睿海御宴 (已結業)

女友最多朋友也有好多資訊, 今晚她訂了檯, 我們去食私房菜.   大坑 睿海御宴,  餐廳入門好搶鏡, 有龍飛鳳舞感覺.  令人眼前一亮.沿樓梯上一樓,  舞龍圖畫繪得特式又出色.左右牆壁,  舞火龍氣勢真不凡.  中秋節舞火龍的熱鬧氣氛返晒黎!餐廳裝飾清雅高尚, 有大魚缸養活海產.燈光明亮, 座位整齊, 坐得舒適.店長好招呼, 介紹了多款餐廳主打的名貴粵菜, 川菜, 又有家常小菜, 價錢豐儉尤人.   侍應送上青瓜小食, 很爽脆, 蒜味香.前菜點了冷盤,   溏心皮蛋豆腐.  賣相好普通,  但入口便知龍與鳳, 溏心皮蛋切碎配合豆腐及芝麻醬, 味道相當好.  夏日開胃涼拌小食, 做得出色. 紅燒乳鴿,  炸得香脆,  醃得入味,  乳鴿肉質好,  外皮香脆唔肥膩, 皮脆內軟.令人越吃越愛.  伴有日本淮鹽同喼汁, 可以自己再調味.香辣水煮海石斑 店長話可以小辣.   上檯熱, 水煮海石斑 大大碟.  石斑去骨, 魚片好鮮嫩, 啖啖肉, 酸菜鮮甜好味,  可以飲埋個湯 爽呀！入面仲有雲耳, 萵筍片,  蓮藕片,  同薯粉, 十分之豐富.   配料好入味,  沒有太麻辣.  大家吃得好.薯粉好滑,  加了酸辣味,  更佳.青檸焗肉排賣相亮麗,  上枱熱辣辣, 金黃色炸皮, 炸粉薄, 好香脆,  肉排品質不錯,  調味佳. 加上蜜味醬汁, 確好食.  必食之選.福建海鮮麵線炒得香, 乾爽,  吾會軟稔稔, 材料多, 有蠔仔, 蝦, 菇, 魚片, 椰菜, 和豬頸肉, 超級豐富, 麵線幼身爽滑. 好滿意.店長送上甜品, 燉雙皮奶, 暖笠笠, 香滑奶味濃, 重帶少少薑汁味. 睿海御宴, 食物新鮮調味正, 用料上乘.   父親節快到了, 食私房菜最好, 要帶爸爸來享受個龍蝦盛宴.…查看更多

每年中秋節, 大坑有傳統舞火龍習俗,  睿海御宴,  中式私房菜, 承傳這個文化, 如畫廊般繪出精彩舞火龍 圖 畫.  入門便可欣賞 .餐廳在一樓, 步上梯級,  沿路看見舞火龍圖畫, 美侖美奐, 漫畫化了, 更吸引.大坑舞火龍已列入香港非物質文化遺產名錄了.  可喜可賀.  餐廳裝修高雅時尚,  座位闊落, 燈光充足, 分大廳,及 VIP 廂房,  適合朋友宴會,  更可保護客人私隱, 家庭聚餐, 坐得舒服, 餐廳主打時令 巧手粵菜,   高質海產烹調.    侍應招呼有禮,  我們坐下, 點了鐵觀音茶,  水滾茶靚.   店員快速送上餐牌及開胃小食,  青瓜很爽脆, 蒜味濃.店長介紹夏令前菜,  溏心皮蛋涷豆腐 賣相一般,  溏心皮蛋切碎, 蛋粒, 榨菜粒混合芝麻醬, 鋪滿豆腐面.  入口感覺非常好, 出人意料.   涷豆腐好滑嫩, 豆味香濃, 加入溏心皮蛋, 榨菜碎粒, 拌上芝麻醬, 好吃 !脆皮乳鴿,    炸得金黃香脆,  上檯香氣撲鼻.乳鴿 醃得入味,  肉質嫩, 炸得吾會乾, 有肉汁又好肉, 少油膩.  另備淮鹽,  脆皮乳鴿, 必食之選. 青檸焗肉排上檯熱, 肉排炸得好香脆, 炸粉薄, 肉質軟稔,  外層沾滿酸甜汁,  調味正, 開胃好食.酸菜魚湯石斑一條, 食材好豐富,   先看有石斑片, 酸菜, 雲耳, 蓮藕片 , 豆腐卜,  薯粉, 芫荽. 味道好滿意.   魚肉大大塊,  份量足, 魚片味道鮮, 爽滑結實.其他配料好入味, 增添口感.  薯粉煮得啱啱好, 吾會太稔, 粗身滑溜, 質感煙韌,  配湯混拌同吃.福建海鮮麵線海鮮材料豐富, 有蝦肉, 蠔仔, 魚片.  帶出鮮味.   另有菇條, 椰菜, 較爽口.   炒麵炒得夠鬆, 每條幼麵都沾上醬汁, 色澤均勻, 不油膩又乾身.   餐後甜品, 燉雙皮奶,甘香嫩滑, 薑汁奶味香濃.  好滿意.食物足料好味, 廚藝吾錯.  下次會再來試下此店的籠仔羔蟹.…查看更多

