喜惶點心專門店 (已改名) 查看

網上睇到呢間好多人讚，食落覺得同豪惶有得揮。今日仲系新春期間黎食，唔知系咪因為咁，無下午茶餐😭要講講服務，就算無乜人，都好似好吾耐煩，仲聽到佢地嫌人食少少但坐得耐，搞到我一食完都拿拿林走人。皮薄，包夠鬆軟，入面奶黃超流心，要就住咁食！佢出名牛肉，一入去都見大大個招牌寫住「牛肉世家」，果然牛肉好彈牙，好大粒，但就無乜陳皮味。腸粉又係皮夠薄，入面好多叉燒！好足料！春卷未食已經聞落好香三文魚味，小心太熱會辣口，都好食，但個人認為熱既沙律、三文魚同春卷唔太夾。

有時夜晚會突然間好想飲茶🫖不過夜麻麻邊有酒樓仲有點心食咁啱比我係旺角揾到間點心店仲主打食牛肉點心🐮所有點心即叫即蒸有啲款係岀面都未見過添啊😯——————————————————🍴乾蒸牛肉燒賣皇($32)牛肉燒賣真係唔係到到都有最多平時食叮叮點心先見到🤣難得仲要係新鮮牛肉整🤤當然要食下燒賣包到勁大粒😆啲牛肉多到要爆岀嚟咁勁熱辣辣♨️仲幾有肉汁添咬落唔會好實👍🏼值得一試——————————————————🍴陳皮山竹牛肉球($28)陳皮味都幾岀下牛肉球用筷子🥢好易就分開到👍🏼證明唔係勁實個啲加埋啲馬蹄一齊食 增加口感🤟🏼不過喼汁唔算好酸🤣可以叫姐姐加多啲——————————————————🍴晶瑩蝦餃($35)睇相都知佢有幾晶瑩😆食落都叫皮薄餡靚👍🏼一粒蝦餃入面都幾多蝦下🦐蝦餃真係飲茶必叫啊😉——————————————————🍴沙嗲牛肉包($28)蒸沙嗲牛肉包都係第一次聽😂平時去飲茶都係食叉燒包同奶皇包食落沙嗲味唔算勁濃 啲汁同牛肉都算多不過唔算好大驚喜貪得意試一次都無妨😝——————————————————🍴蒜蓉南瓜蒸排骨($24)唔好以為佢睇落咁白會無乜味😂食落蒜味超重 絕對夠味👍🏼底個到

📍 喜惶點心專門店 @ 旺角ღ 竹炭熔岩流心奶黃包 $26ღ 陳皮山竹牛肉球 $28ღ 蟹肉菜苗燒賣 $32ღ 晶瑩鮮蝦餃 $35ღ 蜜汁叉燒腸粉 $28ღ XO醬炆牛脷 $32好耐冇再去飲茶了😢呢間點心feel到係有心做嘅 即叫即整熱辣辣！奶黃包流心( ・∇・) 但內餡份量唔夠多 牛肉球牛味濃唔會腥！果然係牛肉世家其他點心都係中上水準(´∀｀)值得一提呢度豆瓣醬都好惹味 配蝦餃燒賣一流喔回頭指數😼3.5/5（想試佢嘅牛肉系列點心(*'▽'*)

晶瑩鮮蝦餃 皮唔厚 蝦又彈牙 真係鮮蝦 醬皇金錢肚 黎個好amazing 因為金錢肚超彈牙👍🏻 平時食嘅係無咁好咬口原隻鮮蝦滑腸粉 黎個我都覺得okay 因為真係好大粒蝦 係每舊都有 個皮我覺得厚薄都適中 蟹肉菜苗燒賣 我食完都無咩印象 應該係正常但唔特別陳皮山竹牛肉球 好大粒 同埋顏色比較粉紅 賣相幾好 不過喼汁唔夠酸 其實我係為左食喼汁皮蛋瘦肉粥 好少皮蛋 瘦肉佢係整到變肉碎 唔係搗拌機個種 係少少似肉絲個種 粥嘅口感有少少綿 都ok是日靚湯 節瓜章魚排骨湯 $10一大碗 我覺得都幾抵飲 同埋唔係一般個味精湯咁我覺得overall 係唔錯，賣相幾好，味道都好，staff 又充足有服務，價錢都好合理 如果大家係旺角又想飲茶可以去試真係比起集團式嘅茶樓好好多

