李家 (麗灣大廈) (已結業)

筲箕灣西灣河呢頭嘅韓國菜一向都唔多，李家好似響太安樓呢頭都開咗幾個月，今日終於都嚟咗試喇！就咁睇個門面都好有韓國feel阿入到去入面都幾有特色， 有啲好英美嘅sticker痴咗響牆，牆上面仲有隻好大嘅雞阿！Menu上面都有韓文，好有去韓國feel ah。我住筲箕灣，買完行番屋企大概15分鐘倒，番到屋企食物仲係熱辣辣嘅！蜂蜜蒜茸炸雞 $128 半隻有骨同無骨同價，身為懶人嘅我梗係揀無骨啦一打開張錫紙，全屋都係炸雞嘅香味！雖然炸雞嘅面頭沾滿醬汁，但係外皮依然係超級脆！炸雞外面嘅炸粉一啲都唔厚，入面嘅雞肉都好嫩滑。韓式炒粉絲 $158韓式炒粉絲真係大份到嚇親！一份應該可以夠2-3人食阿！炒粉絲好彈牙，相比起炸雞，呢個算比較淡味。泡菜炒豬肉 $158泡菜炒豬肉同炒粉絲一樣咁大兜！一兜真係夠我一個人分開三餐食！炒豬肉係小小辣辣地嘅，有菜有肉，都幾健康。呢度嘅食物都頗大份，建議大家約埋朋友一齊食，咁先可以食多幾樣…Read More

好少過嚟依頭食飯，今日專登嚟搵人食食韓國嘢！間餐廳都幾易搵，地下應該係主要收錢同出外賣，等入去個陣見兩個車手等緊外賣。樓上望落都唔係好多位，但係張枱好大都坐得舒服😌 朋友想食炸雞，咁就揀咗兩款炸雞同一份主食。先上韓式炒粉絲，麻油味幾重，但係食落啲粉絲滑得嚟竟然唔覺得好油。肉嘅份量都算多，唔會剩係得粉同菜咁寡。等咗陣終於上第一款炸雞，熱辣辣應該新鮮炸起！芝士炸雞面頭嘅芝士粉同另上嘅芝士醬個味唔同，食落幾有層次。依款個皮好脆好香口！蜂蜜蒜蓉炸雞就因沾滿醬汁所以個皮唔脆，但勝在粉漿唔厚同埋個汁甜甜地都好開胃！本身諗住唔夠食之後要再加嘢，點知食晒都幾飽！…Read More