明記潮館 (砵蘭180+商場)

爹哋鍾意食潮州菜，特登揀咗呢間慶祝父親節位置比較難搵，上到去裝修幾特別除咗潮州菜式，都有好多其他小菜，唔驚唔啱食▶️ 滷水鵝片 ($188)鵝片好薄身，肉質鮮嫩🪿滷得入味底部係嫩滑嘅豆腐，仲有花生粒▶️ 韮菜豬紅 (+$8)叫夠$300可加錢換購，份量足一嚿嚿四方磚形狀嘅豬紅，口感似啫喱，滑捋捋好得意▶️ 椒鹽鮮魷 ($148）好大碟！勁多椒鹽粉，夠晒惹味入口香脆，炸粉好薄而且乾身魷魚煙韌大條🦑▶️ 薑蔥霸王雞- 半隻 ($138)雞肉雖然係蒸🐔但唔會太乾好有肉地，唔淨止得骨雞肉調味幾好👍🏻又唔會太油▶️ 蜜椒一口牛柳粒 ($160)賣相似模似樣牛柳粒食落好腍唔韌，中間粉粉地色醬汁甜甜地薯仔都覺得唔錯🥔外層焦香，唔係爛蓉蓉▶️ 金銀蛋娃娃菜 ($108)個菜就細咗少少，不過好足料，上面勁多鹹蛋鹹蛋白撈飯好正😋娃娃菜清脆且索湯▶️潮式蠔仔餅($118)經典潮州菜式，間間製法唔同呢個冇咩麵粉，大部份蠔表面鋪滿金黃色脆脆，香口▶️ 蜜餞欖角焗肉排 ($118)每件大大嚿，都算有肉▶️ 得意熊仔冰凍檸茶 ($42+8)每張枱都會見到，打卡嘢🤣係幾壯觀嘅，成1L咁多熊仔冰可愛🐻味道就同一般檸茶一樣，略嫌味道被冰溝淡一杯可以兩人份▶️ 白飯x4 ($16/碗)-食物味道唔錯😌味道到位又幾有鑊氣份量夠足而且多肉不過服務有待改善，落單姐姐好唔耐煩，又落錯晒⋯⋯然而上菜幾快手嘅環境比較嘈，酒樓格局性價比唔錯，大概$200/人如果你想打冷，可以考慮呢間…查看更多

🐻男人飯局當然首選打冷，明記在旺角開業十餘年，有口碑食物質素穩定，成為我們今次聚餐的地方。🐻一坐下來就先來一塔朝日啤酒，配上韮菜豬紅跟鹵水拼盤，兩道下酒菜配合下，一杯接一杯，一塔朝日就沒了，第二塔很快就到。🐻朋友陸續到達，開始全力開吃，一道辣酒煮花螺香辣惹味，螺肉鮮甜。再來蠔仔孖寶，蠔仔餅酥脆香口，蠔仔粥蠔肉飽滿，惹味十足。🐻燒汁脆牛腩外脆內軟，牛味十足。黃金蝦滿滿的蛋黃，配上彈牙的蝦肉真是一絕，奈何一碟數量較少，過不了口癮。🐻接著鹵水鵝片，鹵水味濃而不咸，啖啖鵝肉。鹵水豬手又是一道下酒良品，一口豬手一口啤酒，啤酒好像永遠都不夠。🐻兩塔朝日加十枝大啤後，大家都意猶未盡，再來一道小炒王，豉椒炒蜆，椒鹽白飯魚，每道都對上我們的口味。至此大家都差不多飲飽食醉，各自歸家。…查看更多

很難得在鬧市中可以有一個可以唔限時、平民價錢的地方落腳和朋友相聚。地方舒適，格局似一般的茶餐廳，不過就地方闊落啲。地方好大，全層都是它的。食物勝價比高，份量偏大，味道可口。3個人點了3個餸一個湯，滿$300，加送一個中鹵水拼盤，好夠食。韮菜豬紅點了例牌，份量是足夠4至5人食用。湯點了一個家鄉鹹菜豬肚湯，湯有胡椒味，個人認為可以再重啲。想平平地，一班朋友食飯吹水唔俾人趕，此處絕對係男人的浪漫好地方。…查看更多

