沾仔記 (兆英商業大廈)

今日行開上環，經過沾仔記，唔知點解突然覺得有啲肚餓，於是行返轉頭落去食碗雲吞麵。呢間沾仔記因為要落地庫嘅關係所以唔係咁顯眼，以前喺上環返工都會成日幫襯，因為佢嘅雲吞好大粒，蝦嘅比例都算多。今日由於係下午茶時間去，所以得兩三枱客，自己仲可以一人霸張卡位添🤣🤣。原來下午茶時間會有另一個餐牌，不過雲吞麵同飲品，都係比正價平兩蚊啫！抵唔抵食就見仁見智。我叫咗一個雲吞麵同一個豆漿，豆漿原來係支裝，都好！飲唔曬可以帶走，豆漿嘅豆味都算重，而且唔會太甜。講返雲吞麵，同以前一樣雲吞超大粒，蝦嘅比例算多，唔覺有肥豬肉；麵係冇鹼水味，我最欣賞係佢個湯，因為真係有種鮮甜嘅味，而我又唔覺得味精好重，因為我飲咗好多湯都唔覺得口乾。…查看更多

今日終於一嘗人氣雲吞麵，尼間一早納入「米芝連」既沾仔記已經有幾間分店。平時我好少食雲吞麵，因為覺得無咩特別就普通家常麵店，同埋少食麵多數食米粉，黎到就當然要試佢既招牌雲吞麵。中環有兩間分店，我去尼間係中環同上環之間，店係地下鋪，超大間。今日係紅色假期，中午十二時左右人流不算多仲好多位。尼到既裝修古色古香，好有中國風既格調。餐牌好簡單只有幾款麵揀，我揀左《招牌雲吞麵》$32落單不夠好快就有麵吾算大碗，只有3粒雲吞但勝在夠大粒雲吞超多蝦肉，好新鮮皮夠薄同彈牙。平時我吾會食既麵，但尼間就煮到D麵非常滑同爽口湯底亦夠濃味，真心一試愛上。不過食一碗係吾夠飽份量偏細。另外仲有得揀《雙拼麵》$38朋友叫左碗雙拼鮮牛肉拼雲吞，牛肉都幾多同大塊。總括尼到既雲吞麵值得一試但要食飽就要食兩碗…查看更多

中環睇完医生, 中午時間一路都搵唔岩地方食LUNCH, 行左几條街見沾仔記, 好啦, 就試下啦!要行樓梯落一層既, 嘩! 竟然無乜人, 正!除左雲吞麵, 就係牛肉麵, 或者鯪魚球麵, 一係兩溝... 唔洗揀好耐!我叫左雲吞麵+油菜+可樂果然, 雲吞大大粒, 虾肉好鮮味同埋爽口, 雲吞皮也算薄, 麵冇梘水味, 沒有糊埋一舊舊或者一大抽咁, 而且配的紅醋不會過酸, $23/碗, 細細碗, 岩晒女仕們份量!…查看更多

沾仔記既雲吞麵，我由$10幾蚊年代食到依家$21下午茶時段（正價$23）一直都定時幫襯，事關咁既價錢喺中環黎講實在太抵喇！佢地既Business model非常簡單，基本上只係賣兩樣野︰1) 麵（雲吞、牛肉或者鯪魚球）同埋油菜。當然，唔駛問最出名既當然係雲吞麵啦！下午餐時段唔太多人，order左3分鐘都冇熱辣辣既麵就已經上枱！一如以往，雲吞仍然係乒乓波咁大粒，咬落去既時候仲非常爽口添，絕對唔係普通街邊用肥豬肉溝粉既貨式。雲吞裏面重可以搵到幾隻蝦同埋少少蝦殼添，非常特別，我相信第二度一定食唔到佢又大又爽口既口感！至於D麵，十分煙韌之餘亦唔會一pat野痴埋一舊，重一D梘水味都食唔到！由此可知，佢地喺煮麵既過程一定落足心機，唔會求求其其、馬馬虎虎，抵讚！要記住既係喺中環淨係呢間先有下午茶餐($21單併麵+$6野飲)，另外威靈頓街果間係冇架！…查看更多

今次是第二次幫襯沾仔記的新店，沾仔記於舊年年尾得到米芝蓮評為推介食肆之一，搬了新鋪後店面裝修雅緻整潔，但假日時間客人稀疏。照舊叫了招牌雲吞麵，這裹的雲吞以它的珍寳大小著稱，饀料以原隻中蝦配以少量猪肉，生麵麵質爽口，一碗有三隻大雲吞，份量比麥奀記大很多，食完也不會有空虛感，以比平價麵店多數元便可以在較舒逍適的環境中享用質量不俗的雲吞麵，也都算物有所值。…查看更多

18-1-09(日)這裏好像是新開不久，環境乾淨。假日的下午很清靜，卡位任坐。雲吞麵不俗，無論質量和份量，十六元一碗實在物有所值。鯪魚球麵，鮮味十足，更覺滿意，難得是並無將貨就價。這裏因為是在地庫，要行一條樓梯，門口也不顯眼，否則應有更多客人。此外餐牌選擇不多，也可能是原因。…查看更多

我已幫襯了沾仔記很多年，由十蚊一碗食到現在十六蚊，它只供應雲吞、鲜牛肉和鯪魚球三樣麵料，全都以珍寶大少及份量著稱，最近喜穫米芝蓮一星级餐廳的榮譽，踏入新一年已搬到皇后大道中陳意齋斜對面大厦的地庫中，今天下午便去新店吃碗雲吞麵。在地面的入口貼着米芝蓮的評語和OR的優秀粉麵店大賞証書，循着窄長的樓梯往下走下去，眼前登時一亮，新店的裝潢及燈光比舊店好了超多了，玩在活像一間高級的食店，整潔非常，枱面的食具都閃閃生輝，環境真的不錯。 店員都穿上整齊的制服和圍裙，一下到去時只有數枱客，也不見往日舊店不少的菲律賓女傭，侍應立即上前招呼在卡位坐下，現在已無須先買票排隊自取食物，柯打後店員自會送上枱，看來老闆是要打造一間環境及服務更符合米芝蓮一星级的麵店。當然又是叫了一碗招牌雲吞麵，不一會侍應便送來，麵的份量好像比前多了，一碗四隻雲吞不再是大散尾雲吞，但乒乓球般大的雲吞依然包着原隻大蝦及猪肉饀，味道依舊好食，食完唔會好似在麥奀記那樣感到不夠喉，不知是不是心理作用，感覺生麵比以前爽口彈牙，很少鹼水味，麵質更接近羅富記的生麵。雖然服務及環境都提高了，不過價格跟搬店前一樣没變，我相信這是全球最平宜最抵食的芝蓮食肆了，大家路經中上環，不妨專誠過來試下。…查看更多