百味王火鍋酒家

星期六同父母八點就去飲早茶，見好耐冇去百味王就特登過去幫襯下。印象中佢以前個啲嘢食都係唔錯，話晒都係百樂門集團，但事隔一排今次去真係幾失望。😥雪山叉燒包其實係呢間茶樓嘅招牌點心，但係今次淨係送上嚟已經邊邊地，咬落去外面脆皮一啲都唔脆，個包入面嘅叉燒餡醬多過肉，食返普通嘅叉燒包可能仲好食。😥懷舊魚翅餃都幾大隻，入面主要有雞肉，木耳絲同雜菜，味道okay。香芋棉花雞芋頭蒸得好林好入味，棉花都好好食，係最好食既點心。👍脆網肉鬆腸啱啱送上嚟食好脆唔錯，不過浸左一陣豉油就已經唔脆😂，建議豉油應該分開放，肉鬆比較少。蒜蓉蝦春卷佢包到長春卷款，但好細條，入面嘅蝦肉得好少，雖然係新鮮炸出嚟，但因為春卷皮好厚，咬落去得最出層皮係脆，入面係淋😥，條春卷皮嘅份量多過蝦一倍。👎…查看更多

LUNCH 1:30pm, 人流還可以, 不用等位, 直接入座. 由於少人, 所以2個人都可以坐卡位, 坐得好舒服.服務尚可, 食物質素也可, 不用等位比較方便. - 點心拼盤 (蝦餃, 燒賣, 菜苗餃, 叉燒包, 奶皇包) :蝦餃皮比較厚. 燒賣啖啖肉, 肥瘦豬肉好味有咬口. 菜苗餃最正, 皮薄餡又多, 清淡得黎又好味. 叉燒包 正常, 夠熱包鬆軟, 叉燒料比較濕潤, 味道濃郁.奶皇包冇試. - 菜苗雞絲炆麵 :睇落好似好亂唔吸引, 但估唔到清淡又夠味, 比較健康, 原來好好味. 分量也好多. - 鮮竹卷 :麻麻地, 用湯浸住, 所以冇平時蠔汁個款甘濃味. 腐皮太淋, 餡料太少. - 雪山叉燒包 : 面層原來係椰絲, 好香帶清甜. 呢款叉燒包係生煎包個類, 皮薄d 冇甘膩. 叉燒餡一樣甘好味.…查看更多

誰說工廠區就沒有好食店?  這店為百樂門集團食肆, 開店工廠區小街, 近港鐵站, 交通方便, 食物味道較同區的佳, 價錢郤便宜一大截.  內裡裝修不差, 牆上有很豪氣的書法.         早茶特價點心裡HKD6.8 至 17.8, 早茶孖寶更是抵食.            其中不能不吃的是  雪山叉燒包,  HKD14.8 一客有三個.  外包很酥脆, 熱騰騰的        饀料用的叉燒, 肥瘦適中, 鹹肥剛好,  不會太乾或濕, 叉燒切成指甲薄, 如此佳作,  名酒樓也未必做到.       鳳爪排骨飯的餸也不少, 排骨也有四塊之多, 鳳爪則有半隻, 飯可以盛满兩大碗酒樓飯碗. 飯吸了排骨的肉汁, 粒粒脹满, 令人吃得開胃,  以HKD6.8 的價錢來說, 水準難得    叉燒腸也絶不欺場, 腸粉皮香滑潤, 叉燒饀料份量剛好.  細心的侍應給我豉油另上, 自行添加在飯或腸粉裡.       潮洲粉果內的沙葛很清甜, 加了中國芹菜, 花生炸香, 沒有油膱味, 也沒有過多的肥肉, 粉果外皮煙靭, 要挑剔的是胡椒粉下多了, 有的嗆喉.   懷舊鴨腳札則水準平平, 坊間一般會把已刴好的肉釀在鴨腳心, 但這次吃到的則以一塊雞肉代替, 有點奇怪,  幸好竽頭很粉, 調味也不錯, 不會死咸 這店不只點心便宜, 茗茶在11點前結帳也只算HKD6 一位, 之後則HKD9 一位. 也算合理.…查看更多