最近去完旅行，返到香港好想食返廣東野，於是就提議食打冷，上網見到明記咁多好評就試下。地方好大有卡位、圓枱，岩曬一大班人黎食，最重要係比一般的打冷店乾淨企理，同酒樓有得比。黎到食打冷一定要叫個滷水拼盤，點知落單個人同我地講只要叫夠$300就會免費送滷水拼盤🤩個拼盤仲要樣樣都有，鵝腸、紅腸、墨魚、豬耳，岩曬選擇困難症既我。韮菜豬紅份量非常大碟，味道濃郁，D汁可以用黎撈白飯😋蠔仔粥（小）已經足夠2-3人食，超足料，每一啖都有蠔仔，而且仲有d魚乾既野，好有咬口最後燒汁脆牛腩係餐牌推介菜，但有點失望，肉質而且炸到有點乾，但配搭個燒汁醬都唔錯…查看更多

好耐冇食潮州打冷啦!今晚一於同友人食個打冷啤啤佢!這間餐廳位於創興廣場附近的一個小商場，近日裝修中，但餐廳仍照常營業!餐廳的登記位置就在商場門口，拎位後便可乘電梯或扶手電梯到餐廳。餐廳分開了兩邊，地方好大，有卡位、圓枱和廂房，而且比一般的潮州打冷店乾淨，坐得舒適!食潮州打冷當然會有個半開放式的斬料位置俾你揀小食，這裡也有呢!餐牌有好多不同的選擇，令人眼花撩亂，而且也有一些套餐可以選擇。韮菜豬紅($68)，每次食潮州打冷必點豬紅食，這裡的豬紅都幾入味，醬汁是辣的，加上韮菜一齊食特別惹味!潮州凍烏頭($188)，凍烏頭是將魚先整熟，然後再整凍，再用鹽俺住。魚肉結實鮮甜，有鹽的位置特別惹味，再加上有黃豆醬提鮮，由小時候唔中意食到而加變左好中意食，係非常特別的潮州菜式!鹵水鵝片($148)，這裡的鵝片冇骨唔會好肥，肉質唔會好鞋，好有鹵水味。鵝片抵下還有鹵水豆腐同埋花生，豆腐都好入味，花生較淋，再點埋白醋一齊食，刺激味蕾呢!蠔仔粥(小)($58)，小都可以分到4小碗，蠔仔都幾多，而且脹卜卜，還有肉碎、方魚和莞茜，味道剛剛好，唔會太咸，而且也不會太傑身!石鍋啫啫通菜($88)，非常夠熱又夠香，通菜份量好多，有少許肉碎和蒜蓉，非常惹味!鹵水拼盤，這裡食滿$300便會送鹵水拼盤，拼盤有墨魚、紅腸、豬大腸、豬耳、腎等，雖然係送的，但份量也不少!最後還點了啤酒跟友人啤啤佢!這間餐廳上菜速度超快，服務也很好，值得再次光臨!…查看更多

今晚同屋企人食飯, 爸爸發板每次都離不開食中菜, 但酒樓晚市入座又要前菜、又茶芥, 未食野都已經要成舊水, 於是最後決定食"打冷"。記得大半年前去過近朗豪坊既明館, 味道唔錯, 價錢實惠得黎又大大碟, 所以今晚就去返明館食晚飯。平日晚上, 餐廳已經座無虛席, 比起上一次黎, 人流旺了不少。呢度只收前菜同埋加一, 但就冇茶芥費用, 對比酒樓黎講, 抵好多!呢度除左食潮州菜既鹵水鵝、凍蟹等等...仲有中菜選擇, 款式多多, 令人花多眼亂。打冷定必會點既【鹵水鵝】 HK$128份量都幾多, 鹵水鵝入味, 肉質軟糯, 皮下脂肪唔會太厚, 底下仲有幾件豆腐索下味。其實呢度有鹵水鵝片選擇, 價格貴HK$20, 如果想豪邁咁啖啖肉食, 建議都係揀鵝片, 肉食比較多。【韮菜豬紅】 HK$68記得上一次黎食豬紅, 味道過鹹, 今次再order駁一駁, 味道終於調教得岩岩好, 帶微微既辣, 豬紅很滑且入味, 底下仲有大量韮菜可以夾集一齊食。【芝士海蝦伊麵】 HK$168半打既大蝦排列於表面, 面層佈滿了焗至金黃既芝士, 芝士唔會過鹹, 芝士汁較杰, 足夠沾到每條伊麵 , 可惜當中有幾隻蝦不算新鮮, 肉質有d煤。服務方面比起大半年前光顧, 招呼好左好多, 招呼周到, 服務質素有所進步, 值得一讚! 食物質素雖然不算是頂級, 有進步空間, 唔會太差, 可以再幫襯!…查看更多

