曾三仙米綫 (花園街)

今晚嚟花墟行吓，又可以食我最鍾意食嘅曾三仙米線啦 。1)老壇酸菜腰花米線（微辣） $60+2粒蝦滑（$5粒）呢個算係BB辣Level ,佢碗米線係成個小窩咁上，夠新鮮滾熱辣，而且米線係比起平時連鎖店食嗰啲幼身。而且配菜有好多，包括有海帶絲、蕃茄絲，同埋酸菜，所以營養好均衡，一定可以吸收到足夠嘅纖維😆😆唔怕齋食餸太多肉少菜 。豬腰切到開晒花，雖然聞到有少少豬臊味，但係食嘅時候一啲臭味都冇，口感爽脆！蝦滑實在太好食啦，蝦滑真係起晒膠，又夠鮮，所以好彈牙！2）四仙米線 $54配料有鵪鶉蛋木耳鵪鶉蛋蟲草花午餐肉豬潤黃花魚竹笙蕃茄肉絲（超多配料）呢個係唔辣既，但湯底都不失鮮味，超多餸，所以好抵食！可以話係一款養生又營養嘅米線，因為鵪鶉蛋、蟲草花、豬膶、黃花都有唔同嘅營養，再配埋蕃茄絲、竹笙、木耳，提供埋纖維營養添！呢款個米線仲可以揀硬啲定係腍啲，亦都可以揀少米線，可因應唔同人嘅胃口作出選擇，非常好！小食：3）糍粑油條 $18真係特色嘢，原來得香港分店有咋，聽講話仲成日斷貨添，好在今晚有得食，上次食已經覺得好好食，有油炸鬼嘅鹹香，加煙靭糍粑嘅微甜，on top有好香嘅黑芝麻碎糖，超級好味！4）鍋巴土豆 $22呢個小食我好鍾意。因為佢出面嘅脆口感係炸到薄脆，而入邊個薯仔係一咬開就係即粉，好似薯蓉咁，有雙重口感，又切到細細嚿，食一舊半嚿都唔會覺得好有罪惡感，調味只需鹹香已經好足夠。5）三仙蒜泥牛肉 $34平時食蒜泥白肉就食得多，今次蒜泥牛肉都係第一次食，牛肉切到超級薄，可以話係差唔多薄到透光，再加上惹味嘅蒜泥同辣椒汁，都唔算好辣，夠惹味嘅一道冷盤小食。甜品：6）酒釀豆腐花（叫米線套餐加$9）呢個甜品有啲上海fusion嘅感覺，因為豆腐花上面有一層酒釀嘅米花淋咗喺上邊，味道可媲美上海嘅酒釀丸子，豆腐花亦都夠滑。發酵米花酒味夠濃，搭配甜甜地嘅豆腐花好特別，味道好創新！7）三仙冰粉涼蝦 $13（跟套餐優惠價）呢一度甜品係食四川重慶辣嘢嘅地方必定會有嘅甜品，係好解辣嘅 。呢個口感豐富在於加咗爆爆珠，同冰粉嘅溫柔口感形成強烈對比，再加啲提子乾，同埋蒟蒻粒，簡直係有四重口感，非常豐富，食完大滿足！飲品：8）冰糖山楂凍、小吊梨湯（叫米線套餐加$10一杯）飲品一啲都唔Hea，每一杯都有啲嘢咬下。好似冰糖山楂凍果杯，就飲飲下除咗味道酸酸甜甜之外，亦都有啲細細條嘅類似山楂條、蒟蒻條嘅煙靭嘢可以咬下。另一杯小吊梨湯，就有啲淡淡的甜，腸喉嘅甜，再加上一啲雪耳嘅爽脆口感，呢個養生滋潤，好飲。飲品雖然喺雪櫃攞出嚟，但唔會好凍 ，而且飲品係冇加冰嘅，夠原汁原味之餘亦都好啱晒養生嘅女士們。餐廳服務：有碗仔自取櫃，也有調味料自助區，可以按自己喜好隨意加多啲蔥、多啲芫荽、甜酸蘿蔔片、辣椒油、麻油、醋等等。樓面員工服務好殷勤，態度好好，亦都對客人好細心，例如會溫馨提示客人可以將一啲唔貴重嘅物品放喺後邊有個籃度暫存，食完先攞返，咁就唔使擔心啲座位喺繁忙時段唔夠位擺嘢 。…查看更多

