北杏又要磨汁，加入清雞湯、白菜先有药效，兼要燉6小時，樣樣都喺心機同功夫 。奶白嘅湯水，入口清甜芳香，清澤潤肺，杏香隨隨滲出，好滋潤嘅一道燉湯 :) 。為顯真材實料，一整碟湯渣附湯「附送」，大大件豬肺食落完全無羶臭味。飲完碗靚湯過後，都喺起筷嘅時候。餐廳菜式分為：涼拌小食、脆口小食、招牌雞煲、鎮店小菜王、時蔬、各式飯麵、中式小點心、甜品糖水等類別，加加埋埋超過80多款。好，起筷！等小弟慢慢分享今晚美食。打頭陣喺涼拌小食，全部共有8款。 晾衫白肉 $78 :) :) 依道涼拌小食好睇又好食，將青瓜片及腩肉片，一塊疊一塊好似晾衫咁放晌小竹架，似喺蒜泥白肉嘅變奏。青瓜及腩片都切得非常薄，刀工十足，佐以秘製麻辣醬同食，清爽中爆發一朕惹味，花椒下得唔多，發麻嘅效果啱我程度 。 芥末小青瓜 $42 :) 最後一道涼拌小食喺簡簡單單嘅芥末小青瓜，裝飾嘅喺無味嘅日本海藻，喺健康嘢。青瓜切粒，混入原條日本山葵所磨成嘅芥辣，青瓜爽脆，芥辣微微。再嚟喺脆口小食，我哋一次過試晒4款。 大蝦球鍋貼 $48 :) :) 先上場喺大蝦球鍋貼，或者有人叫佢做蝦多士，不過，就唔喺用蝦膠做，而改用原隻鮮蝦。多士炸至金黃，入口香脆不油，鮮蝦肉鮮甜彈牙 :) ，確實有少少意外驚喜。 飽受折磨 $42 :) :) 百思不得其解嘅菜名，做法喺將金菇逐條拆散，上粉炸，混和七味粉及淮鹽，所謂「折磨」，店主解釋喺折磨緊師傅，要佢將金菇拆散花功夫。炸金菇真喺條條分明，酥香可口，鹹鹹香香，又一送酒好推介 。 七味脆西施 $42 :) :) :) 正當大家都估估吓「西施」喺乜嘅時候，一咬就知。一口一粒嘅酥炸豆腐，老套一句，外脆內嫩，仲要嫩滑無比 ，調味跟飽受折磨一樣加入七味粉同淮鹽。 皇宮大茄子 $42茄子切成圓柱形，一件疊一件，淋上鐵板燒醬汁及加上木魚碎，有啲和風嘅影子。茄子煎得香軟，醬汁濃香，但較杰身，原來喺免瀉開好睇啲。不過，若以茄子嘅質感，放晌「脆口小食」一類則有點名不符實咯！依家周街都有好多食店賣雞煲，大力棒棒都湊熱鬧，以雞煲為本，再搞點心思創作一系列「招牌雞煲」新菜式。招牌雞煲有多款味道選擇，如秘製麻辣皇帝石窩雞、陳年花彫醉石窩雞、濃汁咖喱皇子石窩雞……等等，另加$30雞煲就可改為多士盒，仲可揀原味、牛油或蒜蓉牛油味。 糖醋雞盒 $148 :) :) :) 糖醋雞煲加台式多士盒所組成，鮮雞件以糖醋炒香，放入多士盒，雞件酸香開胃，多士盒包身脆，蘸糖醋汁食亦唔錯。再落嚟幾款鎮店小菜王，有幾鎮店？即刻去片。 外婆紅燒肉 $88 :) :) 類似東坡肉嘅一道菜式，店主話個腩肉喺以鹵水、雞汁、蠔油、少少鮑汁所熬成，怪不得味道份外濃郁；雖側望有一陣肥膏，但絕對無油膩之感，入口即溶，真喺有啲似食花膠嘅感覺；而切開能見一絲絲嘅肉質，咬落鬆化而不鬆散 。 士多啤梨酸甜骨 $108 :) :) 雖然唔喺咩創新菜式，但做得不俗，功夫紮實。