拉麵達人

隻身由伊利沙伯醫院步行大約十分鐘，到達佐敦地鐵站附近的拉麵達人。之前同朋友食過一次，今次一個人再訪，唔洗排隊。店面雖然唔大，但係睇得出好用心佈置。店舖入面放面小擺設，包括小型汽水罐同不倒翁，仲有其他日式玩具。餐廳提供多款拉麵，同時又有好多種小食可以揀，最貼心既係拉麵既濃淡、軟硬等，都可以按顧客需要調教，不過就要落單果時講清楚。小弟本身鍾意食濃湯拉麵，同時都係蝦湯控，之前食過櫻花蝦達人，今次就緊係試下赤海老達人。離遠都聞到好香既湯，蝦味撲鼻而至。赤海老達人用上特式辣醬，第一啖先飲湯，飲落有少少似上海擔擔麵，不過越食越上癮，少少辣配上蝦既香令人特別開胃。蝦好爽口，總共有三隻；麵質彈牙，不過份量for男仔有啲唔夠；蛋同紫菜都合格但無乜驚喜。總結都有7/10分。之後有各種調味料任君選擇～蒜頭，七味粉，辣酸菜，應有盡有。叫小食送特飲，可惜今日無我最愛既巨峰柚子soda雞軟骨餃子，餃子皮剪得岩岩好，味道都唔錯，不過餡料有啲少，如果五隻變四隻不過餡多啲就perfect雖然今次都幾好食，不過都係比唔上櫻花蝦達人，再黎既話一定係食櫻花蝦達人！待應態度好好，坐得都好舒服。…查看更多

今日下班後相約友人一起到佐敦吃晚飯！正當討論想吃什麼的時候，我倆突然一股無明的拉麵癮起，在佐敦來來回回走了幾趟，終於發現了這間玩味十足的拉麵小店- 拉麵達人。這間拉麵店的裝横走懷舊風，跟日本街頭拉麵店無異！走進店內看到人頭湧湧，非常熱鬧！右手邊有一塊大型木牌寫着「一碗入魂」，頓時令我對這碗拉麵的期待度大增！每張桌子上都放有冰凍的檸檬水供客人享用，驅走悶氣！打開餐牌，看見餐牌上的達人拉麵$85旁寫有一番人氣，所以我便二話不說，叫了這款拉麵！小食方面，我則選了雞軟骨餃子$38！等了大概五分鐘，先來雞軟骨餃子！餃子皮煎至焦香，呈金黃色！咬下去，餃子皮又薄又脆，雞軟骨非常有「咬口」，味道偏啖不太鹹。在等拉麵期間，看到店舖原來隱藏了很多不同的日本裝飾物（如招財貓、鯉魚等）和玩具！玩味十足！店內亦有小紙條作溫馨提示，客人有任何要求，餐廳也會細心聆聽！一會兒過後，我的「達人拉麵」終於到了！碗呈上來時碗邊稍熱，要小心呢！拉麵的豬骨湯非常濃郁，有厚度！湯面灑滿白芝麻，散發陣陣芝麻香味！叉燒邊烤至微脆，入口有煙燻的味道。至於麵條，硬度適中，不會偏淋或硬，配合上煙燻叉燒和濃郁豬骨湯，絕對是啖啖滋味！…查看更多

我同男朋友都好鐘意食拉麵, 間唔中就會搵下香港有邊間拉麵店可以試下今次就揀左無論內定外都好日式既拉麵店入面擺放左好多日式擺件, 好吸睛我就揀左達人拉麵, 雞軟骨餃子, 仲送左杯海鹽柚子蜜梳打雞軟骨餃子, 食到好少量既雞軟骨, 整體上都OK, 但就無咩特別達人拉麵, 個豬骨湯好濃郁, 幾好味, 而且一啲都唔重味精味, 個蛋帶有甜味, 亦有少少酒香, 而拉麵既口感就普普通通不過見佢可以揀麵既粗幼同埋溫既濃淡, 有機會, 都會想試埋其他拉麵…查看更多