打冷店近幾年越開越多，已經不是男人至愛，好多老中青都喜歡一班人圍埋一齊，飲下酒食下滷味，這間在旺角佔了全層的明記潮館，地方大且座位寬敞，坐得舒服。店員先送上小食泡菜及魚仔。韮菜豬紅超級大碗，豬紅腍滑，下面墊著韮菜，不過味道較咸。滷水鵝片鵝片素面不會太多脂肪，肉質嫩腍，滷得入味，下面墊著滷豆腐及花生，花生炆得很腍。紅燒豆腐豆腐外層炸過，裏面嫩滑，旁邊還有冬菇及菜心，食了太多肉，可以清淡一點。蠔仔肉碎粥蠔仔脹卜卜，完全無腥味，粥底是方魚湯底，加上肉碎，飯粒不會太腍，味道鮮甜飽肚。…查看更多

有好友在我放工後臨時急call說想來個晚餐,抵食之餘最好位處旺區,要滿足好友的要求,很快便想到了在旺角的明記潮館;好友一聽之下也馬上同意,遂先打電話去訂位;7點多的旺角車水馬龍,與好友在地鐵站朗豪坊的出口見面後就步行至食肆;從大廈的1樓可望到食肆的店名,就搭扶手電梯上去;熟悉的佈置,充滿空間感,令人坐得舒服;餐牌似乎重新製過,比之前更精美;而食物的款式依舊是百花齊放;與好友研究了一陣,便有了決定,於是馬上落單;第一道菜的韮菜豬紅,豬紅味道濃郁,質感彈滑;有黑椒的底味袪腥臊兼有辣味提升,加強了層次感!韮菜夠鮮嫩,作為配角也是生色不少!第二道是滷水中拼盤,點餐超過300就奉送一碟;碟頭份量足料,味道香濃,計有豬大腸,豬頸肉,豬耳,紅腸,墨魚等;其中的豬大腸口感綿中帶點煙韌,內裡油脂豐腴,滷汁均勻滲透其中,與豬大腸本味配合得很美好!此刻要馬上來杯冰凍的啤酒,延長那美妙的口感!豬頸肉夠彈滑,肉汁鎖在內裡,也是下酒美食!好友鍾情的辣酒煮花螺,這店做得相當好;不單份量大,而且把花螺處理得很乾淨,只有零星砂粒;辣酒汁也調校得濃郁兼具層次,花螺吸收了精華之處,不單肉質爽彈,複郁的辣味更助其袪腥提鮮,令味蕾更添滿足度!配上日本牌子啤酒,好友大加讚好!石鍋明記炒飯,一上來時蝦醬的鹹香已飄散於空氣中;難得的是以適當的油份炒至粒粒分明;飯粒本身帶點乾身,牛肉粒的油份與香氣帶來滋潤,菜脯粒就作為平衡帶來細緻感,加上蝦醬的香味,又有石鍋的長時間保持著食物的高溫,這炒飯真的是個完美的收結!位處旺區,食物量大美味,價錢又相當超值,埋單時荷包不用大放血,兼且坐得很舒服;令我有感再與好友聚餐,此店也是佳選之一!…查看更多

