蝦棧

同朋友好夜先去附近食晚餐，佢地揀左間台式野，開得幾夜，就黎試下。10點左右入到黎，無客人，但台式餐廳出面有酒樓魚缸我都係第一次見，入到黎先知呢間野主打新鮮海鮮。我地無叫到海鮮，叫左啲台式啲既野食。不過打開menu, 見到個餐錢比普通台灣野貴少少，原本都有少少但食完係真係好食既，都值呢個價。第一次食醉雞卷，真係幾好食既，啲肉唔鞋，酒味好均勻，好清新。呢個豬耳係麻辣既，鍾意食辣既好岩。另外叫左個抄羽衣甘藍，朋友話好多人推介，我都係第一次聽好多人推介抄菜，但都點左黎試。自己本身好鍾意羽衣甘藍，不過食開生既。根據過去經驗，生食獨特既菜，熟左都係一個悲劇。但呢碟野應該只係用豉油..？黎炒，真係好好味😱 佢無生食個種味道，係另一款菜既感覺，好難形容，總之黎呢度一定要試。主食就叫左滷肉飯同拌麵。唔錯。為左個菜我會再返黎。…查看更多

早前終於試了位於太子的蝦棧，小店的座位不多，星期五晚上坐無虛席，建議預先訂位。櫥窗位置的魚缸養了很多蝦。醉雞卷($88)非常入味，充滿酒香，加了杞子點綴令賣相加分。招牌奶油蝦煲($188)用的是大頭蝦，新鮮彈牙，奶油香而不膩，不要錯過鮮甜的洋蔥。炒米粉炒得夠乾身。…查看更多

星期三係太子收咗工老公去撐枱腳，嚟到蝦棧門口，見到門口有魚缸養住好多新鮮嘅蝦，反正好耐冇食過台式嘢食，所以就入咗去啦。👆🏽掛住幾個紅色燈籠，配上白色為主調嘅裝修，簡潔得嚟係夜晚特別搶眼。👆🏽魚缸好乾淨，蝦又大隻，我被佢地吸引住😍前菜我地叫咗黑白卷及醉雞卷，主菜有魯肉飯同檸檬辣蝦煲，飲品有士多啤梨梳打及波蘿梳打。👆🏽花雕味濃郁、完全地滲透係嫩滑嘅雞肉，啖啖肉🤤👆🏽內裏釀有滿滿嘅墨魚肉，非常彈牙，腐皮炸得好脆，貼甜酸醬食好惹味。本人認為有墨汁同無墨汁嘅墨魚肉味道差不多。👆🏽魯肉入味但唔會過咸，肉碎份量多，唔會太多肥豬肉，啱哂唔想增肥嘅人食👍🏽流心蛋用魯水汁醃過，連蛋黃汁撈飯一流👍🏽👆🏽蝦勁大隻，有啲仲有爆多蝦子，肉質鮮甜爽口，加埋青檸檬酸及微辣，非常適合夏天食好開胃啊！👆🏽波蘿梳打(前)士多啤梨梳打(後)，果味重、微甜，夏天必喝👍🏽👆🏽餐廳係近太子深水埗交界，易揾得嚟又唔會成條街都係人👍🏽…查看更多

期待已久想試ge餐廳, 事先經openrice book o左位20:15兩位用餐準時入座, 店內並冇座滿情況但卻未能安排較入位置用餐, 店員只係話有檯會再轉檯, 心裡疑問店中間有張四人檯而並未有留座ge字句卻不能安排我o地兩位入座, 覺得呢點需要改善, 以免客人有不必要ge誤會, 加上天氣開始熱, 要客人係唔滿座之下坐最近門口ge檯未必有d令人有hard feeling呢晚總共叫o左五樣o野, 奶油蝦, 柚子汁冰菜,  醉雞卷,  一口炸豆腐同菠蘿雪芭奶油蝦 (HKD$188)- 蝦有蝦膏, 洋蔥吸盡奶油味,  唔係食蝦ge專家所以唔識評論肉質, 但係d蝦係幾大隻ge醉雞卷 (HKD$88) - 肉質偏硬 , 冇所想咁好食, 唯酒味唔夠重, "醉"ge味道唔夠出菠蘿雪芭 (HKD$68)- 清新味道, 頗甜, 份量唔多, 典型雪芭口感柚子菜冰菜 (HKD$98) - 出街比較少可以食到冰菜, 好食, 但頗貴一口炸豆腐 (HKD$58) - 香口, 豆腐彈牙, 如果係想食滑口呢隻豆腐未必係你心目中所想果種最後埋單總共$506.8, 已包加一服務費, 未知係我o地唔識欣賞? 定物價真係有需要咁貴? 整體而言以晚餐二人份計都頗貴, 未必有下一次再試, 食物唔係唔好食, 但未至於要用呢個價錢去享用…查看更多

