Pasticceria Giovanni Pina 1920 (如心廣場一期)

❀ Pasticceria Giovanni Pina 1920 #荃灣 ❀❗️百年經典意大利餐廳 甜品大師所開反而主菜仲出色❗️——————————————————之前喺K11 Musea行開已經見過呢一間香港新開嘅過江龍餐廳🔥標榜經典意大利餐廳，自1920年開業，由甜品大師Giovanni Pina開辦。門口擺滿多件經典意大利蛋糕同埋gelato，另外亦有多種意大利菜式選擇，標榜用料上乘，包括使用新鮮海鮮、意大利經典咖啡品牌等等。之後喺荃灣如心廣場再見到，環境裝修簡約時尚，影相打卡都唔錯，覺得幾吸引，決定一於一試。不過甜品可惜未如理想，覺得主菜反而仲出色😦。.✷𝑀𝑒𝓃𝓊✷☞ 西西里島海鮮沙律配經典意式油醋汁 $168 (4.1/5)就咁睇價錢覺得有少少貴，但見到實物之後覺得都唔錯，而家普通一個蔬菜沙律都要成$80，呢個起碼全部都係新鮮嘅海鮮，仲要分量好多，大大隻蝦、青口、魷魚，鮮甜美味☺️。配上特製嘅油醋汁，完全係健康減肥美味之選！.☞ 墨魚墨汁意大利飯 $168 (4.1/5)超大條嘅墨魚(應該係八爪魚(?)，係我好鍾意嘅口感，彈牙得來內裏有啲creamy，好高水準🔥！意大利飯口感al dente，粒粒被墨汁完全包圍，不過個汁就偏忌廉味重啲，墨汁味就相對冇咁強，如果鮮味啲就更好，但整體而言都好食😋。.☞ 鮮松露水牛芝士薄餅 $188 (3.5/5)店員推薦，但我自己覺得普通🙈。唔知係咪擺咗一陣先食所以芝士冇拉絲，但最主要問題係冇乜芝士香氣。松露味有醬嘅話係香嘅，但成塊食就唔係好夠。用上薄餅底，比較脆身，個人偏好煙韌嘅餅底多啲。.☞ 甜品當初其實就係為佢嘅甜品而來，話晒係獲獎無數甜品大師開嘅餐廳。佢哋嘅風格走傳統意大利甜品路線，賣相唔花巧，注重食材嘅本質。但我可能唔太識欣賞🤓。.♥ 蛋白檸檬撻 $52 (3.9/5)聽講曾經有報章雜誌專登採訪餐廳製作蛋白檸檬撻嘅方法，係餐廳嘅主打之一。用上意大利出產嘅檸檬🍋，酸味幾突出。出乎意料地內裏仲有莓醬，同檸檬味平衡得好好。不過蛋白就係偏棉花糖膠質少少嗰種，我個人唔太鍾意呢個口感。 .♥ 開心果櫻桃慕絲 $52 (3.3/5)作為開心果嘅粉絲見到呢個蛋糕非常興奮！本身慕絲係幾細滑，而且開心果味都突出(偏甜)。用上意大利Amarena Cherries，但敗筆在於居然浸滿杏仁霜嘅味道，恕我唔識欣賞🥲(個人好唔鍾意杏仁霜嗰浸假杏仁味，但如果你本身鍾意嘅呢個蛋糕應該幾啱你).♥ 意式薩赫蛋糕 $52 (3.6/5)薩赫蛋糕就係一切開會見到一層層layers🍫。呢個夾雜着朱古力ganache、朱古力蛋糕、杏甫醬。因為少許酸酸地嘅杏甫醬，所以整體味道唔會太甜。不過略嫌蛋糕本身偏乾，正常水準。.♥ 一打迷你果撻 $128 (3.8/5)百幾蚊有成打迷你果撻算係幾抵👌🏻。牛油撻皮香脆，味道各有不同。一部份係果撻，生果底下係自家製嘅吉士醬，唔係坊間咁用粉溝出嚟，更為厚實creamy。另外仲有朱古力、開心果等款式，$10一粒算係唔錯，買來開party幾好。.♥ Gelato作為意大利甜品餐廳，點可以唔試吓佢哋嘅gelato🍨。嗌咗個牛乳味，的確係幾香濃，不過同平時食開嘅牛乳味有啲分別，幾有趣🧐。口感都算煙韌，還好。另外佢哋仲有tiramisu、同埋較獨特吉士味，覺得經過嘅話都可以試吓佢哋嘅吉士味👌🏻。.☞ 飲品♥熱經典米蘭咖啡 $38 (4/5)用上經典米蘭咖啡品牌 Cafe Malani，味道偏nutty，還好☕️。♥ Berries Carnival $48 (3/5)莓嘅糖漿加上氣泡水，望落係幾靚嘅，不過飲咗酒啲藥水味，麻麻哋🍹。——————————————————✨整體味道: 3.6/5 ✨環境裝修: 3.9/5✨服務態度: 3.8/5✨性價比: 3.8/5✨再訪興趣: 3/5 .💞整體來講整體來講我覺得係普通西餐Cafe水準，主菜味道還好，尤其墨魚飯係幾好食，價錢唔算太貴。但反而主打嘅甜品就冇想像中咁出色，甚至同大型連鎖店差唔多水準，少許失望🙍。…查看更多