行過旺角砵蘭街，抬頭一望，看見兩個並排的超大巨型廣告牌，是一間位於商埸三樓的潮洲打冷店的。店舖通宵營業，在旺角這個不夜天，真是幾夜都不怕無嘢食！入到店舖內，一眼便看到那個漁人碼頭，幾個偌大的魚缸放満海鮮，有大龍躉、澳洲龍蝦、波士頓龍蝦、瀬尿蝦、長腳蟹、各式海班和海魚等，應有盡有。另一區域的冷涷區，放了桶蠔、扇貝、新鮮魚鰾、涷蟹等。魚飯區-是日供應有大眼雞、烏頭和馬友。打冷區-放滿一盤盤潮式打冷食物，是一些預先煮好的食物，客人可近距離選取喜歡的食物，然後落單，款式多樣化。滷水區-滷水食物是潮菜的靈魂，當然一定要試。***********************韮菜豬紅 （$58）👍👍👍👍👍這個經典的潮式打冷小吃，就只有韮菜和豬紅，雖說是小吃，但這一碗豬紅真的不可少看，韮菜和豬紅的份量也很足。簡單的食材，但味道絶對不簡單。絲般幼滑的豬紅伴入微辣的汁料，令人不禁一口接一口的吃。鹵水雜拼（$128）👍👍👍👍這個雜拼差不多有齊所有鹵水食物，叫一碟，就可以試齊多款口味。拼盤內有墨魚、豬耳、紅腸、大腸、鵝腸、豬腩肉、豬頸肉、雞腎等等。滷水味道鮮而不鹹，薄片的雜拼吸收滷水的味道，更加入味。石鍋明記炒飯 （$88）👍👍👍👍熱烘烘的石鍋盛載着的炒飯，令飯粒溫度持久保溫。炒飯有蝦乾、魷魚乾、銀魚乾、菜芯粒和爆香了的豬腩肉粒。炒飯夾雜著鹹香的魚乾、蝦乾味，豬腩肉爆出的油份也令飯粒沾満油香。椒鹽九肚魚 （$98）👍👍👍👍👍薄薄的炸漿包著鮮嫩肉滑的九肚魚，外脆內軟，小小的魚骨都可一拼吃埋。炸好的九肚魚還舗上椒鹽炸蒜，令炸物更香口惹味，是佐酒之選。小食 （$20）小食有潮州鹹菜和花生。StorefrontInteriorMenu…查看更多

有喜歡啖味潮州菜的好友去過位於旺角的明記潮館後,認為平靚正的賣點值得一去再去,於是問及我與另一好友,有聽至此,當然馬上答應了;七時多的旺角地鐵站也是人群擠擁,但從地鐵站出來以後走到餐館所在的大廈卻是頓感輕鬆得多;尤其是由好友帶路,更加順暢;但大廈的設計或許有點複雜,所以沿路一直有指示牌標示;但當來到餐館時,就另有一番光景呈現眼前;一邊是以復古式的大排檔設計,另一邊又有西餐茶座樣式,再另一邊又有尖咀鐘樓景點佈景,而其對面就是一些以奇特名字命名的房間......將所有東西混合,配合著一個有高樓底的大堂,又有不錯的效果!觀其餐牌,選擇非常豐富;好友指定要我們一試韮菜豬紅與鵝片,其餘的再跟各人喜好再各點一道菜;而且全單消費滿300兼送一碟滷水拼盤(中),難怪好友大加推介!韮菜豬紅份量足,嚐起來十分爽滑,偏向重調味,剛好祛除本身腥燥味!鵝片的厚度片片均勻,肉質也足夠嫩滑,較輕的滷水調味,蘸上些許醋汁,啖味在口中,即時隨醬料香味過後有鵝肉本味透出!奉送的中碟滷水拼盤的碟頭份量也不輕,我較喜愛的墨魚片與鴨腎的肉質皆爽脆彈牙,滷水的調味也恰到好處!煎蠔烙的蠔仔數量很多,鴨蛋也煎得香口,但略嫌芡粉有點過頭,雖然尚是可口,但整體未算很平衡!而我點的孜然牛仔肉,牛肉本身質地嫩滑,孜然粉與黑椒的香料由內而外滲透進去,與牛肉本味相結合後,加上在肉汁與油份提升下的溫潤口感,滋味特佳!作為收結的潮州炒河粉,河粉份量多,配料也豐富,以蝦醬為主味,可口之餘也是飽肚佳選!多得好友的推介,又認識了一間位處旺區的平靚正兼坐得舒服的潮州菜餐館,值得再與更多的好友去品嚐更多的菜式!…查看更多

