蛋仔記雞蛋仔

開心果醬好足料，偏固態似花生醬就無咁容易流到周圍都係，比較會漿住個口。但開心果粒好少，基本上好難食得出有，肉眼睇都唔多一粒粒。宣傳嗰張圖起碼條邊都沾上一堆開心果粒，但真係圖片只供參考，現實還現實。餅底即食都係偏軟唔熱辣辣唔脆口。整體嚟講都幾失望🤷🏼‍♀️…查看更多

去旺角行街發現新開咗一間雞蛋仔同埋格仔餅舖，難得嘅係格仔餅嘅新口味有分鹹同埋甜兩種。特別口味：開心果醬格仔餅 & 章魚燒雞蛋仔我哋分別叫咗一份雞蛋仔同埋一份格仔餅。開心果醬格仔餅 🧇 $40即叫即整，格仔餅嘅窩夫底好厚，入邊有好多開心果醬，非常滋味。我哋兩個女仔食得有啲多。飽肚感都比較足。伯爵茶朱古力雞蛋仔 $34雞蛋仔，發揮到正常嘅水準，伯爵茶都幾清新，茶香佢比朱古力味更加濃郁。鳳梨椰果 $29飲落去有啖啖的椰果，鳳梨汁唔會太甜好解渴。店舖有唔同嘅支付方法，都算比較方便。等咗一陣就有嘢食。…查看更多