排骨粉漿薄，唔會食落成舊粉，而個茨汁甜而不膩，微微哋酸，帶鮮香士多啤梨味，原來個汁醬喺用上新鮮士多啤梨打嘅 。 富二代 $78 :) :) 因為個名改得鬼馬，所以就好想試試喺點。原盅位上，以腐皮包住鮑魚、帶子、蝦仁、瓜菜粒，注入魚湯所做成嘅「福袋」，取其腐皮、福袋諧音。用料不賴，新鮮量足，所以，入口清新鮮甜，鮑魚有咬口，帶子又柔嫩，蝦仁夠爽口，咪唔記得飲清晒啲魚湯 。 中式蒜蓉包 $38 :) 蒜蓉包相信好多人食過，咁又何謂「中式」？麵包睇落似法包，其實喺一種類似豬仔包嘅硬包，塗上牛油清、蒜蓉，撒上葱花。眼前依碟喺兩份嚟，淨食都OK :) ，幾香蒜蓉及葱味，當然，主要其實想配下面個南瓜芝士海皇煲。 南瓜芝士海皇煲 $98海皇煲以韓式石鍋盛載，保持持久熱辣，因為個南瓜芝士汁一攤涼好易凝埋一舊。雖然個汁嘅南瓜及芝士味唔算好強，而且個人覺得杰身咗，但勝在料多，有青口、蝦仁、帶子粒……等等，配上述嘅蒜蓉包效果最理想。 鮑魚雞粒豆腐煲 $98 :) :) :) 再一個石鍋菜式，依個好值得推介，撈飯一流 。原來用上新鮮雞，挺鮮味，豆腐又超滑，醬汁濃郁惹味，唔加鮑魚都夠晒煞食，不過加埋鮑魚個菜就高檔多啲。食埋咁多熱氣嘢，又多肉，喺時候嚟啲時蔬平衡一下。蔬菜類菜式有十多款，濃淡皆有。 花膠杞子浸白菜苗 $108 :) :) 跟「富二代」同樣加入魚湯，但明顯依個仲香濃鮮甜。白菜苗翠綠鮮嫩，然而，大大件嘅花膠絕對喺成道菜亮點，更喺女士恩物，而花膠煮得腍滑，有咬口，正 。 啫啫石窩四季豆 $68 :) :) 原名應叫啫啫石窩靚菜，靚菜可揀西蘭花、芥蘭、生菜及四季豆。個菜有啲似乾煸四季豆，四季豆、肉碎、蝦米以蝦醬爆炒，送到嚟唔止滋滋作響，仲香氣四溢 。難得四季豆仲帶有少少爽口感，味道整之惹味芳香。 芝麻企鵝雞 $380 :) :) 店方推介兼新創菜式，企鵝雞擺明喺指個擺設形態，一上枱已被議論紛紛，覺得隻雞好搞嘢。依個菜需要提早預定，因為又喺工序繁複，既要風乾一日以上，又要好似慢煮咁搵溫油浸，再扯油，加上用兩斤十嘅新鮮雞，所以$380都算得上抵食。最有趣喺等相機食完之後，會拎入廚房由師傅手撕，務求令人食到皮脆肉滑嘅雞件，加上外皮沾滿白芝麻，寧捨芳香。雞下墊有翡翠苗及麵包條，夾埋當件小三文治喺個幾有趣嘅食法 。今晚菜式實在太豐富，所以，要留肚食糖水，飯麵就免問嘞。而糖水絕唔喺紅綠沙普通嘢，而喺杏汁燉官燕、紅蓮清燉雪蛤膏、燕窩蛋白杏仁茶……等等，喺咪好吸引呢。 手磨杏汁蛋白 $38 :) :) 色澤非常雪白，好香杏仁味，質感幾滑，加上好多蛋白，味道幾清甜，感覺滋潤。除咗有做私房菜，閒日嘅午餐都有以晚市嘅菜式為主，例如鮑魚雞粒豆腐煲、外婆紅燒肉，甚有睇頭，小菜客飯都喺$48-$88，包老火湯或餐飲，免加一。仲唔只，以及方便商場內嘅銷售員，更推出輕便茶餐。此外，「來自星期一的你」優惠，為打工仔打打氣，晚市可享全單88折。有興趣去一試嘅朋友就不妨擇個「好日」過去喇 。試過主餐牌多項菜式，大部份都做得有水準，個別菜式做得有心思又帶嚟驚喜，再者，以尖沙咀區而言，定價相當合理。有機會真喺約齊腳嚟試試佢哋嘅私房菜水準，又會唔會帶嚟無限摩登驚喜！真喺多謝食友之邀，讓小弟掹衫尾盡嚐多款味美嘅摩登中菜。…查看更多