𝗮 𝗽𝗹𝗲𝗮𝘀𝗮𝗻𝘁 𝘀𝘂𝗿𝗽𝗿𝗶𝘀𝗲 𝗳𝗿𝗼𝗺 @dynasty_cove ✨𝘁𝗵𝗶𝘀 𝗶𝘀 𝘁𝗵𝗲 𝗽𝗹𝗮𝗰𝗲 𝘁𝗼 𝘁𝗵𝗼𝘀𝗲 𝘄𝗵𝗼 𝗹𝗼𝘃𝗲 𝗮𝘂𝘁𝗵𝗲𝗻𝘁𝗶𝗰 𝗰𝗮𝗻𝘁𝗼𝗻𝗲𝘀𝗲 𝗰𝘂𝗶𝘀𝗶𝗻𝗲 𝗮𝗻𝗱 𝘄𝗼𝘂𝗹𝗱 𝗹𝗼𝘃𝗲 𝘁𝗼 𝗵𝗮𝘃𝗲 𝗮 𝗽𝗿𝗶𝘃𝗮𝘁𝗲 𝗱𝗶𝗻𝗶𝗻𝗴 𝗿𝗼𝗼𝗺! 𝘁𝗵𝗲 𝗵𝗶𝗴𝗵𝗹𝗶𝗴𝗵𝘁𝘀 𝘁𝗼 𝘂𝘀 𝘄𝗲𝗿𝗲 𝗯𝗮𝗸𝗲𝗱 𝗿𝗶𝗯𝘀 𝘄𝗶𝘁𝗵 𝗹𝗶𝗸𝗲 𝗴𝗹𝗮𝘇𝗲𝗱 𝗮𝗻𝗱 𝘀𝘁𝗲𝗮𝗺𝗲𝗱 𝘀𝘁𝗶𝗰𝗸𝘆 𝗿𝗶𝗰𝗲 𝘄𝗶𝘁𝗵 𝗴𝗿𝗲𝗲𝗻 𝗰𝗿𝗮𝗯😋.成日入大坑食嘢都無發現呢間高質中菜，餐廳唔大但見到有兩間房，應該都主要係做接booking～ 坐低無耐就上咗小食泡椒青瓜同芝麻合桃，兩樣都好食到未上菜已經清哂🤤 必叫餐廳招牌青檸檬焗肉排，以青檸蜜糖裹住炸至金黃嘅肉排，半肥瘦食落充滿豬油香更過癮，加埋酸酸甜甜嘅醬又係秒清！另外籠仔糯米蒸羔蟹都好推介，果陣蟹膏同荷葉嘅蒸氣完全就係秋天嘅味道，糯米飯熱辣辣索哂蟹肉香，而羔蟹除咗爆膏之餘仲好多肉添，師傅預先夾碎哂啲殼所以一蚊即開超方便，整體嚟講好推薦✨…查看更多

