今日辣癮起，加上天氣涼咗啲，放工忍唔住搵埋同事食烤魚同埋串燒🐠落咗旺角諗住方便大家食完搭車返屋企，嚟到「我要烤魚串燒烤魚專門店」，估唔到誤打誤撞食到咁出色嘅烤魚👍🏻重慶麻辣烤清江魚 ⭐️⭐️⭐️⭐️⭐️烤魚會越食越辣，所以我只係嗌咗BB辣，問咗店員話清江魚會少骨啲，果然冇錯，成條魚基本上冇乜細骨，啖啖肉而且肉質滑溜，我覺得味道同國內好相似，索晒啲辣汁真係好惹味👍🏻烤魚附上幾款免費嘅配菜，有蓮藕、魔芋、芽菜、萵筍、土豆片等等，今次係第1次食烤魚有魔芋，原來同辣湯味道好夾，好好食😋陀地燒生蠔 ⭐️⭐️⭐️⭐️⭐️燒生蠔只係$12隻，勁抵食❣️生蠔燒得唔錯，仲keep到入面嘅水份，醬汁落得剛剛好，所以食落唔會剩係得死鹹嘅味道👍🏻蒜蓉菜脯元貝 ⭐️⭐️⭐️⭐️元貝燒得剛剛好唔會實晒，加埋蒜蓉味道濃郁，如果可以好似中式蒸扇貝咁，落啲粉絲墊底，一定會更加加分🤡陀地燒茄子 ⭐️⭐️⭐️⭐️⭐️原本無諗住嗌燒茄子，但係見到隔籬枱嗌又忍唔住了🍆燒茄子一如既往咁好食，簡單一人一啖就清晒，鍾意食茄子嘅一定唔可以錯過！串燒 (牛舌、羊肉串、西班牙叉燒、土豆片） ⭐️⭐️⭐️⭐️⭐️嗌咗少少串燒試吓，最有驚喜嘅係西班牙叉燒，從來冇喺燒烤店見過，嚟到嘅時候叉燒好有光澤😍其次就係牛舌，唔算厚切但係好腍好好咬，最後我哋仲encore咗一串🤣️桂花蜜四川冰粉 ⭐️⭐️⭐️⭐️食完啲濃味嘢再嚟碗清清地嘅甜品，冰粉上邊放咗花生、乾提子粒同埋山楂碎，所以味道酸酸地同埋幾開胃，加埋桂花蜜又甜甜地，味道好好😋…查看更多
📍萬州香辣烤清江魚$298 ～ BB辣的辣度剛好適合我， 魚皮烤得焦香酥脆，魚肉口感嫩滑，有豐富的油香味。配菜有萵筍、薯仔片、芽菜、椰菜花和藕片， 全部都很美味。 📍啫啫豬潤入烤魚$48 ～ 啫啫豬潤放在烤魚的面層， 唔會過熟，保持口感爽滑。 📍手切美國牛小排(半份) $68 ～ 有濃厚的牛肉味，肉質鮮嫩，與火鍋是絕配。 📍四川寬粉$20 ～ 寬粉吸入湯汁的味道， 惹味開胃。 📍陀地燒茄子$32 ～ 燒茄子蒜香味很重，肉厚鮮甜。 📍牛油蜜糖多士$20 ～ 口感香脆的多士，帶有濃濃的蜜糖和牛油香味。 📍巨峰可爾必思梳打$28 ～ 甜度適中，清爽美味。 📍咸檸七$24 ～ 酸甜帶點鹹味， 爽口清涼。 可以一次過食烤魚和串燒， 價錢亦合理，推介😊。 🏷️溫馨提示～ 整個用餐體驗均屬個人分享意見， 只作參考😊。 
