Bingo & Cook (港匯廣場)

這間人氣韓國餐廳位於尖沙咀港匯廣場，鄰近K11購物藝術館，主打正宗地道的韓國料理，由韓國人親自主理，大部份原材料均由韓國直送。店內環境寬敞舒適，設有室內外座位，裝潢以小酒館為主題，有五彩繽紛的燈泡，充滿活力及時尚感，適合多人聚會。韓式前菜泡菜香辣爽脆；涼拌青瓜清脆多汁且微辣；涼拌薯絲清脆爽口；涼拌魚糕彈牙有嚼勁，帶有鮮味。50CM炸物拼盤 - $388超長的拼盤有七款炸物，份量足夠四人。即叫即炸的韓式炸雞金黃酥脆而不膩，雞肉嫩滑多汁而不柴，裹上三款不同的醬汁，均勻地附著在炸雞上，醬油蒜蓉味鹹香中帶有蒜頭的甘甜及醬油的濃郁風味，牛油蜜糖味香甜帶鹹，甜辣滑順濃稠且香甜微辣；年糕香腸串的韓式香腸外皮烤得酥脆，一咬下去會有豐富的肉汁爆出，而年糕煙煙韌韌好彈牙；炸餃子內餡飽滿，有鮮美多汁的免治豬肉，又有清新的蔬菜；芝士波富奶香，有拉絲效果；薯條外脆內軟，有軟糯的薯肉。BINGO特製紫菜包飯 - $80豐富且多層次的韓式飯卷，有軟嫩多汁的牛肉，又有半溶化的芝士富奶香，清脆爽嫩的黃瓜及醃蘿蔔，米飯以麻油和鹽調味帶有鹹香，清新而不膩口。香橙沙冰 - $78採用一整個香橙製作，沙冰打得幼滑細膩，毫無冰塊感，酸甜交織的果香好濃郁。芒果沙冰 - $78沙冰同樣綿密又滑順，濃郁的芒果香氣酸酸甜甜好清爽。…查看更多

呢間人氣韓國菜係由韓國人主理 夠晒正宗🥰之前都去過銅鑼灣分店 喺尖沙咀嘅分店最有feel!!戶外露天用餐位係紅色透明膠帳篷 真係好似去左首爾咁呀🏕️.📌韓式前菜 $free泡菜超好食refill左兩次 味道唔會太鹹/太辣 好適中嘅甜辣 口感爽脆🌶️🥬仲有麻油翠玉瓜, 甜醬腸仔, 涼拌茄子 款式特別 可以無限refill架🥒🥓🍆.📌 Bingo特製紫菜包飯 $80原本係配牛肉 我轉咗炸蝦 特製款比普通多咗芝士 增添份鹹香味🧀️蝦肉爽彈 炸皮薄脆唔油膩🍤內餡仲有魚糕, 雞蛋, 紅蘿蔔絲, 青瓜, 牛蒡, 酸蘿蔔, 生菜碎 口感豐富 味道清爽🍥🥚🥕🥒🥬飯得薄薄一層 麻油香唔出 飯粒較鬆散 唔會太強飽腹感 係清新之選🍙.📌玫瑰醬年糕鍋 $188呢個必食呀 同朋友都覺得勁出色‼️湯底完全係濃香版嘅韓國卡邦尼辣雞麵😍拉麵好索汁 每一款配料都沾滿醬汁 再撈埋塊芝士 冇得輸🧀️年糕份量都幾多 不過就硬左啲啲🤏🏻魚糕超軟淋 本身嘅甜 加埋個醬 好惹味 配料仲有半隻雞蛋同香腸🍥🥚記得趁熱食 凍左個汁變杰 就會比較膩🔥唔好嘥個醬 識食一定係將紫菜包飯浸落去 一流😏.📌(中)韓式燒烤套餐 $420中份都勁大份 有大兩塊豬肩肉同豬腩肉🐽店員會幫手燒肉 再切成一舊舊 仲會炒香配菜 懶人最愛😎豬肩肉雖然瘦啲 相對冇咁嫩滑 但豬香味好濃郁🥩豬腩肉肥瘦均勻 層層相間 肉質軟嫩 燒過之後 迫左啲油份出嚟 豬嘅油脂香十足 豬皮好爽彈🐷配料有: 生菜, 酸辣泡菜, 香甜洋蔥, 蒜頭, 雞髀菇同薯仔片 用生菜包晒所有材料 唔洗加醬汁都勁滋味🥹…查看更多