今日行左去佐敦搵野食，聽就聽到人講過啦，有間幾出名既拉麵鋪「拉麵達人」，結果我地就去呢間拉麵店醫肚先。餐廳裝潢好有日本風味，好懷舊既感覺，黃黃既射燈射落黎好有感覺。入左店內，好多唔同卡通人物既擺設，有玩具有零食，好似返回兒時，好有童真既感覺。🤖🚗🎮🎪🎲睇左陣餐牌，拉麵款式有12款選擇，其中一款係限定拉麵。而今次我地點選了：「W達人$95」、「黑蒜達人$92」、「雞軟骨餃子$38」。😋🍜「W達人」湯底係鰹魚豚骨湯，用上火炙豚角煮成，湯底比較稠身，飲落好香濃既魚湯味同豚骨湯味，唔會太鹹，而湯底配料有荀、粟米、蔥、木耳、紫菜、糖心蛋一隻開半，配上一件大塊而厚既豚肉，但脂肪比較高，食落好有口感。拉麵軟硬適中，麵身唔會太林太硬，口感豐富。🍜「黑蒜達人」湯底係豚骨湯再加上黑蒜，湯底比較稠身，飲落好香濃既黑蒜味及豚骨湯味，唔會太鹹，而湯底配料有荀、粟米、蔥、木耳、紫菜、糖心蛋一隻開半，配上數件豚肉，脂肪明顯較少，肉質炆到火喉剛剛好。拉麵軟硬適中，麵身唔會太林太硬，口感豐富。🍜「雞軟骨餃子」一碟5件，食落去唔算好多既雞軟骨，但味道好足夠，餃子皮亦唔會太厚。🍽「餐牌」我已經影左上載至openrice既「餐牌」入面啦，方便大家查閱相關菜式。📋…查看更多

今日和友人剛好路經佐頓，憶起早前看過雜誌有關這裡不俗的評價，便索性提起膽子拉門內進。坐進店內，立時看到餐桌旁貼著紙條，標榜拉麵所用的湯底全是用上真正的豬骨熬製，而且無論是湯底的濃稠抑或是麵質的軟硬，食客都可以在落單時提出要求，大大增強了對店家的信心。我點選了一碗「W達人拉麵」($90)，先呷一口湯底，質感很稠，但仍未至忌廉湯的滯膩狀態。縱使湯底膠質感很重，但湯面也未有發生過份的油光。個人最喜歡的是湯底除了有豬骨的香味外，還混合了鮮甜的鰹魚湯，魚香滿溢，層次豐富。拉麵是略帶捲曲的拉麵，很有嚼勁，爽口彈牙，且未有發現鹼水的痕跡，惟份量可再多一點更佳。主角的炙燒豚肉片薄薄一片，入口稍加咀嚼即化之於口，只留下豬肉和油脂的香味，令人回味。配菜的溏心蛋約七成熟，蛋白保持軟滑，蛋黃剛好熟成，流心效果出色，也算是出色之作。友人則選擇了「黑蒜達人」($88)，拉麵的湯底熬製成如墨魚汁般純黑色的湯底，驚覺湯的濃厚程度比我的「W達人拉麵」更要高，而且滲入了各種複雜的味道，層次更為豐富，還帶有一點黏口的感覺，骨膠感頗重，可算是用心熬製的湯底。拉麵附有兩小片薄薄的火炙叉燒，一小一大，小的偏瘦，大的半肥瘦，肉香出眾之餘，白色的脂肪比例很少，肉質嫩滑。吃過拉麵後，都只有四成飽肚感，完全意猶未盡；我們再追加了一客「雞軟骨餃子」($36/5件)，餃子內有香脆的雞軟骨作餡料，配以煙韌的餃子皮，為是日的輕便晚餐畫上句號。…查看更多