聽聞太子有間食蝦煲嘅餐廳,今日和友人行完花墟，趁還早就同友人揾下間餐廳,餐廳原來就在花園街尾,去到6點鐘,剛剛開門。在門口已經見到幾個魚缸,養咗好多蝦。牆身用白色,感覺餐廳好光猛,乾淨。一路播著國語歌,好relax.原來這間是台灣餐廳，餐牌見到有多款台灣菜。枱面已經有個筒仔,方便客人食蝦後拋蝦殼。叫得蝦棧,這裏做的蝦煲有好多款式,唔單止有平時見到嘅奶油蝦煲,椒鹽蝦等。我和友人就揀了辣椒檸檬辣蝦煲 .平時少見,仲有滋補四神湯 ,醉雞卷,蒜蓉高麗菜 。魯肉飯 ,薄荷柚子梳打 和薄荷檸檬梳打落咗單後,就見店員在魚缸撈游水蝦,夠晒新鮮等了約10分鐘,第一味餸就嚟啦～檸檬辣蝦煲，我因怕辣,所以叫了小辣,鮮橙色的蝦配上青色嘅青檸,胃口大增。每隻蝦都標準大小,蝦頭唔少蝦膏,一啜落去,有青檸的鮮味,肉質彈牙,好鮮味,因我叫了少辣,所以我食得好滋味,加上檸檬，所以好開胃,不消一會,就食晒。另外和友人叫了個四神湯~原來係著名台灣小吃。四臣神湯是以淮山、芡實、蓮子、茯苓四味中藥，加入豬肚或豬小腸，煮成湯來食用。在台灣，為減少藥味、增進口感及成本考量，通常以薏仁來取代茯苓。餐廳都用了薏仁取代茯苓。雖然湯不是太多,但用料就好多,好多腸和豬肚。豬腸和豬肚都好淋，湯不會太大藥材味,反而有淮山,芡實等的清甜味。嚟台灣餐廳又點可以唔叫魯肉飯,魯肉飯大小適中,有半隻溏心滷蛋。肉碎混和白飯一起食,就算大大碗飯都無問題,肉碎不會太咸,味道剛好。和友人叫了醉雞卷做小食,雞卷加了杞子做點綴，買相靚晒。有8 件，每件都啖啖肉,皮好薄,沒有肥膏,好香嘅花鵰酒味,食完有啲醉嘅感覺,哈哈。食咗咁多肉,梗係要叫碟菜,高麗菜炒得好青綠,好爽口,蒜蓉不是太濃味,味道較清，同之前較濃味嘅雞券,蝦煲。清清地唔錯。最後和友人都叫了杯薄荷檸檬梳打和薄荷柚子梳打，好大杯,梳打加了薄荷葉,令到味道都好清新,又不會好甜…查看更多