五月二十日 (星期二)這陣子常出沒尖沙咀The One，不久前才先吃過重裝後的明珠閣新推出的餐目這夜，又來到大力棒棒摩登中菜聽名字，還記得這店前身是以雞煲作主打，搬到The One後，再不局限，轉做更廣的中菜意想不到，餐廳不算大，卻有一個可容納十二人的私人房原來，除了餐牌上的菜式，餐廳還供應私房菜，為客人度身訂造菜單 是晚沒有預訂，便在餐牌上找吃先來幾道前菜頭盤，煙薰鴨胸帶有點點煙薰香味，鴨胸肉沒半點嚡口，入口香嫩大蝦球鍋貼每次見到也令人不能抗拒，底的麵包炸得金黃，入口香脆蝦身大大隻的，也是爽口鮮甜蘸上沙律醬吃，可去一點膩感芥末小青瓜爽口的青瓜切粒，更能吸收芥末清甜中帶着辣勁，是醒胃前菜，可多吃七味脆西施西施即是豆腐喇面層炸得香脆，灑上七味粉，更覺惹味難得豆腐內仍是相當嫩滑，帶着黃豆香，味道層次豐富在澳門酒店吃過此道晾衫白肉，不太滿意反而，這餐廳做的卻令人意想不到的好白烚的豬肉片伴以薄片青瓜齊發，蘸上辣油醬料同吃是青瓜的清新伴着辣醬的刺激，只稍稍欠了肉香麻辣肚絲切絲的豬肚，爽口彈牙辣勁十足，不是辣魔的我倆真有點招駕不來喔這道飽受折磨，聽了名，真的不想點哈，說穿了，原來是炸金菇絲看似簡單，其實是挺考功夫之作，才可將金菇絲炸得每條分明炸漿也做得夠薄身，入口香脆，值得推薦給大家吃過前菜，先來一客胡椒豬肚雞腳湯進補一下湯頭經過七至八個小時的煲煮，份外入味胡椒用的份量也下得準，味不過重，好味得，一喝便是兩大碗湯渣也是不可錯過，肥美雞腳,爽口豬肚，蘸上一點豉油，又是另一道美食外婆紅燒肉外婆加入滷水汁和鮑魚汁等烹調，經過長時間的製作，這紅燒肉實在入味非常豬皮鬆軟無比，入口即化，豬肉也是幼嫩如絲肉味香濃，也十分入味，是水準挺高的紅燒肉南瓜芝士海皇煲配中式蒜蓉包南瓜味不算濃郁，反而是海鮮作主導那濃稠湯汁也不會浪費，送上中式的蒜蓉包，盡吸湯汁，美味非常食友說得對，若配烏冬，相信效果會更加好!!!鮑魚雞粒豆腐煲菜名已道出所用食料送上枱，煲直冒煙，火嘖嘖熱辣辣的香滑的豆腐配以切粒的鮑魚和雞粒，滿載鮮香這個時候，最後點一碗白飯!近排常吃雞，不過這款是造型特別的芝麻企鵝雞先用温油浸四至五個小時，臨上枱前再用滾油去拉，令雞皮份外脆身雞皮入口是預期的香脆，肉質嫩滑又滿載油香還有粒粒白芝麻，味道更惹味香口鮮士多啤梨酸甜骨用上脢頭肉，炸漿做得挺薄身，口感香脆既富肉香又帶清新的士多啤梨氣味，十分怡人最後來一客蛋白杏仁茶作結杏味不算重，味道香甜，也是一客不俗的飯後甜品~埋單計，三百也不用，真的嚇了一跳看來，又要組團來一個私房菜飯局!!!…查看更多