忘記了從何時開始，香港便捲起了一股拉麵熱潮，拉麵店開完一間又一間，而自命達人的，這可算是第一店了，所以今天便約了朋友一起來一試究竟！店舖位於佐敦吳松街，老實說環境是有點雜的，無論你是男生或是女生，也是不建議你單獨一人來惠顧的，除非醉翁之意不在…這碗拉麵？你懂的但是找來三五知己來臨，你會感受到這店的誠意所在。這店比較小, 所以假如在午/晚飯時間到來, 應該要等一陣子才可以安排座位, 幸好今天是下雨天, 所以我大約18:00來到, 也不用等位 (約18:40, 店子便被爆滿了)店子的裝潢十分日本, 走進食店後, 假如身旁的客人、店員不是說廣東話, 而是說日語的話, 你會忘記了自己是身處繁忙的香港, 而誤會了自己是在悠閒的沖繩呢在店舖的旁邊放有10個強力的電風扇, 應該是預備了給排隊的客人的, 激讚另外在每枱也有擺放了一壺有lemon的水, 調味料, 和蒜頭~再看一看餐牌, 有10款麵既選擇, 以拉麵店來說都算幾多, 而小食亦有10多款, 值得留意的是, 他們有一個套餐價, 可以加$28, 跟多一碗飯俾你, 加$8, 就有埋飲品, 岩哂情侶黎食。今次我同朋友就叫佐2碗比較特別既拉麵加1個小食試下櫻花蝦達人 ($95) 7/10呢個拉麵既配料極多, 有糖心蛋啦, 蟹棒啦, 蜆啦, 炸蝦啦 , 帶子啦, 粟米, 同埋紫菜佢既湯底極濃, 有濃烈既蝦味, 令我一飲再飲, 好味糖心蛋就覺得佢做得唔夠糖心, 冇乜流心既感覺 蝦既皮用漿太多, 浸落碗拉麵度淋哂…有點浪費了…而麵就做得好爽口彈牙, 好好味這個價錢食到咁多海鮮, 絕對超值W達人拉麵 ($90) 8/10呢個拉麵就用佐鰹魚豚骨拉麵, 有一大塊魚柳, 蛋, 紫菜我試佐一啖個湯底, 都係勁濃, 好香甜, 個人感覺呢個湯底好味過蝦湯而塊魚柳勁大塊, 抵食！雞軟骨餃子 ($36) 7/10呢間店既餃子咬落去真係食到大大舊既雞軟骨, 有咬口, 因為之前食話一D雞軟骨餃子D雞軟骨係軟到冇骨味既, 而呢間店就食得出係真材實料呢個價錢有5隻餃子絕對抵食埋單每人$110, 絕對抵食, 因為個湯底夠濃, 同埋好味, 我和友人都將整碗麵連湯KO了, 超飽！ …查看更多

有幾次行過公司附近呢間拉麵店，見佢好似好日式傳統風格咁，今晚一於去試下先！我同朋友都叫左佢最傳統果款達人拉麵個湯底好濃呀！食落好重豬骨味！拉麵比較幼身，好彈牙！叉燒煮得好淋！肥肉同瘦肉分佈得好平均！而我最欣賞係個溏心蛋除左係好流心之外，仲煮得好入味！咸咸地，好好味！另外我地仲叫左2個小食share食雞軟骨餃子餃子皮好薄煎到脆脆地，點埋個酸酸地o既餃子汁食，好正！八爪魚丸估唔到佢整得咁好食喎！個皮脆卜卜o既！入面個餡又軟淋淋！個味甜甜咸咸咁！好有驚喜呀！呢間拉麵店除左食物好食之外，服務都好好！唔似一d出名o既連鎖拉麵店咁成日趕人走！…查看更多

今日要去佐敦拎嘢，順便去食啲嘢;見到餐廳好似在日本啲居酒屋就入左去!餐廳裝修好有日本嘅味道;放左好多sake同不倒翁;侍應就俾左餐牌我，餐牌上有隻不倒翁。結果我就點左櫻花蝦達人(濃蝦醬油) 和一個雞軟骨餃子!我坐左一陣，我發覺餐廳播左好多日文歌;我以為自己真返左去日本。幾分鐘之後就上左個拉麵，好快呀。櫻花蝦達人的拉麵比出面的拉麵幼身，隻麵係博多拉麵;博多拉麵在日本三大拉麵之一:而湯底就用左濃蝦醬油;飲落去好有蝦味，唔油膩!拉麵的材料有大蝦﹑蟹棒﹑帶子和海帶;拉麵食落去好爽口和好彈牙;大蝦就好有海蝦味，仲有陣蝦膏味;櫻花蝦好香口，雞蛋食落去好甜，蛋黃有少少流，蛋汁好濃!雞軟骨餃子，外表煎到金黃色但又唔太燶;食落去好爽口，雞軟骨的爽口﹑椰菜的甜﹑好淋的肉﹑餃子皮薄;完全無得彈嚟形容。…查看更多