打開OpenRice 搵下太子有咩好食啦，就搵到呢間蝦棧，係食台灣嘢，見到D人推介蝦煲，好吸引！所以就同男朋友去試下喇！因為男朋友唔食得辣，所以冇得食檸檬蝦煲，我地揀左個咸蛋蝦煲，醉雞卷，生燒花螺同炒冰菜，再叫左支台灣大啤，先來啤一啤，原來台灣啤酒D味係好清，好啱女仕飲，醉雞卷味道非常清新，酒味唔太濃，仲有小小甜味，口感唔錯，之後咸蛋蝦煲到喇！D蝦其實都算細隻，賣相其實唔太吸引，男朋友食落口後um左一聲, 之後就話不得了，D咸蛋溶哂喺隻蝦入面，特別係蝦頭，加埋D蝦膏，真係勁好味，生燒花螺只係普通咁燒，但又確實幾鮮味，冰菜係第一次食，原來都幾好食，幾爽口，雖然今餐係貴左D，但我覺得係值嘅，因D嘢太好味喇！題外話，侍應服務超好！…查看更多

我同男朋友又約咗係我哋嘅中間點見面 食餐飯 揀黎揀去就揀咗呢間台式蝦煲專門店 我地bk左6點鐘開餐一入門口就見到大大個嘅魚缸裝住好多好生猛既蝦我哋一坐低望下個嘅Menu就諗住揀個蝦煲聽老闆講 胡椒 奶油 檸檬辣蝦呢3款都係用正宗台式既做法 而避風塘蝦.鹹蛋黃蝦就係用比較港式既做法 迎合港人口味最後我地揀左個奶油蝦煲 ($188) 我地落完單之後 店員係直接去個魚缸度撈d蝦入廚房煮 真係估唔到八隻大頭蝦整齊地排列係煲裏面 香氣四溢 我地就即刻興奮地開動 一反轉隻蝦就見到滿滿既蝦子 我仲以為係小店特登釀上去 點知老闆話係蝦本身有架 季節性限定 隻蝦未剝殼 我地已經係咁吮 蝦頭又有滿滿既蝦膏 真係愈食愈興奮肉質鮮甜彈牙 係夾集左奶油.牛油.蒜蓉.洋蔥等各種配料既精華 仔細d睇清楚原來大頭蝦肚入面都藏左滿滿既蝦籽醉雞卷 ($88)未放入口已經聞到濃烈既酒香 用左花雕酒 杞子等材料 肉質就較為結實辣酒煮花螺 ($138)呢味菜又係用煲上 真係有成煲咁多 份量十足 花螺隻隻鮮甜 咬落又爽又脆 仲有少少既辣酒味 食落好過癮小店有提供竹簽 等我地可以好容易咁一粒一粒挑岀黎魯肉飯 ($58)我地兩個人分就岩岩好 汁唔多但係魯肉整到好香 撈飯食就岩岩好 仲跟埋隻溏心蛋 又甜又滑薄荷菠蘿梳打 ($38)我地食完行岀門口嘅時候 發現魚缸裏面嘅蝦都已經所剩無機喇…查看更多

舖名叫「蝦棧」就梗係專門食蝦。蝦煱係台灣都其實幾popular ，但係每次去台灣都有太多美食要排住去試，所以未有機會去到品嚐一下。今年趁預祝情人節，就打破傳統唔食西餐，揀下吃台菜！奶油蝦煱，熱辣辣又香噴噴地上枱，蝦肉鮮甜，奶油味重，好歡欣😋如果不是我近期太燥，我會試胡椒蝦，我估仲正🤔等我下次再光顧先至試。出乎意外地呢個滷水炸雛鴿先至係最精彩，好野味好Juicy 🤤我自己覺得個海花螺就極普通，的確有陣陣燒烤香味，但只算平平。不過我家男人話超正🙄正係邊方面就真係見仁見智😅醉雞卷，酒味過濃，而且肉質太實，差左少少。另外，我地點左冰菜，蔥抓餅和台式烤腸。全部味道都幾好。冰菜放左一種果實一齊煮，係酸酸地，不過幾夾，好開胃😊不過提下大家，佢地出菜速度比較慢，真係要俾啲耐性去等先至可以食完餐飯。…查看更多

