浜松水產

部門同事接到大生意, 今晚請客慶祝。選址彌敦道靠近太子嘅一間地庫日本居酒屋, 主打多款刺身, 聽說仲係每日新鮮空運到港, 多款刺身併盤性價比高, 另有日式小食、串燒、鍋埋、丼飯等…當然唔少得日本清酒啦!餐廳位於地庫, 入到餐廳果然別有洞天, 環境裝修佈置有如日本地道居酒屋一樣, 【櫻澳洲龍蝦極盛】HK$698超吸引的刺身併盤, 集齊超過十款刺身, 而每款魚類刺身均為厚切。半隻澳洲龍蝦刺身鮮甜爽彈、中拖羅魚油豐富、三文魚富有魚香、珍寶赤蝦肥美爽甜、帆立貝夾住青檸, 令味道鮮甜清新; 鮮活赤貝同埋南非鮮活鮑魚雖為薄切, 但仍為爽脆兼冇腥味; 三文魚籽伴海膽, 海膽入口即溶, 甘甜美味; 仲有厚切鯛魚, 沾酸醋食, 更加提鮮; 北寄貝開邊唔韌, 而當晚併盤中, 原本油甘魚就以鰤魚代替, 同樣出色鮮味。【鵝肝多士】HK$108鵝肝賣相雖然不算討好, 但鵝香味濃, 為8成左右熟, 配上烘至金黃色嘅多士, 平衡了鵝肝本身油膩。【蟹肉忌廉薯餅】HK$58外層炸得金黃鬆脆, 內裡為甜甜蟹肉忌廉, 沾沙津醬食, 味道更提升。 【雞軟骨餃子】HK$58餃子煎得香脆, 內有豬肉餡料, 有淡淡豬肉香甜, 不過就食唔出有雞軟骨嘅層次。【炸池魚仔】HK$88池魚仔脆美, 不過炸得未算香脆, 入口軟林, 魚味甘香濃郁, 不過就多骨咗少少, 食嘅時候要小心。【七味牛舌粒】HK$68牛舌粒為厚切, 入口散發牛油香, 肉質偏林又帶有原本肉汁, 夾埋盡索了牛肉汁嘅洋蔥絲, 同埋面層灑咗少少七味粉, 微辣惹味, 好味推介!另外order咗三款串燒:【特級牛柳】HK$38牛柳好林, 有些少黑椒吊味, 香濃惹味!【免治雞肉軟骨棒(配日本蛋)】HK$48軟骨棒表面金黃, keep到香甜肉汁, 夾集了爽脆軟骨碎, 沾上蛋汁食, 令口感滑溜。【鹿兒島薩摩赤雞翼】HK$28雞翼外皮燒得香脆, 微鹹焦香惹味。…查看更多

餐廳位於地牢，內裡用木系傢俬，播著音樂，客人聲音比較嘈吵，昏暗燈光加上日式旗幟，彷彿置身於日本沖繩居酒屋一樣。服務員帶我們到房間，房內只有另一枱客人，兩個男人尚算安靜。第一點食龍蝦刺身，只點了半份，好爽口，本身不太喜好刺身口感既人都吃過不停，盤上有配上特製醬汁，試過後都係點返wasabi豉油。其他幾樣刺身都好新鮮。帶子，大蝦都好甜，另有鯛魚、三文魚香油甘魚，油份豐富。雞軟骨餃子同壽喜燒牛肉窩正常水準，最失色既係鮑魚炒飯比較油膩。…查看更多

日本返嚟已經一段時間，但仲係好掛住啲日本菜。於是友人提議去喱間居酒屋。一坐低 就已經有開胃三小碟有開胃小碟 令人好期待一陣上嘅菜。首先嚟Sake，我點左個橙味。入口甜甜地，可以同唔好酒嘅朋友小酌，係一個唔錯嘅選擇。之後嚟嘅係梅 嘅象拔蚌刺身喱個拼盤除左有象拔蚌 亦都有其他刺身既然主打象拔蚌，都真係幾甜😍其他刺身都新鮮，口感呃唔到人！好多野都係朋友點，唯獨雞軟骨餃子係我點嘅。所以我特別期待。嚟到冇令我失望！皮脆又油兹兹嘅感覺。啲雞軟骨已經攪到好碎所以同餃子皮、餃子入面嘅肉咀嚼嘅時間唔會差好多。但咀嚼嘅時候，又會咬到脆脆地嘅軟骨。係我追求嘅口感。佐酒小食當然仲有雞泡魚乾、極上牛舌心。雞泡魚乾店家整得比較乾身，所以都好焦脆。另外牛舌都彈牙多汁，絕對對得起極上喱個名涵。嚟到今晚另一重頭戲-Harami 真係好好食，挨住筋膜嘅位啲牛油好香好濃。好食到我地本身唔係太清楚到底係牛嘅邊個位置，都即刻上google 搵。原來係指牛嘅橫膈膜近背嘅位置。肉質帶適中嘅油脂，口感柔軟，肉味濃香。店家亦都燒到好合適嘅生熟程度！最後我地用一個芝士蛋糕切件去為喱餐畫上句號。整體嚟講價位都好合理，食物質素都唔錯。大推象拔蚌刺身同Harami!!! 地理位置位於旺區，最特別係佢係地庫舖，有種去咗日本商店街地庫覓食嘅感覺。…查看更多