陪朋友在佐敦買布料後,路過見有拉面達人入去食Lunch. 拉面達人店面積雖不太,裝潢具有日本風格.首先點小食【雞軟骨餃子】餃子香脆皮薄,內有卜卜脆有咬口的軟骨,菜及肉,口感豐富Juicy好味不太油膩.我點了【濃蝦醬油拉麵】濃蝦醬油拉麵內有好豐富餸,有彈牙的蝦、元貝、蟹柳、半隻溏心蛋、粟米粒及海帶等.拉麵配以醬油湯底比較濃厚有點杰,麵條掛滿濃而不膩的湯底,至於拉麵條軟硬適中,富彈牙夠滑溜.而朋友就點了【黑蒜豚骨湯拉麵 】黑蒜豚骨湯拉麵,餸有二片鬆化叉燒、半隻溏心蛋、爽口木耳絲等,湯底好黑吓,有陣陣黑蒜香味,啖湯有好香黑蒜的甜味的豬骨湯帶少油,令麵條食起來更滑溜,令人一試難忘. …查看更多

今日放假，便約媽媽出去佐敦搵食。其實平時都是約朋友比較多，人大了便很多應酬，很難得和她一起放假，吃個午餐。今次是我第一次和她食拉麵。十二點正，達人剛開始營業。 我點了一碗櫻花蝦達人，她要了博多達人，再要多了一客雞軟骨餃子。小店都是即叫即製的，需要耐心等待一下。 先說一下櫻花蝦達人：豚骨湯頭、櫻花蝦乾、大大條蟹柳、半隻溏心蛋、兩粒帶子和主角炸蝦。 麵條硬度煮得剛好（其實本人偏好硬麵條，不過落order 的時候忘了），湯底好濃味，如有需要的話可以要求加清湯沖淡一下。雖然我平常吃東西偏好清淡，但拉麵湯底則偏好濃一點，差不住飲了幾啖。它的濃味是重骨湯的味道，而不是一碗死咸的湯。不過櫻花蝦不太足夠，所以湯底不太品嚐到蝦的味。蟹柳很粗很大條，雖然是人造蟹柳，但比普通買到的好吃，蟹味都重一點。溏心蛋蛋黃很橙黃，且帶少少黏，煮的時間剛好，但略嫌蛋味不夠重。 帶子感覺上普通，不過都彈牙同煙un的。輪到壓軸的炸蝦出場：蝦很大隻，跟虎蝦差不多大少，稍微炸過一下表面，令蝦更香。咬開蝦頭的時候爆汁，蝦肉唔會痴蝦殻，可見有一定質素，蝦味算不上很濃，但蝦肉彈牙。 博多達人的配料除了大蟹柳，還有兩片日式叉燒。經媽媽口述，覺得叉燒普通，不會太肥。最後是雞軟骨餃子，一客有五隻煎餃。 包的方式很特別除了包了椰菜和雞軟骨，應該還有豬肉不過我們一致認為餃子太油，如果可以在底墊一塊吸油紙就更好了！ …查看更多