人大左真係少左去旺角行街,近住過年想去睇下年花,行下行下就去左太子附近~見到呢間門口好特別就一於試下啦店面唔係好大但有大電視好多唔同既台灣decoration..本人就好喜歡啦佢地既特式係好多唔同味既蝦煲門口已經知,因為有好大個缸好多大頭蝦係入面架~我地點左奶油蝦黎到個時好香好香,有卡邦尼意粉個陣味洋蔥好入味我差唔多食哂叫左一碗鹵肉飯唔係好大碗但女士們一定夠飽! 係台灣STYLE唔係一般港式風格高質溏心蛋仲叫左個菜,味道正常啦,有D油但係好大碟最後介紹呢個醉雞卷! 本身我好偏愛無骨既肉所以見到已經開心哂,仲係啖啖肉同好有酒味既雞,舊舊都好大舊,見到好多枱都叫左呢個加埋上面個粒杞子一齊放入口PERFECT!野食黎得快~又新鮮又好食,但唔好睇少蝦煲個8隻蝦,真係幾飽架!…查看更多

我和男朋友都喜歡食海鮮，朋友介紹呢間蝦棧，專食蝦煲，話相當不錯，今日經過附近決定一試。蝦棧裝潢以白色為主，燈光明亮，牆上掛滿台灣地圖，菜式的油畫等，令饑腸轆轆的我們更肚餓。醉雞卷經過十幾分鐘的等待，店員首先我們奉上醉雞卷，十分有驚喜。醉雞一件件切片整齊排好，以藍色小花，綠葉和橙色杞子作伴碟，簡約中透露心思。醉雞卷酒味香濃，花雕酒完全滲透每件雞件，食落啖啖都是酒香，雞肉肉質意外的嫩滑，好像零脂肪，完全不覺肥膩，而且浸酒前已經去骨，食落十分方便，啖啖雞肉。胡椒蝦蝦棧招牌菜當然是蝦煲，點餐後，店員隨即從大魚缸挑選大頭蝦，蝦棧選用越南大頭蝦，每日從供應商新鮮取得，養在魚缸內，所以隻隻都十分生猛新鮮。等了大約二十分鐘，蝦煲終於上菜，大蝦顏色鮮橙，整齊地展開擺放著，上面擺了幾顆芫荽增加香氣和一朵紫色小花作裝飾，濃濃的胡椒味在空氣中彌漫，香氣撲鼻，令人食指大動，等待總算值得。夾起一隻細看，大蝦背部切開，蝦腸已清理乾淨，可見小店十分用心。整隻蝦外殻沾滿了店鋪調製的胡椒醬汁，十分惹味，卻一點也不會蓋過大頭蝦的鮮甜，蝦肉爽口彈牙，十分美味。生燒海花螺花螺屬中型大小，肉質較軟，感覺是烚熟了，沒有加調味料，只有花螺本身的清甜，配上甜醬吃，又是另一番風味。生燒海花螺清淡，相比起口味濃郁的招牌蝦煲，我當然更愛後者。一口炸豆腐一口炸豆腐四四方方，即叫即炸，上菜時還熱得燙咀，外面炸至金黃色，食落口感特別，豆腐似是平時吃的凍豆腐，比較結實有咬牙，又有點像吃魚蛋，相當有趣，亦是跟著甜醬一起上菜，沾著甜醬更好吃，稍稍減低熱氣。魯肉飯到台灣特色的食店，又怎能錯過魯肉飯呢？蝦棧的魯肉飯雖然不是吃過最好味，但一點也不遜色。平時吃魯肉飯只有肉碎，但蝦棧再加多半隻鹵蛋和黃瓜。鹵蛋溏心，鹵得入味，兩片小黃瓜酸甜開胃，生津解膩。米飯煙韌有嚼勁，魯肉肥瘦適中，和魯肉汁一起拌飯吃，十分滋味。薄荷檸檬梳打薄荷檸檬都十分清新，正好清洗一下濃味的口腔，再挑戰下一道菜。菠蘿雪葩飽飯一頓，看見旁邊客人點了菠蘿雪葩，原隻菠蘿十分吸晴，於是亦點了一客，菠蘿雪葩香甜清新，為這頓晚餐畫上完美句號。臨走先發現門外易拉架寫著八時半後八折！下次一定會約八時半後，抵食好多！menu…查看更多