中菜好似是老一輩必選的菜式, 而我地這班青年人多數都會選擇西菜、日菜、台菜或現時大熱的韓菜, 中菜.....排都最後的選擇, 是要扮乖乖女才會選的!! 今次有朋友請食飯, 話去食摩登中菜, 當然不理什麼菜, 有人請都一定應邀出席, 加上很好奇摩登中菜有什麼特別之處, 看看適不適合我家中兩者老人家。站在門如仿如身處古代大宅一樣, 不是摩登嗎? 為何設計上比懷舊更古舊? 外牆以灰泥磚搭建而成, 中間有三個以不同大小的方形合成窗子, "屋"頂是以桃紅色的瓦片搭成, 店內以深黑色的沙發椅為主, 但轉向另一邊郤見擺放了棗紅色的歐陸式長椅背沙發椅。一邊是古代中式, 另一邊是歐陸式, 設計上出位獨特, 對比強烈, 究竟這裡的菜式又會否出位獨特? 滿有期待......一坐下先看看菜單, 菜單都有兩款, 想回到古代便看看《大力秘笈》, 想返回現現代便選擇《大力棒棒》。都是《大力棒棒》菜簿較適合本人, 皆因圖文並茂, 容易細閱。食物1) 芥末小青瓜 ($42)先來一碟開胃菜, 在炎熱天氣下送上冰涼爽脆的小青瓜, 實在太適合。最用心之處是師父並非以即用的山葵醬(wasabi)拌小青瓜, 而是手磨一支支新鮮的山葵, 味道明顯更清鮮, 多一份山葵茸的口感。清甜爽脆的小青瓜拌上微微辛辣的山葵, 加倍滋味!2) 麻辣肚絲 ($42)用了秘製麻辣醬製作, 絲絲的木耳爽口入味; 豬肚絲帶點煙韌, 很有咬口。入口時只感微辣, 細味後才知它的殺傷力, 幸好只是把口腔麻痺一會, 但已感到刺激過癮。3) 晾衫白肉 ($78)以竹架把一片一片薄薄的白肉和青瓜掛起, 難怪取名“晾衫”, 真的名副其實, 把平凡的菜式變得具有創意, 令人留下心刻的印象, 讚! 白肉為後腿肉, 經過烚製後雖見肉中夾雜肥膏, 但入口一點都不肥膩, 反而腍滑, 以清甜爽口的青瓜一起捲着另一款秘製麻辣醬, 一口同食非常美味! 4) 杏汁豬肺湯每次喝此湯都會不期然想起爸爸, 是童年時的情意結。它是爸爸拿手湯品, 小時候站在廚房門口靜靜看着汗流浹背的爸爸用盡九牛二虎之力不停為巨大的豬肺“啤”水清洗, 豬肺由灰紅色變成潔白色, 而他的衣服則由白色變成透明……每啖清甜的湯水, 除了滋潤身心, 亦啖啖甜在心, 但隨着爸爸年紀老邁, 此湯已只成緬懷之作。老實說, 在任何食肆也不能喝到此味道, 但都希望喝到有質素之作, 然後帶爸爸一試。一大盅奶白色的杏汁豬肺白菜湯, 香氣隨着熱煙四處飄散, 稍稍舀起湯料, 眼見有不少豬肺、白菜和豬肉, 果然真材實料。豬肺是由食店親自清洗, 用了南北杏、白菜及豬肉加入雞湯一起燉六小時, 火喉十足, 滿有杏仁香。豬滑燉至軟滑, 一點羶味也沒有, 而白菜則入口腍嫩。此燉湯味道濃郁, 絶無味精, 唯一與家中的佳作用料作比較是欠了菜乾。5) 皇宮大茄子 ($42)件件圓柱體的茄子疊成一個皇宮塔, 頂層灑了一些木魚片, 添加動感。