仲記得第一次幫襯「Bingo & Cook」（銅鑼灣店）覺得好抵食，又好有氣氛，睇番記錄，已經喺4年前嘅事，今次就到訪嘅喺尖沙咀店。位置有少少隱蔽，不過，小弟不時都過嚟尖沙咀食飯，對啲橫街窄巷都有留意，所以，對我嚟講就唔難搵，但朋友就兜咗個圈先搵到。 走到店內，裝修富時代感，好有個性嘅地磚，牆上又有不少塗鴉、手繪，加上一室柔和燈光，並會有不斷播放嘅K-pop，令氣氛非常輕鬆。 另外，鋪外仲有啲室外位，已架設晒帳篷，落雨都唔怕。不過呢排天氣咁熱，濕度又高，所以，都無乜客人坐出嚟，反而見到一兩個客坐向出面 純粹飲下啤酒。 餐廳採用二維碼落單，我估應該無正式餐牌喇。小弟就盡量將啲餐牌截圖，可能都有啲遺漏，當喺俾大家參考，知道有咩食物選擇，以及定價，其實，菜式選擇非常之多。 韓式前菜甫坐低，就隨即先送上4款韓式前菜：泡菜、茄子、翠玉瓜及大豆芽，講真，都好少見啲韓國餐廳嘅前菜做得差，呢度亦唔例如，幾樣都好好食，尤其啲泡菜，夠辣勁，但點到即止，又帶點酸香。最正喺所有前菜都可以添食，侍應都會主動問你添唔添，啲招味非常好。 柚子茶 $32、茉莉花茶 $28飲品方面，好酒嘅有好多韓國燒酒選擇，不過，同朋友都唔嗜酒，反而飲茶唔我哋喲，一來可以解吓辣，二來清清淡淡可以去去油膩感。Bingo特製紫菜包飯 $80包飯卷一睇就知捲住好多料，而且，都幾大條，大概有青瓜、甘筍絲、醃蘿蔔、蛋絲、芝士、牛蒡絲、牛肉……等等，再撒上好多白芝麻，所以，唔好食都幾難，口感豐富，味道富層次，可以講喺招牌包飯卷。蒜香醬油炸雞+香腸年糕串 $140一大籃炸雞，就算只喺半份都好夠份量，仲加上一大串炸香腸年糕串，炸嘅我都喺第一次食，感覺又幾唔錯喎，啲年糕外層焦脆，裡面就好軟糯；至於啲炸雞，件件都炸到金黃，但入口唔油膩，咬脆到咯咯聲，肉質卻意外咁嫩滑，醬油帶點甜味，並放滿炸蒜片，好有蒜香。此外，奉送咗碟酸椰菜，跟啲炸嘢間住食就最好不過。50cm 韓式海鮮鍋 $380嚟之前睇過啲人嘅食評，就已經好想試呢個海鮮鍋。50cm長嘅不銹鋼鍋，放晌一個雙體石油氣爐，夠晒霸氣，而鍋內放滿好多海鮮食材，包括扇貝、魷魚、虎蝦、沙白、青口、肉蟹及鮑魚，此外，湯內仲有唔少大豆芽、鮮菌片，非常豐富，而且，各款海鮮都鮮味十足，絕對喺交足貨有餘，的確喺好抵食。 怕你唔飽，仲附送一份手打麵條，放晌個泡菜湯度煮一煮， 麵條好有韌性，加上索滿湯，零舍滋味，仲有，依家先嚟飲一口湯，比最初嗰口就更鮮甜，皆因吸收晒所有海鮮精華，雖然喺有啲辣勁，但算喺溫和。 呢度嘅侍應都喺啲西方人同韓國人，但都好有禮貌，招呼熨貼，好似會幫我哋剪魷魚，幫隔離枱剪豬腩肉，不時會過嚟望望有啲咩嘢要幫手，所以喺度用餐，整體感覺喺幾唔錯！…查看更多