假日同朋友去深水埗行街消遣，行行下被曾三仙米線既招牌吸引左，上網一search發覺原來係內地過江龍，係內地非常之hit，於是決定試下。入邊裝修有少少川渝風、重慶感，但播既音樂卻帶有現代風格：中普韓日都有，落單亦都好方便，掃QR code 便可，啱晒我呢d「I」人。店家仲將menu分門別類，方便顧客搵適合自己既米線。天氣炎熱，行到汗流浹背，嗌左一支冰糖山楂凍飲。山楂凍入口唔會甜，一股山楂味充斥住口腔，清津解渴、開胃消滯，方便一陣食指大動。藤椒鮮魚片米線：配料豐盛，有魚片、韭菜、木耳、海帶絲、番茄等等，仲驚自己唔夠，另外嗌多左千層肚，湯底酸酸辣辣，令人忍唔住一啖接一啖，好快就飲曬成碗湯。酸湯三仙米線：一端上嚟嗰下，已經聞到好濃烈既蕃茄味，熱氣騰騰，香氣飄逸。裝米線既碗唔係普通碗，而係用水瓢裝米線，同一般既米線舖唔同，感覺幾新鮮、特別。米線細膩柔韌，口感鮮嫩爽滑，配埋香醇濃郁、酸爽熱辣既蕃茄湯，一個字：正！鍋巴土豆外脆內軟，酸甜酸甜，好似係食緊韓式甜酸炸雞，朋友同自己都讚不絕口，一致好評。小酥肉酥脆嫩滑，可以沾上辣椒孜然粉，或者配埋落去個湯度，浸一浸又幾好食。炸蛋必嗌！！！索曬d湯汁，非常好食。…查看更多

呢間原來喺大陸好出名，係連鎖米線店黎，喺大陸已經有1000間分店，而香港就得太子呢間分店，所以超級鍾意食米線嘅我們就梗係要嚟試吓啦！1）四仙米線 $52米線口感同平時食開嗰啲係有啲分別嘅，呢度嘅係幼身啲同埋好彈牙，亦都好滑，好食！四仙米線可以講係雜錦米線，有好多唔同種嘅材料，有木耳、鵪鶉蛋、蟲草花、蕃茄、竹笙、豬膶同埋午餐肉等等……（不能盡錄）。簡直係拍得住韓式部隊鍋嘅大雜錦咁多料！湯底鮮甜少少辣，米線超索味，唔知揀食咩料嘅米線時，揀呢個就啱啦，夠多餸2）蕃茄蝦滑米線$54（加嫩肉絲$18）食唔到辣嘅朋友揀呢個米線就最啱啦！米線唔係一碗碗上而係一煲煲咁上，所以嗰個熱度呢可以保持住，米線就會好食啲啦。蝦滑好彈牙，而且唔係得一兩舊咁少，好多料，蕃茄湯米線係有蕃茄粒㗎，蕃茄湯味濃郁，加咗個嫩肉絲，啲肉絲又真係好嫩好滑喎！3）小食：鍋巴土豆 $20呢個前菜好爽口，口感又酥脆，係有啲淡淡嘅鹹香同辣味，屬開胃菜4）小食：什醬紹肉土豆泥 $28呢個小食配搭係我哋都從未試過嘅，口感好特別，好香，土豆泥係用新鮮薯仔磨成蓉整成，肉紹同埋豆泥要整得好食係好考功夫嘅，值得試！5）小食：糍粑油條 $16 （2件）呢個好推介，整得好好食，而且呢款糍粑用油炸鬼包住，而且面上灑上黑芝麻粉，帶出個香口脆咁，都係第一次食，煙煙韌韌，又唔油膩6）特飲：冰糖山楂凍 （套餐加$9 ）呢款特飲送米線簡直一流，又解渴解辣，又清爽，又酸酸甜甜，好開胃呢度好多款小食同埋煮食都係平時喺香港米線舖好難見到同食到，兩個人埋單都係$200有找，性價比超級高！而且仲有一個自助加料區，可以俾食客自己出去加啲芫荽蔥同醃醋蘿蔔、醬料等等，咁就唔使喺落單時叫廚房多蔥、少蔥、走蔥咁樣，好方便…查看更多