自從搬離娘家後，跟妹子吃飯的機會都變得少了！難得今天晚上大家都有空，當然就要找她吃個晚飯看看這個頑皮姑娘最近如何了？ 妹子喜歡吃蝦吃貝類，我們就選了在我家附近的這間蝦棧，開業後都還沒有機會吃，今天就一起來試試他的味道！------------------------------◎ 醉雞卷 - $88這個醉雞卷弄得比較實在，肉感很厚，清清的酒味沒有很重，感覺挺清新！每件雞卷上都有顆杞子，賣相挺精美！------------------------------◎ 鹹蛋黃蝦 - $208這個絕對是今晚的主角，終極邪惡的鹹蛋黃跟爽口彈牙的鮮蝦混為一體！鹹蛋黃的油香確實是令人無法抗拒，蛋黃味道香口而且用乾煎的方法令味道也滲入了蝦殼的裡頭，蛋黃香很入味！大蝦的肉質鮮美，蝦頭的膏也相當豐富，啖啖蝦肉的彈牙滋味停留在口！------------------------------◎ 樹子冰菜 - $98冰菜是近年來香港人開始喜歡吃的菜款，但也不是處處都可以吃到。在餐單看到這款菜式也一定要試下這裡的質素吧！同時中和一下剛才的鹹蛋黃蝦帶來的罪惡感。 冰菜是特別的爽口，口感非常清新，而且烹調中加入蒜子令整體味道跟香味都大大提升，不錯！------------------------------◎ 鹽油浸北寄貝 - $128妹子一進店時就看中了這一個菜式，平時都是冷盤上菜的北寄貝，換換一烹調方法！一鍋六隻大大隻連殼的北寄貝，每隻份量都很足，肉質鮮嫰而且味道超級鮮甜，實在是驚喜無限！------------------------------◎ 薄荷柚子梳打 - $38有美食當然要來點特色飲品，妹子點的這個薄荷柚子梳打味道跟感覺都不錯，有柚子蜜的香也有薄荷的爽快感。------------------------------◎薄荷菠蘿梳打 - $38比起妹子的薄荷柚子梳打，我會覺得我這個薄荷菠蘿梳打更加吸引，因為菠蘿的微酸跟梳打的汽泡本來就是天生一對！從小就暗戀薄荷的我，對這杯飲品更情有獨鍾吧！------------------------------◎ 蕃薯雪糕  - $68今天晚飯甜品來一客甜蕃薯！不過咀刁的人總要找些特別的品嚐方法，把她弄成雪糕也不錯？原隻甜薯製作，蕃薯香味十足，變成甜薯蓉雪糕的冰凍口感特別有驚喜。最款算是近來吃的最有feel的甜品吧！------------------------------跟妹子談東談西地說了一個晚上，還好沒有什麼沮喪的事！希望她可以繼續做自己喜歡的事，快樂地過每一天，我這個當哥哥可以做的就是繼續帶你去找好東西吃吧！…查看更多