佐敦這美食小天地，總是隠藏著許多美味小店~~ 這次去的拉麵達人，距離彌敦道有一點小距離~加上店面不大，真的要看清街號來找啊~~(笑) 店內一直播放著令人懷念的JPOP歌曲，都是以前睇日劇常聽到或是一些比較經典的歌曲。一邊食拉麵，一邊忍唔住想唱歌咁濟XD店內裝潢是走昭和風~~懷舊感~~櫻花蝦達人 $88湯底正如傳聞般非常稠身濃郁，不像一般的豬骨湯底。但濃郁得黎不會太咸，一邊食麵一邊喝湯也可以的程度。濃蝦豚骨湯，既有櫻花蝦的香味亦有櫻花蝦的咬口 麵條屬於幼身，果然是九州拉麵~~我喜歡幼麵因為感覺無咁飽，又好似比較入味D~~主要配料除了大大隻的炸蝦和完美的半熟蛋，還有這條蟹柳朋友~~~!!好似無見過/食過呢款蟹柳，非常入味，口感亦較爽 雞軟骨餃子棒 $36棒狀的雞軟骨餃子，非常喜歡切成細細粒的雞軟骨，又爽又有咬口，比普通餃子更好吃~~外表軟熟，不會煎到過火 爆玉拉麵 (類似...) $80新登場的特別拉麵~~朋友叫的辣拉麵，個名好吸引我朋友XDD而佢又話突然好想食辣野~~中間果大舊辣椒醬，客人可隨自己喜好拌進適當的份量~~我朋友是把全部都撈勻，其實食開辣的朋友應該就會覺得好正~~對我來說就稍為太刺激了~~(食一口OK，食成碗我一定唔得~~)自家製辣醃菜店家自慢的自家製辣醃菜.....我只係試左一小塊架炸，一小塊，但辣到我媽媽聲呀~~~我諗喜歡食辣的朋友真係要挑戰下~~~!!其實我在香港都盡量少吃日本菜，因為總覺得不及日本吃的美味嘛~~不過偶爾都會因為太懷念日式味道而吃一下，今次的拉麵達人，我和朋友都覺得以香港的舖頭來說，湯底非常高水準(which is the soul of ramen)~~麵和配料亦非常不錯~~小食亦有心思，味道及種類都很吸引~~…查看更多

呢晚同朋友過嚟佐敦廟街買頭髮用品，經過吳松街見到這間拉麵店就被門口的日式裝修吸引了入去試一試。店內裝修有點似東京的無敵家，有長長的吧枱，亦有幾張四人枱。先來了一客雞軟骨餃子。表皮脆脆的，内裡非常熱辣辣，明顯是即叫即整。用雞軟骨做餡料令咬下去口感一流！味道亦都剛剛好，咸度適中，唔需要點醬汁都好夠味，唔錯唔錯。我點了「黑蒜達人」黑蒜豚骨湯底。湯底比一般的拉麵店較為稠身。拉麵硬度適中，叉燒有兩大片，肥瘦適中。湯底的確有濃濃的豬骨味，但一點也不油膩。朋友點的是「W拉麵達人」，用的是鰹魚豚骨湯底。兩個拉麵我都有嚐到湯底，發現他們的味道的確是有很大分別。雖然兩個拉麵湯底都是豬骨湯，但是「W拉麵達人」因為加了鰹魚而令到整個湯底提升了鮮味，二兩者是出奇的配合，聽說這叫做雙重湯底（豬骨+鰹魚），double的意思。豚肉是烤過的，有香香的燒烤味，半肥瘦，岩哂我口味。現在拉麵店已經開到成行成市，老實說已經很難做到如當初的豚王或一蘭般人氣爆燈。我和朋友都很喜歡這間店的拉麵，尤其是湯底，相信以後又多了一個藉口來佐敦了。…查看更多

朕今日約左個崇東洋既隨從食午飯，佢就提議去食拉麵，於是朕就梗係叫佢幫朕Check下有咩拉麵好食，於是佢就揾左呢間位於佐敦既拉麵達人俾朕試下！一入到去，朕就即刻睇下呢間野有咩好食先。黎到拉麵達人就梗係食－達人拉麵啦！但係碗碗都係達人，咁食咩野達人好呢。朕最鍾意黑蒜，於是就揀左黑蒜達人同埋雞軟骨餃子喇。（呢度仲可以揀麵既軟硬度，同埋湯既濃淡程度。）朕碗濃湯黑蒜硬麵一上枱，朕即刻試下個湯，佢用濃厚既豚骨湯底再配埋黑蒜油，令到個湯底更美味香濃，而個麵身朕就㨂左偏硬身，食落就比較彈牙，再配埋熱辣辣既豚骨濃湯，再加埋肥美稔口既日式叉燒，成碗麵連埋湯都飲埋。雞軟骨餃子，煎到外皮香脆，入面既雞軟骨非常爽口，混和埋啲軟稔稔既豬肉餡，外層香脆，入面又稔又爽口，口感複習，可以一試！－－－－－完－－－－－…查看更多