以糖醋醬汁烹調, 茄子軟腍, 酸酸甜甜, 令人易於入口。6) 大蝦球鍋貼 ($48)件件炸至金黃色, 猶如黃金磚一般, 令人馬上眼前一亮。用了原隻鮮蝦, 新鮮彈牙。最怕一些蝦多士令人吃得滿口油, 但這裏炸得乾身香脆, 香脆得啖啖卜卜聲, 一點也不感油膩, 吃多兩三件都沒有罪疚感, 再來吧!7) 七味脆西施 ($42)西施豆腐, 又白又滑, 果然每咬開一粒都白雪雪, 滑嘟嘟。外脆內嫩, 滿有豆香, 以外層七味粉輕輕調味, 剛好沒有蓋過豆腐的豆香, 一啖一口, 令人停不了口!8) 飽受折磨 ($42)吓! 為何品嚐美食都會飽受折磨呢? 難道此菜味道極之可怕? 非也!非也! 原來被折磨的人是大廚師父, 因製作此菜式非常考心思和耐性。一向吃的炸金菇多是一束束炸起上碟, 乾硬而難於咀嚼和消化, 正因如此, 師父決定將金菇逐一拆絲, 一絲一絲上粉慢炸, 再灑上七味粉和鹽粉等, 調味恰當, 條條脆口, 帶點菇香, 吃它並非折磨而是一種享受, 正!9) 外婆紅燒肉 ($88)別以為它是東坡肉, 它沒有東坡肉那麼多肥膏和肥膩。腍嫩的厚肉上有一層膠質豐富、入口即溶的豬皮。玻璃獻汁以滷水、雞汁、飽魚汁和蠔油製作, 緊緊扣住肉面, 輕輕切開, 肉香滿瀉, 醬汁亦隨隨滲入, 極至美味!10) 鮮士多啤梨酸甜骨 ($108)它是女士的首選菜式, 師父特選肉骨而非肉排, 令女士吃得容易, 不失儀態, 果然細心。以鮮士多啤梨打汁 再加入少許糖醬製作而成, 清新醒胃。肉骨炸至外脆, 而內肉相當腍嫩亦帶有肉汁, 件件肉骨都黏著士多啤梨汁, 酸咪咪, 令人胃口大開, 吃多件也不感飽滯。11) 鮑魚雞粒豆腐煲 ($98)由上枱至差不多吃完都保持着“吱吱”聲, 熱辣辣, 選用石鍋除了為此中菜添一份潮氣外, 亦可保持食物的温度, 是不錯之選。此菜式用料充足, 滿是既彈牙且鮮味十足的飽魚粒、入口滑溜的水豆腐粒及肉質嫩滑無比的雞粒, 用了飽汁和雞汁烹煮而成, 味道剛好, 最好來一碗白飯, 不是!不是! 應是兩碗才足夠, 用它來拌飯, 最住之選!12) 南瓜芝士海皇煲 ($98) 配中式蒜茸包($78, 2個)奶黃色的濃郁芝士汁, 質地豐厚杰身, 內裏有青口、彈牙的中蝦和爽口細帶子粒, 非常豐富, 但可惜其中一主角南瓜郤不見蹤影。南瓜已完完全全溶化當中, 其清甜的味道亦被香濃的芝士搶了風頭, 建議加入挺身的南瓜粒, 可讓食客吃到南瓜便更加美味! 始終都是中菜, 故師父不採用法包, 改用了一種比豬仔包質感較堅挺的包子, 塗上蒜蓉碎粒、牛油清和蔥花焗製, 金黃香脆, 充滿蒜香, 用它來拌芝士煲, 相當適合。13) 芝麻企鵝雞 (預訂$388)嘩嘩嘩! 真的要給十個 “嘩”聲, 竟然原隻雞站企在碟中, 還戴上紅帽子, 下層舖滿青綠的沙律菜和烤焗過的麵包條, 本是吸油之用, 但郤令我聯想出一幕芝麻肥雞在田園中跳鄭多燕的瘦身舞, 可愛得很!