去台灣釣蝦是近幾年到台北必做的事，上年香港也有釣蝦場，想不到香港開了一家專吃大頭蝦的台灣精品菜，如果釣蝦驚一隻都釣唔到的話，黎呢到有經驗多年的師傅為你這店的重點是蝦鍋，這裡有10款有辣有唔辣，食唔辣的話，店員介紹奶油蝦，隨即店員從蝦缸裡取出大頭蝦，每鍋份量是300gms, 所以數量及size是每鍋不同，其後取出的大頭蝦在廚房清洗重點菜未煮好就先點一些前菜生燒海花螺，上檯時一陣聞到花螺的香氣，每一粒都算大粒，由於是生燒，所以花螺殼會好熱，花螺螺肉煙韌，保留原汁原味，只要用手一拉螺肉便走出來，沾上海鮮醬，令味道提升每檯檯面已放上小垃圾桶，把海鮮殼掉下去醉雞卷一客八件，多人享用沒有問題，圓碌碌一卷帶雞皮，酒味濃郁，酒味浸入雞肉內，而面層雞肉亦好爽，每一件雞卷之間有粒一杞子相隔樹子冰菜，冰菜不是太多地方有售，之前吃過的都是當沙律菜吃，但現在把冰菜炒熱吃，又是另一翻風味，冰菜依然好爽脆，充滿水份重點奶油蝦，當晚一鍋6隻大頭蝦，香噴噴，用了大量洋蔥煮成，呈半生熟口感，奶油蝦汁較為杰身，沾在蝦殼上，夾起後一口把多餘的奶油汁吸走將蝦頭及蝦身分開，可見蝦頭有滿滿的橙黃色蝦膏，更可以把整隻蝦肉可拉出，蝦肉肉質爽彈新鮮，再沾上鍋中的奶油，美味滿分最黎多來一碗魯肉飯，肉醉唔會太肥，唔油但食落口幾香，還有半隻半生熟雞蛋，份量幾大，兩個人share 都可以最後，當然點一份甜品，餐牌上的菠蘿雪葩賣完，店員便介紹餐牌上沒有的水蜜桃雪葩，完整一個水蜜桃，入口清甜，好似食緊日本蜜桃一樣，沒有介紹錯…查看更多

呢排忙住返工，終於有時間約下朋友。今次同朋友黎左呢間到食蝦。超吸引！我超中意食蝦😍呢到環境舒適，座位闊落，好有去左台灣嘅感覺。係門口會見到啲蝦係到游下游下，好新鮮。之後仲發現佢係現場即撈嫁！我地叫左啲小食，有黑椒牛仔骨、一口炸豆腐、醉雞卷。另外叫左兩杯薄荷菠蘿梳打。仲有一個避風塘蝦鍋。黑椒牛仔骨肥瘦適中，肉質嫩滑，一啲都唔嚡😍黑椒味香濃，調味適中，不鹹也不淡。小小辣，食得好滋味😍一口炸豆腐以為係滑豆腐，原來係蜂窩豆腐。好彈牙，炸得好香。炸粉完全唔厚。炸面有啲鹽，配埋啲gip汁，酸酸鹹鹹，好好味😛醉雞卷我覺得係超好味，但朋友覺得太重花雕酒味，麻麻地，可能因為佢唔太飲得酒。但我覺得真係好正。肉質一樣係好嫩滑，花雕酒味重，索晒入肉好入味。成碟菜好香好好味😍薄荷菠蘿梳打真係好好味呀！我地都勁中意飲菠蘿嘅野，呢杯甜甜地配埋梳打真係好解渴。再配埋蝦鍋食，超正。避風塘蝦鍋好香！啲炸蒜同其他炸料好香口。蝦好滑，好多膏，好大隻，好多肉😍完全係抵晒啦！呢間餐廳好乾淨，食物新鮮，價錢便宜，款式又多，好正呀😍完全係一試難忘，一定會再黎呀！！😎…查看更多