這次到荃灣買些東西，在這裏享用午餐，點了一個Pasta Set ($228)。南瓜蟹肉忌廉湯，南瓜味濃郁，混和忌廉喝更顯柔滑，當中少量蟹肉為綿滑的南瓜湯增添海鮮的爽口。香蒜大蝦扁意粉，香蒜配上爽口大蝦，加上彈牙的扁意粉和少量辣椒粒，份量適中，微辣。精選蛋糕聖安娜，是意大利的經典蛋糕，多層的海綿蛋糕配上忌廉的柔順，每層以橙酒塗抹，感覺輕盈，配一杯咖啡或朱古力便可成一個輕盈下午茶。熱奶茶，奶與茶分開，可按自己喜好加添，如温度高一點會更好。外賣一些糕點回家與家人享用。首選是開心果櫻桃慕絲($52)，用料上乘的開心果甜點在香港較少見，頂層鋪了開心果粒，開心果顏色的慕絲入口綿滑，份量大。除了開心果慕絲，還買了一個意式開心果吉士牛角包($20)，頂層有開心果脆粒，流心的開心果吉士從香脆的牛角包湧出來，入口是香濃的開心果奶味，用料及味道甚佳，性價比甚高。意式杏醬牛角包($20)，入口鬆脆，杏醬相比開心果吉士較甜，酸酸甜甜的果醬，搭配一杯凍飲更具夏日氣息。蛋白檸檬撻($52)，輕盈、濃密而香滑的蛋白被火槍略烤表面。撻內層有紅桑子和藍莓，酸甜清爽的配搭，平衡底部吉士醬和頂層蛋白。檸檬味酸度適中，而且會在口中散發出檸檬本身的香氣，檸檬、水果、吉士各自的味道十分均衡，令整件撻不論口感和味道都絕佳，成為最好吃的糕店，很值得再嚐。…查看更多

趁今日元宵佳節，老公帶我去食好野，呢間黎自意大利既西餐廳，由意大利烘焙大師Giovanni Pina親自主理。餐廳裝修格調高尚，座位唔算太多，門口已經有一個超長既蛋糕櫃，每日提供既蛋糕都唔同。魔鬼薄餅薄餅超大個，有成8件咁多，但勝在餅底夠薄，批邊亦夠脆，食得多亦唔會太滯，而且帶微辣口味，非常開胃，配料有辣既辣肉腸，芝士，羅勒，蕃茄醬。特濃朱古力朱古力味好香，亦好濃，唔會太甜。食完個薄餅已經好飽，但見到D蛋糕又心思思想食，所以就外賣買返屋企食。蘋果批肉桂味偏重，蘋果餡料夠多，皮雖然已經凍左，但都夠脆。開心果櫻桃慕絲好少見有開心果味既蛋糕，開心果味雖然清淡，但係都好夠味，慕絲蛋糕好滑。紅莓慕絲紅莓帶酸酸甜生，清新開胃。米蘭芝士蛋糕芝士蛋糕口感比較實，芝士味亦好濃。…查看更多