食消夜不一定局限食大排檔，都可以舒舒服服涼住冷氣食。是夜看完電影，已經12:30am，想跟友人吃個宵夜飽飽肚。走到街頭被一個巨型大招牌吸引著，平時亦很少來到這裡，都不知道原來這裡開了一個新商場。在商場對出的地方很空曠及人流都幾旺，夜晚晚都有很多人在這帶呢。由食店職員帶領乘電梯到逹食店，眼前是一間空間很大、劃分多個主題區域的室內有冷氣大排檔，是有卡位的大排檔。新潮的裝潢中，仍不失大排檔風味，去過一次會愛上這個飯聚地方，無論2人世界，或想大伙朋友聚會，這裡是個很舒適的選擇。煎蠔烙 $75蠔餅脆卜卜，比想像中大，每粒蠔大大粒不腥，吃下吃下，食塊蠔餅都原來會飽的。韮菜豬紅 $55其實原本是來吃宵夜，但這裡的份量實在很多，價錢又適中，實在太抵吃了，不過下次再來，真的要因位食量而點菜。這個豬紅，是裝滿大大的湯碗呢，真係又足料。平時對食豬紅很揀擇的友人，對這店的有好評，難得友人覺得這豬血並沒有血腥味，且味精不濃，所以這大碗豬紅就由友人包底，因為今晚好吃的菜式太多了，我必須要留肚吃我至愛的大大條烏頭喔。鹵水鵝片 $108食打冷怎可以不吃鹵水鵝呢，來到這店，除了吃蠔餅，這個鹵水鵝片亦是必點推介，每一片鵝片肉肥瘦均勻，非常入味。潮州凍烏頭  $188我是烏頭愛好者，每到潮式食店都必點烏頭，現時很多食店都會採用本地元朗出產的烏頭，魚尾掛有認真標籤，上枱時，客人都可以看到。烏頭大大條啖啖肉，魚肉完全沒有魚腥味，且鮮味非，十分推介。魚肚裡放有檸檬及蔥頭以除魚腥味。…查看更多

係香港好少有正宗而又抵食既潮州菜食, 自從幾個月前黎過旺角明記食過之後, 一直對佢地既潮州菜念念不忘, 今晚相約同事再度Encorn!!!侍應先送上前菜, 呢度沒有茶芥收費, 只有前菜(HK$20)同埋加一服務費, 對於中餐黎講, 呢D附加費算係合理。今次除左encorn左幾款上次有點過既款式外, 更點左一d上次冇點既菜式試試。另外, 餐廳仲推出左優惠, 只要食滿HK$200, 可享免費細雜錦拼盤一碟, 確實很吸引!!天氣熱, 點左一支Jolly Sandy解解渴, 點菜後, 野食都上得幾快。【鹵水鵝腸】HK$68鵝腸超級爽口, 沒有肥油連帶, 清潔度幾高...鹵水很入味。【椒鹽腰果雞軟骨】HK$98呢款係其中一樣encorn既款式, 雞軟骨炸得好乾身, 軟骨有咬口而爽脆, 有少少雞肉連帶, 夾集炸蒜蓉一齊食, 非常香口。【韮菜豬紅】HK$55個人很欣賞呢度既豬紅, 醬汁帶少少甜、少少鹹同微辣, 豬紅煮得好入味, 就算食到豬紅中心位, 都唔會冇味, 夾集韮菜一齊食, 很惹味。【芝士海蝦炆伊麵】HK$138最邪惡既芝士伊麵, 相對其他中式酒樓黎講, 以呢個價錢食到呢碟咁有份量既芝士, 的確係好抵!!芝士好杰, 味道香濃, 伊麵麵質軟硬岩岩好, 唔會太林, 每隻蝦都很爽, 絕對唔係死蝦。至於食滿HK$200所送既【雜錦拼盤】, 質素亦都唔差, 更有機會一次過食唔同款式既鹵物。雜錦拼盤包括有墨魚、鵝腸、豬耳、腎、紅腸、五花腩, 食過先知原來呢度既鹵物每款都非常入味, 但唔會太鹹, 味道掌握得很好。今次既Encorn果然冇令我地失望, 食物質素、水準都keep得好好, 份量又大碟, 真係物超所值! 再加上多左個送雜錦拼盤既優惠, 怪不得吸引唔少人流前來幫襯, 而我定必會再黎!!! …查看更多

