更多
2023-03-11
92 瀏覽
放工帶屋企人去旺角食好野~去食燒肉就岩哂我地呢班食肉獸🤭 餐廳主打唔同部位既和牛燒肉,價錢夠大眾,人均幾百蚊就食到高質和牛,CP值極高🤩!餐廳裝潢行日系和風style,簡潔明亮🏮 環境乾淨企理,座位寬敞,唔會充滿油煙味~ 用餐環境幾舒服。燒肉款式主要以牛肉以主,亦有少量豚肉、雞肉﹑小食同丼飯選擇。今次3個人黎差唔多試哂所有牛肉款式~ 有幾款特別推薦大家要試🌟店員服務值得一讚👍🏻 上菜速度快,亦會主動收碟。另外佢地中途會留意到個烤網燒到黑左,主動幫忙換新網,十分貼心🥹🌟推介必點♢ 🌟🥪免治和牛多士 $88呢個獨家菜式不得了!多士炸到金黃色,免治漢堡扒好厚身,肉汁滿滿,又脆又腍既口感非常正!多士上仲加左黑松露點綴,食完心花怒放🌸♢ 🌟🔥和牛壽喜燒 $88店員即席炙燒和牛,視覺效果一流😍 大大片和牛好靚仔,紋路美觀,燒到5成熟岩岩好~ 將和牛輕輕點下帶有黑松露味道既壽喜燒汁,甜甜地好香口~ 非常出色!♢ 🌟🧂鹽蔥火炙和牛 $88另一道即席炙燒既菜式~ 今次店員將鹽蔥醬包入和牛,蔥味濃郁,面層仲有半生熟狀態,口感勁正!🥩牛肉♢ 薄切牛舌 $28 ‧ 爽滑清脆,油而不膩。有10片左右,好抵食!♢
餐廳裝潢行日系和風style,簡潔明亮🏮 環境乾淨企理,座位寬敞,唔會充滿油煙味~ 用餐環境幾舒服。燒肉款式主要以牛肉以主,亦有少量豚肉、雞肉﹑小食同丼飯選擇。今次3個人黎差唔多試哂所有牛肉款式~ 有幾款特別推薦大家要試🌟
店員服務值得一讚👍🏻 上菜速度快,亦會主動收碟。另外佢地中途會留意到個烤網燒到黑左,主動幫忙換新網,十分貼心🥹
🌟推介必點
♢ 🌟🥪免治和牛多士 $88
呢個獨家菜式不得了!多士炸到金黃色,免治漢堡扒好厚身,肉汁滿滿,又脆又腍既口感非常正!多士上仲加左黑松露點綴,食完心花怒放🌸
♢ 🌟🔥和牛壽喜燒 $88
店員即席炙燒和牛,視覺效果一流😍 大大片和牛好靚仔,紋路美觀,燒到5成熟岩岩好~ 將和牛輕輕點下帶有黑松露味道既壽喜燒汁,甜甜地好香口~ 非常出色!
♢ 🌟🧂鹽蔥火炙和牛 $88
另一道即席炙燒既菜式~ 今次店員將鹽蔥醬包入和牛,蔥味濃郁,面層仲有半生熟狀態,口感勁正!
🥩牛肉
♢ 薄切牛舌 $28 ‧ 爽滑清脆,油而不膩。有10片左右,好抵食!
♢ 厚切牛舌芯 $48 ‧ 厚切仲正~油脂較多,口感爽脆,充滿嚼勁。
♢ 手切封門柳 $48 ‧ 牛既橫膈膜肌肉,肉質鬆軟,牛味濃郁。
♢ 🌟果漬牛肋肉 $58 ‧ 用上醬油、水果、生姜等醃製,燒汁香甜入味。
♢ 汁燒和牛五花 $62 ‧ 油花分佈均勻,軟嫩滑口。
♢ 🌟和牛霜降赤身盛 $88 ‧ 淡粉色霜降赤身,紋路美觀,入口即溶!
♢ 🌟和牛沙巴當 $98 ‧ 牛肩里脊肉,油脂甘甜。
♢ 黑毛和牛小排 $78 ‧ 肩胛部位,肉質結實,帶有豐富油花。
♢ 和牛三角腩 $98 ‧ 牛肋骨周邊切出,油花清晰,入口軟嫩。
🐖豚肉/🐓雞肉
♢ 西班牙黑毛豬 $28 ‧ 肉質軟腍,肥瘦適中。
♢ 味噌五花 $28 ‧ 味噌濃郁突出,更加香口。
♢ 柚子雞肉 $28 ‧ 肉質嫩滑多汁,柚子香味道清新。
蔬菜
♢ 🥗松露牛油果沙律 $58 ‧ 相當大碗,半隻牛油果鋪面,加左松露﹑柚子汁調味,清新醒胃。
♢ 🥬野菜五盛合 $28 ‧ 有冬菇﹑蕃薯仔﹑南瓜﹑京蔥﹑菠蘿各兩件。
小食
♢ 🥟雞皮餃子 $48 ‧ 雞皮炸得好香脆,充滿油香。
♢ 🐠味淋魚干 $38 ‧ 經典佐酒小食,甘甜又煙韌,配上七味粉沙律醬更正!
♢ 🐓CP雞軟骨 $38 ‧ 酥脆可口,軟骨好有咀嚼感。
飲品
♢ 🍻Orion生啤 $28 ‧ 口感順滑,綿密多泡,大大杯好抵飲!
♢ 🍹百香果梳打 $28 ‧ 酸甜清爽,解膩一流。
♢ 🍑冷泡白桃烏龍茶 $12 ‧ 清新幽香,帶淡淡桃香味,有助消濟。
張貼