靜中帶旺既大坑素有隱世美食天堂既美譽，只要肯花時間細心發掘，必定唔會令一眾饕客失望而回。睿海御宴係一間係去年底新開業既粵菜私房中菜廳，走高端路線。大廚有超過三十年粵菜經驗，會因應時節挑選時令食材入饌，保證食客可以享用合時高質菜餚。.雖然屬於樓上店，但門面對正大街，寬閣樓梯兩旁繪上傳統大坑火龍壁畫，光猛有氣派。地方不算大但有齊大廳區域同數間VIP房，三兩小口或者大伙兒飯局各適其適，到訪當日VIP房爆滿好不熱鬧。裝修簡約整潔，地方寬敞不侷促。.冬茸海鮮羹⭐️3.8/5冬茸羹係夏日美味湯羹之一，冬瓜茸清甜味道濃郁，配埋蝦粒、帶子粒，湯芡濃稠度適中不糊口。雖看似簡單但令人回味。.青檸焗肉排 💲168⭐️4/5同系列菜式係坊間中菜廳不難發現，但原來越看似平凡既菜式，越能夠突顯餐廳級數。呢客青檸焗肉排無論擺碟同質素都非常高，薄薄外皮微酸帶甜口感鬆化，肉排鮮嫩多汁，係一道上乘既開胃菜。.奇香糕蟹腸粉 💲588⭐️3.9/5餐廳推薦名菜之一，大隻糕蟹配上香煎腸粉。糕蟹大隻爆糕滿滿一碟，腸粉煎得微脆，掛上大量糕蟹汁一齊享用。海量赤橙色糕黃味香有嚼勁，食到清碟有滿滿罪惡感。.正宗家鄉蠔烙 💲188⭐️3.9/5餐廳另一招牌必試名菜 - 福建煎蠔烙。同一般食到既潮州版本唔同，福建版本既蠔烙唔係用炸而係煎香，只係用上蠔仔、鴨蛋、韭菜同薯粉，口感煙靭。負責人介紹唔係太多地方會食到呢種傳統口味。.總結：雖然人不多唔算試左好多款菜式，但每一道菜餚都令人感受到誠意滿滿既感覺。服務員殷勤服務到位勤快，實屬推薦粵菜廳。.不專業食評nei.foodie…查看更多

大坑呢間私房菜有好多特別既菜式，如果想食特別d既中菜，呢間係唔錯既選擇！┄┅┄┅┄┅┄┅┄≋ 奇香膏蟹腸粉 $588係我食過最豪華既腸粉🤣 膏蟹既蟹膏真係超級多，成個蟹蓋同埋蟹身都係好多膏～腸粉煎焗之後再同膏蟹一齊炒，每條腸粉都充滿蟹膏味，好香。評分：🌕🌕🌕🌕🌗-≋ 正宗家鄉蠔烙 $188同平時食開既潮州蠔餅唔同，呢個比較似台灣既蚵仔煎。食落有少少煙韌，蔥同蠔仔既份量勁多，鋪滿哂成個蠔餅，啖啖肉😋評分：🌕🌕🌕🌕🌗-≋ 鮑魚海味小炒皇 $288佢地既鮑魚唔係罐頭鮑片，而係真鮑魚片！韭菜加埋d海味同炸魚仔一齊炒又香又爽口，食唔停口～～評分：🌕🌕🌕🌕🌘-≋ 青檸焗肉排 $198外皮炸到有少少酥脆，一咬落去就食到好香嘅青檸味，肉質紮實多汁。評分：🌕🌕🌕🌕🌗-≋ 豐料老火湯 $78呢個係青紅蘿蔔陳腎湯，好足料！評分：🌕🌕🌕🌕🌗…查看更多

大坑一向都西式餐廳較多，最近見呢間新開中菜廳，門口璧畫左大坑舞火龍，好靚好有特色。望過餐牌午市啲套餐都幾吸引，一家四口試左個 $688 至尊套餐個套餐真心抵食，都幾豐富，有湯、4款小菜、炒飯，仲有甜品，都只係$688，而家啲餸菜都好好食先黎個老火湯，好足料！崧子蝦仁炒滑蛋小朋友至鐘意食青檸肉排 正，擺碟亦非常靚主角脆皮雞認真一流，咬落去皮脆卜卜，好香而唔會油膩炒食夠乾身，份量好足，甜品係芒果布甸，不過就冇影到相其他午市套餐最平二百零蚊起，呢個質素呢個價錢好抵食…查看更多