今日同波友到旺角吃晚飯，名叫「明記潮館」。 一聽到個店名就知潮洲菜。餐廳位置十分方便，旺角地鐵站， E1 出囗，步行幾分鐘就到。未到門口， 已見到掛上巨型招牌， 真是大得誇張， 餐廳在旺角砵蘭街180號砵蘭180+商場3樓， 電梯直上就到。每檯已預先放有潮州辣油、魚仔、菜莆及醋汁， 辣油香辣，菜莆爽口， 醋汁用來點鹵味， 特別醒胃。內裏有多個魚缸， 擺放着多種游水海鮮， 氣勢十足。這裡地方很寬敞，裝修整潔，可以容納很多食客，即是晚飯時間亦不用等位。凡堂食惠顧明記潮館滿$200， 每檯敬送滷水拼盤一碟，份量也很足夠。 拼盤有滷水大腸、鵝腸、鵝腎、豬耳、豬頭肉、墨魚、紅腸及芽菜等等。 我就喜歡爽囗墨魚和爽脆豬耳。瑤柱豪仔肉碎粥（$55/碗）蠔仔粥是必食之選。 叫了一細碗的蠔仔粥， 但已經份量十足， 足夠兩人份量，亦相當足料， 蠔仔大大隻， 鮮嫩肥美， 味道鮮甜， 加冬菜， 芫茜等配料。 滷水鵝 ($98)食打冷又點少得滷水鵝呢 ！ 我鐘意有有骨落地， 所以叫一份滷水鵝，滷水鵝肥瘦適中，色澤吸引，肉質嫩滑入味， 點上醋汁更加美味。 韮菜豬紅 ($55)韮菜豬紅也是到潮州館必食之選。豬紅口感彈牙，煮得入味，帶有小小麻辣，韮菜翠綠爽囗。 元朗楊氐海烏頭 ( $188)來自元朗的烏頭非常出名， 脂肪豐滿，揭開魚皮已見有黃油， 入口魚香四溢。 肉質結實， 口感香滑，魚味十分鮮甜可口。值得一提是魚肚插入幾片檸檬， 所以沒有魚腥之餘還帶點檸檬香味， 點上麵鼓醬一起吃，更加好味。除了美味烏頭外，還有大眼雞和馬友。總括而論， 人均消費好合理， 食物質素很好， 環境舒適寬躺， 加上通宵營業，最啱三五知己，食飯吹水，真是一個宵夜夜蒲好地方 。…查看更多

下班後，食辣食到上癮的同事再次向辣挑機，約同小人一起向辣進發。第一辣是韮菜豬紅。豬紅的質感爽彈，煮得入味，透出微辣，反而韮菜則被辣味搶了風頭，不太突出，可有可無。這個的辣度是入門級，同事亦視之為無物。第二辣乃是水煮魚。湯面的乾椒和辣油相當之香，熱度亦足，是真正的熱辣辣！湯裡的魚片嫩滑濕潤，卻不會太受到辣湯的影響；反而原本無味的薯粉就吸盡湯汁，又滑又辣。對於小人而言，這個的辣度屬於中級；不過同事已覺得是他的高級版了！潮州的小菜者，乃潮流小菜是也~…查看更多

夏天熱辣辣，有時都想同朋友或者屋企人去打冷吹水，但天氣咁熱咩胃口都無晒啦⋯⋯不過唔駛怕，想在夏日炎炎打冷又不想熱的話、不仿試下去旺角的明記潮館！可以打冷之餘仲有冷氣、而且座位又乾淨舒適！最重要的是地點方便，岩晒一家大細、有老有嫩的朋友啦！小食 $40店內下單的姐姐推介我們叫抵食孖寶套餐！話係最抵食、所以我們就叫了一個孖寶E餐～·孖寶E $298薑蔥粉絲焗蟹煲 + 鹵水獅頭鵝肉片🦀好食到不得了又足料到不得了，雖說蟹才是主角，但粉絲的份量也極為重要，明記真的很懂食客的喜好呢！鹵水豬手 $168豬手是時價，需要問店員確定喔！不過就係值得一試，因為食落一點都不會覺得油膩！比平時食到的爽口多了！京都炸大腸 $88必食香脆又惹味、最重要的是不用擔心有否清洗乾淨的問題，因為是開邊炸的，所以可以看到豬大腸入面清潔得很乾淨！菠籮京都豬扒 78.00煎蠔烙 $75爸爸最愛，點可以唔食！除了香脆外蠔仔也滿肥美的，食落口感一流！韮菜豬紅 $55味道帶有小小麻辣，很開胃！黃金蝦 $148香味四溢，份量不少，蝦肉也彈牙！咸蛋黃味好香，未食已經流口水！外加上一碗粥 / 飯 來搭配整餐飯就剛剛好了！整體來說，一餐飯下來...每位約$200左右，以價錢來說確實很抵食，每碟菜的份量也不少，而且味道也很好！再加上可以在室內涼著冷氣打冷，在夏天來說真的是不錯的選擇喔！…查看更多