麥奀雲吞麵世家 (威靈頓街)

如果外國朋友問到，香港有什麼地道美食，我想我一定會答雲吞麵。今日去中環威靈頓街麥奀食雲吞麵$42（又叫細蓉）同牛腩河 $46。佢嘅雪吞麵，碗底放上小雲吞，蓋上麵條的。麵條用上全蛋麵，麵質彈牙。麵量不多，是正常麵家1/2的量，每一碗雲吞麵有四粒小雲吞，一口一粒雲吞剛剛好，蝦肉粒新鮮味美，湯底也不錯。牛腩河，份量也是不大，腩汁好香濃，牛腩亦炆得好淋，加上滑滑的河粉，五六口就可以清一碗。加上一杯清茶，好滿足的一餐。雖然佢與同行相比是價錢偏高，但與現在的拉麵、米缐相比之下，其實也算價廉味美。＊不同地區店鋪價錢可能有差異，以店鋪餐牌為準。…查看更多

麥奀依個名字聽就聽得多，但真係未試過，剛好公司搬了去中環，放工百無聊賴，走去試一試佢啦！叫了碗細蓉（雲吞麵）， Size確實比其他雲吞麵店細碗，湯底本人覺得冇乜特別，面很好食有咬口, 雲吞不是太大粒亦覺得蝦不夠爽！總括嚟講OK啦！＄40一碗麵喺中環來講係正常價！但本人比較喜歡西營盤的麥明記！…查看更多

在道場激戰一番贏了之後，在附近吃碗麵醫肚。麥奀記的雲吞出名大粒，小人就要了碗最基本的雲吞麵。麵一到，小人先呷口湯，湯底很清，加上韮黃更添香氣。麵條擱在雲吞之上，保持彈牙口感，避免浸得過腍，吃下確實爽口有蛋香。主角雲吞，一粒足有一匙羹般大，豬肉鬆軟、蝦肉爽彈，吃完數顆雲吞已差不多飽！夠份量又好吃。本麵控是不容易滿足的，不過對於這碗雲吞麵也很滿意。😀…查看更多

由於今晚去食西餐，下午決定要食清少少，唔好搞咁多野，所以就諗不如黎食碗雲吞麵啦。而且呢度唔係好大碗，啱哂正在節食既我。大概12:45去到，唔係好多人咋喎，一個人仲可以坐卡位，真係好。阿哥即刻行埋黎問我食咩而我就叫左碗雲吞麵啦。食既時候發現好多係附近返工既外國人都會黎呢度食雲吞麵，真係唔可以睇小呢粒細細既雲吞。碗麵黎到即刻飲啖湯先，飲落去非常清甜，有鮮味而且無咩刺喉既感覺。再食佢既麵真係一D鹼水味都無，非常幼身且彈牙，有少少煙靱既感覺，同啖湯一齊放入口真係好味! 都未至於細碗到一分鐘就食完呀~ 我都食左一陣喎。有 4 粒小小的雲吞藏在湯底，蝦不算特別大隻，但也有鮮味，加上點點豬肉，和勁香的蝦籽，鹹鹹好咁，味道殘留在口腔裡，好食呀。食完呢碗小小的雲吞麵，身體有了力量就繼續上班了。=)…查看更多