※本文以用餐當日的環境、服務和食物質素為準，口味亦因人而異，文章只作參考之用。-估唔到係眾多車房之中竟然藏身左這間餐廳「蝦棧」，就咁睇門面好似一間Cafe，但望真少少佢有設置魚缸架，缸內有好多隻生猛大頭蝦！原來餐廳係主打「台式蝦煲專門店」，仲有提供其他台灣菜式，岩晒小妹呢個台灣控。餐廳的環境不大，佈置卻舒適整潔，貼上部分菜式相片。清澈的魚缸內有圍數不少的生猛大頭蝦，即撈即煮，確保新鮮。餐牌除左主打多達十款口味既台式蝦鍋外，仲有不少台式食物，如麻辣臭豆腐、麻油雞、魯肉飯、台式腸等都有。糖心滷蛋 $15/隻滷蛋比想像中滷得入味，中間蛋黃夠晒糖心，好食！台式香腸 $88分別有墨魚汁腸同蒜香腸，味道都唔錯，咀嚼中會覺得很惹味，但就覺得定價有點高。醉雞卷 $88愈黎愈多餐廳都有推出小食「醉雞卷」，好唔好食取決酒味重唔重同肉質夠唔夠滑。平時唔太鍾意食有骨雞件，無骨醉雞卷啖啖肉就岩晒小妹。用上花雕酒、杞子等所製，未入口已聞到濃烈酒香，食落更甚，不過今次既肉質就較為實左少少。香煎墨魚黑白卷 $98用上腐皮包住黑白墨魚滑再拎去炸，炸過既腐皮好香脆，同中間彈牙既墨魚滑真係好夾，食唔到口，差唔多成碟比我食晒。麻辣臭豆腐 $78好驚喜呢度有臭豆腐食，一大碗入面有唔少件臭豆腐？枝竹同豬紅等；因為係台式臭豆腐，所以個種臭味唔會好強烈，但會食得出臭豆腐個種質感，有點似食緊麻辣臭臭鍋。可惜師傅可能今日調味重手左，食到後面略為偏鹹。鹹蛋黃蝦 （港式限定）$208其實睇到個魚虹咁多大頭蝦都知道主打食蝦，有成十款唔同味道選擇，見到有唔少人試左奶油蝦，所以小妹就決定來個近來大熱既「鹹蛋黃」蝦。用上燙手既鑄鐵鍋上枱，裡面分別有八隻大頭蝦被鹹蛋黃圍住。初時仲諗住去晒殼既話會唔會無晒鹹蛋黃味？事實上又唔會，食落仲係陣陣鹹蛋黃香，而且蝦肉很爽口彈牙，食得出係新鮮蝦！蝦頭入面仲有不能放過的蝦膏，好邪惡！…查看更多

從小到大都很喜歡吃蝦，但年紀壞大體質越差，漸漸對蝦敏感，每次吃也只能淺嚐，否則皮膚受罪。但既然弟弟難得蝦有興趣，可以讓我無後顧之憂地解一解蝦癮，便與他來這裡一試特式蝦煲!主打台灣特式的蝦煲，用上新鮮大蝦，一進店舖便可看到一大池缸養著活潑的蝦，已令人十分期待! 除了蝦煲，亦提供不少台式食物供選擇，小食，蔬菜，主食，甜品都有，絕不單調! 我亦點了數款小食試一試。先來的是小食拼盤，有雲耳，枝豆和滷蛋($58)。因自己較愛吃豆類，故想認真地試一試其味道。枝豆要試咬開外殼，豆的質地較實在和硬身，感覺用來送酒還不錯，但這樣吃原來不合自己口味。雲耳有麻油香，有辣勁，口感爽脆；滷蛋的蛋黃柔軟，味道不錯。再來是醉雞卷 ($88)，一上桌已傳來濃郁的酒香。果然，吃下去酒香豐富，雞肉味濃，肉被捲至口感扎實，味道是不錯，但我與弟弟還是偏愛滑嫰口感的醉雞，如喜愛實在口感的，這會是不錯的選擇!台式香腸($88)是弟弟至愛，怎會不叫呢? 最特別的是除了較常見的紅腸外，還有加上墨魚的香腸。兩者甜度十足，充滿油香，外脆內軟，而墨魚腸也很有驚喜，墨魚味突出，又不失台灣腸的風味，推介!然後是主打奶油蝦 ($188)，熱力和香氣十足的奶油蝦大煲，真的令人十分期待! 一鍋有八隻大蝦，平放於洋蔥奶油汁上。蝦肉完全吸收了奶油精華，入味非常，口感十分爽口彈牙；奶油汁加上洋蔥真的甜度十足，幼滑豐盈，以汁送飯一流! 連一向不算太愛吃蝦的弟弟亦大讚呢!最後亦點上一杯薄荷柚子梳打 ($38)解解渴，淡淡的柚子香，甜度剛好。可能當晚人手較為不足，想叫多一碗熱甜品似乎要等很久，最後亦取消了，下次有機會再試吧! 但整體來說味道質素確不錯!…查看更多