與朋友在附近想找點好吃的，走了不久就被家拉麵店的門面吸引。想起我們在兩個月前曾到東京旅遊，也不時在街頭看見這種充滿日式風味裝修的拉麵店，真的很掛念旅行自由自在的日子啊！就是這種突如其來的感受，驅使我很想入內吃一碗熱騰騰的拉麵，重拾兩個月前的愉快心情。坐進站內，看到餐桌旁貼著紙條，聲明拉麵的湯底是用真正的豬骨熬製，立時增強了對店家的信心。而且無論是湯底的濃稠或者是麵質的軟硬，食客都可以在落單時提出要求，此舉可使食客自行選擇最切合自己口味的拉麵。無論是裝飾和餐牌，達摩公仔都是老是常出現，這個紅色不倒翁是日本高崎市傳統祈願吉祥物。餐牌提供幾款拉麵，有原味豬骨、鰹魚豬骨和黑蒜豬骨湯底可以選，每款拉麵上面的配菜都不盡相同。除了拉麵外，店家也提供了十八款小食，以小店而言選擇十分豐富。我叫了一碗「Ｗ達人拉麵」($82)，先搯一口湯試試，發覺湯的質感很稠，幾近忌廉湯的狀態，膠質感十分重，湯面也沒有過份的油光。因湯底加入了鮮甜的鰹魚湯，使豬骨湯多了一層鮮甜的魚香，使湯底不至於過於滯膩，個人非常喜歡。拉麵附有兩件火炙厚叉燒，一小一大，小的偏瘦，大的半肥瘦，經炙燒後肉香格外出眾。半隻蛋呈約七成熟的狀態，蛋白保持軟滑，蛋黃剛好熟成，略帶流心效果。落單時麵條點了普通硬度，麵質爽滑，仍有一定的彈牙感覺，可能湯有點濃的關係，麵沒有特別嚐到鹼水味道，掛湯的能力不俗。朋友點了原味的「達人拉麵」($75)，雖少了一份鰹魚鮮味，但湯底依舊濃厚，糊口的感覺不遜鰹魚湯底。薄身的叉燒也經炙燒，薄薄的一片，入口稍加咀嚼即化之於口，只留下豬肉和油脂的香味。另外點了一碟「雞軟骨餃子」($36/5件)，餃子內有脆身的雞軟骨作餡料，咀嚼時口內發出卜卜聲，配以煙韌的外皮，口感相當有趣。餐桌旁放置了不同的調味，包括原顆生蒜（另有研成蒜泥的小工具）、芝麻和海帶醋，有興趣的話可以自行加入拉麵中。店家定價與大部份拉麵店相若，拉麵質素可擠身上品之列，環境和服務也具小店風情。最重要的是不用大排長龍也可吃到美味的拉麵，實在值得再去一次。…查看更多

見門面很日本式就吸引我地入去。 以木板裝修為主，日本擺設， 餐桌setting, 形做出日本風。櫻花蝦達人 $88濃郁的蝦湯味，蝦乾未完全發揮在湯中， 不會太咸，我向來不愛太太太濃味。 麵質也軟硬適中。 除了有基本的溏心蛋外， 大蝦外脆內軟，金黄色的外表而且長度有我的手般長！！ 還有蟹柳， 蟹柳吸收了湯的精華更鮮味。也有凡立貝, 唔韌亦唔腥。 海鮮味浸透每個味蕾。達人拉麵 $75湯底是濃厚豬骨湯， 也嘗到醬油味。 最讚的是豚肉， 脂肪比例剛好，不會成口油但又感受到入口即溶。雞軟骨餃子 $36價錢合理。 表皮脆脆，內裡暖暖的， 雞軟骨"咯咯"聲。 不過沒有juicy的效果。服務員很貼心，見我肚子突突更主動給我暖水tim ~…查看更多