我不認識店主，只因在油站派的雜誌，看到了一篇鱔稿，介紹店主上三輩都是開牛肉檔的。自己是第四代，有四位兄弟，在肉檔環境中長大，熟悉劏牛、起肉片筋及各個部位的最佳食法。文稿提到店主開設這間「喜惶」點心店原因，是家中年長的祖母喜愛飲茶，但每次往酒樓品茗，牛肉點心都大失所望，要不用了雪藏牛肉制作，要不就錯誤使用牛隻其他部位來打膠，味道未能如意。既然如此，何不用自己家族供應的牛肉，開設點心專門店，然後再外聘點心師傅從中偷師學習，研發心目中理想的牛肉點心。下午三時來到，店舖就在女人街內邊兩旁的街道。門口下午茶廣告醒目價格吸引，侍應阿姨熱情好客，在內已大聲招呼道「一個人埋嚟座啦。」「飲乜茶？鐵觀音、香片？」。接著，拿來過膠餐牌及紅粉筆，將選擇直接剔在餐牌上交回。【土魷肉餅飯】肉餅飯迅速上桌，阿姨提著小瓶不銹鋼豉油樽直接淋上。兩條飽滿光澤鮮亮的荷蘭豆用作修飾，感覺很別緻。肉餅具有層次感，豬肉並非直接攪碎免治，而是用人手剁成略粗的肉塊，令肉餅更有咬口彈性。土魷浸淋後去皮切絲，與豬肉碎拌勻後，放在半成型的蒸飯上再蒸十分鐘即成。肉餅味道新鮮，但土魷鹹鮮味道平淡。米粒堅挺，粒粒分明，豉油在肉餅上再連同肉香滲透

朋友推介話呢間好食，特登過嚟試！我特登揀下午茶時間嚟，冇咁多人！呢度係sell牛肉既料理，但我覺得其實除咗牛嘅點心之外其他都好好食！餐牌🔻🔻𓂀點心拼盤🥟下午茶時段嚟就可以嗌呢個有齊6款點心既點心拼盤，啱晒第一次嚟咩都想試吓嘅朋友！有兩款燒賣啦、小籠包、叉燒包、蝦餃同埋竹炭奶皇包。呢6款都好食，好抵，1個人叫1碟都得啊🥳！𓂀陳皮山竹牛肉球🍡呢度最出名就係自己手打嘅牛肉料理，一夾落去個牛肉球軟綿綿☁️☁️，一啲都唔似平時酒樓劣質既牛肉球，唔使落喼汁都已經夠香夠味！🥰𓂀海苔香煎蘿蔔糕🥕蘿蔔糕煎得好香，蘿蔔味好重，外脆內軟，加咗海苔食就更有層次感。不過一夾就散，唔知係咪因為唔想太粉就會咁🧐。𓂀竹炭熔岩流奶黃包🖤‼️第一次食黑色嘅奶皇包，一般嘅奶皇包都係好甜好漏，但係佢竟然可以整得咁清甜。見到個奶黃醬咁晶凝通透就想像到！竹炭其實即係用咗黑芝麻，個包食落會冇咁甜，同個蛋黃醬好夾。😋😋😋已經決定想食點心就會再嚟呢度！因為實在仲有太多野想試！

