吉豚屋吉列豬扒專門店

今日好想食炸豬扒飯，去左旺角吉豚屋吉列豬扒専門店，好吸引超值滑蛋吉列豬扒飯套餐，包括野菜豚肉湯(大)及飲品，加吉列炸蝦1隻($5)，計埋加一都係($70)，好扺食，野菜豚肉湯，啖啖麵豉湯底配上豚肉白紅蘿蔔，豚肉脂肪同肉分明，湯好飲，滑蛋吉列豬扒飯，半生熟滑蛋包括吉列豬扒，豬扒肉唔會好老，肥瘦適中，好好食，吉列炸蝦，內脆外軟，好香口，加埋一杯柑桔檸檬特飲，就好滿足。…查看更多

午膳時間外出搵食，首嘗「吉豚屋吉列豬扒專門店」這間餐廳。既然餐廳是一間吉列豬扒專門店，沒有其他理由不試這兒的招牌菜。再者，全店只有一款「超值套餐」：滑蛋吉列豬扒飯，確實別無他選。這碗「滑蛋吉列豬扒飯」以帶甜的醬油調味。滑蛋滑感不強，製作稍嫌老火。主角吉列豬扒外皮雖然不太脆，但勝在夠薄且不油膩。豬扒質感都算鬆軟，整體來説評價正面。作為店中唯一的「超值套餐」，每客套餐俱送上一碗「野菜豚肉湯」及一杯餐飲。相比坊間常見的麵豉湯，這碗份量十足的「野菜豚肉湯」明顯更見誠意。野菜及豚肉湯料豐富，適量蘿蔔的投入令湯汁帶甜。餐飲除了一般汽水咖啡茶外，更有四款特飲選擇。餐廳的招牌「滑蛋吉列豬扒飯」評價正面，加上以「超值套餐」型式出現，更見吸引力。…查看更多

今日LUNCH出左去旺角食~老公做司機，我享受XD 我地去食日本野，我之前食過一次架啦，不過嗰次係九龍灣，SEARCH到原來旺角都有分店就帶老公去試下啦~ 我迫老公揀左個滑蛋吉烈豬扒飯(竹)，呢個份量應該夠老公食~(因為我自己上次試左好食，所以就叫老公食)，味道同份量都同上次一樣，有成6件豬扒，件件都好大件，要再讚既係真係粉少肉多，啖啖肉無骨，炸皮都係好香口，另一樣要讚就係D洋蔥，滑蛋豬扒飯一般都有少少汁送下飯既，D洋蔥吸收晒D汁，又煮得好林，好好味!我自己今次就食左鐵板吉烈豬扒定食(跟白飯+野菜豚肉湯)，豬扒同個豬扒飯都係一樣咁出色，可能因為我係鐵板，所以KEEP到豬扒既溫度，件件拎上黎都係熱熱的! 另外我就覺得個汁好濃味，又係撈埋洋蔥再撈飯十分正，可惜無乜汁，唔知可唔可以叫佢架呢?野菜豚肉湯第一次飲，平時通常都係飲麵豉湯，但係飲落其實都係麵豉味XD，不過料就真係多，見到有豚肉絲﹑蘿白﹑洋蔥等，全部都好林身，直頭唔使點咬添!不過大家都係豬扒飯，加多$10有個湯都值既!…查看更多

一早計劃今天的午餐要去吉豚屋﹗兩點鐘去到幸好不用等位，入到去立即衝到座位坐下及低著頭小休一會，只因剛才在女人街閒逛不夠半小時已經出現中暑徵兆了，非常可怕的酷熱天氣。待頭腦清醒一點後，便開始細閱餐牌。吉列款式分別有吉列豬﹑吉列雞及吉列蝦，吉列物可以以原味 / 咖哩 / 滑蛋出現 ，再跟白飯 / 烏冬或一丁，而我還是喜歡吃原汁原味的吉列。極度口渴下又會想起凍飲了，每個餐都可以用優惠價加換一杯飲品，我選了外面跟餐較為少有的菊花蜜$6。原先估這類菊花蜜的飲料應該是沖好一大樽然後雪凍，待有客ORDER才斟出來，但又怕我多想了，還是問一問店員。我："請問菊花蜜如果要凍飲係有冇冰架?"，店員："我地呢度所有凍飲一定要有冰!"(帶少少激動MODE)，我："哦...我只係問一問呢款野飲有冇冰姐..."，店員："凍飲一定要有冰，一係叫少冰﹗"，我："哦...咁要少冰丫"，店員："少冰都有3粒冰架﹗"，我"OK..."原來飲品都幾大杯，菊花蜜真的有白菊花呢~菊花味幾清香，只是甜了少少(自行加水溝淡好了)，飲落解渴兼潤喉，點都好過飲汽水。等多五分鐘我點的吉列豬柳定食$75就出現了，看到這盤食物真的要o咀﹗第一個反應是"豬柳竟然有三大件﹖唔係呀﹖"，本來以為$75有兩件豬柳都已經偷笑啦，點知會有三件，而且每件size都不少啊，差不多有我手掌那麼大塊﹗吉列外層相當脆口，而且毫不油膩，但麵包糠是較為尖尖尖的關係，咬的時候會有少少'吉'到口腔。當將豬柳被咬開時，入面的肉汁即時流出來，哇...燙...﹗原來肉汁是如此豐盛，肉汁也吃不到出有油份，豬柳肉肉質十分嫩口，不粗鞋，而肉味就不會好濃郁，但細心想想用這個價錢有這個質素都滿意的了吧。椰菜絲有清熱之用，這裡用的菜絲只是爽口，不夠清甜，不過多吃菜始終對身體好，很快就吃光光。在枱上放有豬扒醬汁﹑七味粉及芝麻醬，我試了豬扒醬，甜酸之餘更帶微微辣，啊，這味道都不錯哦﹗用來撈飯及撈椰菜也是好配搭。白飯煮得略為濕和軟，飯味也不香，但自問超愛吃飯所以又是吃到一粒飯都沒剩啊﹗這碗配料多到爆的野菜豚肉湯，有洋蔥﹑紅蘿蔔﹑薯仔﹑西芹﹑香蔥及豬肉片，豬肉湯帶有少少味噌味，不會太鹹，也飲到各種蔬菜煲帶出來的味道，加上湯底充滿薯仔蓉，非常好味呢。店子小小但已經有四﹑五位店員在用事，老闆肯請人絕對是好事，始終人手夠的話，店員的服務就會跟得好，極速送餐﹑收碟﹑連加水都是自動自覺的。這裡的定食是沒有免費加飯或加椰菜絲的玩意，但一個定食對於不是太肚餓的我來說就剛好了，當然，對於正常女生的食量就絕對有餘了啊。最後偷看隔離枱兩位年青男女都嚷著食物吃不完...反觀(不肚餓的)自己已經將所有食物都吃清光啊啊啊...XD…查看更多