原隻芝麻雞上碟是讓食客自行以手撕方式進食, 肉質會更嫩滑。芝麻雞外層弄得乾脆, 滿有芝麻香, 而各部份的肉質均極至嫩滑且鮮味十足, 能烹調成這樣, 師父當然下了不少功夫。要先將雞吊起十二小時封乾, 接着以温油浸四十五分鐘, 再用油弄至熟, 故必須預訂才有得食, 推介!14) 富二代 ($78)齋聽其名就知有幾矜貴! 師父用一大塊腐皮自行製作福袋, 可放入更多饀料, 果然個個脹卜卜, 令人滿足! 福袋內藏原粒彈牙帶子、粒粒厚肉鮑魚、爽口蝦粒和翠綠菜粒, 其浸在魚湯中, 內至外都鮮味十足, 結果我連湯也不放過, 一滴不留, 正!15) 花膠杞子浸菜苗 ($108) 同樣用鮮魚湯為湯底, 因只浸製菜苗和花膠, 故魚湯味道比富二代的更清甜。別忘細細粒的杞子, 除了為此菜式加添色彩外, 其具明目功效, 味道亦很甜美。翠綠的白菜苗和芹菜, 新鮮清爽, 還有片片腍滑而富膠質的花膠合成一道滋補養顏的菜式, 最深得我心。16) 啫啫石鍋四季豆 ($98)同樣以石鍋盛載, 上枱先翻炒數下, 將自製蝦膏、蝦米碎和肉碎再次拌勻, 同時亦可避免鍋底焦燶。翻炒時, 濃烈的蝦膏醬料香味四散, 非常惹味! 四季豆炒至腍身, 易於入口, 但本人覺得略為偏鹹和油份重, 並非我之選!17) 秘製糖醋雞盒 ($148) 一大舊烘烤過的多士磚, 外脆內軟, 最特別是不同部份各有不同口感。多士頂最脆口; 沾了一點醬汁的多士圍邊半脆半腍, 而滲透醬汁的多士底則完全腍身入味。多士盒內放了糖醋雞件, 以青紅椒和洋蔥作配菜, 三者都很入味, 酸酸甜甜, 令人醒胃, 可惜雞肉稍為欠嫩滑。18) 手磨杏汁蛋白($38)揭開盅蓋杏香便湧入鼻子, 奶白色的手磨杏汁入口幼滑, 沒有一點杏仁渣, 配上滑嘟嘟的蛋白, 更加滋潤。整體甜度剛好, 若然能加多一些蛋白則更理想。19) 無花果雪花糖水 (+$10)原粒大無花果開半, 再加入爽口而滑身的雪耳及南北杏燉製而成, 味道清甜, 帶有微微的果酸, 用材全是滋潤養顏, 是女士們的恩物。它是是日糖水, 食客只需任何惠顧加十元便可品嚐, 真是抵食到難以相信。20) 薏米水 ($32)透白色的薏米水用了不少薏米製成, 入口甜美, 相信具有美白養顏之用, 但可惜加入了本人最不喜愛的白砂糖, 有點失望!小時候總覺得中菜的吸引力不大, 爸媽每星期帶我一次外出食飯, 必定要扭他們帶我去快餐店、西餐廳、日本店等等, 若到酒樓吃中菜, 我必定嬲足全餐。但人大了...... 漸漸懂得欣賞中菜的魅力, 而今次的新派中菜更給我很大的驚喜, 款款菜式各具特色, 再加上以新穎的擺設, 令人眼前一亮。是時候要做乖乖女, 新派中菜既可合乎兩位老人家的心水, 亦可給他們驚喜, 最重要是可讓爸爸喝碗火喉十足的杏汁豬肺湯, 希望他們喜歡, 再次感謝朋友的好介紹。…查看更多