要搵黃店點心本來已經好少，係旺角就啱啱好有呢間喜曶點心專賣，星期六日周末多人晏就飲茶都要等3-4個字左右，見佢話出名點心專賣就試試佢。首先係牛肉球，夠熱，牛味都幾出（不過未去到好明顯分得出同其他有好大分別）燒賣又4粒，細粒啲，有啲蟹棒絲係上面，味道都ok。係細粒咗少少啦﹗蝦餃反而冇咁細粒，仲有4粒，都幾抵食，蝦仔幾爽口彈牙唔會太林，啲蝦唔會夾到爛晒或者濕濕立立咁，表現都幾好，抵食尖椒有五隻左右，細細隻，不過因為細隻所以尖椒都相當薄身，所以感覺冇咩肉食，兩樣野冇咁平衡。車仔混醬布拉腸粉超超超多醬勁正﹗﹗﹗同平時啲腸粉好唔同，麻醬、甜醬、豉油、芝麻樣樣都好足大愛﹗﹗甜品：紅棗糕，紅棗蓉都幾明顯，午市送甜品都真係唔錯。3個人食都係200唔算好貴，仲覺得幾抵，個人超推介腸粉哈哈哈~~~~

喜惶點心專門店老板係牛肉世家，三代攞牛肉，所以此鋪所有牛肉全部靚貨，但凡有牛肉嘅點心都係好食，有牛肉味。蔥花炸兩腸粉正正常常食開嘅味道，未見有乜野特別突出。無味精老火湯夠料老火湯，十蚊大大碗，是晚係木瓜雪耳煲肉排，唔鹹足料，有湯味，抵飲好飲，係衰在唔夠熱啫。紙包骨實在係太耐無食過，排骨與軟骨位，因為包住間油紙去炸，所以可以食到油炸嘅香脆但又唔係太油膩，但其實食味一般，食其回憶。金錢肚正常酒樓食味，無乜特別。陳皮山竹牛肉球依個好食，陳皮味同牛肉味好立體互相匹配，牛肉好明顯係靚貨，肉質嫩滑彈牙，有牛肉味，非常多汁，牛肉打得彈牙又結實，好食。乾蒸牛肉依個都好食嘅，但明顯與山竹肉球有嘅對比，有啲乾身，牛肉汁與山竹牛肉對比就明顯唔夠，但其實都係好食嘅。粟米煎牛餅食完蒸嘅就食煎，粟米嘅甜與牛肉嘅鮮都好匹配，雖然係煎，但係師傅控制得幾好，皮煎得幾乾身，但咬落還有肉汁，好食。密瓜炸鮮奶依個就好似食緊固體嘅陽光密瓜豆奶咁，係完全一樣味嘅，我原本就好鐘意密瓜豆奶嘅，所以覺得幾好食。整體而言，抵食又好食，好值得幫襯。

旺角曾經是我上班的地方，無論講玩講食，行街shopping都不會缺少的。今天抽空重臨舊地，順便去女人街尋寶，兼食好野。近年多了些點心專門店，可以在不同時間吃點心，喜惶點心專門店，在女人街內，紅色喜字招牌，好搶眼，唔難找。店鋪燈火通明，有個好精美 – 牛肉專家 - 牌匾，牛肉一定最好美味了。首先吃陳皮山竹牛肉球，果真專家，肉質嫩滑多汁，好香牛肉味，沒有那種用鹼水和梳打粉的怪異口味。再來點了太陽蛋牛肉飯，栗米煎牛餅，也是一樣甘好食，真的只吃牛肉已經很滿足了。翡翠海鮮菜苗餃，餃包得好紮實，不會水汪汪，是上品，鮮菜配鮮蝦，口感好夾。蜜汁叉燒腸粉，重點系腸粉好滑流，質感不似食粉團咁，其次系極多叉燒，老闆真好闊綽。竹炭熔岩奶皇包，超驚喜，同平時食那些不同，奶皇醬系好似熔岩甘，流出來，配竹炭包吃，勁滋味。芥末沙汁三文魚春卷，第一次甘食春卷，配料出奇地夾，質數有酒店級數。還有其他點心蒜香蒸排骨，名醬蒸鳳爪，水準一樣甘正。價錢好街坊價，點食都不過份，吃滿40元憑收據30天內來吃還有9折。